اياد- اباوع لياسر لام شفته وممسيطر عالستيرن ابتسمت ها ولك
هزيت راسي بقلق يارب دخيلك مكدرت اسيطر عالسياره اقره نزله هاي بس كون اطلع منها بدون متصير سياره بوجهي. كملت النزله وعيني عالجامه الاماميه ومحافظ عالستيرن ورجلي عالبريك ماكو ميلزم بس من الضعف مو بيدي اكول عسى ولعل على غفله يلزم اعصابي انتهت طلعت من النزله ماكو شي سلامات الشارع بس الي رغم ضلمته ومشغل الزينون. عالاخير اللايت القوي. السياره من نزلنا مشت سريع ومدااكدر اخفف بقيت مسيطر عالستيرن بقلق. واعصابي بدت تتلف بهاللحضه وعبر جلب اكرمكم الله ورجع من شافني مألف لف عنه لو داعمه تتكسر الجامعه ويصير حادث بدون مافكر لفت الستيررن ابتعد عنه عالصفحه الثانيه مو عالجبل عالوادي شفت نزلته قليله وعكر كلت بلكن توكف السياره صعدت ونزله ي الله يا الله العكر كومه والسياره تمشي سريع جبل كدامي لفت عنه صرت بالوادي وضلمه اضويه متفرقه تنعد على الاصابع مااعرف وين اباوع واياد لازم بايده الاثنين يباوعلي ويدير وجهه خو هذا بايع الدنيا موكفت السياره حجاره جبيره كلش كبالي صارت على سرعتي ولفت انگلبت السياره هدووء وخروج من الواقع دقايق وراها صحوه وحسيت الاير باك ملطوش بوجهي صحت ايااد كوه اياد
اياد- محسيت الا وانكلبت السياره وراها مشفت شي بعد
ياسر- اياد فدوه لمحمد جاوبني خرب شفت نفسي اكدر اتحرك دفرت الباب كوه طلعت الكلبه اكثر شي صارت على صفحه اياد. كدرت اطلع اوكف على رجلي كمت امشي كوه وصلت لباب ايا فتحتها كوه شفته مدمى تخبلت يارب سترك يارب سحلته كوه لك اييياد كوم چان خفيف كلش سحلت بعد متره مترتين القهر اني مبيه شي بس هو رجله مدمايه ووجهه وكتفه يتربي دخيلك مبي شي ضليت اسحل بي واتلفت وكفت وره جبل سمعت السياره طكه كلش قويه بيها مشيت سريع فريت وره الجبل لمكان السياره اشوف النار تسعر بيها خليت ايدي على راسي رجعت عليه اتلفت المكان يصفر والاضويه بعيده كلش يمكن 3او اربعه كمت اصيح لحكولي وصوت الصدى يرجعلي اتلفت اعوفه واركض اشوف احد يساعدني روحي احتركت شورطني وورطت الولد ويايه لو بايت اليوم. ببغداد والفجر طالع جان هسه واصل مديت ايدي على جيبي زين موبايلات اوو يا ربي بالسياره عالشحن رجعت باوعتله فاقد ايدي عالنبض اكو نبضه وديتنفس اباوع رجله مدمايه وكتفه ينزف مشيت سريع متحملت بعد اركض وبالي خاف جلب لو ذيب ياكله لو يعضه يترب سترك بقيت امشي واتلفت عليه كمت اركض بتعب وصلت لضوه من الاضويه جريت نفس بتعب اكو خرفان بالباب 4. مربوطه اباوع ماكو بس هالبيت والبيت الثاني ابعد. بفد خمسيت متر عالجبل البيوت فقيره مبينه كلش تجرات ادك الباب واني الخوف ماكلني مااعرف حاله اياد شنو هسه التفتت شفت عربانه وحمار اجلكم الله. رجعت دكيت الباب رد رجال بلغه كرديه. جيت فتح الباب مستغزجرب باوعني من فوك ليجوه. كوه طكطكت بجم كلمه. وياه فهمته عدي مريض وحالته مو زينه. وسويت حادثه احجي وارجف بله نفس اخر شي جريته للرجال اشرتله عالعربانه كام يحجي سريع بالتركماني صحت
يارررربيييي هسه هذا شحيفهمه
انت عربي
اي بلهفه اي يمعود دخيلك صاحبي هناك
شنو امشي امشي حادثه مسوين
اي والله عالشارع وراح البريك وانكلبت سيارتي
وين الولد الثاني امشي كدامي ركص هنا كلها ذيابه وين عفته حاس لو فاقد
فاقد
امشي لو تلحكله لو لا
لا لا كول غيرها كمت اركض كدامه شفته جر العربانه ام الحمار وركض ورايه ٌ اركض واتلفت اشوفه يمشي بسلاسه يعرف المكان وصلت بتعب صحت اياد وصلتله على نومته تقرب الكردي مد ايده عله نبضه كال ساعدني ساعدني شلنا رفعنا فد رفعه عالعربانه ورجعنا للبيت نزلناه دفع الباب برجله اباوع البت دافي وتنكه بيها خشب معلوگ مدفيه المكان كرويته وحده عاليسره وعاليمنى ميز صغير البيت كله يمكن مبي 40متر ونصه خوص المطلخ بس سنك وكاونتره بناء خانات 2 جداري قديمه وين مااتلفت. مبينه ملامح الفقر غرفه داخليه بله باب اكو وحمام صغير مخلين عليه برده اشرلي
جيبه هنا عالكع
شون عفيه عدك احد يعرف المنطقه مكطوعه والولد دينزف
لتخاف لتخاف
كمز عالسريع جان قلق اكثر مني عبالك يعرف شغله من شكته للبنطرون وطلع رجله كام جر من جوه الكرويت مثل الفلينه بقيت صافن عليه ارجف طلع شاش ومعقم حسب ضنني ومكص رجع لاياد اباوع بترقب وخوف اتلفت عالمكان ردت مي نشف ريكي انداريت شفت بوري يم الباب رحت يمه نصيت فتحته وشربت بيدي رجعت اباوع عليه زين ماعدكم هنا طبيب شي
جر نفس انطيني صبر باوعلي انت من بغداد
اي بلي من بغداد
شنو شارب
لا والله بس بريك مسيطرت عليه
مممم هز راسه ممصدك ضل يشك بالنطرون وصله لفخذه درت وجهي منضر الدم وشكه رجله ردت اتخربط دخت لزمت الحايط وكعدت مرتجي عليه داير وجهي حاير بامري شسويت اني شورطت روحي هسه اهله يتخبلون باوعلي الكردي كال رجله عالاكثر مكسوره
تالي شون ماكو مستشفى هنا
اكو بعد ساعتين ساعتين ونص بس اني تره اكدر اضمدها واجبرها هنا واذا تريد اتصل باحد يجي يتخذه وترحون مبي شي بس فاقد من الالم هاي محور عينه هسه يصحى وحده
والنزف مال دم
لا مفاقد هواي دم ضمدتله رجله وراح ارد العضم وهو من كيفه يصحه من الالم
لا يا الله
شنسوي لعد ها تتصل
تلفوني بالسياره راح ومحافظ ارقام احد مامو سيطرات هنا قريبه
كتلك بعد ساعتين 3
تعال الزم كتفه
لالا مااكدر فدوه كلبي
يمعود قوي روحك يووو
اي ماشي تقربت منه خرب روحك اياااد لزمته من كتفه شفته كعد يم رجله جرها بنتله وقوه صحه اياد بصيحه آااااخ اخ اخ
جريت نفس الحمد لله باوعتله حمد الله عسلامتك
من اشتعلت نص عشيرتك ياسر هي هاي طلعتك كوه احجي واباوع وجه ماعرفه وين اني
هذا رجال مااعرف شون لكيته الحمد لله. باوعتله شونك
جسمي متكسر جاوبت ببرود. جسمي هلكان حسيت ببروده والم شوي شوي محسيت بشي بعد
ياسر- شو هم فقد
يابه من اثر الضربه انطي مجال يرتاح
شفته وكف راح جاب مواد ويخبط طلع ورجع طب تقربت من يم التنكه مال نار اتدفى الجوه ببغداد يخبل هنا ثلج رجل الرجال رفع رجله ليفوك اياد فاقد بده يلبخ ويلف بالشاش. بقاها مرفوعه على قوطيه مزنجره مال صبغ كعدت بالكع ارتاح مااعرف شسوي خطيه الرجال صب شوربه وقدملي باوعتله رحمه الله والديك عمي والله لو ماانت كتلنه البرد والخوف
لا يابه تكاطعت الله موجود
زين شنو انت شعجب عربي
كل الهله بيك الاسم بالخير
اني ياسر مديت ايدي صافحته
عمك الان
هله عمي هله انت وحدك عايش هنا
اني
باوعلي ونصه راسه اني وبت اخويه
ها باوعت بعينه رجعت نصيت باجر الفجر اذا الله راد اطلع واوكف تكسي
ضحك منين توكف متوكف سيارات هنا
لعد شسوي
لازم تمشي للسيطره مسافه 3ساعات
ها لعد باجر الفجر اطلع
ارتاح اليوم وباجر روح وي الراعي سادو هنا بعد كم متر عني عده كرابه يحرث بيها والضهر يرعى هو الفجر يطلع
ماشي اني مااعرف احجي كردي بس تركماني
اي بس هنا السيطره اكراد بيشمركه
ياه الله يسهل
زين صاحبي ممحتاج مستشفى
اني اشوف زين حالته
انت شنو نضمد مبين دتعرف شدتسوي
ماكو داعي تعرف لتخاف وكعت بمكان صح باوعت لصاحبه وهذا صاحبك امه داعيتله
ياسر- اي خطيه هو هم مضلوم مرته قبل فتره ماتت قطع كلامنه صوت ملائكي صاح عمييي اقرب للهمس
ها عمي عدي خطار البسي شي على راسج
ياسر- بنت اخوك
اي بلي
جر حسره طلعت بنيه بلبس جدا بسيط ولابسه حجاب على شعرها وتغطي بي بعشوائيه باوعتلها فكيت عيني البياض مو بياض ضوه وشكار حاجبها ورمشها وعيونها المفتوحه بكبر نص وجهه عيون بلعت ريك باوعت لعمها باوعلي مراضي نصيت عيني احمم كالت السلام عليكم
عليكم السلام بعد مرفعت راسي فشلت من الرجال
عمي اكلت سالت عمها وجاوبها اي عمي رجعت التفتت وفاتت للغرفه باوعلي الرجال كال تمدد عمي تمدد تلكاك تعبان
اي والله الرجفه لحد هسه بيه وحاير بسالفه صاحبي
لاتحير دنيتك غداره والحمد لله عسلامتكم
تسلم مقصرت باوعت لاياد نايم مضمد راسه وضمد ايده حتى اذنه مجرحه غطاه بغطايين اباوع بالكع الفرش كله جلد الماعز والخروف الشعر بس مامو ريحه مطيبه والبيت رغم كلش فقير وبسيط بس دافي وهاديء تمددت والرجال نم كبالي بعد كم قدم نام احتاجيت حمام اخجل اتحرك من مكاني نمت والف ياعلي يله طلع الفجر كعدني الرجال وكفت دايخ وراسي ياذيني كال
علكيفك عمي علكيفك
دايخ راسي حيطك
مال الضربه مو بعدين تبيت تحب ترتاح اليوم وباجر تطلع
لايابه لا لازم اليوم مترهم كعدت استعاديت توازني ورجعت وكفت بس فدوه سويلي درب حمام اروح
تعال تفضل
وكفت فتت وطلعت غسلت وجهي اندكت الباب صاح جيت جيت سادو باوعلي هذا صاحبي الكتلك عليه --- فتح الباب باوعلي رزقكم وياكم يله تعال تفضل ام سادو مسويه كيمر
لا ابتسمت والله عمي منحرج منكم
لا يابه كتلك رزقك وياك
كعدت اكلت لكمتبن وكلسا اباوع لاياد
لايضل بالك تره تعبان والضربه تاثر عراسه بس خف حتى تروح للسيطره سادو حيذبك بعد عن السيطره ميت متر ويرجع
ليش
مايكدر لاتحرجه ومايعرف يحجي عربي تره
ماشي هاهي رحمه الله والديكم فركت ايدي ورحت للباب البس حذائي عمي صاحبي امانه عدكم
بعيني اخلي بس حاول لا تتاخر تره محتاج مستشفى وانه ضمادي خللص
انشاء الله في امان الله باوعت اخر مره لاياد وطلعت -----
يتبع
همس
