ريناد- الوكت كلش حلو من يمشي بفرح يكون سريع وكله لهفه اتمنى اخابره وانطي الموافقه بس اياد كال اني الاكله ولا اني العدي رقمه واكدر اخابره اكدر احاجي عالفيس بس لا خلي يودي يكوله هذا يلكفها انه جان يدري ماريد يزعل عليه اكثر الليل مشه بفرح بس هو خطيه اكيد خايف طلع الصبح ورحت لدوامي اياد جان كاعد يصفي بقيه اموره ببغداد وي فاروق وزيد ويحضرون هوياتهم حتى باجر نطلع لدهوك طلعت للدوام والتقيت بتماضر لاكتني بوجه يبتسم اني مبينتلها شي بس فرحتي مبينه من نضرتي وضحكتي اياد مبين اليوم توقعت يجي بس الحمد لله مااجه
اياد- للعشره كملنا كلشي الجنط والتحضيرات لباجر امي كومه سوت معجنات وي البنات وحضروها اباوع الجنط ترست البيت باوعت لفاروق مخلي ايدي على حلكي
ها شبيييك
اكولك يصير واحد يبطل هاي وحدها تترس الشقه مو عاد انتو وياها
ولك شقتك شكبرها لتورطنا
غرفتين صاله وهول اشر ببيدي صغيره صغيره
شو تاشر جنها صندوك ولك سبع نفراتت وانت الثامن
عادي انام بالباب ههههه
خرب حضك عود نستاجر
ها اي والله اكو كم شقه بالمبنى وكلهن فارغه
لا بربك شكلك حتودينا مكان مهجور
حوديك للجنه هزيت راسي لزمت التلفون ب10هسه العينتين اذا مرايح للمعمل كعد دكيتله دك دك رد بالو توه كاعد من النوم
صح النووووم صحت بي
هلاو تمعصرت
تعال للبيت
شكو
تجي لو لا
لالا مااجي همست خايف
تجييييي لو لاااا
لا اياد مااجي
هاا يعني متريدها
لا اجي ضحكت خجلان
بسيطه اني اعلمك بسيطه ياسر
اياد شبيك
سلامتك شيريد يصير بيه بعد قابل رحت لاختي لمكان عملها
اياد بس حاجيتها مااكلتها
دتعال
ماريد
والله اكلب
شنوووو جايك سديته كمزت من فراشي لبست وتعطرت ورحت شيريد يسوي خل يسوي من كلمه اكلب معناه موافق
اياد- من كال جايك من كتله اكلب معناه ميدري بيه موافق الحمد لله توقعت بينهم مكالمات رغم بليل اخذت تلفونها اتاكد اخاف اكو بس يبقى الشك بكلبي من خوفي عليها. فاروق راح لشغله يكمل كم شغله عمود السفره وزيد راح يتسوك للطريق ويجهز السياره بقيت انتضر عالمرجوحه بالطرمه اندك هورن الارعن مالتي وكفت فتحت الباب نزل رافع تك حاجب يخاف يتقرب
ياسر- كالي تعال هزيتله بجتفي ماه
انت لو رجال تجي
شبيه لعد نترت بي خرب نزلت وكفت كدامه اني بره البيت وهو بطرمتهم فرق بيننا كم خطوه كلت بس يتقدم انهزم ادري بي صاير كبره وكفت اضحك خجلان منه
واكف كبالي كمزت جريته من خوانيكه خنكته طببته للبيت وجهه صار احمر لازمني من ايدي يضحك واني صاير اعصاب خنكته قوي طلعت من بين سنوني مبررروك ياناقص
حضنته اضحك اشكرك اشكرك والله لا اخليها بعيني
اكل تبن دفعته شوف لك دمعه وحده اشرت على ركبتي ماعدي تفاهم دم
يمه المن مناسب ابو طبر
ابو طبر مابو طبر دير بالك عليها
ماشي ههههه شوكت نعقد
خرب حضي اي والله والله هسه ابطل جر عدل يول
اي صار شون متريدني امشي ااشر بيدي خربان ضحك وهو يباوعلي ميت قهر شكله مجبور وشكلها وفت بوعدها ووكفت ويايه الحمد لله ربي والله الفرحه مسايعتني يله اياد حروح احضر السياره لباجر
ولي يله طلع وسديت الباب رجعت لغرفتي باوعتلي دره تذكرت كلامها عالتلفون خجلت احاجيها ودره مو شقاجيه حديه ورزنه يعني الواحد يخجل يثكل وياها دلال تتشاقى اكثر منها بس هو الله يجيب الجنس عالجنس مثل فاروق طبيت لغرفتي اكلب بجهازها من جديد الاغاني الحافضتها والادعيه الرسايل مالتي ورسايل صديقاتها من البارحه لليوم تقريب حفضتهن بقيت اكلب اكلب فلسته الجهاز لحد مالكيت شي اسمه تسجيل صوتي طبيت عليه لكيت ارقام تسجيلات دخلت على اول واحد ارجف كعدت عدل فتحته صنطه بعدها جقجقه وراها همس صوتها اخ كلبي همست مدااكدر بعد طفي وكعت بالكع عفته الجهاز رجعت اخذته نزلت عالقبله فتحته بخوف وقلق شتريد تكولي عمري شتردين فتحته ايدي ترجف
حبيبي ---عيش ---حياتك --- البقاء ---لله ----حبيبي لتبجي ورايه اتاذه
صوت يكطع وتعباان وصوت بجي يمها صوت دره ارجف واسمع لزمت التلفون باذني ابجي وي كل كلمه خلص نزلت عالوراه بلهفه
اياد ---اني ---غلطت ---وياك اني جنت مخليه ---تسجيل صوتي --- شكيت بيك حياتي--كلها وياك---كضيتها بشك --- مكدرت انطيك --- ثقه -- مع -- انك جنت اهل الثقه --- اني جنت من روحي اغار--- واشك -- حتى -- بنفسي --- اني صوجي اني ------ كحت وايناس صوتها يرحف كافي ارنوبه ارتاحي
عوفيني لازم يسمع الصوج --- مو صوجه--- اني اللي منطيته-- امان --- خليته --- يتعلم يضم -- عليه --- اني السبب حبيبي انت مامو منك --- رضيت بوحده مريضه ودللتني اكثر دلال تدللته بحياتي --- عيشتني حلم اياد ابد لتفكر ضلمتني معليك بحجيهم كلهم كذابين خلص التسجيل ضميت راسي بحضني اشهك بصوت عالي اينااااااس يا الله شون اخر تسجيل كان اشاره منها
حبيبي ضل ساعد الناس واوكف وياهم وابقه مثل ماانت ارجع حب وكون عائله انت تستحق الحياه السعيده
جان صوت مقطع مرفوق بالم وصوت بجي يمها وامها تكول من وراه وهي متقبل
اليوم جان اصعب يوم مر عليه بعد وفاتها مطلعت من غرفتي من الصبح الولد جوي لكوني نايم امي طبت لزمت كصتي عبالها مصخن اسمع صوت ابوي هذا ديحمل راحه لباجر عوفو يرتاح السماعات باذني وتسجيل وره تسجيل ينعاد وارجع ابجي لليل اني بعالمها يمها ووياها دكت ال1 طلعت حسيت بعطش طلعت احس راسي دايخ وعيوني توجعني اسمع مناكر زيد ودلال وضحكهم شربت مي سمعت فاروق يكول لدره لعد اخذي هاي الحبوب وياج صفنت كاعدين ردت بس احجي وياها بس خجلان اصعد باوعت عالدرج مكدرت صعدت بخجل دكيت الباب بهدوء صاح فاروق ادخل يعرف بس ريناد تصعد احمم
اني اياد صوتي رايح كثر البجي سمعته مشيته السريعه فتح الباب
اياد شبيك شكو ولك هاي شبي وجهك
عفيه فاروق اريد احاجي دره ممكن
ها اي اي عادي التفتت دره لبسي حجابج اياد يريديحاجيج
ماشي همست جنت انتضر صعدته واعرف هو شبي اليوم اليوم سمع صوتها لازم الاطار مال باب بتعب طب للغرفه كعد عالقنفه منصي راسه
فاروق- ااذا تردون انزل جوه واعوفكم اباوع دره منصيه وهو منصي
اياد- لا خويه اكعد جريت نفس باوعتلها احجيلي
سمعت كلشي
ليش سجلت اختنكت بعبرتي اباوعها هي ميته بجي احجي دره الله يخليج فاروق يفر براسه بس مقاطعنا
امي وعمتي ضلو يحجون عليك هي تاذت كمت اشهك
ضميت وجهي بايدي ابجي بهدوء عيوني احس راح تنقلع
سالت عنك كالولها مغمي عليه
اي احجي
كالت اريد احاجي
كتلها كوليلي اني اوصله مسحت دموعي
كالت ماعدي ثقه بيج حيحترك كلبج عليه ومتكوليله جيبي التلفون اسجل وامانه توصليه اله وسجلت اني من حقدي عليك منطيتك الجهاز بس من قريت الرسايل الدزيتها جريت نفس بحركه ومن شفتك راجع من المقبره مكدرت بعد
ليش هيج دره لييييييش متتصورين شكد احتاجيت صوتها ليش هيج حرمتيني
اسفه اسفه سامحني الله يخليك
فاروق- بلعت ريك اباوعها ماادري ازعل منها لو عليها ثنينهم حقهم محروك كلبهم الشباب يحرك الكلب بقيت ساكت دره انهارت واخويه اتعس بقو يحجون هاليوم جان تصفيه حسابات ساعه وبعدها وكف اياد التفت عليها مامو شي بعد
لا بس
شنو عكدت حاجبي
شالها كالت انطيهيا من اروح زجرحت للكنتور فتحته وطلعته بعده بالجيس اذا وخرت الجيس تروح الريحه
بلعت ريك هالشال اني مشتري الها مديت ايدي ترجف فاروق اخذه منها ونطانياه باوع بعيني لزم ايدي قوي
قطعنا مرحله اياد كونت نفسك وصرت احسن من قبل لتنتكس
هزيت راسي بتعب اي خويه نزلت وايدي مليانه اليوم انام براحه طبيت لغرفتي فكيت الجيس ريحتها كفخت اويليييي يمه كعدت على ركبي اشم بيها وماارتاح نمت هلى ريحتها ودمعتي بعيني حسيت ب5على صوت زيد
يله لك ب5
اي همست وكفت حسيت راح اوكع سندني
لك اياد شبيك
ماكو شي كملتو
اي كلنا بالباب مبدلين لبست هدومي جر جنطتي يباوعلي بقلق كال اني اسوق هزيت راسي اي طلعت لكيت ياسر واكف بخجل على صفحه وبيت اخته وياه صعدت وي زيد امي وابويه ودره وريناد وي فاروق واني زيد ودلول بسيارتي ياسر وي اخته وابنها وبتها الصغيره وطلعنا دره كل متباوعلي تدير وجهه اني جنت غير عالم طتني الاشاره الاريدها حنت حيل مرتاح رغم تعب كلبي جيلان لازم اساعدها لازم من بعيد او من قريب الطريق احس صار شطوله اهلي متلهفين يباعون عالجبال الخضره وتونا طالعين من كركوك لهد لو تشوفون ذيج شتسوون جنت استمتع بمراقبه زيد اللي طبيعته يضهر اعجابه عكس فاروق اللي يبينها بابتسامه خفيفه وعكده حاجب وصلنا عقره وبدت عيونهم تنفتح على الطبيعه الحلوه واني عيوني ودتني لغير عالم فاروق الوحيد من اهلي يدري بقصتي واخر شي عرفه انه اخر مره شفتها بالمستشفى بعدها اختفت مكتله بالاحداث الجديده باوعني واحس يسالني هنا سويت الحادث منطقه وره منطقه كملنا الطريق وصلنا دهوك ردت روحي وصبري خلص بس اشوفها مبيها شي ارتاح مرايد شي وصلنا للشقه نزل زياد ركض باوعلي كال هاي البنايه
اياي طلبق الثالث شقه4
لك خوش بصفنا مكروز
دصعد شوف المنضر الفوك اصعد احاجي وعيني عالمكروز من الشباك
ياسر- طلعت توني شفتها
هااا
راحت خالها اجه عليها
كذاااب فتحت عيني
والله شبيك
باوعت الساعه ب8بليل جريت نفس خلص شفتها باوعتله مبيها شي
لا باوع اني حصعد اخذ غراضي وانزل
اخذ راحتك صاير عاثل يول
لا عيب نسابتي هههههه صعدت ريناد كدامي كوه تصعد بالجنطه مالتها جريتها من ايدها بخفيه من دون ماباوعلها وصعدتها طبيت للشقه والولد ورايه طبيت لغرفتي لملمت شون مجان بخجل فشله والله خليتهن بعلاكه هدومي واخذتهن ادرجور بالمجرات خاف اكو شي لامبقه شي فرغت الكنتور وطلعت تباوعلي ريناد مبتسمه اوووف يكلبي صاح اياد يله تماضر صارت عصبيه
جيت جيت التفتت على ريناد اخر مره وطلعت زياد يصيح يا اللللله تعال شوف المنضر باوع شون عايفين الزبل يم الشلال هسه انت عفت كلشي جيت عالزبل نزلت رحت لبيت ضافر وي اختي وبالي بقه يمهم
اياد- اشتغل التقسيم اخذو غرفتي فاروق ودره وزيد اخذ غرفه ياسر واني واني وريناد نمنا ناس بالصاله وناس بالهول جانو مكيفين صارت ب10بليل وبعدهم يسولفون ويضحكون ادري نامو اهجعو متعبتو من الطريق اما اني كضيتها صفنات بالي يمها خابر ضافر تعذرت منه كال اخذ هالاسبوعين استراحه اخيره وراها دك بالعضم عزمونا ببيته شلت هم اخجل احنا هواي بس مردوده انشاء الله مكدرت ارد العزيمه نمت وكعدت على لغوه زيد ديباوع عالشلال يحاجي دلول لج هسه مال اشمرج منا وبالشلال عدل سوالفه وضحكه وي فاروق ودره وامي فتحت عيني
شوووون مننام هاي شون ازعاج
لككك لتحملنا منيه انت الكلت تعالو يمي
ساعه السوده باوعت لامي تسوي ريوك خو انتو عايفين امي وحدها
لا يمه اني اضوج وحده توكف ويايه عالطباخ بعدين خطيه غسلو هدوم ونضفو باوعت عالميز الجياسه وكفت هاي منو تسوك
فاروق- اني جريت نفس من حوه ليش
عكدت حاجبي باوعت لزياد يباوعلي تك عين شبيك لك شنو بالع ابو الصفنه
اياد- بس بالي موجوده لو لا نزلت لحكوني ثنينهم ها شكو
وبن رايح شكو باقين هنا
داداجيب مي
اي يله وياك
جريت نفس طبيت للمكروز بلهفه ادور ماهي ذوله ورايه بعدها تفرقو بقيت افتر ماكو ملكيتها اجه زياد من ورايه يحاجي فاروق
شفتها لهاي
فاروق- منو عكدت حاجبي
شنو مو بشر بعرضي
هسه غير اشوفها شو وينها
لك مناك عالمخضر والله دااخذ طمانا اخذت بصل سطرتني
اياد- من سمعته عرفت قصده عليها هاي مواصفاتها ماكو غيرها افترو هو وفاروق يشوفها اله اني رجليه مشالتني بعد صحت يولد روحو فوك امي هسه حضرت الاكل
اوكف اذا ماشوفها لاخوك مااصعد
خل اشوف ذوقك كال فاروق بقيت بمكاني اعصابي تلفت غيره ولهفه اشتياق وخوف عليها شوي ورجع فاروق يهز بايده باوعتله بلعت ريك
لك اياد سبحان الخالق ويمولون الكرديات جامدات همه يجمدن سبحان الله اللهم اجعلها بعيني بقره بقيت اباوع من طرف عيني
هذا شبي اخوك كال زياد شبيك لك كالب خلقتك
عوفه عوفه هذا نفسيه عيني اني حصعد اكل متت جوع امشو يله
اياد- اني شوي وصاعد وراكم
اي يله صعدو وتامدت منهم راحو طبيت لقسم المخضر جانت دترتب هذا ضهرها اي هو وكفت وراها بكم متر التفتت لمحتني انهزمت حتى مخلتني اشوف وجهها چچ حقها باللي تسوي مشيت وراها واصيح جيلان بس انتضري كامت تمشي سريع سرعت بمشيتي اخر شي كمل المكروز نوعا ما العامل الواكف انتبه وكفت التفتت عليه شترررريد نترت بي
بس داحاجيج شبيج بلعت ريك بقيت اباوع بوجهه ضعفانه وعيونها ذبلانه مو جيلان قبل جريت نفس تتنفس سريع و عيونها مدمعه وضاغطه على سنونها
شونج همست
معليك مني جاي وره شهر ونص تسالني شوني روح اياد انت مو كلت انتهت
جيلان ضل بالي عليج التفتت تضم دموعها خدها بي اثر زراك --- شبي خدج عكدت حاجبي تقربت شبيج من. وياج احجي
انت مالك دخخخخخل بيه فاهم برطمت عفته ورحت
هالفتره المرت عليه عصيبه تعب وقلق ومشاكل وضرب اساور صديقتي بالمكروز الوحيده التسمعني حجيتلها عن حالي وعن اياد كلشي كالت مستغربه ولج هذا مريض مو كامل
مفهمت شون يعني
ولج بي نقص برجولته متشوفي كلج بعدها صرت معاق جسديا وعقليا
فكيت عيني بهتت مصدومه بنفس اليوم الصارت المواجهه وياه رجعت لبيت خالي وخالي طلع لعين كاوه بعمل بيومها تعاركت وي بنات خالي وضربوني رديت الضرب وتوحشت عليهم لدرجه امهم طردتني ب12بليل بره البيت بقيت افتر بالشارع ورحت لبيت خالتي بتكسي لو ماستر اللله يصير عليه شي ومن ذاك اليوم اني بقيت بعدها بيومين اساور اقترحت عليه كالت
كوليله حتى لو مريض اني اقبل بيك اشاركك حياتك بقيت صافنه اذا ضل مهتم بيه كلشي ماريد بعد بس اهتم بي ويهتم بيه اني اعينه على دنيته رجعتله للشقه، جان بس الحارس وكال مسافرين وصار شهر ونص واني انتضر لحد مامليت وهسه جاي يسالني شونج شكولك شوني مكدرت اباوع بوجهه حتى
