حكاياتي(حكايا بنات+18)

الحكاية الرابعة ج5والاخير

بعد 17سنة من عمري وقفت وانتفضت
تغيرت من داخلي وتولدت انسانة جديدة ، مليت من گلبي الطيب اذاني هواية،
لحد البارحة الضعف كان نمط حياة عشتها واتعايشت بيها چنت طمعانة،
طمعانة يحسون بالالامي وتعبي وجهدي، لكن النتيجة انداسيت واكثر شي اثر بية
لمن بنتي اعتبرت زوجةابوهة قدوةالها يمكن جيلهم وتفكيرهم يختلف عنا طول عمري جنت معتبرةامي قدوة ، تحملت ومشت بحياتهاوتحملت اذى هواي ولمن زوجت جانت زوجة مثالية لرجل مو كفئ،بس كملت حياتها ويا لحد ماماتت مو حبا هربا من حچي العالم ، ماتت وماشافت من شبابهاولامني شي،
چنت متآملة التغير، بس خلص هسة بلشت حياتي بلشت بطريق مامنة رجعة،
طلعت من البيت ركبت تكسي بوجهي للجامعة قررت اقدم عالماجستير،
تسلسلي بدفعتي چان الرابع،
لهذا يحقلي اقدم ،صح اجرااات طويلة، بس احاول واتمنى انجح،
وراها رجعت للمدرسة استلمني استاذ داوود،
ست ايمان،ست ايمان،
حضرتچ متاخرة عالدوام شنو چان اتفاقنا،
ايمان: استاذ اني چنت بالتربية،ومفكرة اقدم اجازة دراسية،
داوود: بس حضرتج مابلغتي الادارة،
ايمان:يعني شنو،
داوود:اني مموافق، ع طلبچ
ايمان:رح اقدم اجازة بدون راتب،لعد،
داووود:مااگدر ،اوافقلج وعندي نقص بالكادر،
ظليت مركزة بحچية ،
استاذ ،داووود ممكن اعرف ليش ماخذ موقف شخصي مني،
ست ايمان شتحجين،
الي دا احچي صح،
اغلب المسات ديجون متاخرين ،بس ماذكرو ،انهم ترزلو من حضىرتك،
شنو السر،لو هو حظي اني،
اذا ماكو رد سوالي،
فااني رح اقدملك استقالتي،
ست ايمان، ست ايمان،
عفتة ورحت لغرفة المدرسات،
لميت متعلقاتي ،وگعدت اكتب الاستقالة،
مااعرف دا اخذ قرارات سريعة خابرت ريم گتلها ،
گالتلي رح تحچي ويا مديرها عمود اشتغل بالمنظمة تشتغل بيها ريم،
محسيت الادكتور داوود فات وسد الباب
اتصور صحتچ اكثر من مرة، يعني من باب الادب والاخلاق رديلي،
ايمان : لميت غراضي ، استاذ من باب الادب والاخلاق تحملت هواي ناس والبارحةقررت اسوي الشي الي مقتنعة بي،
تفضل هذا كتاب استقالتي،واسفة اذا اتجاوزت حدودي وياك اوقللت احترام،
دا اطلع لزم ايدي ايمان انتظري،
اول مرة رجال غير توفيق يلزم ايدي،
ظليت صافنة بي ،استاذ ايدي لو سمحت،
هدهة وطلعت بس الخوف داخلي بقة مسيطر علية خاف احد شافني، شرح يگولون علية،
رجعت للبيت، ومخبرت احد،
اول مرة اگعد وحدي واظل افكر شرح اسوي خابرتني ريم وگالتلي تلوگت هواي مسوولها عمود يقبل اتعين،
ووصتني اهتم بروحي،من اجي واحسب حسابي روح لااماكن بيها تهجير وبيها ناس تعبانين،
ورح نفتر عليهم نجمع معلومات ،
سديت التلفون كيفت الحمدلله ماضاع تعبي واستقالتي مراحت بالشط،
خابرتني ست فائزة المعاونة،
هلو ست ايمان سلامتچ،
استغربت.،،،
استاذ داوود گال تريدين تقدمين اجازةبدون راتب دا اتاكد منج جكد مدة الاجازة رايدتها،
استغربت موقفة بالاحرى گمت اشك رجال بعمر ابوية يعني شنو سبب تصرفة،
ست فائزة، باچر اجي واقدم اجازة،
مر اليوم بسرعة،اجوي الجهال من المدرسة،علياء بعدها زعلانة،
علاوي هو القريب مني،
شطالع الحلو، لاوضارب الدوام،مااعرفك،
ههههه، ولك علاوي ،بطل هذا اسلوبك،
وفلوس ماعندي يكون بعلمك من اليوم مصرفكم ع ابوكم،اني اخذت اجازة بدون راتب، يعني ماكو مصاري بح،
ليش يوووم هيج مفكرتي بية ،علياء دلوعةالبابا واني وين اروح،
لاتحاول علاوي ،ماعندي،
فهمت ،فهمت ،رح تخلينا برحمة توفيق
تعال قبل لاتبدل جيبنا دجاجةنتغدا بيهة،
لا،ماما الموضوع بي انة ماكو غدا، وگاعدة بالبيت، شو صار،
ايمان: روح واخذ الباقي الك،
لعد تدللين عمي حقچ تعبانة وتريدين ترتاحين،
شوي ودخل توفيق مو عوايدة،
البارحة واليوم، علاوي طلع يجيبنة غدة
دخل توفيق ردت البسة مثل كل مرةيسوي بية،
طلعت اسوي سلطة، اجة للمطبخ،
توفيق: اليوم شمسوية انتي...
ايمان: راسا اجةبالي داووود، خاف احد وصلة،شيوصل هو شصار اصلا،
شنو قصدك،
علياء گالت طالعة من وكت مو عوايدچ،
انتي مريضة،
اه، سخرية القدر غريبة17سنة مرت ع زواجنا بحياتة مسال عني اذا چنت مريضة او لا، وهسةجاي يسالني شصاير،
جاوبتة:قدمت اجازة بدون راتب،
توفيق:شنوووو، ليش تگدرين، تعيشين بدون فلوس،
اني مليت من دوام المدرسة والتزام، ويوميةعقوبة،
لهذا قدمت تفرغ دراسي موافقو،
توفيق: هاي شنو عيني تفرغ دراسي شنو،
قدمت دراسات،
اي ،گولي هيچ،انتي المضوجج شون نوار،،،
توفيق: الزم حدودك، مااريد احجي حجي يجرح، اني اذا تاخرت بس عمود اولادي، مچنت متفرغة دراستي،وتعرف لماالبيت والجهال چان طلعت الاولى بس الحمدلله رغم الضروف طلعت الرابعة،
وهسة اجةوكت مااضيع فرصتي
كل عقلچ تنجحين، رح توگعين بامتحان التوفل،
ايمان: اجرب حضي،
والفلوس،يحتاجلك كوم فلوس، خاف عبالچ اصرف عليچ،
ليش انت صارف قبل دتصرف هسةاطمن
عندي شغل يغطي التكاليف،
اي شغل تحچين علي،
وبعدين انتي شنو طالع براسچ،
لاتضحك عليچ صديقتج ، وتتورطين،
ريم معليهة، بالي دا اسوي ،
وهذا شي يخصني ،توفيق انت مالك علاقة،
توفيق: شو گاعدة، تخربطين ماتگولين احد وراچ بكيفچ،
ايمان: هو شنو بكيفي، مابكيفي،
اني دا اسوي شي يخصني انت شدخلك،
توفيق: انتي تريدين تضوجيني مو ،
كل هاي الهوسة عمود تعصبيني وتنتقمين مني،
ترة منسيت سوايتچ ذيچ،
علة صوت توفيق،
وانقلبت الادوار طلع من القناع العايشة گدام اولادة،
جاوبتة برود ،بس البارحة من ردت تنام يمي،
چنت مسامح هسة،مناسي،
مختصر مفيد ،انت مالك علاقة بااي شي يخصني،
وانت گلتها احنا باقين عمود اولادنا وانت ماخصك بحياتي شسوي مااسوي،
توفيق:ولچ شدتحچين مورجال كدامچ مو مرتي انتي، تريدين العالم تاكل وجهي،
انت مو رجال، توفيق،
انچبي لچ اني سويتلچ قيمة ،
مد ايدة يضربني،
غمضت عيني،
مااشوف غير ابني علاوي اخذ الضربة عني،
ودفع ابوه،شفت غير وجه مو هذا علاوي
الطفل الي يحايلني عمود الف الفين،
تريد تضرب ،امي دير بالك ،
امي اشرف من عشيرتك كلها،
اشرف من ذيچ الماخذها،
رجع ضرب علاوي ،انچب لك حريمة ابن امك، انت مابيك خير،
ظليت ادفع بي، ماما ارجع عيب ابوك،
عيب العالم،
تعيرني ابن امي ، اي ابن امي، هذا الچتف من خيرها صرت رجال بخيرها،
مو بخيرك انت، سنين واني اشوف امي تنذل وتنهان،
بس هي تحملت لخاطري ،لخاطر علياء ،گادر على امي، روح لمرتك صير رجال عليهة، حفلات وسهر وسكر،
هذا مستواك ،مو امي،
انت متستاهل اضفرهة،
وامشي روحلهة ، ماريدك، انت مالك لازمة بحياتنة، امي كبرتك، بس من لليوم
مالك كعدة بينا،
توفيق: انتو گاعدين بيتي،
امشي لك امشي اخذ امك واطلع شوف ياشوارع تلمك،انت وياها،لما اني وابويةجانت بالشوارع هي وامهة،
ايمان: هنا،من حچة هالحجاية،حسيت كل حجي السنين االي كبتة طلع،
صرت گدام علاوي ، ودفعت توفيق،صيحت علي،
منو هاي الي لفيتها، اني گاعدة بورث امي فلوس ابوية ،مو بسببك، اني سويتك وخليتك تركب علية بس من اليوم مااريدك، مااريدك،
طلگني،
مااريدك،
چان يوم ماانسى، يوم اكتشفت تعبي مراح بالشط، علاوي اليوم عوضني على كل قهر عشتة بحياتي،
اي رجالي هو،حتة علياء من شافتني ابجي ،شفتهة بچت بس مشوفتني دموعها فاتت للغرفة ،ويمكن ظلت تبجي،
من يومها بدات ضريبة الانتفاضة،
مشاكلي ويا توفيق واخوانه، يريدون يطلعونة من البيت ومراكز شرطة،
مچنت خايفة، بس على علاوي ابني،،
رفعت دعوتين ع توفيق، دعوة تفريق والدعوة ثانية حصة امي بالبيت مضاف اليها،
حصة ابوية ،بيت جدي بعد ما توفى جدي، ورادو يبيعون البيت قدمو طلب للمحكمة انوابنهم مفقود وماكو خبر منة طلعولة شهادة وفاة وحصتة توزعت الي ولعمامي، صح راحت على امي لان طلگت وكتها ،وسقط حقها بس موخرها اخذتة وظافتة عالفلوس ،واتفقت ع حياة خالي المشتمل الي،حصتها بالورث مضافة لحصة ابويةصح جنت عايشة وحاسبة روحي توفيق موفرلي بس الحقيقة تختلف، بس حبيت اقنع نفسي بهالحقيقةواسكت،
مااعرف اوصف هالمرحلة جكد جانت صعبة بحياتي، بس الحرب النفسية الي خاضوها عيالي ضدي متنوصف ربحت الدعوى ،وكل شي قانوني، بس بالعراق كل شي ضايع،
وتوفيق موذاك الاستاذ الجامعي المثقف،
صار واحد ثاني، اخلاق وتصرفات، صدمني،ليش يصدمني ،ع كولتهم اني الغطا الي چنت سادة ريحتهم،
مرت سنتين طلگت بس علياء ،اختارت ابوها،
وصارت مقيمة بيت جدها،
علاوي كبر حبيبي وكل مايكبر اخاف اكثر علي،
ناقشت الماجستير،
ورجعت داومت بالمدرسة،
وهنا استاذ داوود حچالي قصة بنته،
الي عانت نفس معاناتي وانتهت حياتها بالانتحار حرگت روحها،ونهت حياتهاهي وابنهة، وعرفت السر ورا اعجاب استاذ داوود،
هذا الحچي مخلصانة من المشاكل والهوسات،
علياء صحتها بالنازل،
ابوهة بالنوادر يجي بيت جدهة، باقية داري بيبيتها،
صرت معاونة بنفس المدرسة،من غيرشغلي الثاني ، بالجامعة،
انطي محاضرات، الحمدلله،
بيوم سمعت صيحة بيت عيالي،
مااعرف كلبي انقبض فجاة،
اي،نعم ،الصياح هذا عمودبنتي، الي بلحظة ضعف وانكسار وضغوطات
قررت تنهي حياتها،
ايمان:خير دكتور ، بنتي بيهة شي ،گلي فدوة،
اطمني ، ان شاء الله مبيهة شي سوينالهةغسل معدهة،وكل شي تمام،
بس شغلةبيهة مركز شرطة وعمامهة وكعو بيهة ،
لهذا تنازلو عن علياء وسجلت كتاب عدم تعرض ،الحمدلله بتوفيق من رب العالمين،
وگف ويايا،وعلياء رجعت لحضني،
ورجعنا التمينا ،بس مخلصت من تاثير توفيق، المشكلة انو الطلاگ مياثرع المرة وحدهة يجر ابناءها وياها،
وبيت عيالي حاربو اولادي بهالنقطة صح المنطقة كلها تعرف وضعي وتعرف توفيق
وزواجنا بس تبقى العالم،والمراهقين بالذات يستغلون هالنقطة،
بس هم جاوزناها،
توفيق طلگ مرتة، وگعد مگابلني وگاعد،طلعت طبيت،
دز جماعة عمود ارجع مقبلت وظل علاوي وابو والمشادد،بينهم،
تعبت اكثر ماتعبت 17سنة ويا توفيق،
علياء هاي كلية صيدلةهي شاطرةكلش،
استاذ داوود عندة ولد بعمري مطلق وعندة اطفال وظل يتردد عالمدرسة،
زاد الاعجاب، الي عرفتة هو يتبرع بفلوس للمنظمة اشتغل بيهة ،ببعدين استلم مكان المدير بسبب فلوسه،
ورا فترة صار استلطاف وتقدم لخطبتي،
وقامت القيامة بس ولدي كبرو علاوي 19كلية هندسةمعماري وعلياء 21كلية صيدلة الحمدلله،
علاوي گالي سوي شي يريحچ ،انتي تعبتي علينا،وبدت حرب جديدة امك ام الرجولة بعد هالعمر ،ابراهيم الي هو ابن استاذ داوود اقترح عليه ابيع المشتمل،
واخلص من هالدوخة وفعلا بعد مااستشاريت علاوي ،وافق وعرضنا للبيع بس ماانباع بسبب هوسة عيالي،
وظليت مشاكل توفيق بجهه واصدقاء علاوي،
وبيوم اشتدت العركة والمشاحن ، وضربو علاوي سچينة،
ربي ميخلي ام بمكاني ولاتعيش الي عشتة،بذيچ الايام،
ريم وگفت ويايا ماتركتني،
الحمدلله علاوي حبيبي، مااوصف دموع الفرح بگلبي من فتح عيونة وگام بالسلامةوراهةقررت افسخ خطوبتي واخذ جهالي واسافر،واخلص من قهر توفيق وهمة، بس مقبل توفيق علياء سافر رغم محاولات هواي نزلت من كرامتي وتوسلت بي عمود جهالنا،بس مقبل،
لهذا سويت اتفاق ويا هذا اكثر قرار جرئ بحياتي ، عرضت علي اتنازل عن البيت بس يعوفني اني واولادي مچان احد يعرف بس اني وريم الي اكلت گلبي ونصحتني عمود الجهال يكملون كلياتهم، بس خلص مااريد اخاطرطز بالشهادة المهم سلامتهم المهم ابعدهم عن الخطر،
اتفقت ويا وخلص حجزنا وجهالي ميعرفون شي خصوصا علياء چانت ناوية تبقى وتخلينا نسافر بس عمود سلامة اخوها، بس ماكو شي اغلى من اولادي ودعت العراق وطلعت ويا اولادي تركيا ،
مجان ملكيتي غير كم فلس مجمعتهم ،
والذهب مالتي وغراض البيت بعتهم،وفلوس ريم مجمعتهم كالتلي اعتبري دين وكت مگدرتي، ماانسة موقفها،قدمنا عاUN وبعد عناء طلعتنا الاقامة باامريكا
ورا فترة قصيرة مو طويلةمن هالحجي،رتبت وضعي اني واولادي ،3نشتغل هسة واولادي رجعو يدرسون،بعد ماراحت عليهم الدراسة، المهم مرتاحة اني واولادي،
اذا حبيت اشكر احد فااشكر بنتي الي بلحظة وعتني منىالغيبوبة العايشتهة،
غيبوبة حاصرتني سنين وسنين، لحد ماقررت انتفض واطلع من الضعف العايشتة،
بس عمري مااندم على سنين عمري شبابي مراهقتي ،فدوة لااولادي ماضاع التعب بيهم وهم خير سند وتعويض الي الفلوس تتعوض لكن الضنى ميتعوض،
توفيق زوج مرة ثانية ومصار عندة اولاد،
وظل يتوسل بااولادة يسحبو ،علاوي قافل،
بس علياء الي اكتشفتةانو طيبتهة تشبه طيبتي ،وگلبهة چبير ،بس منست الي سوا ابوهة بينا وظلت ويا ع تواصل من اصير عصبية عليهة بسببة تگلي شبيچ ماما عمود الورث يصفى الي ولعلاوي،
وتضحكني وتنسيني العصبية، حكايتي وياكم انتهت ، القوة ،احساس داخلي لازم يكون صادر من ذاتنا عمود نغير من انفسنا صح امي ربتني اسكت وامشي وانزل راسي، بس بصفعة من بنتي انتفضت وغيرت من واقعي دائما اذكرو قوله تعالى(إن الله لايغير ما بقوم حتى يغيرو ماباانفسهم) قررو التغير مو ضروري تتركين بيتچ او تتطلگين انتفضي ضد اهانتچ ولو بالصمت مو الصمت عالظلم وانما تبينين لشريكج رفضچ للاساءة، اهم شي الاولاد انطيهم قدوة حسنة قدوة قوية مذلولة محد يحب الشخص الضعيف، اتمنى تكونونةاستفدتو من تجربتي واتمنى الامهات يربون اولادهم عالقوة والارادة مو عالذل والخذلان،
النهاية،،،،
تحياتي،،،،
#ايمان
🌺🌺🌺🌺🌺🌺
انتظروني بحكاية جديدة حكاية شرمين غدا ان شاءالله،
لاتنسون سمعوني تعليقاتكم وارائكم لاتسالوني عالتواريخ وشوكت سمعت سرد قصةونقلتهابااسلوبي غيرت بيها المهم توصل الفكرة ،معجبني بالقصة غير علاوي مغيرت الاسم ،لان الاسم الها هيبة،
ولاتنسون تصوتون عالبارت اذا اعجبكم
فضلا وليس امرا