حكاياتي(حكايا بنات+18)

الجزء 4

وسط خوفي بذيج الليلة وتفكيري وتناقضاتي، بعقلي وسواس دمرني، روحي يانور روحي عيشي حياتج، نوفل مقصر تقدم وبين يريدني ويحبني باع سيارتة واهلة عمودي، اي لان يحبني،
بس اهلي، ابوية وامي هذا البيت مرح اكدر افوتة،حسوني حبيبي سامحني،اني رح انزل راسك، بس والله مجبورة، تعبانة، خايفة اي ميتة خوف بس داخلي مو خوف، صدري مقبوض مو مرتاحة،
خابرني نوفل كانو حاسس بخوفي اكد علية، عالموعد سمعني كلمتين ريحني بيهم،وكعد مثل كل ليلة يحجي وياي عن العلاقة بينا شون تصير والتقارب جنت اسكت وهو يحجي،اول شي استحييت كلش من حجية بعدين صار تقليد يومي علاقة كاملة بالتلفون جنت اسمع وماابادل، بس جنت اذوب واني اسمع انفاسة بالتلفوون،كمل،
هاا، نور وينج.
نور;وياك··بس،
بس شنو نور اني احبج اريدج ماتحمل انتي مو بحضني، حاسج وياي اتخيلج كل ليلة يمي وحوالية.وانتي تكليلي بس، اني ضحيت بكل شي عمودج عمود حبنا ابني مكمل سنة عفتة على مودج..
نور:بس انت كتلي مالج علاقة بطلاكي، ليش هسة تكلي بسببج،
نوفل:صح ردت اطمنج عمود لاتحسين بالذنب شبيج نور عبالك تريدين تصير مشكلة وتخرب،
نور، اني احجي من ضيمي احبج احبج وانتضر يجي باجر وكل هذا التعب يرووح،
نور:اكو احد جاي يلا باي نوفل.
باي حبيبتي رح اشتاقلج،
واني همين،
حسيت خطوات تقدمت الي فتحت يدة الباب،فات ابوية.
ابو نور:ها بابا بعدج كاعده متحضرة لهالسنة، بنتي رح ترفع راسي وجيب معدل زين،تخليني افتخر بيهة، مو؟ 
بابا، قاطعني،
قبل لاتحجين اعرف امج ضاغطةعليج وتريد تدفعج للدراسة،
ترة امج هاي تحملت مصايب،
اول مزوجت امج جانت عمرها15سنة،
تزوجناعمود نفض مشكلةبين بيت عمي وبيت جدج  وكتهامجان غيري ممزوج،
وامج وحيدة لااهلها،
وابوج جان طالع من علاقة حب ومضروب بوري،عهعههه،
بابا انت حبيت ؟
شبيةلعد ماانحب ولج اصلابالكليةجانو يسموني  احمد مظهر،
هههه،بابا على جيلكم الحلوين ينعدون عالاصابع.
سكتي ولج،على وكتناالجمال رباني والنفوس صافية،
ومحديجاوز على احد المهم وين وديتينا
المهم ازوجت امج ومصرفت فلس احمر عمامي رادو هيج وبيبيتج كبرت واني الوحيد بقيت ممزوج، كلت هم اخلص من نكةبيبيتج ازوج ماازوج ،
وهم تعاونها بالبيت ،وونس الهة،
الصراحةمحبيتهاولاكنت طايقها،
بس امج جانت حيل مودبةوجكدصارت مشاكل موصلتها بيت جدج،
وتحملتني ،ودارت بيبيتج الله يرحمهاومن ماتت وصتني بيهةاكثر متوصيني بخواتي،
وشفتي تركض مناومناوداري بيبيتج وتعرفين هي شالت امج واتبرعت بيهة.
عمود تحمي خوالج،
بس متقبل  تجيب سيرتهم،
ودائما تكلي رضاةالله على امي جمعتني بيك،
لهذا حبيتهةوقدرتهةلانها صانتني وقدرتني ومنزلت من كرامةاهلها،واني واكف بنص الجبهة وشايل روحي باايدي ماامن اكو بظهري  رجال مو مرة صاينتني وحامية عرضي وانتي انشاءالله منتكبرين تكونين مثلهااذا مواحسن،،
نور:كلمات ابوية اثرت بية ويمكن وعتني، امي عمرهةمحجت وياي بشبابهاولابمراهقتها،
وهسة احس بالتعب والخوف اكثر
قاطع تفكيري ابوية،
هذاالحجي جوعني تعالي خ نسويلناشي ناكلة،
ونكمل سوالفنا،
نزلت اني وابوية للمطبخ وظل يحجيلي عالدوام وسوالف اصدقاءة وشون يطبخلهم، واكلنا سوا نزلت امي على صوت الضحك مال ابوية وريحةالطماطا المحروكةمال ابوية،
ام نور:هاي شمسوين ،وج شمكعدج انتي موباجر عندج دوام،ابويةظل يضحك،
جرامي وحط ايد على جتفهة وكال الف رحمة تنزل على روحج يمةحتةبالكبر وتحبين جنتج تعاي يابعد الروح اخذيلج لقمة ،
وظلو يتراددون كدامي وامي تاشرلة عيب كدامي اني هم استحيت،وصعدت