بذيج الليلة السودة تعاركنا سوا لان ممسويتلة الاكلة الي يريدها ،
اذا عاجبك ،،،، هيچ جيب واني اسويلك ،،،
انتي ماتعرفين سوين اي شي ،، ساعة السودة شفتچ بيهة،،، هواي حچي يوجع، رغم كل الي تحملتة وعانيتة صرت ساعة سودة بحياتة وصلني مرحلة كرهت روحي لان مدا اخذ قرار خايفة اظلمة ،
رجع نص الليل ، ونسى وراه عائلة اصلا هو مو هامة العائلة العندة ، مااعرف شنو خلا يزوج هو ابد ماحابني، واني تاليتي ازوج رجال ماحابني ولاحابتة،
هو چان رايد مرة يفتح بيها بيت وتخدمة وتخدم اخوانة،
واني ردت اكسر كلام اهلي واحرگ گلبهم ، لان حرموني من شخص چنت رايدتة، بالنهاية گلبي وحدة الاحترگ،
وشلت خطية طفلين ياربي شون اربيهم، يعني شون اربيهم، مااني مربيتهم وحدي ، ابوهم مالة اي دور ،
تعبت ،، هو هذا نصيبي ، حضنت اولادي وحاولت انام بس النتيجة كل الذكريات السيئة جتي بالي من اول يوم زوجت لحد ماحلف علية وطلگني، ردت اذكر غلط سويتة ويا ، ملكيت يمكن عنيدة ، بس عمري ماعاندت بغلط،
گعدت الصبح،،،
فتت لبست حجابي وبديت انزل غراضي وداخلي انكسار مااعرف اوصفة،
گعدو جهالي جبتلهم ريوك ريگتهم وغسلتلهم ، وبدلتلهم،
لزمت تلفوني ،،، ومترددة اخابر اهلي اگللهم، لو لا،،،
شون مااگللهم هاي مو زعلة هاي طلاگ،
گعد من النوم،، كانو عبالة صار كابوس،،
گالي متاخذين الجهال،
وهاي اول مرة اوگف بوجهة،،
رح اطلع من البيت وجهالي وياي،،
ماتاخذيهم طلعي وحدچ،،
شايف لو اطلع جنازة جهالي باايدي،،
بعدي متاخذيهم،،
باااوع مصعب ، ترة كل شياطين الدنيا تفتر فوگ راسي،
البيني وبينك انتهى، وجهالي ذولة الي ، اني جبتهم وربيتهم وكبرتهم،،
ومرح اطلع اذا مااخذهم وياي،،،
انتي عبالج واكفة بوجهي مااگدر اضربچ،،
مو اضربچ واخلص عليچ،،،
جرب تضربني واني وداعت جهالي ،، خل انام مستشفى وانت نام بالسجن وبعد لااهتم عيب ولاكول رجلي،،
انت متعرفني اذا كرهت شخص شااسوي بي،،،
والبيت؟
يا بيت،،،،
بيت الاخذتي الچ،، فلوسي،،،
فلوسك،، هدية سلامتي ،،،
ارجعلك ياها، تدلل،، بس وخر من وجهي مااريد اشوفك،،،
عافني وطلع،، وظليت ابچي،،،
خابرت اهلي والخبر كان مثل الصاقعة عليهم،، ابد مشاكيتلهم ولايعرفون الي مريت بي،،،
بس وين اروح ،،، ماكو مكان،،،
رجعت لبيت اهلي المكان الي هربت منة ،،،
عمود اتحرر،،، رحت وحدي ،، ورجعت وياي اثنين،، احمال اضافية لحياتي،،،
اجتي خالتة وحاولت تصلح،،
بس اخوية چان واصل واختي تنقل بغراضي،،،
باوعت بعينة وگتلة وهاي ساعة السودة الي جمعتك بية خلصت منها،،
باوعت بعينة چانت كلها انكسار ،،،
هاي النظرة خلتني محجوزة 3سنوات ردت يتقدم خطوة يگلي احبچ محتاجج مچان يگولها ولايتعب روحه،
محتاجة احد يطبطب على چتافي ويگلي لا تشيلين هم ،،،
اني وياچ،،،
يمسح دمعتي اذا بچيت،،
مايلومني اذا خسر اوضاع منه شي،
چنت منتظرة منة اهتمام بس مالگيتة،
يمكن الصوچ بية لو اني مااستحق،،
ظليت احچي ويا روحي ،، وماابين منكسرة وهذا الي اني ردتة صعب تمثل على الحواليك القوة،،،
بس مثلت ،امي اكثر وحدة،چانت مصدومة وتعبانة،خواتي حاولو يخففون عني،
اختي الچبيرةگالتلي لاتگولين لااحد،،
خاف لازوجهة يعرف،،،
اول يوم اخذت جهالي وظليت افتر بالسوووگ لحد ماتعبت،،،ورجعت متاخرة ،
اخوية گالي لازم مطلعين انتي تلزمين عده،
يعني القيود ورانا ورانا،،
ليش شايفني طالعه ادور رجال،،،
باوعي الاصول اصول تردين تطلعين جهالچ گليلي اني اطلعكم،،
اخوية ماقصر ويا جهالي،،چان الهم اب اكثر من ابوهم يمكن،بس چنت احس يفتقدون بيتهم ومكانهم،،
العابهم،،،
حتة اني رغم السجن، چنت عايشتة والحزن بس چنت ملكة مكاني،،،
والدي ،،،گالي لاتستعجلين بابا،
ولاتروحين محامي،،،
خليهة تخلص العدة وراهة نصدق الطلاق،،،
وهذا الحچي كالتليا صديقتي محامية،،،
بدون مصاريف،،،
ثاني يوم،،،صديقاتي كلهم مصدومات، بس محد هون علية محنتي غيرهم،،ووحدة من صديقاتي چانت جاية من اجازة امومة ،،حتة اللكمة ذبتهة من حلگها،،
چانو ينصحوني مااتهور ومااتسرع ،لان هذا طبعي دائما،،
دائما استعجل ،،،وعنيدة،،
يعني شااگله للقاضي زوجي طلگني لان مقبلت اسويلة شوربة هم يبكي وهم يضحك،،
الكل كان يضحك بس اني چنت اتالم من جواتي،،
داخلي وجع محد حاس بي،،،
يمكن لان دائما ابين قوية،، للناس، ومانزلت دمعتي،،،
الكل چان مصدگ هاي رغبتي،،
اني رايدتهة،،،
أنت تقرأ
حكاياتي(حكايا بنات+18)
Short Storyمجموعة حكايا تناقش المشاكل والتغيرات في جسم المراهقات والتحديات التي يخوضها الاهل حتى يتجاوزون المرحلة هاي
