حكاياتي(حكايا بنات+18)

الحكاية الختامية ج5

ماكل  مايتمناه  المرء  يناله ، وعسى  ان  تكرهو  شيئا  وهو  خير  لكم،  اني  دائما  عايشة  بهذا  المبدآ لحد  هاي اللحظة،،
مرت  سنة  تقريبا  اخر  مرة  شفت  احمد، اجاني للمستشفى وچان متعارك ويا اهلة ،
اني طلعت متعارك رقية، ترة اهلچ سووهة بلا ملحة ماخليت احد مااجة واتوسط، متگليلي شسوي بعد،،
نازك: احمد شسوي والله مو بيدي انت خليك مكاني ،
ليش هسة اني مو بمكانج ، اني متعارك ويا اهلي محد يقبل يجي وياي بعد بس انتي شسويتي ،شو مااحسچ مهتمة ،
يعني شون مامهتمة ، اني اهلي مااحجي وياهم، وگايلتلهم مااقبل بااي احد،،
صارلنا سنة من غير مشاكلي ويا لؤي ،حتة هددني يبطلني من الدوام لما ابوية،،،
گولي هيچ كلة من ورا اخوچ،،،

احمد،  انت ليش دصيح،، منا العالم،،
احمد:انتي ،،ااذا رايدتني رح سوين الي اگلچ يا،،اني سويت العلية وانتي لازم سوين العليچ،
يعني شنو؟
انتي تعرفين شنو،،،بس متريدين سوي،،
اااااحمد،،،
گدامچ خيارين لو اني لو اهلچ،،،
اليوم بالليل تنطيني جواب،،،،
ااااحمد،تقبل اختك تسوي هيچي،،،
شسوي ،جيتهم من الباب ومخليت شي مسويتة،گتلهم اصيرسني، وهم مقبلو،
اني رايح،،،
وبقت يمچ،،،،
راح ،وتركني ،،بس مستحيل اغدر اهلي،،،
لهذا،،
جاوبتة لا،مااكدر،،اني مااكدر اسوي هيج بااهلي ،،،
سد التلفون بدون ميناقشني،،
اول ماااجة يخطبني احمد وفاتحت اهلي، رفضو الموضوع بسبب اختلاف الطوائف بسنة السقوط خالتي انفصلت عن زوجها بسبب الطائفية مع العلم المشاكل چانت عائلية بس العالم تغيرت وگامت تستغل المذهب والطائفية عمود تخرب بيوت،، من غير القصص الي يحچوهاالناس ،واهلي يسمعون،
اهلي چانت عدهم عدة عوارض، اولها فرق التقاليدوالعادات ،احمد چان معيل لعائلتة خافو لاتاثر ع حياتي ،اهلي اصروالعقد عالمذهب الحنفي وهذا الشي

رفضو  اهل  احمد ،  المهم  بالنهاية ، انتهت  قصتنا بس  ظلت  مااثرة  ع  حياتي  وعلاقتي  بااهلي  والي  زاد  هذا  الموضوع ،بيوم اجة اخوية من الواجب وراسة كلة مضبر ،وايدة مكسورة،،
امي اول مشافتةصاحت من الهبطة،،
جينة ع صيحتهة حضنهة لؤي،،،
لاتخافين يوووم مابية شي،،
لؤي:چنت طالع ع طريق السريع اشرتلي سيارة اطبك،
اني هذولة الناس شايفهم بس وين ياربي ماوگفت، ظلت امشي عورضتني سيارتين وحدة گدام وحدة ورة،،،
جروني اثنين ديحطوني بالصندوگ ،چنت جار درنفيس ضربت الجارني وگلت لو يكتلوني لو اطلع،
ركضت بااتجاه سيارتي اجةواحد بصفي ضربني بالسجينة براسي بس ظليت اضرب بي لحد مااجة رتل امريكان وهم انهزمو وعافوني غركان بدمي يعني لما الامريكان چان هسة ميت،،،
نقلوني للمقر وخيطو راسي وجروح بوجههي محسيت بالضربات جان صوابي حار،،
سوولي اشعات شوفتهم باجي وواحد من الجنود گالي احتفظ بهاي التقارير  اذا فكرت تقدم لجوء تخدمك وهاي اول مرة احد يقترح عليةهذا الاقتراح،،،
ورا يومين رجعت للبيت هياتني،،،،
نازك:چنت اسمع حچية واذكر دعواتي علي ،چان ماسامحت روحي لو صاير بي شي،ظلينا كم يوم خطاطير ، وناس رايحة وراجعة،
اخذت اجازة،،،
دگ،، علية احمد چنا متعاركين قبلها وهددني بسبب موقف اخوتي،،
چنا نحچي اني واختي ،،
سارة:شفتي،،هاي بشاير الي جبتي،،
نازك:منو؟
يعني منو احمد ماغيرة ،،،مو قبل يومين هدد واجة اخوچ مدمى ولومو الله ستر چان ناصبين فاتحة،،،
صمالله شتحچين سارة،،،احمد متوصل بي هيج وبعدين مو كل واحد يحچي حچاية يسويهة،،،
خل انعش ذاكرتج،،
تذكرين لمن حيدر ابو خطكم چان يضوجج ،،وهددج يجي يگول لااهلچ سوى مو لزمو بالسيطرة واخذ نصيبة،
ولا تگولين مااعرف ولا من تعاركتو ومداومتي گالج اجي  لو بنص بيتكم،
مو ذاك اليوم دخلونا الحرس وهو وياهم،،،
هذا مو هين مو بعيدة گال اخلص من واحد ضدي،،،،
نازك:كافي ،،،كافي سارة ،،لاتحچين احمد ميسويهة ،،
دخلت امي وعيونها طير شرار،،،
ضربتني،،،وگالتلي،،
ولچ،،انتي شون دلينا ع شغل اخوچ ولج شون تامنين،،،لو ادفنچ  ماارتاح لچ لو صاير بااخوچ شي شااكول شااحچي،،،
شوفي،، موضوع احمد انسي نهائيا واذارايدتة انسي عندچ اهل ،،فهمتي،،
هذا كان رد امي النهائي،،
لهذا من رديت لااحمد جوابي ،،،
ابد ماردلي ،،
بس حاسب اخوية،،، بهاي الطريقة،،،
انعزلت عنهم ومگمت اشاركهم لافرح ولاحزن،،وزادت خلافاتي ماقلت، واخذت ع نفسي عهد اول واحد يدگ الباب لو زبال اقبل بي نكاية بااهلي بس طبعا محد رح يتآذى غيري،،
اكو قرارات بحياتنا ميصير ناخذها بتسرع،،،لان تحددنا حياة بكاملها والعجلة چانت وحدة من صفاتي السيئة،،
بعد مرورسنتين تقريبا من تخرجي علاقتي بااهلي چانت محدودة ،حسيت احاسيس خطا بوكتها كوني مستغلة يفضلون اخوية علية ،
عمري 23سنة،
ومردت ابد اوگع ،ظليت قوية ،اجاني صلاح زيارة للمستشفى وحديثة هو الي خلاني افكر بالارتباط،،،
صلاح:باوعي الحياة متتوقف على احد ،المشكلة مو بالطائفة المشكلة هواي اشياء انتي غفلتي عنها باارتباطج  بااحمد،
هو من ناحية خوش ولد خوش ولد،بس يختلف عنچ 180درجة،
ومتملك، انتي اكيد مرح يعجبج شخص يفرض عليج شي مامقتنعة بي، بعدين الي يحب ميهدد،شنو يعني جكد حاول لازم ميمل،،،
انتي بعدچ صغيرة ،زوجي شخص يناسبچ ومتحيرين بمشاكل، حتى لو موطائفية رح صير طائفية،،
صلااااااح،
انتي بداخلچ مقتنعة بحچي بس انتي مجرد تردين تعاندين اهلج،،
نازك:لا،،،صلاااا،،
اي ،ونص والايام رح تثبتلج،،،
اني جيت اودعچ لان رح استقر بااوكرانيا واحتمال منتشاوف،،،
صدددگ،،
عندي معرض بدبي ،ادعيلي الله يسهلي،،
ان شاء الله امين صلاح،،،،
صلاح،،،ولد چان ويايا بنفس الخط،
وجان يجي ع جماعتة الي هم گروبي،
حاليا هو مقيم هناك وهو ولد شيعي ايضا،بس هو يفكر لبعيد،،،
ودعني اخر اصدقائي وراح،،،
الحمد لله، الله عوضني بصديقة غيرت بية هواي اشياء، بوقت انعدمت بيه الصداقة،
جانت مرايتي، ولازالت،،
مرحبا،،،
مرحبا،،،
سلسبيل،
همزين جيتي شعبتنا
صدگ،،
يلة اعلمچ عالشغل،،،،
ماشي،،
ظلينا سوا وين مروح سوا ،واذا گعدنا،،،
نازك: سلسبيل،،هذا الولد گتلج علي،،،
سلسبيل:خليچ ثگيلة ماما،،،
هههه، مااگدر اثگل،،،
ولچ اگعدي واسمعي كلامي لاظلين مطيورة،،،
انتي ليش تردين تزوجين،،،
اريد يصير عندي عائلة وجهال يكبرون ويايا،
واهم شي بالموضوع زوجوني لاافضحكم،،،،
هههه، اسكتي ولچ لحد يسمعچ،،
ولچ سلسبيل ياهو اليجي يحچيلي سيرة حياتة،
مكتوب على گصتي كرسي الاعتراف،،،
والله انتي،،،
باوعي صلاح قبل لايروح جابلي كتابين ودا اطبقهم عالاوادم،،،،
شنوهالكتب،،،
تفسير الاحلام،والفراسة في معرفة الاخرين،
ليش مااني گاعدة اتفرس ووگعت عيني ع واحد، ومن ساعتها هو  مچلب والحمد لله،
سلسبيل:يعني كم اگلج من مموجودة لاطلعين،
اغيب يوم واحد الگاج مسوية مصيبة،،
مو اكلچ لاتاخذين اجازة يضيع مستقبلي،،
وابقى يتيمة،،،
صمالله عليج من اليتم،،
اكلج هاي البنية مشايفتهة قبل ،،
شوصايرة اشوفها هواي بشعبتنا،،،
شبيج هاي ام ليث،،،
چانت مجازة امومة ورجعت،،
هاااا،خير ان شاء الله،،
شكلها خطابة،،،
هااا خير  اتفرستي المرة يالله،،
لا ،والله،،،سلتي،،
هذا شايفتة،،،
سالتني عن مواليدي،،،
بالخير لگتلج عريس،،،
رح اخلص منج،،،
عابتلچ،،،
مر كم يوووم،
اجتي ام ليث وياها شاب بالعشرينات،،،
چنت توني متوضية وغاسلة وجهي ،،منالمكياج دا اصلي ،،،
وفاتت تطلب مي لاابن اختها،،
تفضلي،،تفضلي،،
صبيت بگلاص مكسور،،،،
وانطيتة،،،وانچب المي بيومها نصه ،،،
ابتسملي،،،
وبنهاية الدوام جتي حچت ويايا،،،
ام ليث:حبي ،،،عندي حچاية وياج،،
تفضلي،،،
شفتي ابن اختي،،،
الله يخلي لااهلة،،
الله يرحمهم،،،
لااا، اثنينهم،،،،حادثة يعني،،،
ابو انفقد بحرب ايران،،،
وامة توفت  عجز كلة ،وهو ترك الدراسة عمود يعين اخوتة بالكلية،،،ويريد بنت حلال تخاف الله بي وبااخوانةالايتام،،،
خطية الله يعوضهم،،،
اني شفتچ خوش بنية، وتخافين الله،وماالگة احسن منج اله،،،،
استحيت مرديت خبر،،،
كلت ارفض، بس صديقتي گالتلي سوي استخارة اول،،،
سووويت اول استخارةوشفت ام مصعب جتني بالمنام وگالتلي هاي حصتچ ضميتلج ياها،،،چانت سلة بيها تمر،،،،
گلت سلسبيل گالتلي عيديها سويت استخارةودعيت دعاء الاستخارة ارني بياضا او نهرا جاريا،
المهم،،شفت كوووم ممرضات لابسات ابيض،،
گلت خلص اتوكل،،
وافاتح اهلي،،،
اول مفاتحت امي مقبلت،،
گتلها اني مصرة ازوجة،،،
مو ردتو واحد سني هياتة،،،
گالتلي ،،،خو ابن  خالتج موجود،
ظليت مصرة ع موقفي ، مثل ميكولون القسمة تسكت،،،،
اجوي النسوان،،،
وامي كالت اردلكم جواب،،،
گالت للؤي واول مرة ميعترض على شي ،،،
راااح سال علي بالشغل گالولة كلش خوش ولد،،
كاللهةلاامي مبين علي بسيط،،
عجب بنتج قبلت،،
رجعت حچت وياي گتلها هذا اختياري،
لو عدكم حجة ثانية،،،
تعبت،،گد ماسكتت،،
راح لؤي العصر وسال منطقتهم ديحجي ويا امي يگللهة كلش خوش ناس واوادم
وهذاهو گلي لاابوية وحددو جية للرياجيل ،چان هو الوحيد المقتنع،
ابوية بس سمع رفض،،،
بس اني كتلة ماعندك حجة عالولد،،
شنو الاعتراض،،
ظل ابوية يريد يقنعني،،بس مچنت اشوف بس اصراري وعنادي،،
اول جية اجووو ابوية رجعهم،،كالاتاكد عندة بيت يلة،،،
بس القسمة صارت ،
لوؤي قنعهم وقبلو ،،،وبيومهة حضني مع انو مااحچي ويا ،،،عرفت بعدين لؤي ناوي يسافر،،،
تمت اجراات الخطبة والعقد،،بس ابد ماحسيت احساس الخطوبة والزواج،،كانو بس اريد اطلع من بيتنا ،واكون الي حياة خاصة بية مثل رسمتي رسمتها، الولد انخطبتلة فقير وعندة اخوان  اثنين واحد بعمري وموظف والثاني طالب كلية،يتخرج وكلمن تصيرلة حياتة،،
مااهتميت للتفاصيل ،،
كل شي صار هيچ شون مچان،،،
وبيوم عرسي امي سمعتني اسطوانة شكبرهة ،،
صدك بيومها گلت اذا اطلع ماارجع لهذا البيت،،،
وبچيت يومها لحد ماتعبت،،،
طبعا الحنة تكفل بيها اخوية لؤي،،،
وقام بكل شي،،،
وثاني يوم الصبح يوم عرسي سافر تركيا،،
وگالي مو گتلج حتة لو اريد اموت اشوفج ميتة اول يلا اودع هو سافر الصبح واني طلعت من بيت اهلي العصر،،،
اول مصعدت السيارة نزلت دموعي ،،بدون مااسيطر عليهة،،
والي زيد حزني،،
حضنت ابوية الي وبچية ،،،
مااتخيلتها،،،
رحنا للمصور ،،،ورجعنا للبيت المفروض عش الزوجية،،،
الكل راح ،،صلينا وكعدنا،،وحچينا،،
اول ماانسدت علية باب اختنگت وعرفت خلص اني تسميت بااسم رجال وهذا بيتي ،،
صح چنت ضايجة من اهلي،،بس بيتنا كلة روح ،انفاس ناس تضحك،،،
بس هذا البيت،،حزين ،وكانو مبني بدم ابو وام زوجي الي عانو عمود يحطولهم اساس لحياتهم،،،
طبعا،چان يوم حلو ،،بس مچنت حاسة بي حاسة كل شي انفرض علية واني وين چان عقلي مااعرف، اعرف هايالاشياء متجيب السعادة،،
بس كل عروس تحلم تحضر بيتها باايدها،
بس حطيت بالي ارتب كل شي ،واخليه جنة،
چان  زوجي حيل فرحان ومكيف،،
لان صار ابو بيت ورح يجمع اخوتة بعيدا عن تحكمات بيت جدة،،،
ظليت اجازة الزواج كلها ارتب بالبيت وانظف واطبخ،،
اخوانة حيل حبابين ومؤدبين ،بس هوچان متذبذب واطباعه تتغير بالدقايق،،
ظليت متحملة متحملة لحد ماانفجرت وبعد مااتحمل وقررت اعوف البيت جنت حامل بالشهر الرابع،،،
وشفت شخصية ثانية،،مونفس الشخصية المتسلطة،،
والي يكسر كل شي كدامة،،
بيومها طلعت زعلانة محچيت لااهلي،،،،
گتلهم ضغطي مرتفع ،،
للعصر اجووي حمويني اثنينهم،وياهم رجلي،،
حماية الصغير ،اخترع حچة عيد ميلادة   عمود ارجع للبيت،
وخابرني قبلها گالي رح اجي اخذج لاتكولين لا،
واجوي اخذوني وقررت اتحمل طباع زوجي السيئة لخاطر حمويني ،،
كل شي تمام،،جان چنا مثال للعائلة المثالية نتساعد ونحب بعض لحد مابيوم  اجة مصعب وگالي خالتي تعاركت ويا اهلهةوجايةتبقى يمنا ومن يوم دخلت وتعكر صفو بيتنا ،وحبنا لبعض،
للحكاية بقية،،،
🌺🌺🌺🌺🌺🌺
لاتنسون تسمعوني تعليقاتكم وارائكم ،،
ولاتنسوصوتوللقصة فضلا وليس امرا