هو هيج الماعندة ابو الناس تمرمطةوتاكل حقة وتدوس عليه ،
ظليت هايمة مثل الدجاجة المذبوحة، ماعرف وين اروح شااكول لكرار عمي اكيد يروح بيهة، صار المغرب واني بالشارع مااعرف شسوي فكرت انتحر اشمر روحي گدام اي سيارة وخلص عالاقل اموت بحادثة ويترحمون عليه، احسن مااشيلهم العار طول عمري احس دماغي متشوش من الصبح لاماكلة ولاشاربة غمضت عيوني وتقدمت خطوة للشارع فجاة ايد انمدت وجرتني عمو جبير بالعمر،
لاعمو لا الانتحار حرام، وحياتج لاتفرطين بيهة،
ظليت ابچي وطلبت من الرجال يتصل ع عمي هيثم ابو عمر،
ومن ذكرت اسمة ظليت ابچي فقدت الوعي،
وگعدت عمي فوگ راسي تخيلتة ابوية لان يشبهلة،
ايات، ايات عمو،
حضنته،، وبچيت ،،،
اخ، اخ ،، يابة لو تدري شصار بية، اوووف يابة يتيمة والدنيا لعبت بية لعب،
شبيچ عمو شصارلج،، احچي ظليت اشهگ وابجي، وكلامي مامفهوم ، فاتو عمار وعلي وخالي،
عمو گول لكرار مااريدة كرهتة مااريدة كولولة ايات كرهتك عفية فدوة گولولة،
مااريدة، مااريدة ،
كرار، سمعت باايات صاير عدهة اعياء عصبي، جيت ركض سمعتهاتصيح وتگللهم مااريدة انجنيت،
ليش ايات شسويت اني ،شسويتلج،
ايات:عفية عمار طلعهم ،طلعو كلكم طلعو،،ظليت اصيح واعيط ،طلعهم عمار
وگعد كدامي اهدي ايات ، اهدي،
وفهميني شصار،،
اووووف ياااخوية لو تدري شصار ، عمممر،
شبي،،
عمر تعدى عليه، عمار كسر وجهي ،
اكتلني عمار واغسل عارك ، اختك تنگست، شدتحچين ولچ عمر ب4 بالمطار،
النذل الحقير،
عمار:ولج شتحچين،
عمار، گلة لكرار مااريدك ،، گلة بطلت،
كرار دفر الباب، ليش ولچ لازم عمر نساچ كرار شنو ، ولچ غصبا عنچ تزوجيني گمت من الخوف واجر نفسي،
وعمار يصيح علي اطلع مالك حرمة عدنا،
ايات: هو هذا حبكم، غصب واذى ، لمن چنت تتهجم علية ماگلت خطية مسكينة يتيمة، لان الله خالقكم اقوياء تتعدون علية وتستغلون ضعفي،
انتو شنو، شنو انت الله يغضب عليكم ربي ياخذ حقي منكم ضليت اصيح ضربني عمار،
سكتي، كافي،
مو من حقك تضرب مرتي،
هسة صرت مرتك هسة تخاف علية ، رووح ، رووح مااريدك،
ضليت ادفع بي لحد موگعت بين ايدي،
كرار، اطلع عمار
عمار:گرررررار،،،
هاي مرتي عوفني اني وياها،
ايات ، طلع عمار، ولزمني كرارمن ايدي ،
وكعدني گبالة،
يلة تعاي شنو اليوجعج،
ماكو شي يوجعني گلبي يوجعني،
كرار، عوفني وروح الله يخليك،
يعني شنو اعوفك، مااعوفج ، كليلي شصار احچي ، ظليت ابجي وهو يهزني، غير تحچين عمر شسوالج،
شسوالي، وينك انت، وينك من جنت اصيحك واگلك الحكلي،
ولچ شلحكلج جيت ركض مثل المخبل ، وذاك كال وصلتها ورجع للمطار وين چنتي وين چنتي تفرفرين احچي،، معليك بية ، مااريدك اني ، مااريدك، وهاي حلقتك مااريد ازوجك مجبورة، مغصوبة عليك مااريدك،
هو بكيفچ، تريدين ماتريدين،
غصبا عنچ فهمتي غصبا عنچ،
عمار:كرار البنية كالتلك مااريدك شنو گوة اطلع برة، اطلع برة،
طلع كرار، وظليت معتزلة العالم ومااكل ولااشرب كوابيس، اثار ضرب عمر ظلت بجسمي،
حسيت ماعندي امل بحياتي عمري ضاع عمر محد يعرف مكانة،
مرت الايام واني من سئ للاسوآ،
كتبت رسالة لكرار كتبتلة جگد حبيتة،
وشون تحول خوفي منة الى امان بس مااكدر اقبلها علي، ومااريد يتااذة، سديت الضرف،
وجبت مسدس عمي ، ضميتة،
ولاتسالوني وكتها لاافكر ولااحس شرح يصير ردت ارتاح وبس ،
غسلت روحي، وجكد ماغسلتها الوساخة ماخلصت،
صليت وظليت ادعي رب العالمين يسامحني، اشتاقيت لاابوية وامي،
شلت المسدس، وايدي ترجف خايفة،
اي الر وح عزيزة وصعب واحد ينهي حياتة،
ظليت افكر، وابچي واشكي،
حطيت مسدس ع راسي حتى مااعرف،
شون اوجهة،
بلحظة غمضت عيني، دست ع الزناد صوت،
اي صوت، هو اني متت، بس صوت الطلقة صوت كرار، فتحت عيوني بااحضان كرار شدسوين ولج ليش ليش سوين بروحچ هيچ،
اني مامتت،
ثاني مرة احط روحي بوجه الموت ومااموت ليش حتة نعمة الموت انحرمت منها، تعبت وظليت ساكتة طنين بااذني، صوت الطلقة، وين راحت مااعرف،
ضليت اباوع بوجه كرار مصدومة بعدني على قيد الحياة،
وصوت كرار يصدح هو اني طرشيت، اي اكيد ، مدا اسمع صوت الناس ولاصوت كرار مجرد شفاه تتحرك،
صححححت صيحة قوية ووگعت،
ظليت بالمستشفى ايام، وصحة نفسية،
وبلاغ شرطة من اثار الضرب،،
عمي بعلاقاتة سد الملف وطلعت،
رجع كرار، وبعيونة الاف علامات الاستفهام شنو الصار ليش هيج،
اجة كعد يمي ويگلي حمدالله ع سلامتج،
انت كاعد ومنتظرني احچيلك،
رح احچي عمود تروح وترتاح وتعوفني،
مرح اعوفچ اني احبج،
خ نشوف،،،
كرار،،،
نعم،،،،
عمر تعدى عليه،
اغتصبني،،،
سلبني شرفي،،،
درت وجهي ونمت،،،
هو ممصدك،،
ايات، شدتحچين ،باوعيني وگليلي هذا الحجي مو صح،
ايات: لا، صح،،،مو هذا تردة يلا ، روووح، روح ،، يلا بعد ماافيدك،
لزمني من ايديناتي،قوي ولچ شنو ، ضربني راجدي ،شون صار ، شون قبلتي شون خليتي،
خليتة ، ليش احنا الي نخليكم ، لووو جبرونا،جبرونا، تذكر،،،تذكر من خنگتني وجبرتني ،واني اتوسل بيك اني خليتك،
لو جبرتني وضربتني عمود ترضي رغبتك،
بس الموضوع يمة مختلف، روووح ،كرار ماافيدك،اني بعد، كاااافي تعبت عرفت فك ياخة مني،
درت وجهي جرني وگالي مااعوفچ،
فتحت عيوني وتوسعت رجعت سالتة،
شووون، شون تقبل بية ،اني،،،،.
استر عليچ،،،
حجيتهة بخيبة امل،،، تستر علية،،كرار،
مامجبور انت ،عوفني الله يخليك،كافي
كافي رح نزوج ونكمل عرسنا مثل مااتفقنا ،وماكو داعي للفضيحة كم شهر واطلگج،
فرحت وحزنت نفس اللحظة،،
كرار الي عشت عمري كلة شايفته شخص نذل مستغل جاي يستر علية ويحميني من الفضيحة والانسان الحبيتة وحسيتة النجاة، الي يطلعني من الجحيم العايشتة،
ظل هذا السر محصور بيني وبين كرار وعمار ،
كملنا اجراات الزواج، وبيوم الحنة چنت مخنوگة وداخلي غصة مو مثل متمنيت وردت، مو هاي ليلةالعمرليلةفرحي،الليلةرح تجمعني بشريك حياتي حتةلو كنت مو حابتة،
بس تبقى ليلة العمر دخلو علية كرار وخالتي ،وخواتة، كعد يمي وهوسات ،وبوسهابوسهاولاتخاف من امها،
نزلت دموعي ،لان ماعندي ام ارتمي بااحضانها ،تبجي بهاي الليلة تودعني،
حط عينة بعيني وبداخلة نظرات جارحة دمرتني وعيونة حمر، حناني، وعصر ايدي،
همستلة عوف ايدي ،وعافهة،
وثاني يوم العرس، كلشي حسب الاصول ،بس من اول الزفة واني ابچي لحد مفوتوني للغرفة وخالتي گالتلي كافي ترةكرار مو وحش، استهدي وادعي الله يسهل ليلتكم،
خلتني محتسرة اكثر ،طلعت خالتي وصت كرار، وطلعت،
اول محسيت الباب انسدت وگف گلبي ،
كرار:السلام عليكم،،،،
ظليت ساكتة، وابجي،،،
يلا هسة وحدنا احنا،
احچي،
شااحچي،كرار،
عمر هيچ منا لحالة تعدى عليچ يعني ماكو شي قبل مواعدتة بشي،
كرار، اني من چنت صغيرة هوالوحيد الي اهتم بية، وچنت اريد اخلص منك ومن اذاك،وهو الوحيد الي چان يهتم، بس والله مابينة شي ،
ضربني ،وظل يضربني وگعني بالگاع ،
اني اعلمچ اذا مااندمچ على تفضيلج الة، علية،
وهي ضربة حسيت صوتي اختفى اريد تطلع الكلمة ماكو ، دك التلفون خابر عمار،
كرار: هذا اخوووج تعاي احجي ويا،،
اشرتلة مختنگة ميطلع الصوت،،،،
وهو بس شافني ،راح هذا الوحش شالني وحطني عالچرباية،،
ايات، شبيج ،شبيچ،،،
واني اشرلة، مااگدر احچي ،
راح صاح خالتي،
وجهي ازرگ،
جتي خالتي، ياربي تعبانة،ياربي ليش مااخذت امانتك ويا اهلي ليش ابقة متمرمرة وناس تشمرني ع ناس،،
هاايمة ايات شبيج،
اشرتلهة ميطلع صوتي، لطمت ع وجهه،
گالتلي گومي يومة گومي، بدلي ساعدتني ابدل وشافت الزراك بجسمي، انصدمت،
ارتاحي يمة ارتاحي ، استغفرالله ،
ولك كرارشمسوي بالبنية ولك تريد تخزينا، انت مخوفهة للبنية تخلص السبعة،وان شاء الله،وتصير زينة وانطو خبر للناس مسافرين،رحت بيت عمي ،ورا مسمعت اشكال انواع الحجي والتجريح من كرار، جيت بيت عمي اول مجيت اسلم ع عمي حضني صحتة تعبانة بس درة بالي صار انهار، وقرر يتبرى من عمر وسجل حصتةبالبيت بااسمي، گال هذا اقل تعويض الچ،،
ظل عمار يدور على عمر ماكو، ورا 10ايام رجع صوتي وگمت الهي روحي بالشغل افوت للغرفةبس عمود انام وماانام،كل ليلي بچي وكوابيس ،احط ايدي ع حلگي ،وابچي، وانتظر شوكت ياربي الفرج،
مرت 3اشهر ع زواجي، مظل شي مسوى بيه كرار،
وگمت احس بااوجاع اسفل بطني موتتني،
گمت امشي ولازمة بطني من الوجع،
خالتي كل ظنهة حامل، گالتلي روحي ارتاحي ،
وراهة فات كرار مثل الثور الهايج،
وضل يضربني ع بطني ،هذا ابن السافل ،ماشاء الله غصبا عنج،وصرتي حامل لعد بمزاجج شون، حسيت الوجع زاد،ولماخالتي تجي وتبلغنا ،
ايات، العمر الچ، عمچ توفى،
مات بحسرتة علية ، نسيت كرار ورحت ركض بيت عمي، وحسيت باليتم مرة ثانية ، اول مرة اگلة يابة ، وك يابة ،ليش عفتني ، ليش يتمتني، يابة ، عفتني المن يابة،
خلصت الفاتحة ،وراحو العالم والالم ضاعف چنت خايفة ،لاصدك اطلع حامل
تخربطت وداني اخوية للدكتورة وجانت تفحصني واني ابچي خايفة تصدمني بخبر يقضي علية،،
هااا، دكتورة،،،
حبيبتي ،انتي مضروبة وعندچ فتق،
صدگ دكتورة ، يعني مو حامل،
حبي ياحمل هذا الغشاء هياتةصار جكد من زوجتي،،،
للقصة بقية،،،،
🌺🌺🌺🌺🌺
لاتنسون سمعوني ارائكم وتعليقاتكم عالبارت ،ولاتنسون التصويت عالبارت فضلا وليس امرا
أنت تقرأ
حكاياتي(حكايا بنات+18)
Short Storyمجموعة حكايا تناقش المشاكل والتغيرات في جسم المراهقات والتحديات التي يخوضها الاهل حتى يتجاوزون المرحلة هاي
