كملت شغل ونزلت للمكروز سوالف وي اساور وعمل لل8صعدت ومكيفه بروحي ماخذه ويايه فطر وخضره ناريه اسوي شوربه اخذت صمون كهربائي حتى احفره واخلي الشوربه بداخله عجبني سالفه الام بيت وعدي مطبخ يجنن اروح واجي محد يحاسبني ويكولي كافي تاكلين وهذا مدفعتي فلوسه وهذا مو مالتج لتلعبين بي واي مصيبه براسي توكع صعدت اباوع عالغراض مبتسمه حمست الفطر مثل قبل بالجبل وخليت بقيه المواد سويت الشوربه جنت طايره واني اشتغل لدرجه بعدني بهدوم الشغل عفت الشوربه عنار هاديه وطبيت ابدل واطلع اخلي الصمون يكسب زايد يله اخلي الشوربه بي هيج لازم حسب مقريت بالنت اليوم بالشغل بدلت وطلعت بسع خليت الصمون بالفرن ورجعت طبيت انزل شعري لان صار كارثه طبيعه شعري منفوش ملفلف وثخين كلش بي خصل شكارها مايل للبياض كانما شيب بس هي شكار وكوه يتسرح واذا مو ضفيره
اصير اخوف ويوصل لنص ضهري بالعرس من شسورته وصل لنهايه ضهري شكد حلو لو يبقه هيج سرح تعبني اسرح وعيني عالفرن اباوع ساعه 10سويت ضفيره هنديه تك ودابلش بالتك الثاني سمعت القفل مال شقه طك انفتح وكفت ابتسم طب اياد والتلفون حاصره بين كتفه واذنه يحجي بي
اي باجر ب5اني بموقع العمل تشكر ضافر هلاو سديته التفتت لكيتها دتضفر شعرها ومنكوش ضحكت عمدت حاجبي لج هاي شنو
اشن ها شعري ههه شسويله منفوش
عبالك باروكه بقيت اباوع مستغرب ذبيت السويج جريت نفس ريحتيش هاي
شوربه ركصت بحاجبي مبتسمه
وهاي شوكت حتكملين ضفر صدك جذب كل هذا شعرج
ادري بي يخزي راح اكصه
لا اشاقه
يمعود جننه ليفه دباوعه شلته وشمرته
باوعتلها راح تبجي هههه يابه يجوز فد يوم ماعدنا ليفه ناخذ شعرج نليف بي
طلعا شكد خبيث
تقربت منها يعني صدك هو هيج
والله شبيك هاي انت جاي عالنص لو تشوف من مفتوح النص الثاني بعد متفوت للشقه
ههههه خرب ببليسج باوعت لشعرها ابتسم وهي تضفره بقوه بي خصل بيض مطشره على شعرها تقربت ناسي روحي لزمت البيض باوعتلها هاي شنو صابغته
لا هاي هو هيج من الله
سبحان الله بلوعت متعجب على شهرها كملت ضفر وخلت القراصه خصله رفيعه بقت نزلت على وجهه ملفلفه --- هاي سبرنكه فلتت من الضفيره مهزومه من ايدج هههه
اي عوفها عدلتها ورحت للفرن ها تاكل
اي بس خل ابدل واجي
اوك صبيت الشوربه بالصمونه وخليت اللبن وكعدت انتضره طلع يسحب بسحاب تراكسوده البهاري باوعلي ودار وجههه
كعدت عالميز كدامها اباوع شنو وين الشوربه
ببطن الصمونه
زين شونه اكله شلت الصمونه كلها يعني اعض الصمونه كلها وتطلع الشوربه مو تنجب بقيت صافن دخت
لالا عزه هههههه باوع هي الصمونه بمكان الطاسه
ليش ماعدنا طاسات رفعت تك حاجب مستغرب فتحت الصمونه وبلشت اكل زين شون اكل اريد صمون
ههههه هذا بالجيس
يابه هاي الفيكات ليش بس ارد افهم زين بعدين هالصمونه وين حتروح
ناكلها
ها لعد دخل اكلها وي الشوربه شوي شوي لقسم منها
اي هو هيج
خوش بلشت اكل غمضت عيني الللله شكد طيبه صدك صدك مو مجامله
ههه بالعافيه بلشت اكل ياكل سريع واني ساعه امعمس كمل وكام للبلكون يكلب بالتلفون كملت شغل باوعتله مخلي السماعات متمدد عالكرسي الهزاز اروح يمه لو عيب اباوع ضلمه بالبلكون بس ضوه الثريه الناعم ممدد رجله عالمحجر اروح واذا شفت رفض منه ارجع قابل ابقى وحدي طلعت جان مغمض والسماعات باذنه حس بيه جيت كعد عدل وبقه رجله متمدده عالمحجر
هسه توكع شحاطتك على راس واحد ديمشي بالشارع هههه ويكون مسوي مصيبه ويكول جتني ضربه من الله
شكد جنت ضايج بس كعدت وحجايتين خربت ضحك باوعتلها حشاشه طاعتي بقيت اباوع بعينها الفرحانه ابد مشايفها بهيج فرحه تك السماعه بذني وصل للتسجيل الصوتي من دتكول ايناس احبك تذكر هالشي درت وجهي راسن عنها نار وصارت بصدري وين دخت بعينمن اياد حتى بموتها تخونها جريت نفس ردت ابقى وحدي وماريد اضوجها ياريت تفهم وتتركني خليت السماعتين وعدت التسجيل حجت كالت بتجر شوكت تطلع للشغل بقيت مغمض سويت نفسي مسمعت
جيلان- تقربت شلت تك واحد ردت احاجي باوعلي بنتره وغضب جره من ايدي ورجعه بقيت جامده رجع غمض عينه نصيت راسي عرفت يريد يبقه وحده تركته ورحت للغرفه تمددت اختنكت هالحركه السواها يعني لتتقربين اكثر عرفت حدودي منا وهيج مااتعداها صبح الصبح واني منايمه مكاني متغير بس اتكلب حسيت انفتح باب غرفته كمت من فراشي عيب اسويله ريوك خو ميطلع بله ريوك طلعت صار بوجهي شايل خاوليه ديفوت للحمام نصبت عيني
شكعدج باوعتها مستغرب
مكدرت انام مكاني متفير
ماشي تتعلمين فتت للحمام كالت تتريك التفتت عليها انتي جوعانه
اني لا بس عادي اتريك وياك
اني ممتعلم اكل من الصبح
همم اسويلك تاكل هناك
دخل اغسل وافكر بعدين
ماشي بقيت انتضر طلع من الحمام ينشف بشعره بالمنشفه وكف كدام المرايه مال هول ومشط باوعلي ابتسم اني ماخوذه بي ضهره وحركات ايده اهتمامه ياخذني لغير حلم بس هو مو يمي مجرد ديساعدني واخجل اكولها حتى لروحي واني لخدمته بس هاي الدنيا هيج كتبت عليه
شبيج صافنه
هيج ها تاكل
اي يله محتاجه شي من جوه وكفت اباوعلها
كالت لا كلشي عدي كمت سويت الجاي وخليت الطاوه شفته سد شباك الهول عالبلكون وطب كال
بارده تره
اي والله بردت شون تحب البيض
اي شي عدنا صمون
اي عدنا
احمي
اي كيفك مبين ماخذ لنص على شغل البيت خطيه سويت بيض وطماطا وهو بصفي يحمي بالصمون بالفرن خله الكواب مال الجاي عالميز وكعدت انتضر تكعد الميز بصف الطباخ بنص متر جابت الطاوه وخلتها مديت ايدي اكل صبت الجاي نزلت ضفيرتها جريتها مبتسم حتطب بالقوري
اي حتى الجاي يصير اندومي
ههههه. خرب ههههه غصيت بالاكل كمت اكح ضربت على ضهري
والله الا اكصه سويتني تصنيف
كمت اكح واضحك جابت كلاص مي شربت راحت الكحه جريت نفس والله صارلي شكد مغاص بالضحكه
دوم تضحك انشاء الله
تسلمين همست نصيت عالاكل تعاي كعدي عاذ حيخلص البيض
اي كعدت سويتلي لفه ودااكل يباوعلي يضحك وينصي عالاكل كمل ونفض ايده
الحمد لله عاشت ايدج يله روحي نامي اليوم العصر ارجع فد ب7
لعد وين تتغده عكدت حاجبي،
هو هناك اكلي شي يسد جوعي
زين شنو عاجبك بليل
اي شي كيفج
اوك هزيت راسي بقه يباوع بعيني مبتسم ديري بالج عروحج زين
اي ابتسمت نصيت راسي
وخلي التلفون يمج خاف ادك عليج
اوك
يله باااي
هلاو اياد طلع كال من وره الباب قفلي الباب ورايه
خوش قفلتها وراح طبيت لفراشي انام التلفون بصفي طفيت الضوه وغفيت واخيرا حسيت ب10 راسن بدلت ونزلت للعمل بقيت اشتغل للل4 مااعرف شسوي امل وهالشي يفرح ويخوف خاف اسوي شي وهو ميحبه صعدت سويت دجاجه مشويه وكمت انضف بالشقه شلت كل الكربت ونضفت الجواه جنت متشلهه اباوع عالساعه ب5ونص بعد وكته كمت تنضيف فتت عالحماما ت اجلف
#جيلان26
ريناد- مرت الايام ونسه وطبه وطلعه اجه موعد رجعتنه واياد انشغل بوفاه. ابو رشيد يومين يروح ويجي وياه و3ايام الفاتحه
ايلد- مشايفها من ذاك الاسبوع تركت اهليذوالتهيت وي رشيد خطيه ماعده احد وياه وياه اني وضافر وياسر وعفت اهلي بالشقه باجر يرجعون واني صار خمسايام غايب عنهم رجعت هلكان جانو دلملمون بغراضهمرطبيت فاروق كاعد هو وزياد يسوون حسابات وكفو
ها يابه الله يساعدك
هلاو شونكم
الجمد لله. مكانك خالي الولد الوصيته علينا فرنا دهوك وعقره وزاخو كلش. ارتاحينا ومناضر مرعبه اياد تجنن
بالعافيه عليكم لعد ريناد واني وين
راحو لبيت ضافر وي مرته وامه ديكملون تجهيز
طلابه بعد،والله مادري سوالف النسوان
ماشي تمددت عالقنفه غمضت عيني باوعت لزياد دتنزل للاسواق
اي يوميه
اي موجوده جيلان
لا والله ماشوفها باوعت لفاروق اكولك شوكت اخر مره شفناها من مالت هذا الحب مطيب اخذو من هذا
فاروق- حيل قبل 4ايام
اياد- وبعد مشفتوها
لا صفنت خاف عدها شي وكفت عدلت هدومي باوعت لفاروق اني حنزل اشوغ خالها بين لا
اي روح شوف السالفه وين وصلت
نزلت طبيت للاسواق ملكيتها سالت اساور صديقتها ا--- اكولج جيلاان وين كالت ممداومه صار 4ايام اجازه
ليش عكدت حاجبي مستغرب
مالها خلك مصخنه
ضليت صافن قلق شون يربي خاف يسويلها شي هالناقص وياذيها ومحاسه عروحها باوعت لاساور ماعرف شكول
اكولج هي وين هسه
بيت خالها
غمضت عيني مرتاح نوعا ما باوعتلها تكدرين تخابريها
اي على تلفون خالها
ماعدها تلفون
لا ماعدها
استغفر الله شكرا اساور ممنون منج
لاعادي
صعدت فوك ورجعت افكر بيها بالي يمها طبيت سبحت وطلعت نمت عالقنفه حسيت امي وريناد طبو يهمسون وراها صارت صنطه وحسيت وراها بالخمسه ديلملمون تقرب مني فاروق
ها يابه احنا حنروح
ها.طالعين جريت نفس توصلون بسلامه
الله يسلمك ماوصيك على روحك وعالبنيه خطيه يتيمه
هزيت راسي ماشي
اي شي تختاج تلفون موجود نهار واني يمك بعد اندليت غمزتله
هههه ماشي حضنته بوست زيد وابويه وامي وريناد وسلمت عالجناين وراحو رجعت فرغت الشقه امي تارسه الثلاجه دولمه وتمن بريلني وتبسي ومتسوكين حتى التايت والزيت طبيت لغرفتي انام مشتاق للجربايه نمت براحه حسيت ب11الضهر صوت ياسر يدك الباب مال غرفتي
تعال تعال
كوم يمعود
شكو
المندوب مال المدينه اجه خبصنا يريد شغل مستعجل
مو كناله باجر
مقبل يريده اليوم يبلش ناخذ القياسات
ماشي وكفت لبست وطلعت وياه رجعت لحياتي العمليه بالروحه والجيه عيني عالمكروز بلكن المحها رجعت ب8بليل راسن طبيت الاسواق يالت اساور كالت اي جتي بس راحت قبل ساعه
كتيلها سال عليج
اي كتلها كالت مخله رقمه
لااا خرب ديله باجر تجي
اي تجي
خوش ديله مع السلامه صعدت ياسر ورايه يراسل ومبتسم مبنج تاكل لك
ها
تاكل اكل اكل مجاوب مبتسم بالتلفون
يبووو دكيت عالميز ياسسسر
هاااااااا شبييك
تتزقنب سم بعينك
ماريد ماريد دعوفني
مو من ايدها البرياني لزمت الجدر رفع راسه ابتسم كال اي وياك
دكوم جيب لبن
اي امشي وعيني بالتلفون
وين الله وتوكع ببلوعه واخلص منك
هههه
صعد اللبن وكعدنا ناكل ياسر ميحجي ويايه بس يراسل ومبتسم ويهز برجله وياكل بقيت صافن عليه مو يمي شوي وانتبه عليه مدااكل وبس اباوعله مراضي
شكو--- والله صار بيه خوفه مننه خاف يكلب عليه
سلامتك اني هنا شنو بله مزهريه تره طكت روحي خرب بيج وبختي هم ادري شنو اربع وعشرين ساعه
سته وعشرين ساعه رفعت حاجبي انت مالك دخل اني مصدك مجذب هو باجر حيحودنيزالسغل لليل يله احاجيها
طبببك طوب كملت اكلي وكمت صليت وكعدت افتر بالشقه خاف احد من اهلي ناسين شي ملابس مخازي كدام ياسر ياسر سمعته نزل ويحجي بالتلفون توقعت مماخذ راحته بالحجي باوعت من البلكون شفته طب بالكراج وكعد بالسياره يحجي ههه والله هاي عيشه هذا حيتخبل بقه ساعتين وصعد سمعته طب لغرفته نام سمعت دكه تلفونه ديشحن بالهول الشحن صفر يله صعد نمت وحسيت الفجر نفس الحاله شغل لل7المغرب يله رجعنا ميت جوع عالحليب الصبح وي البسكت راسن طلعت الدولمه تحمى بينما اصلي ياسر ورايه تمدد عالقنفه يراسل هالايام احسه طاير بس مبتسم حتى من يكعد من النوم تجي رساله يبتسم من يشتغل يبتسم على غفله اتخيل متذكر كلمه حلوه . الله يحفضهم من كل سوء ويهديه صبينا واكلنا واني بالي يم جيلان مشفتها من صعدت نزلت للمكروز شفت اساور كالت توها طلعت تخبلت ليش دتطلع من وكت
مو خالها اجه عليها وطلعت ركض كالت رايحه
تحجي كردي وسريع واني مسطور بقيت صافن لازم اروح اشوف السالفه شنو بس اخجل اروح وحدي صعدت لياسر يابه كيت وكيت الفلم تجي كال كووم شجعني وفعلا بدلنا ونزلنا رحنا لبيت خالها على وصف اساور وكفت يم بابهم دكيتها باوعت لياسر اكل بشفتي طلع خالها كال منو بالكردي شافني ابتسم نصيت راسي كال شونك اياد شونك ياسر هله ياب تفضلو طبيتجنا وراه صاح سوي درب المهم طبينا لاهول المكان صغير كلش ومبين عليه متروك حتى الاثاث نايم عليه التراب وجوه القنفات الترابه نايمه تذكرت منوجانت بالكوخ. هلكدوته ومرتب ويلمع وهي عميه اكيد مرت خالها ممرتبه مثلها انفتح الموضوع كال كالت اخاي وكذا يابه السمعتو من مرت خالها لتهتمون اله حجي نسوان اني--- ارتاحيت من كلامه باوعت لياسر هزيت راسي
اياد- التومرون بي يصير
عرفان خال جيلان- يابه البنيه رادت تخم فضه تحب الفضه والموخر باللي يريحكم
اياد- باوعت لياسر باوعلي وخله ايده على ايدي كال شتومر بي البنيه
عرفان- والله هي مطلبت بس صراحه اني شوي عافيتي موزينه وهي ماعدها غيري اني ووسن اختي وتعرف وسن شون متكون مره اني اشوف لو الموخر يكون شي عقاري ضمان الها ولو عيب عليه هالكلام بس هذا شرطي وبعد انتو بكيفكم
اياد- يعني شون شي عقاري كاع مثلا
اي شي عقاري سند الها يصير لا سامح الله هاي دنيا
امممم مفهوم استاذ عرفان شوف اني اللي عدي كاع 100متر ببغداد مستعد الها باسمها بمنطقه اسمها التاجي مااعرف سامه بيها لا
والله اني لا رايح بغداد ولا طابلها بس الناس مبينه تره من وجوهها
اي تقريبا تطلع قيمتها 35مليون وبعد تصعد وي العقارات اذا صعدت
اي هاهي يعني بحساب موخرها 35
اي بالضبط
ماشي يابه احنا سالنا عليك بمكان عملك التركته والدتك الله يحفضها كالو ولد روحه جيه لعمله ماعده زايده ناقصه
رحمله والديك عمي
بس ردت منك شغله
جر نفس بحسره رفعت عيني باوعتله
عمي حتى نكون على بيينه ولازم تعرف كلشي حتى باجر متعييرها اولا اني بنت اختي ولو اعرف على ركبتي مااتركها اذا احتاجتني لتتوقع ماالها ضهر
بقيت ساكت اباوع بعينه دمعت نصه راسه كمل كلام
وشغله ثانيه ردت اكولك انه والدها كان مطلوب للعداله وانعدم تره وعاشت سنتين بعقره بمنطقه اسمها جبل جيلان وكانت عميه ووالدتها متوفيه بعد ولا تها بفتره
بقيت ساكت انتضر يكمل كلام شبكت اصابعي
كل الردت اوصله من هالكلام انه البنيه تعبانه جدا رغم صغر عمرها فيا ابن الناس اذا انت ناوي تاذيها فاتركها لابن خالتها يريد يتزوجها الثانيه على مرته واكدر اقنعها واخليها تقبل رغم رفضها اله واذا انت تخاف الله وناوي تحميها وتعوضها العاشته من حرمان حنان واهل فاني مستعد اخلي ايدي بيدك واكولك من هسه موافق
اياد- باوعت بعينه عمي اني جنت متزوج قبل وزوجتي توفت ولكيت بجيلان الهدوء المحتاجه بحياتي وانشاء الله ماقصر وياها.
انشاء الله انتراستقرارك هنا حيكون
اي هالخمس سنين باوعت لياسر عدي عقد بقه منه 3 سنين وكسور وي اخو ياسر بس بعدها ناوي ارجع لبغداد اسوي مشروع وبعد الله يوفق
مشروع ايش
والله عمي اني موضف كنت اروح اراجع اذا رجعوني للوضيفه كان بها مرجعوني اني افتح محل اصباغ مال بيوت لان هاي هوايتي الصبغ والترميم
كلش حلو اني هيج تطمنت وراح اخذ كلمتك راس مال
اتطمن عمي تربينا عالصدق. والامانه ليضل بالك عليها ابتسمت ارتجيت
كال يابه لعد نقره الفاتحه و نشرب شربت على نيه التوفيق
ابتسمت نصيت راسي ياسر خله ايده على فخذي مبتسم
جيلان يابه وينج
نعم خالي
تعاي يابه قدمي الشربت
اياد- رفعت راسي وره من سمعت صوتها شوي وطبت بشال اسود نصيت راسي قدمت الشربت الي ولياسر رفعت عيني من تقربت باوعتلها متباوع بعيني مااعرف خجلانه ماادري عبالك ضايجه بقيت اباوعلها انتبهت بحنكها مثل الجرح وملزوك ببلاستر بلعت ريك كزكزت على سنوني صافن منو ماذيها صرت اعصاب كملت وطلعت باوعت لخالها اريد يكولي الصار مكدرت اساله محجه شي تخبلت وكف ياسر كال يابه نترخص باوعتله انداريت على خالها شوكت تومر العقد اني اهلي رجعو لبغداد
عرفان- يابه انت شوكت يعجبك
اياد- الخميس زين
عرفان- مو شوي نفسيتها تعبانه صديقتها توفت وكلش متاذايه لو شوي ترتاح بينما تكمل الفاتحه لان بعيد بيت صديقتها بالجبل
اياد- صفنت بس لا هاي العجوز الجانت وبياها بالجبل خطيه بقيت ساكت انتضر ينطي وكت زين عمي الاحد اخذها نعقد سيد ومحكمه والخميس الزفه تكون
عرفان- والله يابه احنا ناس بسيطين اي هاهي شكو منها
اياد- هزيت راسي وبالي يمها طلعت من البيت اعصابي تلف منا وفته صديقتها ومنا الضربه اللي بحنكها رجعت للشقه اتصل ضافر كال نروح للمدينه اليوم بليل ونرجع باجر بالليل لازم نخلص اربع شقق تم تسليم مفاتيحها باجر يجون اهلها اني كيفت وياسر كام يدردم طلعنا راسن وبلشنا شغل ب3بليل تعبنا ونمنا احس جسمي هلكان تعب بس ملتهي ومدافكر ورجعنا كعدنا بالثمانيه الصبح كملت شغل لل3الضهر رجعنا المدينه بقت كم شقه وتكمل مشت الايام جيلان مدتداوم بالمكروز للسبت حاجيت اساور اخذت رقم خالها واتصلت كال يابه عالاتفاق باجر ب9الصبح خابرت ضافر قبل كال 3ساعات عدك راح ياسر وحده للشغل واني كبل رحت لبيتهم بسيار تي دكيت الباب طلع خالها وخالتها وجيلان بعدها بالاسود ووجهه تعبان سلم خالها وخالتها هم صعدنا وضل يدليني عالمكان مال سيد لحد موصلنا كان مكان بيت السيد بسيط جدا. وببيته يعقد عقدنا وكملنا كالتهاهمس نعم انت وكيلي وخنكتها العبره اسمع خالتها تكولها كافي خاله من يمي انعصرت روحي صعبه من ماعدج وكيل غير رب العالمين الله يقدرني ومااقصر وياها خطيه طلعنا من السيد وداني للمحكمه الضاهر عده معارف تمت السالفه بسع وصلنا للقاضي باوعتلها يم القاضي منصيه راسها كاللها القاضي باوعي لزوجج باوعتلي دمعت عينها ورددت الكلام الكاله اما اني جنت بعيد عنها رغم سحر عينها التلمع بس الكلام الكررته شك كلبي تذكرت فرحتي وي ايناس من دااكوله كلته وتم العقد طشت خالتها جكليت اختنكت وهي مبتسمت باوعت بعيني اشرت لخالتها كافي ---رجعتهم للبيت وتوجهت لشغلي تمنيت تباوعلي ولو بالمرايه اعرف شبيها منو غاثها بس جانت بغير عالم----- من بيتهم توجهت كملت شغل ورجعت للشقه ياسر جان ديحمي بالاكل ويحجي بالتلفون تعلمه ريناد فديو مخلي الفون عالكاونتر بصف الطباخ تقربت لمحتني ابتسمت هزيت راسي هو محس عليه وراه تقربت يم اذنه شعدك وي اختي لك همست فز ودفعني فشر عليه وخله ايده على حلكه باوع على ريناد يضحك ويباوعلي
من طاح حضك ههه
فززتني ابن الحلال
من كد ماماخذ عالمكسرات صارت بيك خوفه
روالله عمي انت تخوف الجبل هذا البصفنا
ههه دتسوون مذهب الحلو لو كل اليخطب مثلكم جان انلاصت عالعالم
انت شلك دخل تخوصرت يله تعال اكل
شاكل صوت ريناد وشغل ايدك الا شوي وتخلي التلفون بالطاوه
اي بس والله مبين صار طيب اكلب بالطاوه وارد عليه
تقربت باوعت عالجدر مااعرف شوربه مركه باوعت لريناد ممكن تذكريلي اسم الاكله
ههههه مخلمه بس صار بيها مي هواي
ايع وخر عمي وخر خل اطلع اكل امي شفته شال الطاوه يباوعلها ويباوعلي
اليوم اله اكلها على عنادك
اكل بس اذا تخربطت ماوديك مستشفى بليل اطلع الاكل من الثلاجه واحجي ريناد شونها امي
زينه الحمد لله تكول شسويت
عقدنا والاحد اجيبها
بيها الخير حبيبي
ياسر- اي اني احضر سياره الزفه والزفافه باوعتله اضحك
اياد- باوعتله بطرف عيني روحي ننه خل ناكل
ريناد- اوك باي
اياد- انت ليش دائما تحاول تفهمني انه زواجي منها حيكون طبيعي. هيج شايفني تقربت منه واحاجي مكتف ايدي
ياسر- يابه مكلنا شي انت تريد تساعدها بس خطيه كزام عشيرتها متريد ترفع راسها بسياره وزفه تفرح بيها والباقي بينكم انت وياها
اياد- ذبيت الخبز من ايدي وكعدت عالميز اني كتلها قبل سبوع بالسياره سنتين ثلاثه يصير عدها سند ومكان تعيش بي وشغل وننفصل وارجع لبغداد جريت نفس
ياسر- الله يسهل هسه الاحد اني لازم اطلع منا
اياد- بعد انت وضميرك والله
انت ليش على اعصابك شبيك خزرته بغضب كعدت وعفته بدينا ناكل الوضع بيننا مشحون واحد فاهم الثاني بس هو رافض الفكره وديصير عصبي لان روحه بدت تريدها ومقابل عروحه كملت الاكل وطلعت بالسياره احاجي حبيبه كلبي اعوض ساعات العمل
الو
ها عيني نزلت
اي جريت نفس اخوج محتاج دكتور نفسي
والله كلت لفاروق يكول عوفي هو يعالج روحه
مااعرف والله اي واني هم محتاج دكتور ابتسمت تعبان
سمله شبيك
اريد مرتي
ههه اصبر كلها شهر
شيجيب الصبر ريناد
سكتت اخجل ارد
ريناد
همم
شحسيتي من حسيتي بنبض ركبتي
مااعرف
اني حسيت بالدم من يمشي بجسمي تنهدت رجيت راسي تدرين شكد احبج
اي ادري
زين وانتي تحبيني
سكتت
دكوليها
بقيت ساكته
دتسوين
كاعده
دااتخيلج كاعده فتحي فديو
فتحت ابتسمت لميت شعري وكعدت عدل
شو كومي اوكفي اشوفج
وكفت ورجعت كعدت
شوكت احضنج كلتها وتندمت تسرعت هواي غمضت عيني عضيت شفتي مبتسم بندم
بقيت ساكته درت وجهي وسديت الكام
يله حصعد انام باجر من الخمسه شغل اخابرج بالوحده قبل الغده شوي ووراها اكمل لل7يمكن ونتخابر
ماشي راح انتضر
تداومين باجر
اي تماضر باجر عدها مندوب مال كلبسات
اي اي كللتلي جريت نفس احبج
اوك تصبح على خير
هلو كلبي سديته وابوس بالجهاز صعدت شفته نايم وململم الشقه نمت بمكاني ----
اياد- هالايام مشت بسرعه شغلي هو الممشيها ومن ارجع اطب للمكروز ماالكاها يمكن بعدها بعقره فكرت اروح وياها لهناك بس خفت ليشوفني ابو المحراث اخوها لصديقتها نسيت حتى اسماءهم كلت خليني اني ارتب اموري وهي ترتاح اجه السبت رجعت من الشغل ياسر جان مو ويايه بنفس الشغله تفاجات لكيته بالشقه
ها ولك راجع من وكت
اي جريت نفس مبتسم باجر طالع لاربيل سبوع ابقه ودالملم غراضي من الشقه حتى تاخذ راحتك
ترجع لبيتك
اي ابتسمت راح اشتاقلك
هياتها شقتي شوكت متريد تعال ويجوز اني يوميه اجيك
الله كريم هزيت راسي باوعت بعينه باجر عليها
اي كلتها بتعب مشيت اصابعي براسي خابرت خالها كال جاهزه وعساس اليوم ديسوولها حفله بسيطه
هممم خوش خطيه تفرح
اي جريت نفس منصيراسي باوعتله. ورجعت نصيت هسه انت شوكت تطلع باجر
شوكت انت تجيبها
فد ب10الصبح
زين هو اني وره الغده اطلع
زين
ضافر يجي
لا هطيه كال ادز رشيد وعماد اخو وابن رشيد هم وكلي اخذلك يومين اجازه
ماشي لزمت كتفه ليش مهموم
شايل هم كعدت عالقنفه اباوع لياسر شايل جيس بيده مال غراضه ذب الجيس وكعد كدامي شبيك اياد
خاف ااذيها بهالزواج شو كل ماجاها دتصعب غمضت عيني التفتت عالجبل
دكول ي االلله واذا مفاد تنفصلون محاوله الكم ثنينكم تستفادون منها
اني منستفاد بس ارد الجميل لالان
خليها للايام
الله يسهل جريت نفس
هزيت راسي اباوعله رجعت وكفت اخذت الغراض يله في امان الله
الله وياك سديت الباب وراه كعدت بالبلكون سويت خيار ولبن مالي شهيه حتى للاكل اباوع عالجبل مخنوك وتالي. خاف اوكع روحي بمصيبه اكبر طلعت التفون والسماعات ربطتها خليتها باذني جريت نفس واسمعها احاجيها بله ماحس
ايناس حاجيني بس هالمره ردي عليه اني داسوي هالشي علمودها بس لو علمودي هم بس هلمره ردي انتي تعرفيني كلش زين اني شنو بس تدرين اني بوكت من الاوكات دنت نفسي على نور فكرت بيها كمره وراها رحتي من ايدي لان مشبعت وصرت طماع تتوقعين الداحسه نفس الشي اكذب على نفسي اكول حتى اساعدها بس اني مجرد خيال انه اقترب منها اتخبل واكره روحي اني مواعدج ماكيس غيرج بعد شيكولون خلي يكولون جربت نفس بس هالمره ردي عليه بس هالمره غمت عيني اتوسل بصوتها ايناس ردي عليه اخر مره ماكو رد كمل التسجيل ذبيته من اذني بملل وتعب فركت وجهي وطبيت انام صبح الصبح لبست خابر ياسر كال حضرت السياره والزفه اباوع بالمرايه لحيتي طويله لبست قاط بله رباط لان مخنوك مثل الرايح لزفه صديقه كانما الديصير مو الي بعدني عبالك دااحلم وبعده احساس اللي يخالجني هذا كله مو اني اني منو طلعت من البيت رحت لبيتهم جانت امو يم باب بيتهم سيارتين دكيت لياسر كال وصلنا وفعلا طب للفرع نزل من سياره العرس اللي مزينها ورشيد وراها بسياره الزفه يدكون وراسي احس حيطك اريد اصرخ بسسس كافي طلعه خالها سكتتني فتح الباب على كبرها مبتسم تفضلو
طبينا اني والولد ياسر جايب نسرين وياه اباوع لابسه بدله بيضه بسيطه مرتبه ولابيه التخم الفضه الدزيته بيد نسرين وي الجهاز قبل اربعه ايام منصيه راسها ومنزلين البركع ملبسيها مثل الشي احمر على راسها استغربت طبيت سلمت جانت وضيفتي مو عريس لا ابد مجرد سوبر مان اطلعها من وضعها وبسسس هالتشبيه ريحني احس كل الداير مدايرها يكرهوها من عيونهم وكفت يمها خالتها كالت ارفع البركع يمه وكفت رفعته جانت صنطه بس صوت المزايق بره والتهامس بفلس ونص نسبرين واساور يمها واكفين يعدلون ببدلتها وهي منصيه رفعت البركع كالولي يابه بوسها من راسها باوعت لنسرين. بتعب جريت نفس دارت وجهه لخالتها كالت تره يخجل
كالت يله. يابه خلي يطلعون وكفت كدامي تتوسل وتبجي دير بالك عليها التفتت على جيلان اباوعلها منصبه رجعت باوعت لخالتها بستها من راسها ليضل بالج اخليها بعيني طلعت بس ملزمتها من ايدها هسه شيصير لو يجيبوها همه للشقه رجونخلث منهالمضاهر عثرت ببدلتها لزمت ساعدي تتكا علي لزمتها وطلعتها من بيتهم صعدت السياره مال عرس ابتجن رشيد اخذ سيارتي يرجعها للكراج وياسر يسوق سياره الزفه باوعلي من المرايه وجلان متغطيه بالبركع خلو جنطتها بالسياره اخيرا خلصت المهمه طلع ياسر باوعلي هسه للشقه
هزيت راسي اباوع من الشباك اي لعد وين وصلنا وره شوي عافونا الزفافه رشبد راح ونسرين ليكدام يم ياسر كالت صوره متاخذون باوعلي ياسر بالمرايه خايف
لالا
كيفكم
ياسر- اني تلفوني صورته حلو هسه انطياج وطبي للشقه طكيلهم
ماشي
اياد- سكتت مناقشت الوضع بداخلي بده ياذيني بدت روحي تلوب من الخنكه فتحت دكمه قميصي نزعت الستره التفتت باوعتلي ممبين منها شي رجعت درت وجهي عالشباك وصلنا الشقه نزلت ونزلت وحدها اشرلي ياسر يابه ساعدها نزلتها لزمتها من ايدها العالم تباوع صعدنا للشقه نسرين ورايه بالجنطه مالتها تسحب طبيت ضلت واكفه بالباب طبيت كدامهاذبيت سترتي طبت نسرين كالت يله جيلان فاتت ساكته
نسرين- اطكلكم صوره واروح
اياد- جريت نفس تقربت من جيلان رفعت البركع والقماش الاحمر طلع وجهه الكحله بعينها والحمره الورديه النازكه جانت طالعه مثل الجنه بلعت ريك جنت متخوصر وكفت عدل شنو انتي للاسف بس شكلج حلو واخلاقج حضج موحلو احجي وي روحي نسرين باوعتلي
انت اميد امك داعيتلك
نصيت راسي كالت تعال اوكف خل اصوركم وكفت بصفها اخاف اطخها هالصوره من طكيتها وي ارنوبه جننا طايرين وخرباني ضحك التفتت عليها باوعتلي بطرف عينها عيونها الزراك ويدالكحل ونزله الكدله الشكره على عينها خله جسمي يترك روحي المتقيده بايناس خله عيوني تنبهر بجمال عيونها. ورسمه شفافها ورفعه حاجبها صفاء وجهه البدله كانت نص ردن تذكرت بدله ايناس كلشي يذكرني بيها ابتعدت وصوت نسرين فززني يله هاي احلى لقطه عفويه وعيونكم تخبل شو جيلان باعيني
طكت كم صوره لجيلان بحركات تعلمها عليها اني ادخن صافن عليهم كالت يله هاهي اخذو راحتكم جريت نفس نزلت وسدت الباب وراها ساد الصمت بيننا بقت واكفه خجلانه
احمم اخذي راحتج جيلان البيت بيتج التفتت باوعتلي وهزت راسها اي جرت جنطتها باوعتلي بحيره عالغرفتيتجن
اشرت على غرفه ياسر هاي الغرفه الج. طبت وسدت الباب سمعت قفلتها وكفت طبيت لغرفتي نزعت هدومي ولبست مال بيت طلعت تمددت بالهول بملل اليوم استراحه الي شغلت التلفزيون اتفرج اي شي طلع فلم بقيته سمعت طكه القفل باوعت عالباب طلعت بس بقت واكفه تخجل
همست يابه اخذي راحتج ليش مقيده نفسج كانما اني مموجود طلعت بدشداشه مرتبه حلوه عليها ابتسمت ودرت وجهي تذكرت بعقره من بقيت عدهم شعرها ضافرته هنديه ولامته كبه من وره اباوع وادير وجهي وكفت بنص الهول مثل التريد تحجي بقت تقريب الدقايق واني ماباوعلها اخر شي التفتت شبيج باوعت بعينها تجيني الضحكه من اباوعلهاكالت
هسه اني شسوي
ههه كيفج جوعانه رفعت حاجبي
لا هزيت راسي مستغربه الوضع
تذكرت شكه حنكها تعاي صدك سويت التفزيون صامت تعاي كعدي خل احاجيج
نعم كعدت عالقنفه الكدامه
شنو بيش متعوره بعد باقي من اثر الكحل بعينها ولون على شفافها مزيدها حسن --- اشرت على حنكي هنا جان مشكوك
نصيت راسي تعورت
لتكذبين كوليها وخلصي
تعاركت وي مرت عمي كتلتها وكتلتني كلتها براحه رفعت حاجبي مبتسمه
هههه صدك
والله خليت رجل على رجل باوع على قدمي نزلتها رجلي راسن
اخذي راحتج بكعدتج ومشيتج لتتقدين بيه
هزيت راسي اي
منو ماتت كال خالج صديقتج
اي هناك بالجبل دمعت عيني خطيه شكد ساعدتني
الله يرحمها
الله يرحمها جريت نفس باوعتله انت جوعان
لا
اني هم قبل شوي تريكت زين تريد شي
جاي اكو بس حمي
اوك ابتسمت سويت الجاي كليا التفت عليه اشوف ديباوعلي يضحك عليه ويدليني عالغراض
شعرها لونه اشكر مااعرف صابغته وعبالك بي شيب خصل بس مو كلش ابيض خجلت اسالها واخجلها صبت وقدمتلي والها هم صبت شربنا ونباوع عالتلفزيون لااني البالي يمه ولا هي كالت
شوكت اكدر انزل اداوم
كيفج جريت نفس بس مو شفتين
لالا شفت واحد واصعد من وكت
تجيني ايام اسافر بيها اطول سبوعين بهيج حاله شون
مو مشكله اخلي اساور تبات هنا ويايه
ها صفنت عليها ماادري هسه الله كريم وكفت كالت عدك عدوم وصخه
لالا كلهن غاسلهن
كوي
مااكوي اني ههه شغلي مو مال كوي
لا حتى لو لازم واحد يترتب
لا ماريد عقجت عيوني ودرت وجهي عالتلفزيون رجعت كعدت بين عليها الملل وكفت طلعت بالبلكون تذكرت الجهاز مال ياسر القديم اللي ا. نطانيا من جان ماعدي جهاز خليت بي سيم كرت وطلعت للبلكون باعي جريت نفس هاي تلفون خلي جوه ايدج اخاف تحتاجين شي هاي اخابرج عليه
اوك
ارقام غريبه لتردين
اوك
بي نت اذا تردين تتصفحين
اي شكرا ابتسمت بفرح تدري احلى شي شنو
شنو باوعتلها وجريت الكرسي كعدت كدامها
الراتب مراح انطي لمرت خالي هههههه
اي ضمي كله ولتصرفين اجمعي تفيدج بالمستقبل
اول شي اسوي اشتري بيت صغير
اي واني اساعدج اذا حجو كدامي لكيت بيت اكولج
تره الكاع مالتك مااخذها صح وقعت تنازل بس ارجعها الك احنا ثنينا نعرف مو. زواج عادي هذا
ماشي عود الله كريم بقيت اباوع بعينها تباوع عالجبل براحه---- مرتاحه
رفعت حاجبي متتصور شكد والله هناك كاعده وعلى اعصابي كلسا اكول حيسوولي مصيبه مراح اقصر وياك بالبيت حتى ارد فضلك
لتكولين هيج يجي يوم تعرفين منو صاحب الفضل على منو ارتجيت باوعتلي مستغربه دك تلفوني طلعته من جيبي امي
الو ها عيني الحمد لله اي اي ماشي الله وياج بقت تباوع عليه وتدير وجهه
جريت نفس امي سلمت عليج
ابتسمت امك تعرف كلشي مو
لا ميدرون تنهدت باوعت عالجبل والشلال وكفت اخذت الاستكاين مشت من يمي وراحت عالسنك اسمع طكه السوارات الفضه بالاستكاين ابتسمت بعد مجتي كعدت بالهول تكلبدبالتلفزيون الشباك مال هول مفتوح عالبلكون نسيت روحي اباوع على نهايه ضفيرتها اللامتها وبروز ركبتها. البيضه التفتت على كيفها شلفتني داباوعلها بقت عيني بعينها درت وجهي عالجبل
جيلان- ليش هيج ديباوع عجبته لو شنو
اياد- طبيت للغرفه تمددت كلت للاذان اصلي وانام خلي تاخذ راحتها
جيلان- فتحت الثلاجه لكيت لحم مثروم بجيس بصل وطماطا وبس بقيت صافنه شسوي كلبت بالكاونترات طحين لكيت باقي بالجعب مبين مستخدمي وباقي طلعته حسوي كفته عالمركه سويت وبلشت جنت فرحانه وعدي كم سوال طلعته عالنت واشتغل لحد ماضبطت سويت التمن وكعدت فتت نزعت الدشداشه ثبرتي ولبست ترا كسود بس قميصه طويل عالبجامه كملت شغل وغسلت المواعين سمعته طلع
هاي شنو عالارياح دتسوين
هههه اكل
اباوعها فرحانه ابتسمت تعرفين تطبخين
اني يعني بس الماعرفه طلعته من النت اشرت عالجهاز جان ديباوعلي متفحص على هدومي وحركه ايدي
اي وشوكت ناكل
كيفك جوعان
اي بديت اجوع تقربت من يم الجدر راسن طتني خاشوكه قصدها ضوك ابتسمت ضكت كتلها كلللش طيبه ناقص حموضه. وبس
اوك هزيت راسي بفرح
تعرفين تسوين شوربات ادري بيها شكد طيبه جانت تسويها بعقره
ايييي اذا اكو شي ضابطته هو الشوربه على عمايه اسويها
اليوم بليل سوينا اباوع بدت تصب اجيب لبن واجي
اوك
نزل كملت صب وكعدت انتضر خاف ناقص شي حتى الطرشي والزلايط حضرتها صعد مبتسم كعد كدامي طيته خاشوكته وبلش اكل بهدوء اترقب عيونه وي كل لكمه خاف ميعجبه الاكل جان ياكل بنهم كمل ورجع يرتجي ويشرب اللبن
تدرين من رجعت اني لبغدادلحد هسه مماكل هيج اكل
منا وهيج كله هيج شي
زين انتي شتريدين تسوكي من جوه واصعدي ونتحاسب
اوكي ماشي كمت اغسل التفتت عليها اني حطلع
ها
اي والله عدي شغل ارتبه لباجر
اوك براحتك لعد اكمل ترتيب وانزل
اي كيفج اني من ارجع امرلج ابتسمت طبيت للغرفه بدلت وطلع جانت مشلهه تغسل مواعين حلو اخذت عالبيت بسع باوعتلها البيت بيتج اخذي كل راحتج وتصرفي براحتج يله مع السلامه
الله وياك باوعتله سد الباب وطلع
يتبع
