حكاياتي(حكايا بنات+18)

الحكاية السادسة ج2

محمود، محمود،، اصحى، تاخرت،
ماكو رد ايدة باردة، شسوي ، لبست حجابي ورحت ع جوارينة راسا خطية مقصر،
مو مال اخابر اهلة واخوانة بعيدين وبعدهم ملتهين بمحمد ، وهوسة العملية،
سنا بقت يم جوارينة،
دخلنا طواري وانعاش ردتلة روحة بعد موگف گلبي، دخلو ردهة ثاني يوم اذكرت مخابرت اهلة، صح مااحچي وياهم بس يبقون اهلة،
همزين احمد موجود ،
سوزان: آحمد، اول بارحة محمود تخربط ومعرفت شسوي نقلنا اني وابن جيرانة، وتذكرت والله مخبوصة ماادري شبية، وماعندي غيرك لهذا خابرت،
چنت منهارة وكاعدة انتظر احد يجي يوگف ويايا،
خابرت ع اخوية، هم اجة،
اهل محمود امة وخالتة ، محمد، امل اختهم كلهم هنا اني منهارة بچي وتعب حملي،
بس ياربي اجبر خاطري وگومة بالسلامة،
رغم الحچي سمعتة من امة، موتي الرجال، وليش مخابرتي ساعتها ، شتردين تورثين ابني بالحيا وغير من هالحچي، چنت مركزة بذاك الشباك ورح يطلع ممرض يگلي زوجج تجاوز مرحلة الخطر، واتوسل ربي، يتيمة ارحمني ورجع ابو جهالي الي،
شسوي بهالدنيا واني ماعندي سند،
اسمع اخوية يتلاغى وياهم،
سوزان: كااااافي،
اسكتو كلكم، رجلي رح يطلع ع رجليه،
وانتو مالكم علاقة، مارايدة شي بالدنيا بس يرجعلي ابو بيتي، وبس،
سكت الكل ولزمت بطني وسبحتي وگعدت اندعيلة،
راحت ام محمود واختة وخالتة بقينا احنا الثلاثة اني ومحمد واحمد،
ظليت يمة، ووصيت امل تاخذ سنا من الجوارين عيب صار يومين، محمود ممقصر ويحب يساعد وخيرة عالكل لهذا هواي ناس انقهرو من اتمرض،
ورا اسبوع، بدا يوعى ويحچي،
الممرض، اهل محمود صالح، تعالو ابنكم صحة،
رحنا ركض واني لازمة بطني،
نقلو لردهة ، وبواسطات منا منا خلوو بردهة مابيهة احد بس هو،
سوزان: هااا، حبيبي، حمدالله ع سلامتك، بية ولابيك، احجي وابجي،
وهو لسانة ثقيل، جلطة بي، وشلل نصفي، بالكوة تطلع الكلمة،
لاتبجين حبيبتي،
شكلچ تعبانة روحي ارتاحي اني زين،
لا، مااروح، لحد مااخذك ونرجع سوا،
محمد:ضليت اباوع عليهم وضايج، بس ياوضع واضوج، اخوية بين الحياة والموووت واني وين بالي،
محمد: خللللص ، سوزان روحي اخذي بنتچ وكعدي بالبيت احنا باقين وهاي ردهة رجال، عيب تبقين،
حچيتهة بعصبية، واحمد تلافى الموضوع،
سوزان، يلا امشي ارتاحي وبنتچ اشتاقتلج ، خطية وتعالي الصبح ميصير تبقين هنا،
سوزان: حبيبي محتاج شي ، اجيبلك وياي،
محمد: عصبتني اكثر وهي ، تحجي ويا محمود،
يابة ميحتاج شي ، احنا موجودين،
ضجت من شفت عينهة ع محمود مامدهة تعوفة، جگد محضوظ انت يامحمود، رغم كل شي انت محضوظ بمرتك،
احمد: سوزان، مو مال تبقين وحدچ وانتي بهالحالة ابقي بيتنا عالاقل يم امي، و احنا هم عايفيها وضغطها معلگ، وانتي هم حامل، مو مال تعب ووحدچ،
سوزان: احمد ، انت اكثر واحد تعرف، اني ماعندي مشاكل بس اهلك مااعرف ليش ميحبوني، والله ممااذية احد، بس مااعرف ليش،
احمد: طبعا ماخذة عين الگلادة ، شون ميضوجون،
وانتي هم ممقصرة بالبهارات، حبيبي ماحبيبي ، وتريدين يحبوچ،،
هههه، اي ضحكي يمعودة ، ان شاء الله يگوم بالسلامة ويرجعلنا،
رجعي اسبحي ونامي ارتاحي، واني اخابرج، اذا يصير شي،
ماشي، ماشي،
سوزان: فتت للبيت صنطة سنا نايمة، رحت للمطبخ اسوي چاي، واسمع صوت عمتي، متقبل، ليش جبتهة بسببهة ابني تمرض ومصحى، وفجاة سكتو ، وراها طلع احمد ضايج، وگلي مطلعين منا هذا بيت رجلج،
رايح في امان الله،
فتت غسلت بمي حار واشوف ابني يتحرك ببطني،
ها حبيبي جويتك، بالمي عفية لاتجي هسة خل يگوم ابوك بالسلامة، اخذت سنا ونمنا بغرفة آمل،
وصحيت المغرب ، ع صوت عمتي،
سوزان، سوزان،
رحت ركض وكوة اسحل روحي،
خابري امل خ تجي راسي رح ينفجر،
عمة خاف مماخذة ، دواج،
اي والله نسيتة ،
هاج عمة تفضلي، اشربي مي،
رح اعصرلج ليمون، واقيسلج الضغط،
خاف صاعد، اشرتلي بالرضا،
قستلهة جان مرتفع مثل مگتلهة،
عصرتلهة ليمونة،
وشربت ارتاحت ظليت كاعدة يمهة،
وهية تباوعلي بحسرة معرفت افسرهة يمكن انقهرت عليه وعلى بنتي وزوجي المريض،
سويت العشا وخابرت امل گتلهة اني باقية يمهة لايظل بالج،
وامل رجلهة نحس، ميقبل الولد يتراوحون، ع محمود،
محمد: چنت اتصيد فرصة ارجع للبيت
اشوفهة، انتظر الچاي مالتهة، لو الاكل، تطبخ وتدزلنا، بس تذكر محمود اضوج،
لحد ملزمتني امي ورزلتني،
باوع محمد، صح اني وخالتك غلطنا لمن زوجنا سوزان لمحمود بس صار امر واقع، والبنية مالها ذنب امشي عدل ولاتباوع لمرة اخوك،انت اكثر واحد تعبتنا، واخوك وگعتة من ورا هالموضوع تعب كد ماالح علي عمود يطلگ مرتة لخاطرك، بس هسة ابني بين الحياة والموت، ومرتة مسكينة يتيمة كافي سوينا بيها، بس يگوم اخوك بالسلامة تزوج رغد وترضى بقسمتك، فهمت،
محمد، كانو حچيهة نار تحرگني، شون
اشوفها وامنع گلبي يرف عليها،
لو الحب بدينا جان هواي اشياء تغيرت، مرت ايام محمود رجع للبيت امي كيفت ع سوزان شايلةالبيت ومحمود مريض،صار شلل نصفي،
متشكي،دائما احاول اصعب عليها بس هي متهتم،
ويا امي ،بجهة ومحمود ساعات انقهر عليها،ساعات اكرهةلان تحسسني بالضعف،گمت احب سنا والعبهة واتونس على سوالفها، بس كدام سوزان ابد مااطخهة،محمود بدت حالتة تتحسن، كام يحرك ا يدة ورجلة، وقرر يرجع بيتة، صح بداخلي ضجت بس احسن خليني انساها ،يمكن احسن نعمة انعم رب العالمين علينا هي النسيان وبديت احضر روحي للزواج، وهوسة رغد جيب ودي اشتري، محمود ميباوع بوجهي، ومو راضي ع زواجتي برغد، سوزان محضرت العرس ،تعبانة، ع وجه ولادة زوجت وسافرنا للشمال ،ورجعنا،
محمود اشترى بيت بصف اهلي، وصرت اشوف سوزان يومية،
وامي ،گامت تحبها ومتستغني عنها ولا عن سنا، اما رغد، فنايمة رغد واذا كعدت عدهةمشاغل هوايةصديقاتها امها السوگ، واذا اشتغلت اكيد تخرب كل شي،لهذا بطلت تمد ايدهة بكل شي، وسوزان ،تجي تساعدها وتروح ومن ثقلت محمود طلب من امي تجي بيتهم،
يمكن ضاج لان اني ورغد ومرات احمد برگبة سوزان، گمت اختنگ من البيت ، اروح بحجة امي اشوفهة ،
ومحمود شغل وسفر همل حالتة وبدت تتازم حالتة طلب مني اساعدة بالشغل،
شوي شوي حبيت الشغل ورغد شجعتني
لان فلوس اكثر، وگام يسلمني مسووليات،
سوزان: الو،
الو،محمود،اني حيل تعبانة ، شكلي رح اولد،
عفية تعال،
محمود: هسة ،جاي بالطريق،
خابري امي،رغد، يجوچ، بين مااجي ،
متاكدة عندچ ولادة،
سوزان: رغد ،طالعة،
وامي، مالها خلك، مخابرتهة،
محمود، ويايا انت، وياچ سوزان حبيبتي خابري اخوج شوي دخت،
محمود،محمود،،،،،،،
انكطع الاتصال ، وظليت بالالامي،
مااعرف شكد وقت، تعبت من الانتظار،
بس سمعت صوت صياح بيت عيالي،
خفت لاعمتي،لان مريضة،
اجتني رغد،واني بين الهبطة،والالم،
هاااا،رغد خير ،فدوة،ايييي،،شكو،،
ليش صياح بيتكم ،خما عمتي بيهة شي،
سوزان، العمر الچ،
بمنووووو،
محمووود توفى،
شنننننووو،
محممممموووووود،
ظليت اعيط وابچي ونقلوني للمستشفى ،
مچان عندي ولادةبس تقلصات ، الظاهر ابني حس باابو،نتيجةللارهاق الشديد محمود صابتةجلطةثانية مااتحملها وراح
بيهة،
عمري21ارملة وعندي بنية وطفل بالطريق،
مااعرف الجاي شضاملي ،الكل حزنان،بس حزني يختلف،
اني فقدت كلشي بحياتي زوجي حبيبي ،رفيقي ابو جهالي شسوي هسة المن الجآ،يارب،اني فوضت امري لله،عرفت لحظة ماعافني محمود الحزن فتح باب مينسد،الكل يحاول يهون علية،
بس الفاجعة اكبر،
ماانسة بالفترة الاخيرة يوصيني بااهلة مااعوفهم ومااحرمهم من الجهال، خايف من طمع اخوية واخوانة رح يدير بالهم ع الجهال والفلوس،
خلة يمي امانات ناس وعرفني ع كل شي بالشغل ، كانو چان حاس گلبة، رحت بيت اخوية اگضي العدة رغم احمد اتوسل بية ابقى لان امي ترتاح من تشوفچ،
سوزان: احمد، مااكدر،بعدين محمد ومرتة بعدهم عراريس خطية يتنكد عليهم،
مو محمود الله يرحمة،
بس يذكر اسمه ابچي،
كافي ،ياعيني كافي سوزان ،بداعت سنا كافي،
هو رايدچ بينا، اني رح اسافر بعد كم يوم،
امانة عليچ ،اذا ضجتي تعاي، لبيتنا،
خلص احمد رح الزم عده لما اولد، وانت مقصرت،
مثل مگتلك،، يلة معالسلامة
مع السلامة،،،،
سعيد:عفية ،،عليچ تعرفين تردين ذولة يردون يقشمروچ مو حبا بيهم وانما حبا بالفلوس لاتروح ،
يافلوس سعيد،اني زوجي مات،
يعني جهالي رح يربون ايتام ،
شنو يعني خالهم موجود،
سوزان: الله يسلمك خوية
مكتيلي حامل ولد لو بنية، ليش،
ان شاء الله ولد،عمود محد يشارككم بشي،ولاتخافين اني وياج، مااخليج،
سوزان: عرفت حجي محمود بمكانة،
بدت الذيابة الطامعة،
نمت واني ادعي رب العالمين، يطلعني من هذا الكابوس البشع،
ثاني يوم اخذت سنا ورحت بيتي،حسيت روحي رح اولد گلت اجيب هدوم النونو،
مريت على عمتي ، وسلمت عليها، وظلينا نبجي، اني وياها،لما خلصت دموعنا،
محمد: فتت من يم غرفة آمي واسمع صوت البچي مال امي وسوزان طالع،دزيت رغد عمود ينصون صوتهم،
مااسمع الا صوت عيطة قوية،اتعصبت عبالي سويها عناد ، نزلت ،سوزان ع وجه ولادة،
معرفت شسوي شغلت السيارة ، وتعاونة عليها امي بوجهنا للطواري،وهناك انتظرنا
ساعات ،الدكتورةكالت عدهةضيق ومظطرين نولدها عملية ،بس يجي زوجهة يوقع دنفوتها عملية،
محمد: ماشي ، جيبي، ودخليها بسرعة،
فاتت سوزان ودموعها بعيونها وتوصي امي وتوصيني ع سنا،
سوزان: خالة امانة الله سنا يمكم، فدوة خالة، دير بالكم ع بت محمود،
محمد: راحت لهفتي وخوفي من ذكرت محمود رجعت، خطوةوصحيت روحي اصحى هاي مو مرتك هاي مرة اخوك،
ورا ساعتين ضبط يلة طلعولي ابن محمود،
الممرضة: مبروك، اجاك ولد يتربى بعزك،
انطتني يا الممرضة،وحطيتة بين ايديناتي صحت الممرضة، وامة عفية بلا زحمة عليچ شونهة،
زينة بعدها بالافاقة هسةيطلعوهة،
ام محمد: باوعت لمحمد من بعيد شون حاضن الطفل وجاي ،فرحان بي،
ويحجي، عصرتني الخنگة ولمت روحي شون خليتهم هيچ ، شون استهانيت بمشاعر محمد يارب سامحني،
هاي يمة ،شونهة سوزان،هاي بنيةلو وليد
يمة هذا ياسين،
يمة شبساع سميتة،يمة محمود وصاني ،
قبل لايموت ،اسمي ابنة ياسين،
وسوزان شونهة،
گالولي بالافاقة،بس شو تاخرو صار ساعتين،
هاچ يمة خل اشوف شسالفة،
وگفت باب الصالة،
ودكتورة طالعة طابة،
يابة احد يفهمني مرة فاتت صار ساعتين الي وراهة طلعو وهي بعدهة شسالفة فهموني،
ارجع اخي ،هاي صالةولادة،
دا اكلك المرة فاتت صارلهة ساعتين فهموني ، موتوهة شسويتو بيهة،
وصارت عركة شكبرهة
لحد مجوي فكونة،
وطلعو سوزان ، بس بعدهة مصاحية،
ظليت رايح جاي بس اسمع صوت ونهة ،ماگعدت،
الدكتورة: خالة شنو هذا ابنچ جكد يحب مرتة گلب المستشفى وتعارك ويا الحرس عمود ماطلعناهة ، وكل شوي گامز علينا، داافهمة عادي تطول بس خفت منة والله وجيت، فهمي خالة
دخيلچ مناقصين مخابيل،
اجة خل اروح
هااا، دكتورة شو مصحت،
ولك يمة ،مو صاحية بعدها، مدتسمع ونهة،
يمة ليش تون، شنو متوجعةبيهة شي،
محمد ، كافي يمة عيب هسة تجي مرتك وامهة،
خف شوية، خف،
محموو،محموووود،وينك عفتني،
اسمع گعدت،
بس سمعتها طلعت، واريد بس اقنع روحي اكف عنها انساها، مااكدر،
فاتت الممرضة، ها سوزان حمدالله عالسلامة ،
اخيرا گعدتي ،متعرفين زوجج شسوة بس تاخرتي يمعودة، جبتي ولد يخبل يشبهج،،باعي جگد حلو،
مااريدة، مااريدة، اخذو ،اه، اه،
مشفتي زوجج شون فرحان بي،
محمود، محمود ،وينك، اروح اصيحة،

ام محمد: يمة هذا مو زوجهة هذا حماهة زوجهة اطاچ عمره قبل اسبوعين،
الممرضة : ياخطية،،،
سوزان : ثاني يوم الصبح صحيت گلت بلكي كابوس وخلاص صحيت، الكل يگولون من كثر الثقل تكوبس،
خالة وين محمود؟
محمد: بعد مااتحمل، من البارحة منمت
وهي اول مصحت گالت اسمه،
شون بية،اني غير انسى ميفيد،
رغد: اجة سعيد وشالگ حلگة،
والله عبالي بنية، هسة خير اخوك كله لحلگ سعيد ولااختة المطفية،
والله حضوظ،جتي عالجاهز رح شيل الاول والتالي،،،،
سعيد: ها خيتي حمدالله ع سلامتچ،
وين البطل ،حبيب خالة ،
رح سمي سعيد ع خالة،
محمد: ياسين اسمه ياسين، اخوية وصى،
واسمة وراح،
سوزان:باوعت ع سعيد ومحمد وهم يتعاركون واعرف ع شنو عركاتهم ،
خرب الفلوس الي تسوي هيچ بالبشر ،
ورا مطلعت الاربعين وسوو القسام الشرعي،
وبدا سعيد يحوم حول فلوس جهالي لهذا احمد جان عندة حچي وصى بي محمود قبل لايموت وصرت گدام الامر الواقع عمود احافظ ع اولادي،
للقصة بقية،،،

🌺🌺🌺🌺🌺🌺🌺
لاتنسون سمعوني ارائكم وتعليقاتكم ولاتنسون صوتون عالبارت اذا اعجبكم،
فضلا وليس امرا