حكاياتي(حكايا بنات+18)

الحكاية التاسعة ج4

من قال ان السكوت هو علامة الرضى، ممكن يكون السكوت سمو الانسان عن التحدث وهو يعرف بقرارة نفسة ان الحچي مرح يجيب نتيجة، وممكن يكون السكوت عادة سيئة اكتسبناها واحنا صغار وعلامة على خجلنا عمود لانخسر المقابل او نزعلة،
بعد ماتعشينا الجهال چلبو يريدون ياكلون موطا ، وعادل استغلهة فرصة عمود يمشي الوكت ومنرجع بسرعة،
آمل:يعني انت شيگولولك الجهال تنفذ تفضل عصينا بالازدحام بعد شيطلعنا الكرادة من يوم يومها ازدحام ،
عمة لا زعلين رح نغنيلچ،
ديييير بالكم، تغنون ،
ياااسايقنا دوس دوس، هسة نحصلك ، عروووس،
آمل:حطيت ايدي على اذني ، وهم يعلون صوتهم وعادل يضحك ويطوط ، يمعود، للكدامة خ يحصلولي، عروس،
واني اضحك، حتى شرووق ، چانت اول مرة تضحك وتصفگ ، ويا الجهال،
ارتچيت ، عالكوشن وحطيت شرووق بحضني، واني اراقب من جوا ، جوا عادل وهو يشوف امل الجديدة كانو يگولي انتي وين چنتي مضمومة عني ،
واحس نظرات تجاذب صارت بينا، عادل مد ايدة ديسحب ايد شرووق، صارت ايدة باايدي،
التقت نظراتنة، بس قاطعوها جهال اخوية العزيز وهم يغنون اغنية من التراث الشعبي،
ابو الزبالة،، ضيع نعالة هو وجهالة،،،،
ابو الزبالة ضيع نعالة،، هو وجهالة،،،
ايا ، ولد،،،،، جفلتوني ولكم هو ضيع نعالة واني ضيعت شي ثاني گالها، ورجع يسوق لمن انفتح الطريق والسيارات مشت، فتح الراديو ويا اضواء الشارع الخافتة ونسيم الليل، واغاني اليسا چانت اغنية لوائل كفوري شو قيمة النظرة لو شفت كل الناس وماشفتك انت ، شو قيمة النطرة لو مرئو كل الناس ومامرئت انت ، اديش صارلي انطرك دتطل،
ظليت متچية راسي ، عالكشن وشرووق نامت بحضني،
والجهال هم تعبو من الهوسة، ونامو، واني سارحة بخيالي مكان بعيد ، مثل ايام زمان وحل الهدوء والسكينة بكل مكان،
بعدچ تغنين من كل گلبچ،،،
شنووو،،
اقصد مثل ايام زمان من تحبين اغنية ظلين دندنين بيهة لحد متندمجين وتغنيها،،،
امل:حطيت ايدي على حلگي، خجلانة،
چان صوتي طالع عالي،،،
عادل:وكف السيارة وخر خصلة من شعري على عيوني جانت،
اني حسيت بيچ سرحتي بخيالج ، بعيد وذكرت ايام گبل، لمن چنا نبات يمكم ،
جنا نكعد بالحديقة واشوفچ تغسلين مواعين وحاطة سماعات بااذنچ، ومندمجة ويا الاغاني ،
مرة دخلت دا اخذ جگايري وسمعت صوتچ وانت تغنين، چان حيل حلو
اذكر چنتي تحبين يامغنية،
امل:اليييسا،،
اي ، اليسا، ابتسمت وطلعت محبيت احرجج،وانتي تطلقين العنان ،بس اني چنت غبي وكتها ومااشوف زين،
آمل: عادل ،يلة خ نرجع تاخرنا والجهال نامو خطية باجر وراهم مدارس،
عادل:امل، اني اسف،غلست عليج هواي،
مااعرف ليش دا اچفص وياچ،
بس انتي وتغيرج والي مريت بي مو سهل،
وفقدت زوجتي، مشاعري مخربطة،اني محتاج ايد تساعدني علمود الم شتات روحي الي تناثرت،
امل:عادل، هواي حچيت حچي بيوم واحد،انت ماتغيرت بعدك مستعجل بكل شي،
تتزوجيني؟
شنننننووو،،
امل، اني مااكدر اثق بااي احد غيرچ، اني ورا ماانكسرت من سارة، انت الانسانةالوحيدة الي ايدها انمدت وساعدتني صدك، ومااكدر انسى معروفچ وياي، ولمن شفت شرووق متعلقة بيچ ارتاحيت،واهلي واهلج من زمان حابين هاي الزواجة تم،
آمل:حيلك ،حيلك،عادل اليوم شفتني وبهالسرعةوثقت بية وعرفتني وتريد تزوجني ، اني مااحب هيچ،
هذا زواج مو لعب جهال،،،
عادل:شتريدين يعني؟
آسلوبك محلو، نتعرف على بعض ولو هاي خطوة سريعةبس هذا الماشي،
موهيج بسرعة بسرعة،
امل ،انتي مو صغيرة عمرج 30سنة،يعني المفروض ،انتي ناضجة وتعرفين تاخير بالزواج مو من مصلحتچ،
نعععععم، مو من مصلحتي، قصدك كبرت وممكن مااحصل احد ازوجة،
ملازم ، اني مااريد ازوج، محد كالك مزلغة روحي عالزواج واذا تريد زواجة عالسريع ذيچ حبيبة گلبك رجعت روحلهة،ولاتجي جرح بحچيك،
عادل:امل مو قصدي اني،
بس ،،،
عادل كلمة ثانية رح انزل من السيارة واخذ الجهال ولا اگلك انزل انت هاي سيارة اخوية،
تكدر تمشي شوي توصل لاابو نواس، اسكر شوية مثل ايام زمان،
تفضل انزل ،
عادل:اصعدي،،
انزل انت دا اصعد،،
دا اكلچ صعدي امل منا الناس عيب لاتفضحينا،،
مااصعد الة تنزل انت ،
فتح باب السيارة،
جرني من ايدي،يلا تعاي نزلت من السيارة عمود اصعدچ،عمود لاتگولين ممشيت حچايتچ،
ضحكت، لمن سحبني من ايدي وظليت منطية وجهي للجامة،
خلص لاتزعلين اني اعتذر منچ ست امل،
ترة صار10سنين مشايف بشر بس رسمات ومشاريع ومواد بناء وعمال وكلة ملتزمين بمواعيد تسليم حتة من زوجت ،اخذت يومين اجازة ورجعت اشتغل، وشرووق هم اجتي بالاتفاق والمواعيد،
هههه، اسكت كافي فهمنة،
رضيتي،
اي رضيت، بس بعدني على كلمتي ترة وكانو محچينا شي،
ماشي تدللين،
زين طول هاي الفترة مصار عندج ارتباط،
نععععم،،،
اكيد، الرياجيل مو عميان ديعوفون هيچ وحدة وميتقدمولهة،
ههههه، جان اكو هواي،، بس مرض ابوية وامي، مخلاني افكر ودراستي ومناقشة،
مجنت فارغة،،،
ويااااسر؟
نعععععم،، يعني انت جگد لحيت على ياسر ، ياسر زميلي بالشغل ، والدراسة،
واحنا سوا سوا بكل شي، ولد حباب وخلوق ويحترمني ويحترم صداقتي بي واخواني يعرفو، ويحبو ويحترمو بمعزة عمو هادي،،
مو هو هذا الكاتلني اخوانچ ، جانو ميقبلون تسلمين علية بس من ياسر فاحين كل الطرق،،،
منو گال مچنت اسلم عليك وانت تغلس.
اننننني،،
والله مسامعج،
مجنت لاسامعني ولاشايفني،
بگلبي گلت الكلمة وظل عادل يداهرني طول الطريق ، عمود ياسر وشمعنى وشمعنى ، يمكن مايوم دخل ياسر بقائمة تفكيري اني شايفته اخوية الصغير بينا 5سنين،
هو اصغر مني، ولمن تاخرت بالرسالة عما ناقشتهة چان هو من الاوائل بسنته وراسا كمل دراسته، وجان يساعدني هواي ويجمعلي مصادر يوصي الاستاذ المشرف علية، چنا اصدقاء حيل، ماعندي صديقات بنات،
ميستلطفوني يمكن، لان مااحب انافق واحچي عالعالم مچنت احب ارتبط، لان داخلي ردة فعل من الحب والزواج بقى باب گلبي مسدود وظل مفتاحة بيد عادل الي راجع هسة يريد مني زواج وعائلة واني چنت متمنية بس يباوعلي او يشاركني بنظرة بس السوال هنا هو اني المفروض بهاللحظة اكون فرحانة، بس ليش مو حاسة هذا الاحساس، يمكن ضاعت فرحتي وكتها،
من رجعنا چانو بيت خالتي باقين وناوين يباتون يمنا،
حنين فرحت من شافتنا تاخرنا فتت شايلة شروووق تلگتني حنين، بعدهم هنا، عفية عليچ امولة،
وين رحتو،،
آمل:خل اگعد ، شرووق طول الطريق نايمة ع ايدي لما خدرت،
الله يساعدج،
حبتج، شرووق هواي،
واني هم،، حبيتهة تنكرط فدوة لگلبهة
ام سارة:حمدالله عالسلامة هاي شنو من مصور بتلفات الدنيا،، كانو تبسمر واخوية خالد ضايج لان تاخرنا،،،
والله خالة رحت للمصور اطيت الكاميرا وصرت تحت تهديد السلاح راحو للالعاب، وچلبو بعادل يتعشون، وطلعولي بالىموطا ، رحنا للموج هذا بالكرادة اكلنا موطا وعصينا بالازدحام
وهاي جيتنا،
لو ندري چان جينا وياكم، خطية سارة ، صارلهة كومة مطالعة جف لازمة عده ، گتلهة رح تموتين خ نطلع دام ابن خالتچ اجة وبت خالتج امل هم،
صحييييح، وخلصت العدة مالتچ سارة،
لا بعدلي 20يووم،،،
الله يساعدچ ويعوض عليج،
سارة:ويعوض عليچ انتي هم حبيبتي،
مدري منو ناظرلج ومحد اجة خطبچ،
ابتسمت ابتسامة، خفيفة،
وگتلها، اسالي حنين، هذا بابنا جگد اندك ، من غير العرف والكرايب وويايا بالكلية، بس اني مو اي احد ازوجة واقبل بي، اذا ميكون مثل مرايدتة ماازوج، احسن مااطلگ واخلي بركبتي جهال، واشيل خطيتهم،
خالتي من شافتهة حمت حبت تلطف الجو،،
مو قصدها حبيبتي ، انتو الاثنين ماعدچن حظ ياعيني عليچن،
امل: لاخالة لا، عيني باردة على روحي، اذا من ناحية الحظ فحظي كاعد ومتربع،
عندي شهادة ووضيفة واهلي خلفولي بيت واخواني وردة واحد احسن من الثاني وحنونة وردة مال الله شايلتني شيل هي وخالد،
حنونة:تستاهلين ع گد حنيتج ونيتج الصافية ربي يوعدچ باابن الحلال الي يستاهلچ،
ام سارة: ان شاء الله،
اي عادل شناوي برجعتك هاي، بعد مترجع ،
مااعرف ضرووفي خالتي،
وين رح تگعد رح تبقى بيت خالد،
عادل:لا ، خالة، بيت اهلي يحتاجلة ترميم، اني رح اقسمة وانطي خواتي حصصهم، ولحد مااخلص هذا ، رح اكعد بمشتمل امل الله يرضى عليهة،،
ومناوي تزووووج،،،
عادل:باوع ، علية ولاحظت نظرات سارة، بااتجاهة،
ان شاء الله خالة اكمل شغلاتي وبنت الحلال تجيي ان شاء الله،
امل:حسيت بااحراج ترخصت من الكل ابدل،
وحسيت گلبي طار من الفرحة،
عادل، محط عينة بعين سارة ولااهتزت شعرة من راسة، يمكن يثبتلهة انو ممحتاجهة، وانو هي انتهت من حياته،
ورا شوي بدلت ونزلت لگيتة واگف بالطرمة يدخن جگارة ، وسارة واگفة يمة،
اخذت نفس عميق، وترخصت من الكل،
اصعد انام عندي دوام،
فاتو
جوا واحد ورا الثاني،،
چلبت بية شرووق، جانت متنحسة بعدهة تريد تنام وبدلتلهة حنين، دا اصعد ، عادل گالي خاف ضوجج بالنوم،
لا مضوجني،
اني فرشتلكم فوگ خالة يمي، عود صعدو رح ابقي الباب مفتوح،
حنين:چان فرشنالهم بالاستقبال،
مو عادل ، شون وين ينام،
بيتنا چان او بيت اخوية چان عبارة ع مطبخ واستقبال وصالة صغيرة وغرفة اخوية والفوك غرفتي وغرفة ولد اخوية، وصالة وحمام،
عادل:فرشولي بالسطح ،
اني احب هاي النومة مشتاقلهة، واخذي راحتچ امل خليهم ينامون جوا،،
وخالتي ، دكت رجل هي وسارة الا ينامون يمي بحجة سوالف، ونكعد،
صعدت وحطيت شرووق ع ايدي، جهال اخوية كبرو قبل جان واحد منا واحد منا ينامون،
واحس بتعب فكري ، مااعرفة، اني اغار، اي اغار من سارة، هي احلى وافضل مني ورح اظل احس هذا الاحساس اتجاهة كلما اقتربت من عادل،
بس عادل طول الوقت يااكدلي هي مموجودة بحياتة بعد،
ليش ادوخ راسي، هو لما رايدني مچان تقدملي للزواج،
نامت شرووق،
واني اخذتني الغفوة،
گعدت بنص الليل ع صوت شرووق تبجي،
ومقبلت تسكت،
هااا ، حبيبتي ، شنو يوجعج مكدرت اعرف،
گعدت خالتي،
ع صوتهة، ولچ سكتي دوختينة وگعدت تشرحلي طريقتها لااسكات طفل راشدي منا راشدي منا ينسطر وينام وايدتهة سارة، ضجت منهم،
اخذت شروق، فوتتهة للحمام وخليتهة بمي دافي، جنت تعبانة حيل، بس اتعاطفت ويا شرووق هواي لان صغيرة وخسرت امهة بالاضافة لذلك، هي حيل اتعلقت بية، يمكن لان شافتني ادافع عنهة لمن ابوهة صيح عليهة، او لمن كعدو يقلدون ع شكلهة،،
خليتهة شوي، دورتلها ع لبس مريح بعدهة جنطة عادل كعدت ادور ع ملابسهة، فززني صوت عادل من ورا، شبيهة شرووق، تبچي،
مااعرف، توني دا ابدللهة ،واكعد حنين تعرف اني موكلش يعني خبرة بالجهال،
بس هي سكتت ورا مسبحتها،
دا ادورلهةهدوم،مااعرف وين هدومها،
عادل:هسة اطلعلهة،روحي بدلي انتي هم تنگعتي،
مااشي،،
صعدت ع كيفي،اخذت هدوم وبدلت،
سويت حليب ،ونسكافيه لعادل،
لگيتةديهز بنته ويلوليلهة،
حبيتة،احب الاب الي يحباولادة ويحن عليهم،وحتة لمن سمعت خالتي تگول لحنين هو هسة اذا على حچيج يدور داداة لبنتةمو زوجة، ماكو وحدة تقبل بهيچ،وضع،انتي عمتهةتگدرين تربيهة ويا جهالچ،
احسن متتبهذل ويازوجة اب،
احترمتة،لمن گالي انتي الشخص الي اثق ابقي بنتي يمة،
واعرف حتةزواجة مو علمود يزوج وانما عمود يخلق استقرار بنتة،
فتت،
عادل، نامت،بصوت ناصي،
اي نامت،،
سويتلهة حليب عبالي تشرب، وهاي النسكافيه الك،
شكرا الچ ،امل،،
يلة جيبها دامها نامت،،،
امل،بدون زحمة عليج اريد فراش فرشيلي اني وشرووق احسن متزعجين البقية وانتي هم خطية،،
روحي نامي اذا عندج دوااام،
لا ابدا، عندي درجات اسلمهم،
وصورالموتمر اسلمهم لياسر ،واارجع،
هسة اجيبلك فراش،
فرشتله،
دااسحب شرووق،
چتي ،سارة،
شلتهة دا انيمهة، لشرووق واراقب عادل وسارة،
سارة:شبيهة شرووق ظل بالي عليهةحبيبتي، كسرت كلبي ذكرتني بملوكة بنتي،
ابتسمت بسري، واخذت علامات التعجب بداخلي شون الانسان يگدر يتلون هيج ويگلب الحچاية ،بالدقيقة،
وماخجلت گدامي تحچي،
عادل:لا يظل بالچ ،امل سوت الواجب واكثر، تسلمين امل،عفية اخذي بنت خالتچ وصعدو ،اريد انام مصدكت شرووق نامت،،،
طلعنا دنصعد وسمعت طگةالقفل مال الباب فرحت بداخلي، وهو ديشوف سارة ان الابواب انسدت ،ولاتحاولين،
ثاني يوم رحت للدوام،جنت مستعجلة للرجعة،
وياسر لاحظ هالشي،
شبيچ انتي، مشفتچ يوم متلهفة عالبيت موچنتي تگولين اخاف اعود للجحيم،
هههههه، صدك،
لعد شكو مشدوهة،،
ماكوشي ياسر لاتلح،،،
ضمين عليه،،
شااضم،،
مااعرف كولي انتي،،
اووف ياسر،،
انت لازم تخليني احچي ماكو شي،
ياسر، عينچ بعيني،
ياسر ،،عيب ماما اني اختك الچبيرةاكو اشياء اخاف مكانتي تهتز گدامك،
يو صمالله عليچ ياقزمةالي يشوفج يكول طالبةاعداديةانتي والجنز وحذائج الرياضي،
موعيب من طلابچ،
صرت بايخ ورح احچيلك،
شايف ابن خالتي شفنابالمطار،،،
عااادل ،موووو،
زين حفظت اسمه،،
قبل جان رايدني، بس مچنت رايدتةولااستلطفة،
وراها سافر وصارت مشاكل وازوج ورجع،،
هاي الحقيقة لوالعكس،
ياسر:شو انت صاير مكروه دا اچذب عليك اني،
لا ،مو قصدي، بس اني اعرفج امل واعرفچ اكثر من اي احد،ومااريد تتاذين بسبب مشاعر كاذبة،
ياااااسر، لاتتجاوز،اني غلطانةدا احچي وياك انت واحد زعطوط شمفهمك بالحب،عمود احچيلك،
ياسر:رحم الله والديج واني الاسف،
امل:وين هربان ،صارلك جگد تحب وحدة عندك جراة تصارحهة وتكللهة احبچ وين شجاعتك هااا،
ياسر:اني فعلا اسف، عمرج مامنفعلة هالانفعال، ولامتجاوزة علية، اما عن الي احبهة،فاني عندي اخسر حبي ومااصارحهةهي صديقتي احسن مااجرح مشاعرها واخسرها للابد، اشوفها كدامي يومية واسمع كلامها احسن مايختفي صوتها من حياتي احبها دائما وياي وحوالية احسن مااتحسر وهي قاطعة علاقتها بيه اني من هاي الناحية جبان بس هي غبية لان محست بية ولابالي حاسة بيوم، مع السلامة امل،
وعطلة سعيدة مقدما،،،
وراها باايام بدت العطلة الصيفية،
واقترحو يروحون للشمال، وبيت خالتو لزكونا ديروحون ويانا، سارة بعدها تقاتل عمود ترجع عادل الي ماخذ قرار مايرجعلها بس مايمنع يحجي وياها بالتلفون ويسهرون لازم مااضوج ولااغار لان هي نزوةواني حقيقة رح اكون زوجتة،
ياسر ظل زعلان وميرد على اتصالاتي،
حتةخالد اقترح يعزمة ويانا يروح هو والاهل بس اعتذر مقبل ، وظليت طول الرحلة اسمع النفاق الاجتماعي ، وشخصيتين متقلبة لسارةكدامي شي وگدام عادل شي ثاني،لمن حاسبتة شوفني تلفونة وگالي باعي اني مامتصل بيهة،،،
هي تتصل ومجلبة وعموداريحچ خلينا نعلن خبر خطوبتنا عمود متتقرب،بس هذا مشكل عائق كدام سارة،لان ماكوشي بحياتها اسمه كرامة بالحب هاي معركة ولازم تربحها،واني مچان عندي دافع قوي عمو د انازلها چان فكري مشتت وبعيد اني ماعندي شخصية ومدا اعرف اختار ومعرفت منوهاي البنية الي يحبهة ياسر هذا الي كان هامني،وهذا الشي ضوج عادل وثار غضبة،،،وشمر تلفوني بالمي ورا وهاي اول مرة اشوفة هيچ عصبي وهو يتهمني بااني مااعندي احساس وباردة،هو اني صدك باردة لو مشاعري تغيرت ويا الزمن،،،،،
للحكاية بقية
🌺🌺🌺🌺🌺🌺🌺🌺
لاتنسوني من فضل تعليقاتكم وارائكم ولاتنسون التصويت عالبارت اذا اعجبكم فضلا وليس امرا
تحياتي،،
نازك الملائكة