سديته منه احس كلبي برد نمت مرتاح حضنت المخده تعلمت احضنها بعد وفاه ايناس بعدني لحد هاللحضه احتاجج ارجعي وماضم عليج شي وروحج الغاليه ارجعي ومااخلي بكلبي كلشي اكولج واسمع كلمتج بالتكولي غفيت وحسيت على دكه المنبه تلفتت ياسر ماكو شنو بدل وراح بدلت وطلعت لاكيت ضافر بالحديقه نادين تعد وتصف ام لسان تعاتبه البارحه مشتريتلي وهو مسوي نفسه متندم ومنصي راسه يكولها اسف خربني ضحك صاح اياد
ها ضافر جنت توني اطلع من بابهم
اوكف خل تكمل رزاله ست الحسن واطلع وياك نروح سوه
ههه ماشي
خلصتي بابا باوعتلها تخوصرت زعلت وطبت وركعت الباب قفلت الباب وراها اضحك طلعت باوعتله من شباك السياره لعد ياسر وين بالخير
ها مااعرف خاف طلع قبلنا
لااا ههه دمشي شكد على نيتك
غلست عرفت بايت بره هاي حياته وهو حر بيها طلع ضافر وصلنا للمعمل بقيت كاعد انتضر شغل رتبنا كم طلبيه للتسعه طب ياسر يغفي
ولك هاااا صباح العسل
اشششش شكد مزعج
ههههه وبك تالي وياك ولك تروح تتمرض
يمعود شتمرض اذا ابقى يمك اتمرض بابا اطلع عيش الدنيا
لا عيني ماريد
عمرك خساره ضافر وين همست خايف
دينتضرك بالمكتب تحضر
يبوووو حيطلع الليله من عيني
اكلها ههه طب للغرفه واشتغل المصايح مال الاخوه باوعت لابو الاستلام العمل --- استاذ رشيد بس احد يخابرك على شغل خابرني اني حطلع افتر شوي
ماشي استاذ اياد
طلعت اتمشى بيتهم قريب عالمعمل بس مو بقرب اللي تمشي بي لازم سياره اخذت تكسي ووكفت براس فرعهم اباوع على بيتهم كانت بابهم صغيره بيه حديقه صغيره بناء قديم ومرتب بس النضافه مخليته حلو شفت الرجال الجان وياها بالمستشفى والمره طلعو وره شوي طلعت مره ثانيه وسدت الباب زين رفعت راسها من فوك الباب صاحت لتفتحين الباب لاحد سمعت صوتها جاوبت اي خاله ابتسمت وحدها بالبيت شفتهم طلعو من الفرع بقيت كاعد عالرصيف الشارع فارغ ادخن وافكر شسوي بهاللحضه احس راسي فارغ من الافكار واني مااعرف شاريد غير تكون مرتاحه رجليه اخذتني لكبال بابهم اتلفت ماكو احد بالشارع حسيت روحي حرامي رفعت راسي شفت بابهم الداخليه الخشب يعني اذا فتحت الباب اشوفهها بقيت واكف ذبيت الجكاره طفيتها حكيت شعري حاير شداخربط مااعرف كلام فاروق براسي التحس بي اسوي مشكلتي مدااعرف بيش دااحس مو اني عبالك وجسمي ديسيرني وكفت ببابهم دكيت الجرص متردد سمعت دكته عكدت حاجبي بده جسمي يرجف زين اني شداسوي رجعت دكيته من جديد احساسي وداني من جننا جهال ندك الجرس اني وزياد وننهزم ودائما اني اللي انلكف لان صغير وطجه مابيه اركض سمعت طكه القفل مال باب الخشب فتحت عيني مدت راسها همست منو ربطتها مخربطه ضلت تعدل بشعرها وتضمه
حسيت احساس حلو كونها بخير ضلت تتلفت مرتبكه تباوعلي من بعيد او تباوع خيالي محور بوبو عينها يتحرك يريد يركز بحيره وخوف
حاولت اغير صوتي كلت اني كهرباء حاجيتها كردي
ردت تعال بعد ساعتين جتني الضحكه تكول للحرامي فوت براحتك اهلي بعد ساعتين ياه يجون شكد فطيره رديت اي سدت الباب الخشب وسمعت تقفيله يمكن ميت قفل انقفل مشيت من يمها رجعت للمعمل مشي بقيت امشي شوارع دهوك العريضه الهوا يخبل اول موصلت استاذ رشيد دكلي كتله بالباب طبيت جان امو طلبيات هواي صعدت السياره الحمل اني والبيبان والشبابيك رحنا لبيت نصبت سبع ابواب وتسعه شبابيت تلث طلاكات اباوع بله ماحس الوكت مشه بسرعه ليلت الدنيا رجعت للبيت ياسر نايم ديعوض اليله الفايته خطيه مخلي اكل عالميز ومغطي بصينيه كعدت اكل واتذكر السويته اليوم من الصبح لليل من شغله لشغله لحد هسه كملت اكل لملمت الهوسه لميت هدومي الوصخه خليتها بالغساله الاوتوماتك شغلتهاو تمددت اتذكر حيرتها هاي شون عاشت وره مراحت عينها اكيد صعبه حتى عالوياها والمداراه والتعب من غير احراجها خطيه بعدها صغيره. نمت جريت مخدتي ايناس رجعت بروحي حبيبتي بس ارجعيلي والله ماضم عليج شي بس رجعي وشتكوليلي اسوي والله ماعيدها بعد نوسه حبيبي ارنوبتي غمضت عيني حضنت المخده خليت راسي بيها بتعب غفيت وحسيت الصبح اباوع ياسر مو نايم مكتول وفاتح حلكه حالته حاله. بدلت وجيت كعدته مكعد عفته طبيعتي مالح اضوج طلعت للمعمل ببالي اليوم خميس مراجعتها للطبيب كملت شغلي للاربعه ونص غده ممتغدي ضربت شوربه كبه وطلعت للمستشفى وصلت اباوع شو المراجعين كومه وهي ماكو حسبت بالا14مراجع استغربت معقوله تاخرت اني وطلعت اي اكيد طلعت من المستشفى شفت سياره تكسي نزلت هي ومره وياها مشايف هالمره قبل. طبت وياها وكفت ورجعت مشيت وراهم على كيفي اسمعها تحجي وياها
جيلان شوكت عمليتج بعد شهر
بعد شهر خاله
زين روحي لبيت خالتج وسن اني مااكدر اداريج تدرين مفاصلي وهاي تعبانه
اياد- صفنت عليها اباوع على جيلان وجهها يكلب الوان منو هالمره اباوع عالمره تعوج بحلكها انقهرت ردت عليها جيلان
اي خاله
اخاف خالج يچلب بيج كوليله هناك ارتاح
اي نصيت راسي لو عدي ام فوك راسي متتعاجز مني كلتها بداخلي
اياد- كلبي انعصر كعدو عالكراسي واني وكفت كدامهم اباوع عليها تعصر باصابعها السره كمل طلعو مو كلهم على ابو العيون بقت وحدها هي ومرت خالها عالاكثرالطبيب عده عمليه تاخر. مرت خالها تباوعلي وتدير وجهه درت وجهي مو مال تشك بيه وكفت ببعد مترتين شفتها كامت كالتلها
اروح اجيب مي واجي نشف ريكي
براحتج
اياد- الكافتريا الطابق الرابع والمصعد محجوز للسديات مال عمليات تتاخر عليها يعني اباوع على عيونها حايره وتعصر باصابعها مشيت وكفت كدامها مرتجي عالحايط كتفت ايدي ردتها تشوف خيالي غيرت محور عينها باتجاهي ارتبكت لزمت السلسله صفنت مصدوم ليش لزمتها شنو حست اني منو بقيت واكف جريت نفس نزلت ايدها ونصت راسها بيدي بطل المي تحججت بي تقربت كامت تعدل بهدومها وتستر بروحها تتاكد خاف شي مبين من جسمها خليت البطل بيدها ورجعت لمكاني لزمته جامده متحركت صاحو
جيلان معصوم ردت بارتباك ننعم بالكردي وكفت چلب طرف تنورتها بحافه الكرسي ركضت بلا وعي جريت الطرف كامت تتنفس سريع تلوح بايدها للممرضه لزمت ساعدها ردت افهمها اني اوديج ابتعدت خايفه جرت ايدها جتي الممرضه جرتها باوعتلي مبتسمه طببتها وطلعت كالت
انت من اهلها
لا مجرد مراجع وحاله انسانيه
تخاف كلش هالبنيه
سكتت مرديت بعد بقيت انتضر رجعت خالتها مدري شتصير منها طبت للعياده شوي وطلعو تحجي وياها كلتلها قرب العمليه عشر ايام ردت خالتها وكالت لعد روحي بيت خالتج تحضري
اي اليوم اروح
اياد- هاي شون شغله هاي ناقصها قهر البنيه طلعو بالتكسي يله رجعت للبيت طبيت الشقه فارغه لزمت الموبايل اكلب بي انتبهت عالتاريخ باجر عيد ميلاد ريناد اختي رغم مو كلش متقرب منها بس بغربتي كمت اشتاقلها والله يدري شكد احبها شفت ماكو احد ربطت السماعات واتصلت بيها ردت مستغربه وملهوفه الوو
هلو ريناد
هلو اياد شونك خو مبيك شي
لا مبيه شي تنهدت شونج
الحمد لله زينه مشتاقتلك مداصدك خابرتني
لا صدكي هه ابويه وامي شونهم الولد
كلهم زينين
الحمد لله جريت نفس شونج وي الدوام
كلش زينه بقه كم امتحان اخلص
يا الله هالسنه تخلصين
اي واكعد بالبيت
اي هه سكتت تقريب ثواني وهي تضحك العوبه كل عام وانتي بخير
سكتت وبده صوت البچي
شكد تعوين
اياد تدري شكد مشتاقتلك مشتاقه تصيح عليه روحي اكوي قميصي
هه اي والله دااكوي اني شفتي بله
دتزين لو بعدها لحيتك
لا دازين
افتح كام خل اشوفك فدوه
ضحكت والله ايام كلتها بداخلي تلفتت عالغرفه وحدي خليت السماعات وفتحت كام
ها شونني لزمت لحيتي
الله تخبل دمعت عيوني واشوف اخويه ردت بي الحياه ووجهه رجع حيوي بس هدوءه يخوف
شبيج صفنتي وهاي شحالج صايره
شسوي خل اكمل امتحانات واسوي تغيير
شكو بيها جريت نفس هسه تردين شي منا ادزلج هديه
هديه ولك شوفتك كافيه
بله لواكه اختي واعرفج تكيفين عالهديه
ممسويها قبل يودي
يابه موزين داسويها تردين لو لا
لا خويه سلامتك بس دير بالك عروحك هاي هديتي
هه ماشي لعد ادزلج فلوس وانتي اشتري هديه
لا اياد ماريد
ششش اباوع وجهه تغير فتحت عينها
شبلاج
طفت الكام ريناد داريد اشوف امي وين رحتي
همست ياسر وراك
التفتت شفت ياسر صافن عيونه تلمع بلع ريك ساكت
ديله روحي باي سديته منها وذبيت السماعات اني صوجي جان مفروض ماالبس السماعات بقه ساكت واني هم ساكت بس كلبي صار نار شافها بله حجاب بس كل احواله تغيرت نزع ونام كلشي مكال مااعرف انقهر عليه ماادري اكيف منطيته مره لان مكسراته مبطلهن غطه راسه بفراشه ونام تمددت اني هم رجعت الافكار تفتر لحد ماغفيت كعدت الصبح ياسر مو بفراشه اباوع الساعه بعد وكت بدلت وطلعت للمعمل وصلت لكيته كاعد ديشتغل باوعلي ونصه راسه كمل تلفون ضربته على كتفه على كيف ليش مكعدتني
ها عفتك ترتاح
ممم وشعجب من صباح الله
همس منصي راسه مكدرت انام بدلت وجيت
بقيت صافن عليه غريب حبه الها يخربببط ومن يشوفها يتخربط كلمن وطريقه حبه بعد انغمست بالعمل للخمسه العصر يله خليت لكمه بحلكي فكرت اروح لبيتهم بس لا شون اشوفها ماريد اروح بعد تضل خايفه وتشك احد ديراقبها خطيه مو كافي البيها الاثنين عود امر للمستشفى واشوفها تمنيت اكون واحد من اهلها واداريها تمنين اكون خالها واعوف الشغل وادير بالي عليها خطيه الدنيا ملطشه بيها ---- مرت هالكم يوم بتعب كومه شغل عدي بحيث من الصبح للتسعه بليل ومن ارجع اذب روحي جنازه مااحس الا الفجريه وهم ارجع اداوم التهيت حبيت الشغل كلش لان منوع مو روتين اليوم جان عدي بيت تاسيس كل بيبانه وشبابيكه بسولاف واخيرا راح اشوفها للمنطقه بعد شهر ونص روعه المناضر نستني منو اني تخبل الجبال كانما زوليه خضره ومفروشه عليها وعلى غفله تلكالك نبع شاك الجبل وينزل منه مي يا الللله على هالمناضر كملت شغل لليل بيتوني. بكابينه مقبلو ارجع واني هم كيفت صحيت الفجر على صوت المي بقينا اني وسايق الكيه الحمل وولد عامل ويانا الفجر صوت الشلال اقرب للخيال فكيت البرده بقيت اباوع عالمي غضبان من ينزل احسه عصبي نفس عصبيه فاروق. هه تمنيت كل اهلي هنا يشوفون هالجمال هالصيف لازم اجيبهم مر الوكت بسع ورجعنا بعد ريوك ملكي ضيفونا بي رجعت للمعمل ضافر شافني كال روح للبيت ارتاح ماعدك شي اليوم صفنت عليه ابتسمت كتله بالاربعه اروح بيني وبين نفسي اروح عدل للمستشفى ياسر هالايام ملتهي بالشغل حتى مسالني عليها بعد واني مرتاح بهالشي حسيتها سري الصغير كملت شغل وطلعت راسن للمستشفى لكيت الكراسي مليانه كم واحد فارغ بس طبت هي وخالها كعدو كعدت بسراهم بعد متر خالها باوعلها كالها خالو هسه اجي ضلي كاعده
اي خالو
اياد- هذوله شبيهم يعوفوها ويرحون شفته سال الممرض كله بنك الدم بعدني هم كم شغله ماافهمها الا وره شوي دلاه الممرض وراح اباوع الكرسي اللي بصفها فارغ تجرات اكعد يمها خاف احد يكعد لان الكرسي الوحيد الفارغ خلت بي جنطتها كعدت بصعوبه شلت جنطتها فزت مدت ايدها تحركها تدور الجنطه نطيتها بيدها الجنطه ابتعدت حصرت روحها كد متكدر اباوع ايدها بييضه كلش اول مره اكون بهالقرب يمها مهتميت بالحشد اليمنا بقيت اباوع بوجهها من كد صفاءه احسها مو طبيعيه درت وجهي صارت ايناس بعيوني اني شداسوي داخونها حسيت راسي افتتر مدام هيج معجب بيها اني داخونها ماتت من وراك وتخونها بلحضه كرهت روحي وكفت اروح كالت
جيلان-انت نفسك ابو الكنينس مو
سكتت جامد بلعت ريك اباوع العالم تباوعلي لان وكفت لا اني الماشي ولا مخلي غيري يكعد بمكاني رجعت كعدت. جريت نفس حاولت اغير بصوتي كتلها بالكردي شون عرفتي
كالت ونفسك ابو المي
فتحت عيني
ونفسك كل مراجعه تجي هنا توكف اشرت عالحايط اللي ارتجي بي دائما
نصيت راسي شمدريج احاجيها كردي
كالت من عطرك اعرفك انت هم عدك مشكله بعينك تراجع
همست اي باوعت بعينها حايره تحرك بمحور عينها كالت
زين خوش طبيب تعرفه انت مسوي عمليه عده
مااعرف اني اول مره اراجع يمه فركت وجهي عرفت بيها خايفه رديت عليها توكلي على الله
يارب
بقت ساكته باوعت خالها من بعيد اجه وكفت كمت من يمها اباوع لزكه بيده متبرع دم اجه كعد يمها رجعت وكفت كبالها كالت لخالها
خالو
ها خالي
هاي انت
اي منو لعد
ها لاهيج
مذاعو اسمج
لاخالو بعد
اياد- كتفت ايدي. اخجل افرح لان حاجتني اخجل من روحها احس تسمعني لا اني ممعجب بيها مجرد اريد ارجع التعب التعبو ويايه غمضت عيني وفتحتها باوعتلها التفتت عليه تباوع ابتسمتلي كانما تكولي داشوفك حسيت بحراره بكلبي ضحكت ذاعو اسمها وفاتت وي خالها وره شوي طلعت التفتت لصفحتي مبتسمه وراحت وي خالها طلعت وراهم خالها يكولها يوم عشرين بالشهر وتخلصين يطمنها بحنان محاوطها بايده راحو بسياراتهم ورجعت للشقه ياسر ديبدل باوعلي ابتسم
تجي
وين
عرس صاحبي تتونس
اي اجي ضايج
ايييي اخيرا
بدلت وطلعت وياه ----
يتبع
