حكاياتي(حكايا بنات+18)

الحكاية الخامسة ج5

ذكرت في البداية ان هذي الحكايات تخص مراهقات مرو بتجارب وحبو يوصلوها للاهل وتبعاتها تعود ع اسلوب التربية وطريقة تعامل الاهل وياها لااقف مع وحدة من الشخصيات لكن التمس لهم الاعذار واحاول اوصل معلومة للكل الاهل كل مايصعبون الحلال يتجه الفرد للحرام انثى كانت او رجل، الزواج بالاكراه للطرفين رح يعود بالخسارة على المجتمع الي ديخلف اجيال كارهة شرگاءهة بالحياة فالرجل يخون وتعود المراة ع اولادها تحملهم ذنب ابوهم، او ممكن تنحرف عن المسار الطبيعي وتعاملة بالمثل وتخونة مو الة ويا رجل تخونة معنويا وهي ويا بنفس السرير وهي فكرهة ويا شخص اخر والرسول اكد ان الزواج اتفاق مو اختلاف والانثى من حقها تختار الشريك ترتاحلة، واذا الاهل مو حابين بتهم تزوج بعمر صغير ليش يجبروهة تتزوج من رجل اخر متحبة كنوع من العقاب ع خطآهةطيب ليش يااخي مالحلال موجود ليش تخليه تكرهك وتكره المجتمع تكره حتة اولادهةةنوادر منهم يتكيفون، بس حاملة كوم اسرار تثقل كاهللهة،
كما احب انوه ع شغلة السحر،
وانو البطلة سوت غلط وسوت حرام طيب ليش خليتوهة تلجا للحرام والحلال موجود واكرر البنية سوتة بجهالة ، يعني متعرف تبعاتة ولا حرمتة ولاتگولولي وحدة تربت عمرهة كله ماراكعة ركعه تكون مومنة وترمي حمولها لاالله هواي نساء يصلون ويصومون وتقيات ووصلو مرحلة اليآس، وداىما يتحسبون ع ازواجهم،
وع اهلهم، نحن لسنا انبياء، وبالاخر رب العالمين غفور رحيم لمن ارتكب السوء بجهالة السحر حبلة قصير وتبعاتة هواي على يسوون سحر لاازواجهم لعيالهم لااي احد (لايحيط المكر السئ الا بااهله)وتذكرو قوله تعالى (يتعلمان منه مايفرقون بين المرء وزوجه وماهم بضارين به من احد الا بااذن الله )
نرجع للاحداث تابعوني،،،،،
شرمين :اجة اليوم الي اتمنا اني وزين والفرحة داخلي متنوصف اخيرا رح انجمع ويا حب حياتي، نصي الثاني كآني بحلم ، ومااريد اصحى منة،
طبعا بعد الرفض الطويل من اهلي الي ولد جفاء بين العائلتين فروقات بالثقافة والعادات بس اني وزين طايرين من الفرح مو هامنه، رحت للصالون وچنت احلى عروسة بيومها، وام الصالون كالتلي متوني وجعتني هلگد ماشعري طويل وثخين،
والبدلة جانت كيمونة بدون اسقيات وبيضة المع لمع لبست عدسات خضر وشعري صبغتليا احمر نبيذي طلع كلش حلو،
چان العرس
، وفرحانة حيل ،،
خلصت الحفلة فتنا اني وزين وقفل الباب،
خفت من هاي اللحظة جكد جانت تجمعنا اللحظات اني وزين بس هاي اللحظة تختلف لحظة عايشيهة بالحلال،،
اني وحبيبي،
حضنتة قوي، حضنتة خاف چنت احلم
زين:واخيرا،اخيرا انتي بحضني ،مدااكدر اصدك ،انتي هنا يمي ،كرصيني، بداعتي،
ااااييييي، خرب وجعتيني متصدگين واحد يگلج گرصي ،
شرمين:هههههه، واني هم حبيبي ممصدگةصرت مرتك وگاعدين سوا وبنفس المكان ،ونفس الغرفة كاعد يمي ممصدگة اني،
اييييي، خرب بليسك على هالگرصة منو گلك،
مو تگولين ممصدگة رح اشوفچ،
هيچ صارت، انت شاطر الزمني اذا گدرت،
هههه،ولج كافي ركض تعبت ،رح تخليني عمري كلة اركض وراچ،
شرمين وگفت گدامة،
زين، ظل حبني هيچ ، لاتنساني ،لاتملني،
لان اني اموت روحي اذا مليتني،
جرني من ايدي،،،
تعالي ام الاموت نفسي دير بالچ تذكريها،
دير بالج تفكرين تآذين روحچ،تآذيني معناها،
واني الوجع مو سهل يشفى،
شرمين انتي متعرفين جگد احپج ،ماكو شي يعادل هالحب،ولا اكوشي يجي بعده،
انت وحدك گاعد بگلبي ومتربع،
شايفة من رحتي لااربيل، كل يوم احط روحي گدام الموت واگول مااريد روحي
انتي ماكو بيهة، انتي النفس شوشايتي،
حضنت زين، وبدينا حياتنا سوا احلامنا سوا،
الحب الي عشت انتظرةهسة بين احضاني اودع الحزن، اودع كل شي محلو، زوجت زين ونسيت كل شي صار
نفسي،روحي، كل شي غالي على گلبي،
زين: شوشايتي،
ها،حبيبتي، اريد اگلج كم شغلة بهالبيت،
لازم تعرفيها،واريد تكونين مثل ماتمنيتج ام بيتي،
شرمين:حاضر حبي، گول،
اهنا بالبيت الكل طيبين وعلى نياتهم، ويحبوچ
انتي هم رفعي راسي وكوني وياهن اخت ،
ومن تشوفين اخواني لبسي بجامة طويلة،او دشداشة،
زين،بس اني متعلمةبيت اهلي،
شرمين حبيبتي لخاطري تعلمي، لان هيچ
بالبيت شوي نحسين،،
شو ضجتي،
لا مضجت،
لاضجتي،واني ميهون عليةضوجين، سوي اليرحيج بس اني رح اضوج، واضايق احد يباوع عليج غيري،
يلة تصبحين على خير حبيبتي،
زين، زين، انت زعلت مني،
لا، مازعلت شبيچ،
زين، مو تقشمر علية، اني اعرفك،واعرف لمن تضوج، خلص شنوچادر البس مثل متريد بس لاتزعل علية ،
اندار علية،،
لج اني ازعل عليچ ازعل روحي ولا زعلچ،
حبيبتي،حضني ونمنا،
ثاني يوم نزل للواجب،وظليت بيت عيالي،
اطباعهم تختلف عن اطباع اهلي، عمتي اذا طلبت شي ،تكولي خايبة مجيبين هاية،
خايبة ماتودين هاي، شالج الله متاكلين،
صوتهم عالي ابو وامة ع طول مشاحنات
صح ميريدون يبينون ماكو شي،
بس مبين جو مكهرب من يروح زين وحدة من البنات تجي يمي تنام ،
نفس عمري واكو وحدة اكبر مني،
طول الوقت ضايجة زين يكولي عوفيها هي هيچ،معليج بيهة زينب بكدج خليج وياهة،
وگمت اساعدهم بالشغل، عمود زين تحملت هواي اشياءصارو اهلي بعد الشهادة لله هم حيل يحبوني ويقدروني بين الچناين لهذا مچان اكو علاقة تربطني بيهم،
من يجي زين حياتي تصير اله هو وبس،
كل شي تغير بية، حتة الچا صرت اكولها مثلهم، لبست حجاب وبرضة مني مو غصبا،
عني،
وجنت راضية ومرتاحة،
حتة حچي عمتي تعلمت علي بطلت ازعل،
ورا شهرين من زواجنا زين بقة ع وعدة لداوم بالمدرسة بس حياة الزواج، والمدرسة،
متعبة مجنت اركز بس جنت احاول امشي،الامور،
زين كل شي راضي علي،
ومن يجي حيل يخفف عليه ، وهم هم، ميثقلون علية،
الحمدلله، جنا متفقين ورانص السنة يلا احمل عمود اجيب وراامتحانات،
خلصت نص سنة،وبلشنا عمود نسوي طفل وفعلا صرت حامل ، وچان حمل متعب ومدرسة ،اهلي بهالفترة قررو يتحولون لااربيل لان الاوضاع چانت مو تمام،
رحت اساعد امي لان خواتي مهنا
بتت يمهم ،
زين،ها حبيبتي شونج ، شااخبارج، لاتعبين روحچ،
عگب باچر يمج،شتردين اجيبلج وياي،
اريد بقلاوة،
ماكو احد بيت اهلج يجيبلج،
هههه،اني اريدهة منك اطيب،
شوشايتي،
هااااا،
وجعا،گولي نعم،
نععععم،
مشتااااااگلج،،
واني هممممين،
سديت تلفون، ونمممممت،،،،
اركض اركض بالحلم گمزت علية بزونة سودة،
اعوذبالله ،من الشيطان الرجيم ،
گعدت من النوم ،فزيت گمت تعبانة،رحت اتوضا واصلي شفت دم نازل،رحت كعدت امي ،وبالليل للطوارئ،
كورتاج، خسرت الطفل،نمت يومين،
مستشفى نزل زين بوجهة للمستشفى،
عيالي حچو عليةوگالولة زين مچان لازم تروح لااهلهة،
زين: حمدالله ع سلامتج حبيبتي،
شرمين: چنت مقهورة، زين ترة والله مااشتغلت ولاتعبت روحي ، بس مااعرف والله شون هيچ
شرمين،كافي حبيبتي خلص الله مكاتبنا
وان شاء الله يفرحنا بطفل ثاني بعدنا بااولها،
بس اني حيل جنت منتظرة هالطفل يجي ،
خلاص شرمين،كافي حبيبتي لاتزعلين، بعدين بعدني مشبعت منج يجي هذاالمكروه وتلتهين بي ، خليچ ملتهية بية،
شيرمين: تسلملي زيوني حبيبي،
مر كم يوم وام زين ظلت تلوم بية خطية
انزل،،،
خطية زيوني ملحگ يتهنى باابنة راحت فرحتة،لو كاعدة ومهبودة بيتج شصار،اهلج ملگو غيرج انتي الحبلة ساعديهم شبعي يلا راح الولد ، خ يفيدوج اهلچ،
ظليت اشتغل وساكتة ، واسمع،
اخر شي طگيت،
خالة ترةبيت اهلي مااشتغلت،
لعد من شني طاح الولد،
عمة ،اذا عالشغل اني هنا اشتغل اكثر من هناك،
ولچ،شنوقصدچ، احنا طيحنا ابنج لا كولي ،تشمرين بلآچ علينا،الله لايوفقج،
شفت الحچي مابي فائدة صعدت وظليت ابچي لحد مدخل عليه زين ،
شوشاية شبيچ، ليش تبچين،
مابية شي شوية ضايجة،
ليش ضايجة،،،
عمود اهلي رح يرحون،،،
تضوجين واني يمج، اني اهلج واخوج وابوج،لاضوجين حبيبتي،
ماشي زيوني ربي يخليك الي وميحرمني منك، يارب ،امشي يلا نتعشى،
والله مامشتهية ،
لعد اني هم مااريد،
زيوني ،انزل تعشى صدك ممشتهية،
خلص تعاي نزلي اشوفچ وافتح نفسي
نزلنا ، خزرتني عمتي وبدات تحجي،
هاا، توسلت بيها، رضت عليك،
ردت اگوم ،جر ايدي ،واشرلي ميخالف،
گعدي،حماية الچبير، حچا ،وسكتهة ،
ختمتهة، سديتو نفسي عن الاكل وحماتي
الچبيرة،نفس موقف عمتي،
زين ،وعدني نزلتةالجاية ،يبنيلى غرفة ومطبخ،
ونوينا نعزل گبت مشاكل، بس زين خصمها وگال، هذاهو مرتي غريبة وممتعلمة احسن من المشاكل رحت لااهلي ، اغير جو،ومن رجعت لگيت كل شي ظابط، كلشي مجهز عشرة على عشرة، اجة زين بات يوم يم اهلي ثاني يوم ،رجعنا وچان محضرلي المفاجاة،
شرمين:هاي شنو حبيبي ،تسلملي،
زين:عمود تعرفين انتي شنو بالنسبةالي
شرمين اني اعرف تعبتي ويا اهلي هواي
وچنتي گد ثقتي وحبي الچ،حبيبتي شرمين الله لايحرمني منج ،تعرفين من بالواجب اتمنى لو اصور الي بينا عمود
اتذكرج وانتظر النزلة عمود اشوفج واحضنچ واشمچ واشبع عيني منچ ،
حبيبتي،
ظليت اتذكر ذيچ اللحظات الي جمعتنا والحب الي بيوم وليلة انگلب الى كره،
بعد فترة ، صرت حامل للمرة الثانية وزين نقل لبغداد ،والواجب اقل گام يداريني وماشي الحمل وصلت بحملي شهر السابع، واخذت سونار حامل بولد والفرحة متنوصف وحچي زين عالولد
بس حملي كلة كوابيس ، امشي بالحلم واكو بزونة سودة تمشي ورايا،
لونايمة واشوفها بالغرفة، گامت تخوفني ،
حچيت لزين، ونصحني افتح سورة البقرة، واصلي ،
بس الكوابيس گامت تضاعف ،لحد مايوم نايمة فزيت اباوع البزونة ع بطني واگفةصحت صيحة قوية فز زين ع صوتي،
شيرمين شبيج شكو ،
زين ،البزونة نفسها ،واكفة ع بطني،
تعوذي من الشيطان،
اعوذ بالله من الشيطان الرجيم،
كومي توضي وصلي،
ماشي،چان عرس ابن عمة بكربلاء رحنا ،
وچانت حفلة حلوة ،ورگصت ويا البنات وچان زين كل شوي يااشرلي اهدي كافي
بالليل جمعو بنات وگعدو يشربون گهوة وبنت عمة تحجي بسوالف التابعة مال تابعة فسولفتلهة ع احلامي گالتلي انتي عندج تابعة،
ومنها بدا الخوف ،لمن گالتلي اكو احد مسويلج عمل، اول مرجعت بغدادمخليت شي مغسلتة الفراش كله طلعتة والمخدات فتحتهم ملگيت شي،سورة البقرة ،ع طول بالبيت،
واكتآبت ، وزين گام يضايق يطلع عمود لايضايقني،
چان يوم زين بالواجب واني وحدي ،
كابوس، بزازين صغار،يريدون يفتحون الباب ويفوتون واني اشمر بيهم ويرجعون ، اخر شي چلبت بزونةباايدي
وخرمشت بطني،
وگعدت ع الم فضيع ، خابرت زين رجع خابر ع اخو ونقلوني بالمستشفى الحبل السري ملفوف عراس الطفل حولوني ع عملية، كل شي بسرعة فتت للصالة وعملية ، بس كان الوقت متاخر والطفل مات،
وفوگ الم العملية، خبر وفاة ابني اهلي بعيدين ،دخلت بكااابة ،وتوترت علاقتي بزين،
وراهة رجعت اتصالاتي،ويا بنت عمة،
گالتلي خلي زين يجيبج اوديج ع علوية يمنة، تقراعليج بلكي ترتاحين،
وفعلا رحنا وراحت اخت زين وياي
رحنا وشفت علوية ، قرت علية،
كالتلي انتي متورطة بعمل بي نگاسة
كتلهة لا مستحيل، اني صلات وصيام ،عمري مااذيت احد ولاسويت شي ضريت بي احد،
متاكدة بنتي،،،
طبعا متاكدة،،،،
باعي هاي مي مقري علي ،وعلمتني ع ايات البطلة وكالتلي لازم ظلين اربعين يوم طاهرة وتخلين قران جوا راسج ،
وايةالبقرة،
وان شاء الله خير،
ماشي،،،
ماشي،،،
رجعت لبغداد،علاقتي بزين صارت مشحونة،لهذا اغلب الوقت لو واجب ،لوطالع يم اهلة او اصدقاءة،
رحنا بيت وليد ورنا صار عدهم ولد،
وكعدنا تعشينا وسولفتلهة ع روحة كربلاء وشكالتلي العلوية،ومامقتنعة بحچيها،
رنا:اگلج ،شوشو،خاف قصدهة ععمل سوينا لاابوج عمود يقبل،
شرمين :ولچ ،ياعمل مو گتيلي ينتهي بس ازوج،
رنا: والله مااعرف ياشوشو خاف بعده
شرمين:عزة ، بعيني معقولة الي ديصير
بسبب سويتةلاابوية،
مااصدك،لا،
رنا: شنو رايچ نرجع للمرة ونگللهةتفك العمل،
شرمين: لاتكوليهة،وشااكول، لزين،مااكدر
اطلع بلا مايدري،
رنا:مو تردين ترتاحين،
خ رتبها ويا دوام زين،
شرمين: ظليت افكر بكلامها وذكرت مرضاة ابوية بس لاسبب الي سويتة، وين عقلي وفكري،
ظليت سهرانة للصبح انتظرت زين يطلع گتلة رح اروح رنا وافق،
انتظرنا وليد يطلع ورحنا لنفس المرة، مالگيناها، بس جارتهم دلتنا،رحنا كالتلي مو بسهولة ينفك ويحتاجله اشياء
بس اكوشغلات رح صير متعجبج،،،
ميخالف ،راضية،