مرت ايام واني بيت اخوية، وبقة الوضع على ماهو عليه مصرف كامل للبيت فلوس كل شهر توصلني، حتة اخوية بطل يشتغل لان كل شي بيتة موجود بس ظل يشمر حچي حلالنا ماحلالنا ، ورايح وهم متونسين، وانتي حال الضيم حالچ،
بس الي اشوفة غير سنا گامت اذا اجة عمهة چلب بي ، متقبل ترجع گلت من الدلال يمكن بس شفت سنا صدك تحس روحهة متقيدة، البيت عايش بخير ابوهة بس مو مثل مگاعدة بيتي، وحرة واني حبست روحي بالبيت اخوية گام يطلع هو ومرتة ويبقون جهال يمي ومذابح ويا سنا اصغر منهم،،
محمد: الو،،
الوو،،،
هاا محمد تفضل، تجين للبيت عمود نراجع حسابات المحلات سوا، لو امرلج رووح للمحل،
لا اني بالبيت دا اكمل شغل تعال،
محمد:تعرفين موقفي من سعيد، مااگدر افوت بيتكم، وبعدين نسوان،
محمد اني رجعت اليوم للبيت، دا انظف تعرف متروك صار فترة،
صدك تحچين،
اي، والله خلص رجعت، احسن ارجع بيتي، عالاقل اشم ريحة محمود ارتاح،
الو، الو،، محمد ويايا،،،
اي وياج اجاني شغل،
دزي ع رغد ساعدج،
هههه، رغد خ ساعد روحهة اول، بگلبي،
لاسوين غدا،
الغدة يمنا،
سبقتك، والله سويت الغدة،
امي ، كالتلي مشتهين دولمة، ولحگت تستوي ، لو تلحك لو لا اذا حتة يسو صار ياكلنا كلنا،
هههه، حبيبي مشتاقلة،
يلة تعال لعد،
ماشي ، جاااييكم،
ام محمد: ها ، يمة منو چان يخابر،
يووم هذا محمد،
ديگلي عالشغل، كتلة رجعت،
هسة يفرح،
اي طار من الفرح هو وسعيد ميتراهمون،
ام محمد: مو گالج احمد يمة،
محمد ، يحبج ويحب جهالچ ، وشوفت عينچ شون يحبهم ويداريهم حسبة ابوهم،
صدك خالة ع طاري الجهال محمد ليش مصار عندة طفل لحد هسة،
دااشوفة روحة من الدنيا سنا ويسو،
والله يمة مااعرف،
هي تگليى مابية شي،
وهو يگول مااريد هم متفقين،
بس هم ارجع واگلچ يووم بعدچ صغيرة ومشفتي شي، ذولة جهالج يكبرون ويعوفوج، والرجال مريود، ومح،،،
خالة لاتكملين، فدوة اروحلچ، اني بعد عين محمود ميحلى بعيني رجال،
محمود مو بس رجلي، محمود روح وانشلعت مني، لو اگضي العمر كلة حزن، ميوفي حبي الة شي،
خلص رب العالمين عوضني بذولة الجهال، والحمدلله انتو موجودين، ممحسسيني بالغربة،
وبعدين رجعتي لخاطرج ولخاطر محمد خطية رايح راجع،
محمد، ظليت واگف باب البيت واسمع حچيهة الي كسرني تكسير ، ماحسيت الا صيحة سنا، بابا، بابا،
اول مرة تگلي بابا، ويسو بدا يخطي خطواتة الاولى،
ويركض علية ،
هااا يمة جيييت؟
اي يوم جيت افوت،،
سوزان: تعال محمد فوت،
اني من يوم مات محمود لانزعت الاسود ولاحجابي بس من انام واسبح،
يمكن احساس جواية مرات يتناقض
اخاف لا روحي تحلى بعيني،
واخون عهدي ويا محمود،،،
لا ، فدوة لااولادي ياحياة الي تحلى بعد محمود،
يلة محمد فوت هاي جايب يمعود هسة گلت العصر اسوك ليش تعبت روحك،
طلعة ماكو من البيت،
شنوووو،،،
شبيج انتي كلمتي ثقيلة عليج،
مسمعت روحك شون حچيتيها،
اي شي تحتاجي كولي،اني اجيبلج،
محمد ،ممحتاجة والله كافي تعب الشغل والجهال،گتلج شتحتاجين گولي ،
شنوهالريحة الطيبة، ميت جوع يلة صبينا،
دقايق وتستوي،صيح رغد بين مااصب،لو تاخذوياك للبيت،
هاي شنو هاي طردة،
لا والله محمد بس خاف رغد ضوج،
ضوووج،ابتسمت، گلت بگلبي يمكن تحس بااهتمامي اتجاهة،
اني اعرف لهوتك بالجهال،
لاتكملين، رغد عدهة مشاغل هواي يلة تفرغ، راحت ويا اهلهة تركيا مگلتلج امي،
لا خطية مگلتلي،يعني وحدهة،
لعد هاك تفضل الطرشي ودي حباب، واني اجيب الدولمة،
اي ،تدللين،
ام محمد:شفتهم سوا گلت ربي يجمعهم على عيني، واصلح سويتة قبل،
اتفضلي يووم،،
هاك محمد،اي والله شكرا،
الله جگد طيبة،
بالعافية،
هاايمة، ليش دمعت عينچ،
تذكرت محمود جگد جان يحب الدولمة،
لحظات عم الصمت ،سوزان خانگتها العبرة تحججت وگامت،
واني شمرت الخاشوگة،
يعني يوووم لازم تسمميني باللگمة الاكلهة،لازم جيبين سيرتة وتغثيني، ليش يووم،ليش،كوة لازم روحي، اني،
عفت الاكل وطلعت،
سوزان: وين محمدمكملت اكلك،
شبعت شكرا مااريد،
هاي ليش گام محمد مو چان جوعان،
انقهر ع اخو وطلع،
اووف يمة،والله موقصدي اضوجكم، عصرتني العبرةمگدرت،
لايمة، اني هم اذكرت محمود من دا اركب ،
يلة يووم اكلي هسة اخابر محمد واخلي يكمل اكلة،
لايمة عوفي، متعرفين محمدمن يضوج،
حتة الاكل يزوعة،
ميكدر،
ماشي يوووم،
ليش مكتيلي رغد مهنا،
وباقية وحدچ ،
يمةهي من زوجت محمد ملافية، مااعرف لو يم اهلهة، لوطالغة مسافرةوياهم،
ليش خالة، هي ومحمد ممتفقين عبالك،
مغصوبين على عالزواجة،
يمة صوجي اني وخالتچ من هم صغار قررنا هم لبعض،
وشلنا خطيتهم وخطية ناس ثانين،
لا هيج السالفة، خطية والله،
لعد شكسر محمد وتمرض، من ورا هالموضوع،يعني چان يحب وحدة،
اي ، يموت ع تراب رجليها،
لعد وينها،
هااا خالة ، لاتكليلي ماتت،
لايمة صمالله ،
زوجت واحنا السبب،
وظل عايش على حبهة لليوم،
يمة هاي البنية،،،،،،
ماااااما ، ياسو ،وگع لحگي ماما،
يمة ماما،،
روحي صيحي عمچ،
ماموجود،،،
الو،،،
الووو، ها سوزان،،
محمدالحگلي ،
خير شكو ،
ياسوو وگع،وراسةمشگوك،
شننننو،وينكم عنة،
هسسسسة جاي،
لفييت السيارة ورجعت وبوجهنا للمستشفى،
ياسوو، يبچي، حطيته بحضني،خيطو راسة،اخذنالة اشعة ،وكملنا اجراات، ولازم راقبة 24ساعة،خاف صير شي،
رجعنابالليل ،حاطة سوزان ياسوو بحضنهة وتبچي،
هسة ليش تبچين مو اطمنا علي ،وچ عيني، كافي،
تسلملي محمد اني وجهالي دنثقل عليك،
وانت حاير بينا،
محمد: دير بالج تحجين هيچ،ذولة جهالي،
وانت مسوولةمني،
هاچ يلة، مسحي دموعچ،
مرح تهدين ابنج مرح يوكع من حضنچ،
تعاي امسحلچ،
ههههع،
اي يمعودة، ضحكي كافي بس تبچين،
يلة اني رح افوت السيارة للبيت ،فوتي بيتكم ،عمود اطمن،
محممممد،
هااا،
اطلب طلب،
گولي،
خالتي رح تبات ،يمنا،
تعال انت هم بات ،
لاا،
خاف يصير شي بالبيت،،
اامن انت موجود،
يعني اذا بتت يمكم ترتاحين،
اييي، خلص،نزلي فتحي الباب،
ماارجعلج كلمة،
تسلملي،
نزلت،،
تسلميلي انتي،
بس لو اگضي ،باقي عمري يمچ،
يلا،،
هاچ ياسو ،
نايم،
هسة دقايق،
يلا ماشي،بالصالة اني،،،،
فتحت التلفزيون وگعدت،
شوي جاني العشا،احس صدك بيتي،ومدلل،
ماحسيت شوكت گامت وسوت وجابت،
اوووف ،شوكت يخلص تعبي اني ياربي، سامحني،
هاااي شنو يمعودة،،،
غدا متغديت، عشا متتعشا،
يلة مد ايدك ،خفايف،
اروح اجيبلك فراش،
عوفي الفراش ،وتعاي تعشي، وياي،
هاااا،
تعشي عالواهس،
محمد،،،اني مااتعشة،
خايفة سمنين،
ههه، لا،بس ثقيل ع گلبي مااگدر،
ماااشي، صبيلي لبن،
تفضل،
اباوع عليهة، صعبة تشوف شي تتمنى گدامك ومالك حق بي، يمكن هواي ناس عبالهم الرجال اقوياء وميهزهم شي ،
بس احنا اضعف من الضغف نفسةخصوصا اذا وگفنة كدام المرةالي نحبهة،
سوزان: عوفي الفراش ،
شنووو،،
روحي نامي ،اني افرش روحي،
انتظر ،اشيل الصينية،
روووووحي،،نامي،،،
ظليت اني وامي بيت محمود لحد ما اجة يوم اجة سعيد يتهدد سوزان يضربهة كدامي،،
لچ تريدين تفضحيني ،گدام العالم تلبسيني گرون، العالم اكلت وجهي، حماج ينام بيتچ،
ولچ تعاي اليوم اعرف شسوووي،،
سعععععيد،هد ايدك منها،
سعيد: محمد ،انت حسابك بعدين،
سعععععيد،،هد مرتي،،،
شنووو، الي سمعتة،
سوزان ،مرتي ومالك حق تحاسبهة،
صدك هالحجي،
سوزان:باوعت بوجه محمد مترددة،وانجبرت اگول لسعيد،
اي سعيد اني ومحمد رح نزوج،
وصرت گدام الامر الواقع،
شرطت ع محمد زواجنا يكون عالورق
وبقت خالتي يمي،
وبديت مشوارجديد بقصتي،
للقصةبقية،،
🌺🌺🌺🍁
لاتنسون تعليقاتكم وارائكم تهمني ولاتنسون التصويت عالبارت اذا اعجبكم
تحياتي،،،
#نازك الملائكة
أنت تقرأ
حكاياتي(حكايا بنات+18)
Kısa Hikayeمجموعة حكايا تناقش المشاكل والتغيرات في جسم المراهقات والتحديات التي يخوضها الاهل حتى يتجاوزون المرحلة هاي
