حكاياتي(حكايا بنات+18)

الحكاية الثامنة ج2

مرت الايام والاشهر والاخبار بدت تتناقص انكطعت اخبار بيت عمتي حتة المكالمة الثريا ماكو، واكو حرب بالموصل وع المناطق المسيطرة عليها داعش يعني الي ميموت بسبب داعش يموت بالقصف والاخبار تگول المناطق كلها انسدت لان داعش تستخدم الباقين دروع بشرية تحمي نفسها ، وظليت اكل بروحي لو بس خبر،
عمود ارتاح بس ماكو ،
صرت نص هبة محد يعرف شنو المتعبني غير اخواتي وعمي علي،
گمت مااكل ولااشرب وك مايذكرون القحط والجوع واشون يتحسرون عاللكمة،
احس غصة بصدري ، مو گادرة تعبت من البچي تعبت من الصبر ،
الحزن صار رفيقي ، اروح واجي للمدرسة اريد الوقت يمشي ماكو، حتى الشغل الي چنت اتعاجز منةواضوج صرت اني ادور شغل عمود اتعب انام،
كل مااسمع اغنية حزينةاذكر مروان اذكر سوالفة ، يارب شوكت يخلص هذا الكابوس،
بيوم واني راجعة من الدوام خواتي ساكتين،
خير شبيكم،،،،،
هبة، اكو ناس جاييين يخطبووج ،،
شنو،،،
منو  گللكم،
امي ،گالت،،،،
رحت لاامي،،،،
يوم ،يوم، شنو جايني خطابة مااريد يوم مااريد
ام امل: ليش متعرفين،  الكلمة كلمة عمامج واحنة مالنة كلمة بعدهم،،
يوم، مو انتي امي گليلة لاابوية مااريد ازوج، 
شعندچ انتي مو ع بعضج، ولچ خاف عندچ شي ،احچي،،
هبة: يعني لازم عندي شي، يوم اني اريد اكمل دراسةماافكر بالزواج،
يمة اني بگدج زوجت، وانتو كوم لحم والحمل زاد ع ابوج والناس جاييين خوش ناس ،يعني بيت وعائلة زينة عاجبج ظلين تخدمين بيت جدج،

يوم عاجبني،بس مااريد ازوج ، فدوة يوممم،
ام امل: ابوچ هسة كاعد ويا عمامج دياخذ رايهم واني مااكدر احجي بعد،،
هبة: عمو علي فدوة احچي ،
ظلت نظراتي لعمي بتوسل بلكي يدخل،
اشرلي اطلع، وبدو يحچون،،
ابو امل:ياولد اليوم اجوي خطابة لبنتي هبة،
وجيت اخذ رآيكم، شتگولون،،،
علي:مصييير،،
ليش مصير،،،
جماعة خطبوها مني واني قبلت، بس هبة گالتلي تريد تكمل وبقينا عهالكلمة،
ابو آمل:وليش محچيت،،،
مردت اشوش عالبنيةواعرف ماتردلي كلمة مو صحيح،
اي خوية صح بس منو هو،
شلك علاقة اني شفتةمناسب واطيت كلمة،
هبة : الحمد لله عمي حلها وخصمهايارب رجعة الي بالسلامة، يااارب ،فدوة لعينك بس سمعني خبر منة،
يارب بس اسمع اخبارة،حي ،ميت ،اي شي يارب،
وراها الخطابة نفسهم خطبو اختي رشا،
وبسرعة،بسرعة زوجت رشا وراها هدى  ونور ومرت ايام واشهر وخواتي رشا ونور حملو وجابو ولدوظليت اني باانتظاري واسمع اخبار تروح وترجع عالحرب والظلم والاحكام الظالمة لداعش وادعو رب العالمين متكون صحيحة،
وبيوم جانة خبر شايفين مروان ينجلد بنص الساحة وهنا مكدرت اتحمل واتخربطت ،وظليت مصخنة يومين ،
وظليت اهذي بااسم مروان والسنةراحت عليةورسبت بالسادس ،
وهم رجعو خطابة علية وعلى امل  وابوية لح على عمي ،،،
ابوامل: اريدك هسة تگلي منو هذا الخاطب الي رايد هبة وهي تريدةواني مااعرف گلي هذا الخاطب مروان مو،
علي: اي هو واني گتلةدامك تريد هبة تطلع من البيت  وعايدك الباقي،
ابو امل: انت تعرف الاوضاع والناس دتموت واني مااريد بنتي تنتظر امل مموجود، تعرف جگد توصل اخبار موزينةوغيبةاختك بيها كارثة محمد مسفري للرمادي،
وهم ماكو خبر منة والله اعلم اذا عايش،
علي:والحل شنو تزوج بنتك لواحد مرايدتة،
ابو امل:جديدة هاي من يمتة ناخذ راي بنية،
لازم ناخذ رايها ايام ابويةراحت ويا دام بناتناوجوا عينة ، ليش تجبرهة خليهة للايام تنسيهةواذا رجع مروان ابن اختنة ومنخسرة،
ابو امل:انت شايف هيچ،،،
علي: اي ، احسن  والله يسمعنااخبار منهم منا شهر اذامسمعت خبر اني اسافرلهم واشوف لاتنسى بيبيتي وياهم بقت وحدهة بعد وفاة جدي،
ابو امل:ان شاء الله خير ،ونسمع اخبارهم،وميحتاج تطلع،
امل: حبيبتي هبة چنة متاملين انتياول وحدة تزوجين  وتالي،
هبة: يجي، يجي، واشوفكم ربي يسعدكم
كلكم ياخواتي  ويكتبلكم للحياةتتمنوهة،
هبة، حضنوني خواتي وبچينا مثل كل مرة ،منوحدة منا تزوج، وتروح، بقيت اني واخواني الصغار،
يوميةاصعد اشر الهدوم واشغل اغنية محمد عبد الجبار ،تانيتكم،
واظل اسمع وابچي،
وانزل،
وبيوم واني گاعدة اجة ابوية گعد يمي،،
هااا ،بابا، شو گاعدة هنا،
ماكو شي بابا هسة نازلة،،
شنو چنتي تبچين،،
لا ، بابا انقهرت ع خواتي مكانهم خالي،
اي والله صدگ مكانهم خالي ،
بس انتي بابا رح ظلين هيچ ، ترة العمر يمشي ،والوضع هذا ديتازم اكثر من قبل،
لاتخلين الحزن يسيطر عليچ،
بعدچ شابة افرحي بشبابج ، باعي خواتج
مرتاحين ويا ازواجهم، انتي هم فكري بروحچ ، محد يعتب عليج صارسنتين،
هبة: سنتين من العذاب والانتظار، هسة كود يجي خبر يطمني ، ياترى مروان هم يفكر بية مثل  ماافكر بيه،
هم يتاذى هم يسهر ،
اه من الافكار السيئة لمن سيطر عالانسان سافر عمي علي للرمادي،
ديشوف محمد اخو مروان،  ويفتهم منة  شصار مصار ، هناك بالجهة الثانية المعزولة من العالم مكان ثاني يمكن الي يجي وميعرف الي بالعراق  يتصور  ديمثلون فلم الرسالة او زمن الي راح ،
الناس عبارة عن جراجف سودة متنقلة والرياجيل لابسين اسود ولحايا وشعر اسود يلعب النفس ناس بالشارع تنجلد وناس تنكص ايديناتهة واكو ناس ساكتة من الخوف، والرعب ،داعش تركت بقلوب الناس اشياء بشعة وقراراتها باللحظة،اي اعتراض تعترضة صير انت مكانةلهذا چنت كل اسبوع انجلد 100جلدة لان مخفف لحيتي، لان دافعت عن حجي جبير مقبل ينطي بنتة لواحد من رجالات الدولة ،صح ميتعاملون مباشر بس يوازوچ علي، وهواي شباب انغرو والي تاذو بسبب الجيش وانظمو لداعش ، طبعابدوها بالطيب ، الدولةالظالمة، سبب بخطف  ابوك سلب حقوقك  ظل مذلول
راتب مغري،،
كل هذا عمود يجروني  طريقهم،
مروان،شرايك تتزوج، انت شاب وبقاءك فتنة،
مروان :اني خاطب وانتظر الضرووف تتحسن عمود اروح بغداد ازوج
واذا،الله محللك اربعة،