حكاياتي(حكايا بنات+18)

الحكاية الثانية ج4

بلحظات الانسان يعرف النفس الي خلقة رب العالمين جكد عزيز وغالي يمكن ساعات مطروحة عالارض محد حس بية يمكن بيني وبين نفسي كلمات ردت اكولها لحسن  واني باانفاسي الاخيرة ظليت انتظر باب الحمام ينفتح بس غمضت عيني ومامر كدامي غير طيف بنتي الي مشافت شي من امهة، ششوف ضرب واهانة امها كدامها تناقض بالمشاعر ساعة بركان وساعة نسيم هوا،
مااذكر بس خطوات تروح وترجع نفس شخص يبجي يمي،  بس مفتحت عيوني، مردت افتحها اتمنى اكون ميتة وصوت البجي هذا صوت الناس الي حزنت ع شبابي الي مشفت منة شي،
بس الصوت صار صوت شخصين هديل وحسن،  محاورة بينهم
بس الصوت مشوش يمكن هديل جانت تحجي على حسن وتلومة،وهو مااعرف جان  صوتة حزين،
طلعت هديل،وحسيت بنفسة قريب مني
باسني من خدي ومشفتةالة بيوم المحكمة،
فزيت ع صوت الجابي يقول اسمي بس فزيت لمن صاح حسن علي،رجفت لزمت ايد ابوية،
بداالقاضي يسال ،حسن اجة فايت وكت
والقاضي يسالنا ،موسهلة عدكم طفلة ،خفت لايزيداصراره وميطلكني،
سالةالقاضي متاكد انت تريد تطلق زوجتك ،ابني بعدكم صغار حاولو تصالحون،جنت لازمةايد ابويةخايفة لاالقاضي يكول رجعيلة، وابويةيطمني لاتخافين،بابا،حسيت حسن باوع علية ،
وكالةللقاضي رح اطلكها خليها تروح لحال سبيلها،
صاحني القاضي كالي اوكفي كدامة وخلي يرمي يمين الطلاق،
باوع على سهير وكلها انتي طالق،
نفس هاي الوكفة وكفناها كدام بعض وجان يومهة فرحان واني نفس خوفي هذا والقاضي يكلي باعي علي وكليلة قبلت زواجك،
رفعت عيني  بعينة،اخر مرة كاانو مجبور يكولها ،
ابني، ابني،
حسن: نعم،
كوللها ، ياسهير بنت عبدالله انتي طالق،
حسن: سهير عبدالله انتي طالق...
سهير: كالها،وفات من يمي ،مجنت اتصور يعوفني، بس كالها وطلع،
ترك الجلسةوعاف المحامي يكمل الاجراات،وتنازل عن حضانة اماني معقولة ورا هالعذاب ارتاح،هيج بدون معاناة، هديل كالتلي من حبة بيج طلكج ،الحمدلله هذا الحب اجة بفائدة، 
حسيت روحي بسجن وهسةطلعت منة، ثاني يوم غراضي كلهامصفطة بجنط ومدزوزة للبيت،
سهير:هديل،  اخذيهم ،مااريد اشوفهم،
هديل:شسوي بيهم،حرامات سهير اكو جداد ماملبوسات،
سهير:مااريدهم،شمريهم بالزبالة ،
هديل:ماشي،اشوف منو يجي يشيلهم،
بنص الغراض شفت صور عرسنا راسا شلتهم ضميتهم،
كنت اعتقد اني تحررت من قيود حسن،بس القيود ظلت بس من بعيد
اي احد يتقدملي،حسن ينهي الموضوع من يمة، قدمت خارجي ونجحت قدمت عالكلية،ادارةواقتصاد قسم محاسبة،وهم بالكليةاحس كامرات المراقبة حوالية،
حسن حسب مسمعت سفراتة كثرت هديل،تكلي يمكن مزوج تحاول تثيرني،
بس مجنت مهتمة مرت اشهر ايام سنين،
12سنة مرت هيج بسرعةكملت دراسة وحافز داخلي اكمل بعد اريد اثبت لحسن اني ناجحة، لا اثبت روحي اني ماانكسرت،معدت ذيج الطفلة البريئةالخايفة،الحمدلله طول هاي الفترة
مهتمة بروحي الي يشوفني يكول اماني اختي موبنتي، من جان حسن يجي ياخذهةاصعد بالسطح ادك والطم،ابجي خايفة لاياخذهة  مني،
بس مثل مياخذهة يرجعها مجان عندي
جراة اسالها،ابوج شيكول علية،هم يحجي علية، بساعات العصبية الي اخذتهةمنةحتةلساني وتصرفاتي صارت مثل حسن، الاشياء الاكرهه بي جنت اسويهة، توقفت زيارات حسن  وقرر يسافر لسوريا، مااعرف  ليش انثاريت،
وصرت عصبية يمكن لان حجي هديل
هو مزوج وعايش حياتةواني عمري كلة ضاع، وهوحاجز علية،
قاطعني صوت ابوية صحاني،
موهذاالي ردتي موتريدين يبعد من يوم طلكج مادنالج، شتريدين طلعين قهرج بنتج تريديهة تكره ابوهةلج عيب بابا،عيب هالحجي تحجي،اصحي ع نفسج راعي بنتج وشغلج واذاردتي تزوجين خل يدك بابنا واحد،ووافقي علي انتي وشوفي منو يدنالج، لوالبزون
ميحب الا خناكة،
سهير:اني اسفة بابا عليت صوتي،بس والله تعبت وهو ساحب ايدة والحب الة
بنتي متقبل على ابوهةكلمة،
حسرةاحجي،تكلب الدنيا وتزعل،
خلص، بابا، تعبت،منها مرات اكول لو تاركتهالاابوها، جان ارتاحيت شوية،المسوولية والتربية،بيني وبينك بابا اني اريد اطلع من البيت واكعد اني وبنتي وحدنا،
ابوسهير:شدتحجين شنو تكعدين وحدك
بابا، جهال معتز كبرو وعينهم على اماني مااريد اعيد مآسااتي ويا حسن،واخلي بنتي بالنار،
ابوسهير:بيني  وبين نفسي اه ياسهير لو تعرفين حسن شون يفكر بيج، اوف لويرجع الوكت،
بابا،بابا،انت ويايا...
اي، بابا،وياج،تعرفين جتي بالي فكرة،
وانتي طلعي حسن من بالج...
سهير:والدي هوالمنفى الوحيد الي الجآ
لمن اكون عصبية ولا حزينة هوالي يقراني،مرات اخاف اباوع بوجهةلايقرا الي داخلي،
صعدت لغرفتي وحاسة بضيق مااعرف ليش ،المفروض اكون سعيدة ،خلص الي كاتم على انفاسي رح يسافر،ويخليني اتنفس 10سنين مرت كانها البارحة، حتةلمن طلقت بقيت ضمن قيد حسن اي
احد يجي جان يهددني ياخذ بنتي ويحرمني منها،10سنين عايشة بالخوف
بس جنت اتماسك عمود لايشوف خوفي طول الوقت احس روحي مراقبة،هو دائما حوالية، لازم افرح،معقولةزوج،معقولةنساني،من باجر
ماكو احد يحوم حوالية، لا.ماكو بعد احد يحميني، حسيت مختنكة صعدت بالسطح الجو بي نسمة برودة،
صعدت فوك واخذت تلفوني وياي،كل مااحس بضيق افتح اغنيةاسمعهااشبع بجي وانزل، اي حسيت روحي مضايقة ورايدةابجي،حطيت سماعات بااذني وشغلت اغنية جانت لصلاح حسن عليت الصوت وغمضت عيوني كعدت على جرباية حاطيهة بالسطح وكعدت اسمع
موردت من عندي تخلص رح اخلصك اني مني اني ماابقى دقيقة ويا واحد مايحبني،
حسيت ايد انمدت ع جتفي فزيت ورجعت ليورى،
هذا حسن،نفس خوفي منةمااتغير سديت التلفون،
انت شجابك هنا مين طلعت،
حسن:حيلج ،حيلج ،لما بيت عمي وحايط
عالحايط،صيحت،صيحت،انتي طرشة مسمعين كمزت والحايط مو عالي، شعندج كاعدة بنصاص الليالي بالسطح امشي نزلي يلة.
سهير:نفذت الامر بدون تردد مشيت خطوات،وذكرت رجعت،صحت علي لحظة،لحظة،
انت شعليك بية وبعدين شكو تكمز مثل الحرامية فوق السطوح،
هههه، استغفر الله، لج بابا الدنيا باردة وانتي كاعده تبجين كمز عليج حرامي بزون جريدي،
راسا كمزت ورا يمة،جريدي،وين شفتة،
بلة انتي متخافين من الحرامي تخافين من الجريدي ،
راسا بعدت عندة،
هوالحرامي يكدر يوصل بيتناوانت مشتغل مراقب خطوط،
يلةروح بيتكم،وعوفني حابة اكعد هنا،بعدين منو كلك ابجي وعلى شنو روح بابا روح وراك سفر وملحقاتة،
حسن:هههه،باعي دموعج بعدهة ع خدج.
مسحت عيني،توك كلت، الدنيا باردةوبعدين اني من زمان،قاطعني واجةكعد يمي وبدا يحجي بدالي،
من زمان انتي ام دميعة بس جكاعد سمعين خل اشوف،
جر التلفون وشغل الاغنية المتوقفة،
اااااه،صدك هاي الاغنية هسة على بالي وجيتي شغلتيهةالي،
حط سماعةباذنةوالثانية مدها ديحط بااذني كتلة مااريد،طلع جكارة ودخن وكعد يردد الاغنية،
الي ردت وياروح...
خل يعشك بالجرووح...
اني وياك جنت طيب،طيب،
ولان طيب ماتحبني..
باوع بية،جنت صدك اريد انفجرمن البجي، تمالكت روحي،
عفية طيني موبايلي اريد انزل،باجر عندي دوام وانت وراك سفر ومرة تنتظرك،مديت ايدي اخذ الموبايل،
جرهاوكعدني،
سنين انتظر اشوف لهفتج حبج اشتياقج الي انتظر سامحيني، شنو معناة حجيج ودموعج انتي متريديني اسافر ضايجة لان رح اعوفج،
جاوبيني،مو بس انتي تاذيتي،اني يومية نيران العشگ تحرگ گلبي وچويني،ولچ مو حب هذا مرض مو انتي گلتي مريض
اي مريض والسبب انتي،
اخذت موبايلي،ردت اسد اذني ومااسمع
مااسمع هوى دمر حياتي حطم كياني،
خلاني مدمنة، لاعبالكم الادمان شرب ومخدرات،الالم والعذاب الي عشتهم ويا صرت مفتقدتة،سنين من العمر راحت واني كل ليلى اغفى على كابوس يضربني ويرجع يراضيني،وارجع اشوفةيكطع شرايينةبس اشوف الدم افز واكعد،سنين ورا طلاگي اراجع اطباء نفسين موسهلةتخسرين جزء من جسدج،
لهذااي وحدة تكلي تعبت وراسن الياس تعبت اخذ علاجات ماعندي دورة مثل باقي البنات،يومية ابجي لان ماعندي فرصة اخلف اولاد بعد لهذا ماازوج،
لا، اني مو كادرة ازوج لان مو كادرة اتخيل احد يلزمني، احس رح يجي حسن يكتلنا اثنينا ،مااكدر اطلع من حلقة
حسن،لهذا هم قدرت حال مزوجات طلگو من ازواجهم وبعدهم عايشين ومتابعين حياتهم،
فتت لغرفتي، وظليت كاعده لساعة متاخرة، ونمت مااعرف شوكت، كعدت ع
صوت اماني بنتي،
ها، ماما شتردين،
ماما،اليوم مرح اداوم،
ولج ليش،
ماما،هذا اخر يوم اشوف بابا مو اضيعةبالمدرسة،
ومااشوف ابوية.،
ذكرت حسن رح يروح،صفنت،
هااا،ماما،شكلتي..
شااكول، موانتي ناوية ومقررةبنت حسن،شكو تكليلي،
مو،بابا،
شبي ابوج يريدني وياكم اروح،
لا،شيسوي بيج،
دبسز، تردين،
ههه،يريد رقمج،
وشيسوي برقمي،
هو، كالي كلي لاامج اذا تقبل تنطيني رقمها،عمود يسال علية،
روووحي،كليلة ماتنطي،
ظلي،انتي هيج بس صيحين ،
سكتي ولج لادردمين،مردت اكون المرةالهمجيةالغيرانة لازم اكون واثقة من نفسي،
انطيهيا،وكليلة ماما حاطتة بس للحالات الطارئة،موكل شوي يدك علية،عندي محاضرات،
ماشي، ماما اصلا بابا ما عندة وقت كلة شغل،اطمني،
يمة منج،محامية،اربي ويروح لحسن،
سافر حسن، وظليت انتظر يدك تلفوني،ومرت ايام واشهر وساعات طويلة ارق وانتظار،بس ماكو اي خبر،
ماعندي جراة اسال،ايام تعدي كل مايدك رقم غريب اكول هو ، وارجع اكول ياغبية ،هذا رقم مو دولي ،معقولة هو مسافر، ايي يمكن كاعد بعيد ويراقبني،
اخ ،من الحنين جكد يوجع ،يوجع حيل لمن روحي تشتاق لااكثر شخص اذاهة،
اشتاق لحبةاذكر حميتة،اذكر دموعة واني اتوجع بالولادة،حضنتة الي لمن اندعمت، ارجع اضرب صدري واكلة كافي حرام عليك تعذبني،كافي ياعقلي تفكر بي،خلص سهيرة باجر ينتهي حسن من حياتج،خلص نامي،
نمت،وصحيت ع صوت اماني،
ماما..ماما..
ها،خيرج اماني،مو اليوم عطلة،شتريدين،مصروفج من البارحة ماخذتة،
ماما،بيت خالو بالشمال، وجدو تعبان مابي حيل،
اي،شتريدين ست اماني كولي.،
بابا،جاي،
ردت فعلي جانت اقوى من اماني ..
صدك،
قصدي شمدريج منوكلج اذا عمتج موهنا ،
مو هو على طول يخابرني،
تعاي، ولج ميلج تلفون،
ماعندي ماما،مال جدو،هو يومية يخابرني عليه،
شنو،شو مكتيلي ،انتي مسالتي،ممعقولة بابا سنةمااعرف عنةشي،
اكيد يومية يخابرني ويطمن علية،
موانطيتي رقم تلفوني،
لا، ماما،شفتج مضايقة كلت ليش تنحرجين منه وهو اول وتالي يخابر عمودي اطيتةرقم جدو، يخابر علية منة،
بهاللحظة،لما اماني طفلة جان موتتهةكتل سنة كاملة انتظر اتصال وتالي هاي الزقجة مامنطيتة،
هسة شتردين،
وديني للمطار،خل استقبل بابا،
شنو، امشي ولج، تصحيني من الصبح دااروح استقبل حسن،
ولي،من يمي،
اماني:دومج هيج كاسرة خاطري بس انتي بابا طلكج،بعدين هو مريض،
شبي،سيد حسن منشول،
لا، جلطة بعيد عنج،
فزيت،من مكاني ولج ليش تفاولين على ابوج،
ماافاول ماما بابا انصاب بجلطة همزين عمو سمير ويا،
خلص لاتبجين الحزينة،
حضري روحج ياساعة يجي،
الساعة6
تعرفين لماالباج الي عندي ميفوتونا مطار
جان خليتة يتمشى لعباس بن فرناس،
كلبج جبير اعرف ياامي،
بس عندي موعد وياالصالون اروح،
اماني:طبعا،لازم يشوفج بابا بااحلى طلة،
جنج ماعاجبج ست اماني امشي ولج، شلت نعال بصفي وهي ركضت،وتضحك،
كل الوعود التي نقطعهاعلى نفسنا تنكث امام نداء القلب ماكو عليه سلطان،الحب شعور حلو والاجمل نعيشة ورا سن الثلاثين،الحب مايعرف عمر ولاوقت، الحب ينتظرمن يستحقة،ويضحي علمودة اترككم مع هذي الابيات الي حسيتهة تناسب ماحسته سهير ويمكن حسن همين.