حكاياتي(حكايا بنات+18)

الحكاية الخامسة ج1

زيوني، زيوني، ماما تعبتني من الصبح ليهسة،
زين العابدين: صوت عشت عمر انتظرة ، صوت
سكن قلبي دمر كياني، شيرمين، شيرمين!
شيرمين:اصعب احساس ممكن تحسة تركض وره وهم عمرة مرح يصير الك،
نزلت راسي داا اشيل ابني واسمع صوت حاصرني سنين، صوت هربت منة اميال، بس عمود مااشوفة مااسمعة وهسة هذا الصوت واگف بشحمة ولحمة، زين، زين
شيرمين، هاي انتي شوونج،
لحظة رجعت وجع سنين،،
السنة 2007شهر ال2چان يوم خميس يمكن نفس السيارة تفوت من يمي ،
اغنية محمد عبدالجبار شمسين،
نفس الشاب ونفس الضحكة،
رنا:شيرمين ، هذا الولد عينة عليج ،،
شيرمين:هواي عينهم عليه شنو الجديد،
رنا :خطية، والله متمرغل عليج،
عزة هذا وگف،
امشي عالسريع،
تستاهلين گتلج البسي حجاب،
شيرمين فتحت گصيبتي ولفيت شعري الاحمر كدامة،
طلع جگارة ويضرب عالسكان ويعض بااصبعة،
ونضحك ، اني وصديقتي الخايفة،
بيوم واني امشي صديقتي ماكو نفس السيارة ونفس الشخص، نفس الاغنية، هالمرة يمشي ورايا، ياحلو، ياابو شعر الاحمر، يامغرور،
شيرمين :شتريد،
رايدچ،،،
شتريد مني،،
صعدي،،
هزيت چتفي ماااا،
صعدي،،،،
مااااا
بصوت عالي،،،
دااكلچ صعدي،،
صعدت،
صعدنا تفضل شتريد ،
ظل صافن بوجهي ، احبچ،ورايدچ بالحلال،،
اهووو بدينا الچذب،
اني چذاب،،،
وستين چذاب،اكو وحد يگول لوحدة هسةعرفهااحبج تزوجيني،
لعد شااكلج،،،
نتعرف اول،،،
مديت ايدي ،اسمي شيرمين علي،
مد ايده حضن ايدي اسمي زين العابدين علي،مبتسم
شيرمين:للاسف ،طلعنا اخوة، اسفةخيبت املك،هسة شون واحنا حبينابعض،من رخصتك،انزل،
زين العابدين: حيلچ،حيلچ،ههه،لچ طلعتي مخبلة،حط ايدة الثانيةع ايدي، واني احب المخبلات،
شيرمين: يا خااااين عندك غيري مخبلات ،اسفة من اولها خيانة بعد ياغشاش،
زينالعابدين بعدة لازم ايدي واني اضرب بي وهوشبعان ضحك،
اني احبج، احب وحدةمخبلةاسمها شيرمين، ومن عرفتها حبيتها اكثر،
شيرمين: اهلاوسهلا بيك وبحبك سيد زين العابدين ممكن تعوف ايدي عمود انزل،
وين تنزلين ،اروح بيتنة،لوناوي تخطفني، ياعالم ياناس خطفني،
ولچ كافي جننتيني،،
شيرمين،وبعد وبعد مشفت من خبالاتي شي،
شيري،وين منطيتيني رقمچ،
ليش شايف عندي رقم،،،
ماعندي موبايل،،،
شكلك انصدمت،
يلةمع الاسف،ماكو موبايل ماكو نصيب،
بااااي،،
مشيت خطوات واني اضحك،
رجع مشة ورايا،،
ودك هورن فتت للفرع ،طوطلي بالهورن،
صيح،،،شيريييي، اااااحبچ،
انفضحت خرب ابليسك روووووح،،،
اشوفچ الاحد،
روووح،ولك فضحتني،،رجعت فرحانة وكل مااذكر الحچي اضحك من كل گلبي،
وظليت اشتغل واضحك على حجية،حبيتة وحبيت ضحكتة،،
اني عندي موبايل بس ماانطيتة موبايلي،
خليني اعرفكم عليةوعلى عائلتي وحكايتي اسمي شيرمين علي عمري حاليا28 من عائلةكردية احنا3خوات واخويةزكريا الصغيرعمرةجان6سنوات
ابويةموظف بمكان حساس،چان يروح خفارات ونبقى ويا امي،
عاىلتنا شوي منفتحة اختي الچبيرةچوان مزوجة وعايشة بااربيل،واختي ميرفت الوسط،واني اصغر وحدةوشايلة وكاحةالبيت كلة،
ماكوشي اسمة حساب بيتنا،
الكل عايش بحرية ،ويسوي الي يريدة
مرت الجمعة والسبت گوة،وضافت فاتحة اقاربنا، غبت ثلاثةايام،
رنا: هلو ولج، شيري، والله مكانچ خالي،،
شيرمين: ليش خير شكو ،مصيبة صارت،
رنا:سكتي،هذا ،،يوميةيوگف باب المدرسة ويظل ينتظر، البارحة الا شوية راد يسالني،
صدك، خلي باچر نشوف،
شيرمين ثاني يوم سويت شعري سفيفة من فوگ ليجوة ولبست صدريتي العدلةام الچاكات الي كل مرة اترزل من وراها،وسترة سودة قصيرة ،
مشيت الصبح، رحت ع رنا دا اخذهة وروح للمدرسة،
وظلينا نضحك ونتشاقة بالطريق، طبگت سيارة زين ،وچان عصبي ،صعدي،
شيرمين:روح ،عندي دوام،
اگلچ صعدي ،وك روح وتعال نهاية الدوام،
اگلچ صعدي بعد وكت،
تصعد وياي رنا،،،،
رنا لا شنو اصعد ،رح اروح، الله عليچ رنا اصعدي وياي،هذا مخبل،
لچ مخبل نصعد ويا اذا شافني اخوية يموتني،
اصعدو فضوني،،،بصوت عالي،،
شكو،شكو، شبيك، من صباحية ربك ،هاي
سوالف المخابيل متمشي وياي،
زين: وينچ ماكو ،3ايام ماكو انتي وينچ،
وانتو شكو ،ابوية اخوية ،رجلي شعليك،
انتي شون تحچين هيج ،واللي حجينا وگلنا،
شگلنا وشحجينا، لچ شنو نسيتي،
هو شنو اذكرة،،،
خرب شيرمين لاتخبليني،الخمييييس،
شيرمين: شبيييي،
زين: من صعدتي وياي،
اي وبعدين،
زين: انتي شجابچ هنااااا،
شمدريني،،
رنا:كاعدين يتعاركون وكل شوي اگول تنگلب السيارةبيناگلت انزل هم مخابيل شيصير بيهم خ يصير،
رنا: ياااااجماعة،عفية،
زين،شيرمين:شككككووو،
عفية نزلوني وتفاهمو على كيفكم،فدوة،
وگف السيارة،نزلت رنا،
شيرمين: هسة،شتريد،
زين:انتي مخبلة،احبج ولج احبج،
شيرمين: ادري ،،انت ليش عصبي،هسة،
زين:هدآ،تعرفين شصار بية الايام الراحت،
شصار ،عبالك متت،
زين: لاتگوليها، جيبي ايدچ، شسوي بيهة عزة،
حطيها هنا، شوفي دگات كلبي ،
اشتاقيتلج ولج،
ولچ،
شنو هالرومانسية،الي انت بيهة،
كلش اشتاقيتلج،
زين، ايدي ،
شبيهة،،
اريدهة، اني يمناوية،هاك اليسرة،
ورجعلي ايدي،
جر ايدناتي وعصرهم ،شون بيج انتي ،
زين،كافي عوف ايدي وخل اروح،استلم الرزالة،
مكلتيلي،
شااگلك،
تحبيني، اعرفك اول واگلك،
شوكت اشوفج، الله اعلم،
الحب شعور يحرك داخلك مشاعرغريبة ،
مشاعر بعمرك ماحسيتها ،چان اول واخر حب الي،
رنا: ها ولچ، لچ هذا شنو ،مخبل، وانتي
هو مفول عصبية وتناگري،
شيرمين:شكو، عيني، بس حبيت خبالة،
مرت ايام ،وكل يوم صبح وظهر اشوفة اتعرفت علي ،عندة محل مال كوزمتك اخوان اثنين مزوجين اربع اخوات 2مزوجات2 مامزوجات،
من اهل الناصرية،وهنا چانت المشكلة، مر على علاقتنا6اشهر ،كلش حبيتةوحبني، خلصت امتحانات الخامس ،واجة اليوم الي لازم يخطبني ،
وقرر يدز اهلة عمود يخطبوني، مجنت متخيلة ممكن اهلي يرفضون خصوصاابوبة الي حتة مسمع مني ولامن زين، وابتدا مشواري عمود احصل الحب ،مالي،
للقصة بقية،،،
🌸🌸🌸🌸
اصعب لحظات الحب والعشق،لمن تقابل شخص تحبة ورا فراق طويل خصوصا اذا تركتة بدون ماتنطي اسباب
🌺🌺🌺🌺🌺🌺
سمعوني تعليقاتكم وارائكم ولاتنسون تصوتون عالبارت اذا اعجبكم...