ليش هيج سالت واذا جاوبتها حتعرفني راسن شون اكولها وطلق خاف تعرفني احسن شي ماجاوبها بعد. تغديت وبقيت اتفرج عالمنضر بالبلكون العالم بدت تتوافد للسياحه ربيع واعياد نوروز ديتحضرون الها ولد ديعلك الزينه والاعلام مال كردستان بقيت اتصفن حقهم يحتفلون بهالطبيعه التخبل اليوم. 19بشهر الثالث الثلج بده يموع اكثر من قبل القمه الجبليه بقه بس شوي بيها ثلج شباب ثنين ديسلقون الجبل فرشو علم الاقليم عالجبل علكو بعدها صاحوو يهتفون من كملو ونزلو والبقيه جوه ينتضروهم يضحكون ضحكت لضحكتهم نزلت جوه العالم التمت ديشتغلون بالشوارع بدون وعي وكفت وياهم واحد ديعلك الزينه الضوايات والثاني مدينوش يريد يخليها من فوك لوحه المكروز ديصعد عالدرج اخذته من ايده وكمت اعلك تشكرني مبتسم صعدت عالدرج وبقه لازمه للدرج علكت ونطاني لفه واير لخ وهم بيها كلوبات لازم اعلمها اعلى رجعت صعدت كمل الدرج علكتها على طرف محجر بلكون اون شقه بالبنايه مالتي كال كلش زين ورجعنا عالطرف الثاني بله ماحس. كمت اسولف واضحك وياهم ارتاحيت الهم لبساطتهم علكت الطرف الثاني وربطنا بالشجر المقابيل بنايتنا شجره توت جبيره كلش وقديمه زيننا الشجره هم التفتت احجي وي الولد لكيت جيلان وي بنيه ثانيه تناوشني الكلوبات تبتسم ضحكتلها واخذتها من ايدها كمت ازين عبالك العيد عيدي مو عيدهم كال هاهي انزل عاشت ايدك نزلت نفضت ايدي تباوعلي تبتسم نفضت ايدي الولد ابو الزينه ابن صاحب المكروز رجال يطلع بالاربعين مد ايده صافحني متشكر ووجهه يضحك صافحته وخليت ايدي على صدري جيلان تباوعلي بفخر وابتسامه عبالك مدري شمسوي عامل من العمال ركض شغل الاضويه اشتغلت الزينه المنضر وحده يجيب البهجه صاحو فرحانين ابتسمت هزيت راسي كاللهم صاحب المكروز يله كلمن لعمله اشرتلي باي وطبت للمكروز بقيت افتر يم الجبل وي العالم اتفرج عن قرب اول مره اوصل لهالقرب وامشي لهالقنيات المي من ديجري من النبع الطالع من الجبل ناحت بالحجر بشكل يخبل سبحانك ربي ماالطفك. بقيت امشي لاحضت الناس تحجي اكو عين بالقمه جبيره تنزل شلال جبير يغذي سد دهوك بس هسه جامد لان البرود بالقمه كلش قويه بس هاي اللي بنص الجبل ديطلع منها ومسوي شلال رفيع بقيت مستغرب تمنيت اوصل للقمه بس كلما اصعد اكثر ديبرد الجو من غير ممنوع بس لاصحاب التسلق ولازم هويه شغله امان وهالسوالف نزلت عطشان وبعد اكو سواح ديجون اللبس والفيكات الكرديه طبيت للمكروز رحت للبراد اخذت بطل مي واخذت لبن لليل وقطع دجاج مقرمش
هلاو هه
هلاو جيلان التفتت وقبل لا التفت رديت السلام اعرفها من صوتها واكفه ورايه تبتسم اتذكر من جانت بعقره دائما خايفه وكئيبه خطيه هسه وجهه يضحك دائما ياخذتي الفضول عمها الان وين صار ويعجبني اساعده حتى لو بزياره للسجن بس اخاف من رده فعلها وتعاي شون حتصدك بيه
ااانت اهلك هنا
ها صفنت االا
ممم لعد بكركوك اساله اشوف حينجمعون باجر لو لا واكفه اساله باحراج
اي بكركوك صفنت باوعتلها بحيره ليش تسالين
مو باجر وعكبه عطله واعياد نوروز لعد مينجمعون
ممم لالا مينجمعود مشيت وياها بالممرات عامل صاحها بالكردي كالتله قريبي ابتسم هز راسه باوعتلها زين سويتي كتيله هيج
اي حتى مو كلسا يكولولي ليش تحاجي. جريت نفس الولد اجه ونطاني رقمه واني رفضت كتله ماعدي جهاز واهلي ميقبلون
اي كيفج اني بس حبيت احذرج
هه اني صديقتي تخابرني على خالي
اي جريت نفس وكفت التفتت عليه
شبيك
انتي اهلج حيجون
اهلي هنا رفعت كتفي مستغربه
مم ليش تتصل على خالج ليش امج وابوج وين شفتها صفنت دمعت عينها كالت
عدي شغل اترخص
بلعت. ريكي دتمشي صحتها جيلان
نعم التفتت اباوعله
باعي انتي باجر عدج عطله
جريت نفس لا بس 3ساعات الاسطه مالتنا كال اللي يريد يعطل براحته والميريد اجور اضافيه ينطوه فاني شعدي بالبيت وال3ساعات اكدر اشوف اهلي وارجع
مممم هزيت راسي وين تنجمعون
بزاويته غير عكدت حاجبي انت متاكد انك من كركوك
ها اي ليش
شو متعرف شي عبالك ههه
اي مو متطلع
ممم يرحون بزاويته مثل اغلب الاكراد بيوم النوروز
