حكاياتي(حكايا بنات+18)

الحكاية التاسعة ج1

هااا، ياسر  خلصت  الاجرااات ،
ياسر:خلصت ، بس  نسلم  جنطنا  ونركض  نحجز مكان،
امل:هعهه،  شكو  ذكرني  كانو بالعراق وتركض  ورا  الكية عمود
تحجز مكان  قبل  لاتقبط،
ياسر:والله  اشتاقيت  لبغداد،
يو  يمعودة قطر  خنگة  وكلهة  رطوبة لو مو الموتمر  ومفروض  علينا  نحضر  مااجي،
امل:يمعود  غيرنا  جو  شوية،  بعيد  عن  الهوسة  والجهال،
ياسر:علواه، وين  هاي  الهوسة ربي ماتوعدني  بيهة،
امل:تدلل بس  نوصل  بغداد احولك  شوي  من عدنة، بس ليش ماعندك اخوة واخوات،وعدهم شياطين صغار،
الله وكيلك من كثر الهوسةدائما اذني طن،
ياسر:اني وحيدامي وابوية، امي طبيبة اسنان وابويةاستاذودكتوربكليةالطب،
وبسبب انشغال الوالد والوالدة ،بعدتفكير 5سنوات ورا ماخلصت امي كليةوابويةاخذ البورد قررويجيبوني ميجيبون غيري،
وكت ماكبرت وصار عمري16امي فكرت تجيب الثاني، بس الوالد صار بي سكر ومصار نصيب،
آمل:خطية ،والله قهرتني،
ياسر:شفتتتتي،،،
امل:ششفت ،يمعود انت بنعمة ماحاس بيهة، خل ادزلك تتوني، وچچية،اذا مگضيت حياتك تشكر ربك ماعندك اخوان،
ياسر:منو ذولةاخوانچ،
لا وانت الصادگ،ولد اخوية الشواذي،
ذولة مهمتهم بالحياة يزعجوني،وينكدون عيشتي طول  النهار، عراك وصياح،
ميخلوني لاانام ولاارتاح ومن سوء حضي غرفتهم لزك بغرفتي،،،
ياسر:يظلون ،جهال،
اي ،جهال واني احبهم واموت عليهم، بس لويعوفوني ارتاح شوي،
هههه، باعي ،ذيچ الطفلة صدقة، عبالك ملاك،
امل:هاي ،هيچ تحب الجهال،ليش متتزوج لعد؟
ياسر:موجودة بنت الحلال بس كود ترضى،
وليش ماترضى انت شنو ناقصك، الف وحدة تتمناك ، انت بس انوي واني امشيلك عليهة شحدهة متقبل وراك رجال لاعبالك،
ياسر:ياريت ،لو تعرفين داخلي شنو چان عرفتي هاي البنية هي  انتي ياامل، ياريت تحسين  وتبادليني نفس الشعور،،،
قاطعتني امل،
هااا، شگلت؟
ع شنو،،
عالخطبة شبيك، الحگ شوف جهالك قبل لاتكرمش ، ومحد تقبل تاخذك،
ههههه، لا اكو يقبلون، الله كريم،
تعرفين امل لو مو انتي چان طگيت من الرحلة ، انتي الحچي وياچ بي سحر، وبسرعةيمشي الوقت ،بعد نص ساعة  نسافر بغداد،
امل:ياسر ،هاي الطفلة شايفتهة بس مااذكر وين،
ياسر:هي صدك شكلها مآلوف،،
امل:لا، ياسر عبالك اعرفها،
لحظة اتاكد،
ياسر:يمعودة تعاي لاعبالهم دنخطفهة،
شنخطفهة ،بس اتاكد،
امل:مشيت خطوات وبداخلي شك، مستحيل الصدفة تكون هيچ ،
وصلت يم الطفلة مسحت ع راسها ،
گتلها هلو،،،
هلو، خالة،،،
حبيبتي لعد وين ماما،
ماما ماتت،
ياحبيبتي لعد انتي ويامن جاية متخافين ضيعين بنص هاي الهوسة ،
عادل:هي ،متعلمةسافر، لهذا متستغرب،
امل:ومثل ماشكيت طلع ظني بمحلة،
رفعت راسي، وسلمت،
مرحبا عادل شونك، شون صحتك،
ااااامل،هاي انتي ،يامحاسن الصدف ،ولچ كبرانة ،ومحلوة معرفتچ،
ياسر:هاااا،امل يلة نادو عالرحلة ، العفو قاطعتج،
امل:العفو منكم،،،
ياسر،اقدملك ابن خالتي وعمي عادل،،
ياسر: اهلا وسهلا،،،
عااادل:اقدملك ،الاستاذ ياسر زميلي، واحنا اثنينا جااااين نحضر موتمر وراجعين بغداد انتة راجع رايح،
اني راجع بغداد ،والرحلة اصور نادو عليهة،،،
ياسر :دااام احنة نفس الرحلة يلة امشو لانتاخر،
امل :صحيح، يلة تعاي حبيبتي شسمهةبنتك الله يسلمهة،
اسمها شروووق،
اااه،عاشت الاسامي، اعرف هذا الاسم اله  تاريخ بداخلك،چنت اعتقد الغربة نستك ، بس طلعت غلطانة بعدك تحبهة ياعادل والدليل بنتك سميتهة ع الاسم الي اتفقت انت وسارة عليه،
اخذت غصة داخلي واني اتذكر ،عذاب سنين عشتة ويا نفسي رجعني 12سنة ليورا،
او بالاحرى حلم طفولة ، وفارس احلامي بالمراهقة شلت شرووق عمرهة4سنين ، حلوة ومدبدبة وبيضة ماخذة  عيون ابوهة وشعرة بس الباقي امهة مثل مشفت بالصورة ضبط الي شوفتنياها حنين اخت عادل ، صور عرسهم وتعرفون شنو اليعذب بالموضوع انو هذا الجرح محد يعرف بي بس اني ،محد حس بي ولاشاركنيا بس روحي وبس،
خليني اعرفكم عن روحي، وعن قصتي
اسمي آمل عمري 30سنة، عندي 4اخوات و5اخوة،اخواني كلهم مزوجين وعندي 2مسافرين ومزوجين برة ،و3مزوجين واحد هو الي بقة وياي بعد مااتوفى ابوية وامي، مصار ع وفاتهم هواي، ابوي انصاب بالزهايمر لحد ممات ، وامي لحگتة ورا شهرين،
اخوية كلش حباب و مرتة تصير بنت خالتي واختة لعادل، وجهالهم الشواذي معلگين بگلبي ، هواي تقدمولي، بس چنت اتحجج بالدراسة لو اطلع عيوب لحد مايآسو مني وگطعو الامل،
او قلو المعاريس لان طخيت ال30
لهذا تقل الطلبات علية، مرتاحة ،كملت ماجستير ودكتوراه،
واخويةالي جان زاعجني سافر ومن زوج تندم ع هواي تصرفات سواها وياي، بس مشكلتي چانت مو ، اخوية مشكلتي چانت امي وابوية وتربيتهم الي ربوهة النا، علمونا الشي البيدنة ننطي للناس حتى لو نحبة ، لان عيب رد العالم ، او يظل نفسهم بحاجتنا لهذا عانيت وعانيت، صح تغيرت شوي، بس بحياتي ماصرت انانية،
بقيت مثل مااني،
بس ظلت بنفسي هواي اشياء انطيتهة وتنازلت عنها،
واهم هاي الاشياء چان عادل،
عادل توفى ابو وهو صغير وخالتي مقبلت تتزوج، الا لمن صار عادل بالابتدائية، واخذتة هو وخواتة ال3،زوجت رجل ريفي بس چان كدهة وربى اولادهة مثل اولادة واكثر،وكبرنا وكبر داخلي احساس اتجاهة جان عمري15سنة،وكبر واني اشوف شخصيتةتكبر اكثر واكثر ، خلص كلية هندسة معماري، وظل ينتظر التعين، چنت بس اباوعلة يبتسملي ،
ويضحك، واني فسرت هاي النظرات اعجاب وكبرتهةداخلي، الا ان  اجة  عرس اخوية واخته، وحضرو الگرايب وباركو، ووحدة من ذولة الگرايب بنت خالتي سارة نفس عمري ،واحنة صديقات او چنت اعتقد هيچ،
حضرت الحفلة وهي من نوع تلبس وتمكيج وتدلع من چنا صغار،وچانت تاخذ العابي واشيائي اذا عجبتهة ، وحتة اذكر مرة چلبت بحذائي جنت توني مدشنتة، وظلت تبچي لحد ماامي گالت لاامهة خ تاخذة بالعافية اني اشتري لاامل، ورجعت بيومهة بالنعال تكرمونلان متقبل تنطيني من اشياءهة، ابوية چان دائما يحچي على امي ، وتكلة انت نحس متحب اهلي ، بس هاي العادة خلفت بنفسي الالام منسيتهة،
چان ع طول يتردد ع بيتنا ، يوصل اختة او ياخذهة ، هو صديق اخوية هم، چنت اتقصد اكون يمة، اسوي اشياء يحبهة، جنت اسمع حنين وانفذ حتة صبغت شعري اسود لان چان يحب هذا اللون، بس چنت استحي هواي وماعندي جراة والي كبر هالاحساس انو خالتي وحنين چانو رايديني الة، ظليت كاتمة هذي الفرحة لحد مااجة  يوم گالتلي بنت خالتي انو عادل دز مرت خالي عمود تحچي وياهة، وانو هو يحبها ورايدهة ،
ظليت بشك وضجت ، واستفسرت من حنين گالتلي مستحيل هي مو من ثوبنة،
ولارايدها، وابوية هم ميقبل، تقصد زوج امهة،
احنا رايديج بس خلصي سادس ويصير خير،
طبعا ،مرحلة السادس مرحلة كلش حرجة والي يزيد هذا التعب التفكير والخيالات الي جنت  عايشتهة بذاكرتي،واثرت علية وعلى دراستي النتيجة ، اني طلعت تربية وبنت خالتي طلعت هندسة،
وهم حسيت باانتقاص،وامي زيدت هالشعور داخلي،
وبالعطلة، عرفت سارة بيت خالتي مرايديهة، رايديني اني،
اخذتني للسطح وصاحت حنين،
وبكل عين وقحة، صيحت وعيطت وگالت هو يحبني الي، واختارني الي، انتي لازم تگليلهة لاامل هالشي، احسن ماتعيشوهة باامل كاذب، واذا  مصدگين اصيح عادل وخ يااكدلج،
وفرت ع روحي الاحراج والالم،
وگتلهة اني ماافكر بالزواج وكت مااتخرج واتعين يلة ازوج،وعادل ابن خالتي ومحبيت احرج حنين بس لو صايرة صدگ ماارضى،
صار الكل يعرف بعلاقة سارة وعادل،والكل منتظر شوكت يزوجون ولايگين ع بعض مهندسين وهاي السوالف،واني چنت اتعذب لحد مقاطعت كل كرايبي ومناسباتهم، عمود لااسمع حجيهم ولااشوف،نظراتهم، وطول الوقت جنت شاكة سارة تعرف عندي مشاعر اتجاه عادل ،لهذا اغض الطرف ومااتواجد ودائما تحچيلي عن الحياةوعدهة بيهة عادل  بس يزوجون،
بس ورا مدخلت الكلية تغيرت 180درجة وگامت تتهرب من  عادل وتتجنبة،
لحد مافكر يتقدملهة رفضته لان چانت تحب واحد وياهة بالكلية ، اكبر منها بسنتين، وبسرعة بسرعة،زوجها ، وهذا الشي كسر عادل وخلا انسان ضعيف،
حاولو يقنعو ويطيبون خاطرة وعرضو عليه يزوجني، بس بساعة مااجة يحچي وياي واني عارفة، هو مو حابني،
امل:عادل ،انت ليش تداوي جرح بجرح،
اني مااريد ازوجك، بس اذا مو كادر تنساها سافر وابعد ،كونلك حياة واطلع برة،
وكتها مچان عندة فلوس نزعت كلادتي وانطيتهااله،
هاي شنو امل،
اخذهة بيعهة وسافر كون الك حياة بعيد عن هنا والله يوفقك ابن خالتي، بحياتك الجديدة وراها بااسبوع سمعت سافر للاردن، ومرت سنين عرفت هواشتغل وشغلةزين حصل عقد بقطر ومستمر ،مرت 8سنوات واني انتظر يرجعلي ، مااگدر ادخل احد قدمت ع ماجستير وكملت دكتوراه، واتعرفت ع ياسر زميلي واقرب شخص الي والوحيد الي ينطيني مياخذ مني،لهذا ارتاحلة،
وبعدين شفت صور ابن خالتي متزوج وراها صار عندة بنية ، واني  انتظر مااعرف شاانتظر من شخص عمرة محبني بس الي اعرفة راحت 12سنة من  عمري، واني انتظر، زوجة عادل توفت بعد سنتين من ولادة شرووق، صار عدهة سرطان وتوفت، وهسة هو راجع لبغداد وناوي يستقر، بس خالتي توفت ،وبناتهة زوجو، والوحيدة الي قريبةعلي هي حنين، بنت خالتي، يعني رح يجي ويگابلني  ويگعد،هو وبنته،
للحكاية بقية،،،،

🌸🌸🌸🌸🌸
لاتنسون تعليقاتكم واراىكم تهمني ولاتنسون تصوتون عالبارت اذا اعجبكم
فضلا وليس امرا،،،