حكاياتي(حكايا بنات+18)

الحكاية الثالثة ج2

مااريد طلعو برة كافي خنگتوني جاهل عدكم اني، مااااريد، ماااريد،
💔💔💔
ابو هشام:شبي هشام ليش يصيح وصوتة طالع..،
ام هشام: ردت وهي تبچي، سودة علية مثل كل يوم يباوع صورة واهداف الي سجلها ويهيج ويصيح، لو واحد من صحبانة يخابرة ويحترگ دمة،وين جانتلة الله لاينطيج ياسما الله لايهنيج مثل الي سويتي بوليدي،
💔💔💔
8اشهر مضت عالحادثة

اني اسف كابتن الاصابة بالركبة كلش بليغة ،مرح تكدر تلعب مرةثانية،
بلحظة تبخرت كل احلامي حلم الشهرة والنجاح الانسانة الي حبيتهةكل شي اختفى بعركة مال ناس حواسم تعاركو على بوكة، اني وواحد جوارينة لابيهةولاعليهة،بثواني طلقات طايشة ضيعت مستقبلي واحلامي وابن جيرانة خسر وحدة من رجليه،
والي يضحك بالموضوع انو الحجاز اليي يدخل بمشكلة بين شخصين مالة فصل عشائري يعني حتةالبنت الي احبهة مالي حق ازوجهة،
ورا 3اشهر گطعت علاقتها بية وسمعت زوجت، خسرت كل شي ، مطلعت من البيت من ساعة الحادثة،
اهلي هم تاذوو بسبب الي صار وانمردو
امي يومية جايبتلي وحدة واگلب الدنيا مااقبل ،منو تاخذ واحد اعرج لاشغلة ولاعملة عالة على اهلةوالطلقة الثانية ممكن سببتلي عجز ، دمرت وصار حدي غرفتي،لواكل بشراهة لوتنقطع شهيتي،
زاد وزني،كبرت لحيتي، صرت انسان ميتباوع بي الا اذا مخبلة وعقلهابي شي ،الوضع الي اني بي اهلي تاذو وانمردو اكثر مني،
واكثر وحدة تاذت بهالحادثة امي
وراها اتخربطت وصارت عدهة جلطة لذا
وراها قررت ادوس على نفسي لخاطر امي وابوية،
الحمدلله خواتي حواليهة،
جان منو داراها،
ام هشام ،اني رايح لاابو وسيم محتاجة شي،
مااعرف شعندك يارجال يومية زابك يم ابو وسيم،لو مااعرفك اكول يدور دبك ،
ابو هشام:بهالعمر وتغارين عليةحجية،
شعندي غيرك يابعد الروح ،
اي اجيبلج مرة ساعدج بالشغل،
لا، يمة تريد تجلطني بعد هالعمر تتزوج علية، وابنك بطولك مستحق زواجة اكثر
منك،
وينة ابنج هذا،مال زواج على ايدج شكد فشلنا ويا عالم،
بيني وبينج،سالفةراح اسويهاواخلي كدام الامر الواقع،
وشنهي السالفة،مااكلچ تكوليها لاابنچ گبل،
هيج الحچي حجي صارت اسرار بينا،
الچ الصافي معليچ،
رايح اني من رخصتج،
الساعةالتاسعة مساءا.،،
ابو وسيم:ام وسيم،ابو هشام جاي خطار حضرو عشا،

ام وسيم: كل عقلك بهالوقت اسوي عشا شنو هذا ابو هشام ماعندة شغلة وعملة يومية جاي ومدو صفر، اني رايحة انام گعد بنتك تسويلك،والله يالله،
ابووسيم: والله لاضيعين،لوطلعت فرح من البيت،
فرح:هااا،  يابة،
يابة،جاييناخطار،
خير يابة منو،جاي،
عمج ابو هشام،خابرني كال جاي،
كلت عيب نحضر عشا،
تريد الصدك، شو صدك هذا العمو يمنا،
ابو وسيم:يعني،شااكولة لاتجي، عيب،
فرح: يلة،بابا،گايمة،
هلا ،ابو هشام تفضل ،تفضل،
شونك ابو وسيم ،شون صحتك،اسف جيتك بوقت متاخر،
شنوهالحجي ابو هشام، هذا بيت اخوك،
اي والله،ياابو وسيم شوكت مايضيگ صدري،اتذكرك انت،
يلة،يلة،هسة فرح،جيب العشا ونضرب طاولي،
لا،والله مااشتهي، تعبان جيت ارتاح وافضفض يمك،
هلا بيك خوية، خير خما اكو شي الحجية بيهاشي مصارت  زينة،
ااااه، هي الحجية مين تمرضت غير من قهرهة على هالولد،