حكاياتي(حكايا بنات+18)

الحكاية الثانية ج3

كدامي ناس هواي صوت صياح وعياط صوت ناس تتعارك صوت الجابي وهو ينادي عالقضايا هنا بهذا المكان الي يجتمع بي الناس ينبني اول اساس للحب اهنا نتعاهد برباط مقدس نكون سوا بالسراء والضراء هنا ينكتب ثمن هاي الزواجة الي الاهل يتفقون ع تسعيرتهة مقدم هلكد موخر هلكد ماكو شرط بالعقد على عدم الاساءة اباوع ع اهالي قايمين دعاوي ع ازواج بناتهم ويطالبون بثمن، بس هل المقدم والموخر رح تعوض سنين العذاب والالم تعوض التضحيات تعوض ماخسرناه واحنا نحاول واهلنا ابقي المرة الزينة تتحمل زوجها تصبر علي، شون تطلكين شنكول للناس، بس فكرو شيكولون لربهم، وهم يشوفون العذاب والساكتين، ينامون براحة وهي متكدر تنام من الوجع والاذى الجسدي والنفسي تمسح دموعها وتكول اصبر اجة صالحني حبني، حضني اصبر واني تنتهك كرامتي كل ليلة بحجة اذا نمتي وزوجج زعلان عليج تلعنج الملائكة
دائما حافظيهة، نسيتو هواي احكام بالدين وايات واحاديث وعقوبة للي ياذي
زوجتة (رفقا بالقوارير )وحديث النبي(مااكرمهن الا كريم ومااهانهن الالئيم)الناس تنسى والطامة الكبرى لمن يكولولج عيب شنكول للناس توكفين ابن عمج محاكم بس هو ميستحي يومية صوتنا يوصل سابع جار ميستحي يطعني
ميستحي كل ليلة يسويني جيس ملاكمة يفرغ شحناتة السلبية وبعدين يجي يركع ويبجي لاتركيني تلمست ايدي اي هناك الجرح سويتة روحي ردت حياتي تنتهي ينتهي عذابي اصوات براسي متفتهمين، ماكو طلعة، انتي...، اني بنت عمة الي اخذني غصبا عني....، ويعرفني كلش زين ومااطلع ولااطب الاشخاص الوحيدين مسموح احجي وياهم ابوية اخوية اختة اخو ولد اخوية، وهو فوك راسي وينتقدني بكل تصرف وفعل، 4اشهر، ذيج الليلة السودة، الي جنت محضرة روحي اكلة انتهينا، جنت زعلانة بيت اهلي لان جان ضاربني، فتت للبيت لميت غراضي وتحضرت اودع هذا البيت الي جمعني بحسن لحضات خوفة وحبة وشكة طفولتنا سوا حضناتة كلها لازم اودعها، اجة حسن وحضني من ورا شايل بنتي اماني على ايدة مثل كل مرة،
اني اسف حبيبتي والله ماامد ايدي عليج
عرفت كلبج جبير ورح سامحيني تعرفيني جكد احبج،
والله مو بيدي،
سهير:لا باايدك، باايدك، هواي اشياء سويهم، بس انتي مبقيني هنا متنفس طلع كل عمايلك بية،
فكرت تتعالج،
اتعالج من شنو، شدتحجين..
حسن انت مريض لازملك علاج مو طبيعي انت، مو طبيعي.
شدتحجين انتي ، اني طبيعي لاتسوين ساعة عصبية مرض،
سهير:ساعة عصبية، باوع جسمي، لحد هاي اللحظة اثار ضربك بي، نزل راسة حضني وباس جروحي بعدت ايدة،
وكملت، باوع راسي شكم خياط بي،
ساعة عصبية فضحتني بين العالم الكل عرفني الكل يتبسبس ويكول خطية متستاهل، بس اني تعبت،
تعبت منك ومن خبالك علية زوجتني عمود تعذبني،
كعدت، واجة تقرب مني نفس دموعه ونفس اسفة لفةايديناتة على ركبتي وحط راسة على جتفي ويبجي مثل كل مرة سامحيني اني اسف اني احبج والله، سكتت وباوعت بوجه بنتي وهي تشوف ابوهة وامهة يتعاركون ويرجع يبوس ويحضن بلحظة شفتة شال اماني طلعهة برة وقفل الباب مااهتم لبجيهة، وهي صيح ماما واني ادفع بي بنتي تبجي، انت شنو وخر،
وهو يبوس ويحضن كانو ميسمع، اسمع احبج مشتاقلج، كافي سامحيني،
حسيت مو سامعني ولا سامع صياح بنتي وبجيهة، صيحت بوجهة،
اكرهك، اكرررررهك، انت واحد حيوان،
مااحبك، عوفني بحالي طلكني،
مااريدك بعد،
ظل صافن بوجهي لبس تيشرتة فتح الباب قريب الدرج بابنا،
طلعت بسرعة، حضنت بنتي اريد اسكتهة
جرهة حيل ودفعني يلا روحي، روحي طلعي ولاتحلمين شوفين بنتج، بعد
الا اندمج على كل كلمة كلتيهة تريدين تطلكين عندج شوفة ثانية ظليت اجر بنتي من ايد وهو يجر من ايد وهي تبجي وصوت عراكنا الي رج المكان،
وهو يدفعني روحي يلا روحي صديقج يلا، واخر دفعة وكعت بيهة من الدرج ومحسيت الا بثواني مرمية عالارض، حسن فوكاية يصيح حبيبتي، سهير سهير، وراهة كعدت ع صوت الطبيبة وهي تكلي سهير، دتسمعيني، حبيبتي،
تكدرين تحجين تكدرين تكلينة منو سوة بيج هيج،
خيالات ناس فوك راسي، ابوية، اخوية، هديل تبجي، هذا شرطي فوك راسي ماكو حسن اخذت نفس، وبفتحة عيني على وجع فضيع كانولة باايدي، مستشفى،
زي مستشفى، تلمست بطني، ماكوطفل، خسرتة خسرت ابني،
جنت حامل شهر السابع،
الدكتورة :حبيبتي، منو سوا بيج هيج،
حسن، بصوت متوجع بنتي اماني، قاطعهم اخوية،
تريد بنتهة وزوجهة،
والدكتورة تكله اكيد هو جسمها كلة اثار ضرب،
مبينة مضروبة،
الظابط، طلع الكل وكال المريضة ظل تحت المراقبة،
محد يبقى يمهة لحد متنطي افادتها الي عرفتة حسن بالسجن،
ولازم انطي افادتي،
مر كم يوم احس تحسنت شوي واكو ممرضات يروحون ويجون يبدلون الضمادة وينطوني العلاج وبين اني صاحية ونايمة اسمعهم يكولون خطية ياعيني بعدهة صغيرة، خسرت كل شي،
اجة موعد االي الضابط ياخذ اقوالي، اشوف وجه ابوية والحزن مرتسم يمكن ندمان، لان مسمعني وزوجني ابن عمي،
الظابط:منو وكعج، بنتي، منو ضربج،
سهير:ظليت، صافنة واشوف ملامح ابوية تكلي لاتكولين لاتحجين، هذا ابن عمج،
لا يمكن حبيبج، سامحي مو بوعية،
وكعت من الدرج دخت وزلكت، من الدرج، لان عندي فقر دم،
الظابط يااكد علية بنتي لاتسترين على احد، جان ممكن تموتين لما يتلاحكولج الطبيبات،
سكتت وغمضت عيني، والدكنورة صارت عصبية، كلش تعاطفت وياي،
ومتريد السواهة يطلع منهة،
ظليت مصرة،
الظابط وقعني ع اقوالي وبصمت، وانقفل المحضر مال شرطة،
الي عرفتة هم حسن جاي للمستشفى ومتعارك ويا اخوية،
لهذا ابوية قرر يخرجني،
وخلي الفضايح بالبيت،
الدكتورة اكدت علية، اذا ردت اشتكي رح تكون وياي وتكرر علية انتي خسرتي، خسرتي هواي لاتتنازلين عن حقج،
مفهمت شي،
طلعت للبيت، فوتتني هديل للغرفة مالتي نفس ماهية،
حضنتني وظلت تبجي، شكرتني ع موقفي ويا حسن،
لان ورا وفاة عمي مظللهم احد لبيت عمي،
مو اول مرة عادي، طول عمري اسامحة وارجع اخذ نصيبي،
ظليت عالمسكنات هالفترة، ومرات اسمع صياحه بباب البيت، طلعولي مرتي، سهير، سهير، خليني اشوفج، سديت اذني،
عمود لااسمعه حاضنة بنتي وكاعده،
ورا فترة اخوية كالي، حسن ندمان كلش، ويريد يرجعج،
واخذنا تعهد منا بعد ميتقربلج،
غمضت عيوني اريد احد يحس بالتعب الي حاستة الدمار الي تركة بجسمي ونفسيتي، بس للاسف حالي حال هواي نسوان من فكرت يسامحون ازواجهم شيسووون، جان عندي مراجعة للطبيبة،
وردت اسالها كم سوال،
شونج دكتورة، حاسة بتعب ووجع مو طبيعي، واريد اسالج،
دكتورة:حبيبتي عادي موسهلةانتي نزفتي،
ظليت مشدوهةشنويعني؟
ظلت صافنة بوجهي الطبيبة،
ليش مكللولج شصار؟
شصار دكتورة،
للاسف مكدرنا نوكف النزف لهذا اظطرينا نستاصلج الرحم،
صدمة، لا مصيبة اني بهاي اللحظة مدا استوعب،
اني بعد ماعندي فرصة اصير ام مرة ثانية انهرت من البجي وعرفت نظرات ابوية جانت حزن علي صار بية،
ورا مرجعت ظليت ساكتة محجيت ويا احد،
اخوية معتز رجع فتح موضوع الرجعةابوية سدة،
ظليت اسمع جدالهم قاطعتهم،
معتز، شنو شعورك اذا استاصلولك،،،،،،،
شنو شعورك وانت تخسر رجولتك،
كب بوجهي دبسز، شدتحجين...
ضجت، طبعا ضوج اذا خسرت رجولتك بعد شون صير اب، يمكن متاثر عندك ولدين بس اني، اني خسرت نعمة اكون ام للمرة ثانية وتكولي رجعي،
اني ما ارجع اريد اطلك سمعتني بابا،
اريد اطلك،
كلمة سكتت الكل،
اثرت بيهم،
محد اهتم محد سمع مااخذو، كلامي بجدية،
ابوية كالي ارتاحي بابا وبعدين نحجي،
ارتاحيت شهرين، وكل يوم اسمع صوت حسن وصياحة رجعولي مرتي،
هنا ابوية كلة، مترجع بنتي رح تطلك،
رح طلكها،
وانتهينا،
مسمعت غير صوت طلقات وصياح مااطلكها فهمتو مااطلكها مو بكيفكم،
رفعنا الدعوى، وكل جلسة اسمع كوم حجي وابوية يكلي معليج خلي يلغي بكيفة، اسوء شي لمن يربط مصير احد بيج،
حسن كال، اذا طلكت سهير، معتز يطلك اختي،
وظلينا بهالدوامة وهديل تتوسل بية،
بيتي جهالي،
انتي بعد محد يفكر بيج،

طلعت ورجع اخوية هم حجالة كم كلمة وبيتي رح ينهجم، هم الناس حاسين بالالامنة لو مكتوب نتوجع، ومثل كل مرة ياخذون قرار عني خلص رجعوني،
وكالولة لحسن راجعه،
طار من الفرح، خلة بنتنة يم عمتهة ورجعت للسجن مالتي،
جبر، احس كل شي طابك ع انفاسي،
فتت للحمام غسلت وبدلت،
باوعت ع روحي باالمراية، كلها دقايق وارجع انذبح يومية،
ذبح؟ اي ذبح، يومية على هذا الفراش انذبح ولازم اسكت، عمود غيري يرتاح، باوعت ع موس موجود ع المراية، وقررت اذبح نفسي بنفسي واريح وارتاح من هالعذاب،
صح توجع بس بعدها متحسين بشي خدر بجسمج وبرودة بااطرافج، وتودعين
هالعالم للابد.
للحكاية بقية.....
🌺🌺🌺🌺🌺🌺
اكيد الي انقلة ابد مابي مبالغة هواي ابواب مقفولة وبنات بعمر الورد كاعد تتعذب وهي مو فاهمة ليش لازم هي ضحي وين القانون اليحميهة شنو هالغابة الي عايشين بيهة لمن يكون اقرب الناس الج، مو حاسس بيج صعبة الاب يكون ضعيف شخصية،
🌺🌺🌺🌺🌺🌺
انتظر ردودكم وتعليقاتكم عالقصة،
ولاتنسون تصوتون عالبارت اذا اعجبكم