مريت مرحلة اكتئاب گاعدة بالبيت والحچي ، من غير اخواني امي خافت عليهم اخواني مستحيل يشوفون احد ينظلم ويسكتون، واحنا جنا نشوف الظلم ، ومنگدر نحچي الموت كان يحاصرنا من كل جهة حتة منطقتنا القديمة الناس چانت تخاف تحچي خوفا من التصفية لؤي رجع من سوريا وچنت شايلة هم رح نرجع اني ويا ومشاكل ، بس رجع واكو تغير بشخصيتة احسن من قبل متغير ، حصل تعيين، ومكانة حيل حساس، يعني لو بس شامين ريحة بي ينذبح ، چان مغامر ، وموهامة احد رجعنا التمينا ، بس ننتظر الجاي ،،،
وبيوم واني گاعدة دگ رقم غريب علية،
رفضتة ،،، رجع دگ علية سويتة صامت،،،
وبالليل من دا انام رجع دگ علية ، ودز رسالة لمن رفضت المكالمة،،،
اني محمد ناصرية،،،
رفعتة بتردد،،،
الوووو،،،
الووو، مرحبا،، شونج اخبارج شنو هاي الاخبار انقهرت من سمعت بيهة،،،
ظلينا نحچي، دقايق هو گالي وصلت رئاسة القسم انتي هاي ضرووفچ ، وقدمتلج اجازة، انتي شوكت داومين،،
والله يامحمد شكلي مرح اداوم ، الضرووف تعبانة،، مااگدر،،،
رح ااآجل ،
وليش تاجلين اكو بنية اسمها ذرى ، وياكم بنفس المنطقة، هذا رقم بسمة خابريهة واخذي الرقم واذا عدهة خط تعالي وياها،،،
فرحت حيل وكانو احد شعل داخلي شعلة انطفت من ذاك اليوم المشئوم،
سد التلفون ، اني رحت لاامي گتلهة وتوسلت بيهة ماما هي سنة تخرجي،
وبقة كم شهر وتخلص، اريد اداوم امي گالت، اخوانج مرح يقبلون الاوضاع مو زينة،،، اصبري بلكي تتحسن الاوضاع،، ورجعي،،
ماما ، واذا متحسنت،،،
گعدي وسكتي لانرجع لمشاكلكم انتي ولؤي،،،
بس ماما،،
سدت النقاش،،،
واني يآست،،
رجعت خابرت علية ذرى لمن گاللهة محمد، وكالتلي اخوية يوصلني تعاي ويايا، نتفق ويا رئاسة القسم عالامتحانات نداوم،،،
رحت هالمرة على ابوية ،،
وجآت الموافقة،، رغم معارضة الجميع،،
بيومها مقبل اروح ويا ذرى ،،
وداني هو ودلاني عالطريق وگالي بالرجعة اجي اخذج وروح،،
اول موصلت للمعهد حسيت نفس انكطع مني ورجع اول مدخلت فتت لرئاسة القسم ناهين خدماتي سارة السكرتيرة القديمة رجعت ورئاسة القسم صارت لدكتور جندي،،،
الحمدلله اموري سهلة ولان شاطرة قدرو ضرووفي،،،
لگيت كل محاضرات فاتتني جابلياها محمد،،
هاااي شنو،،
هاي محاضرات فاتتج اني يومية استنسخلج ويايا،،،
شكرا اللك ، ليش كلفت روحك ماكو داعي،،
اعتبري اعتذار متاخر،،،
على شنو يمعود نسيت اني ،،
المهم،، جكد فلوسهم،،،
خاف ماعندچ،،،
لاااا، عندي،،،
دا اشاقة وياچ شبيچ،،
خليهة،،،
لا، ميصير،،،
يصير،،،
باوعي ،،، اعتبريهة هدية ع رجعتج، هسة دزيت احمد عمود يحچيلج ويا ابو خط موظفين بالغزالية ، ينزلج كدام منطقتكم،،،
لا، يمعود هواي هاي اشكرك جدا ممنونة منك،،،
رجعت اداوم ومحمد زاد تقربة واهتمامة عرفت هو چبير عائلتة ويشتغل عمود يوفر للدراسة ، چنا گروبات سوا نداوم ، قوت علاقتي بذرى وصرنا سوا نروح ونرجع بخط موظفين،
وبعد كم اسبوع، اجة محمد وصارحني انو معجب بية ورايدني ،
ومستعد يتقدملي،
واني كتلة بعد وكت على هالحجي لان اهلي ماخذين موقف، احمد ابتعد عن الگروب، وگام يغيب،
مچنة ننفرد ابد جنت حريصة على هالشي، وبيوم واني فايتة للحمامات اكو بنية من اهالي الناصرية ، بنية بسيطة وهادئة ، دتحچي صديقتها ، عن محمد وانو داز جماعة عليهة عمود يتقدملهة، وهاي البنية اكيد بسمة، زين اني شنو بالموضوع،،
تاكدت من الاسم،،
وطلعت واني مصدومة المن اصدك شنو جابرة يحچي وياية ، ويكلي معجب،
رجعت للبيت ضايجة،
نمت والعصر كعدت ع صوت تلفوني،
محمد يتصل،،،
جان يسالني مشاوفنا ،،، شبيج،،
مبية شي تعبانة ورجعت،،،
وجان يحجي ويايا طبيعي،،
وسبحان الله مرات رب العالمين يريد يكشف احد،،
وكشفة كدامي بزلة لسان،،،
تعرفين رقية اكو بنية من الناصرية ويانا،،، بالمعهد،،،
صدددد، ك،،،
وشون عرفت،،،
ولد ويايا كالي،،،
شسمهة البنية،،،
ايمان،،،
عندك معلومات كاملة عن البنية،،،
هاي شبيچ رقية،،،
مابية ،، اني رح اسد تلفون اجة اخوية،،،
سديتة وبالي اتاكد او شون ارد اعتباري اذا طلع الموضوع صح،،،
يريد يلعب عليه لعبة حقيرة مثلة،،
جانت بسمة مخطوبة وبنفس الوقت عدها علاقة بنبراس،،،
داومت ثاني يوم،، وتلگاني ولد اعرفة بقسمي، حچالي ع اتفاق محمد وبسمة ونبراس،،
واكيد احمد وياهم،، مو؟
مااعرف رقية اني ردت اكلج، وگلت تصدكين تصدكين مصدگين بكيفچ،،،
لا ، مصدگتك،،
بس اذا حاسبني اختك صدك رد اعتباري،،،
وشون تريدين اساعدج،
اني اگلك اريد تراقب محمد وين يروح وين يرجع،،،
شنو لازمتة ،،،
اني مااكدر اكابلة واگعد انتي لازملج واحد من القسم الداخلي،،،
وهذولة محافظات مينطون بعض لو تموتيهم،،،
ملازم ينطون اني اتصرف واعرف اندمة محمد على تفكيرة يضحك علية ويريد يشوه سمعتي،،،
محمد قاسم:رقية ،،، عوفي خ يولي ذولة ناس مو سهلين،،،
أنت تقرأ
حكاياتي(حكايا بنات+18)
Truyện Ngắnمجموعة حكايا تناقش المشاكل والتغيرات في جسم المراهقات والتحديات التي يخوضها الاهل حتى يتجاوزون المرحلة هاي
