حكاياتي(حكايا بنات+18)

الحكاية الختامية ج1

وصلنا  الى  القصة الختامية بمجموعة  حكاياتي  ارجو  ان  تكون  حكاياتي خفيفة  عليكم وتكونون استفدتو واستمتعو  بيها،،

قد  يضنني  البعض امراة كاملة امراة  لم  تخطآ  بحياتهة، لم تتعذب  لم  تعاني، لم  تتخبط بمطبات  الحياة، حياتي  منظمة جدا، واقرب  ماتكون  مثالية،
يمكن ماكانت مثاليةمثل ماظنون لان خلف الابواب الموصدةحكايات نغض الطرف عنها علمود نبين للحوالينا انو  احنة مننكسر منهتم ،متواضعين لاابعد الحدود مخلصين لشركائنا واصدقاءنا لهذا الحياة علمتنا دروس الشاطر بس يستفاد منها، علمتني الحياة مو كلشي نرسمة بخيالنا يتحقق، ولاكل شي،يجي بسهولةالحياةضربة حظ ياتصيب ياتخيب،الاشياء الي چنت اخاف منها چان الها تاثير بحياتي، اذتني وتعبتني وخلقت شخصيتي شخصية نازك االبنية الحالمة ،بنت ال16سنة مااحب ارجع ليورا لان قبلها چنت احس روحي طفلة، من عائلة متوسطة الحال اربعة اخوة و3بنات اني رابعتهم ترتيبي رقم خمسة وجيت بشهر خمسة ،خمسة خمسة يساوي عشرة يعني بلغة الارقام المفروض يكون حظي حلو وحياتي ماشية طبعاچنت اراقب عائلتي واشوف تصرفات امي  وابوية ،بحياتهم مااتفقو بس الي اعرفة ابوية ميعرف يحط لگمة بحلگة اذا مو امي طابختها ،واذا طلعت امي يظل يسال وين راحت لحد ماترجع ،حنين ويانا بس مايعرف يبين عاطفته، لحد هاي اللحظة اذكر ،لمن امي ولدت اختي الاصغر مني ،شالناواحد واحد ونومنا بغرفة ثانية، وحضر لاامي فراشهة وملابسهة وگلالهةتمر بالدهن الحر وغسللهة وحضر كل شي وجاب الجدة، وطول الوقت رايح راجع بينا ،
امي بحياتهامراحت لااهلها بولادة بيت جدي يحبون ابوية ويعتبرو جبيرهم بكل صغيرة وجبيرة، طبعا مثل كل الرجال عندة عيوبة،هو رجال من عائلةريفية وامي صغيرة بالعمر  لمن زوجت، ومشاكل الي حواليهم دمرت علاقتهم ببعض ،ابوية شخص مستبد برايةوعصبي وبارد بنفس الوقت وامي عنيدة حتة النخاع،واذا تناقشت وياهة بالموضوع اكيد رح ينتهي الموضوع بشجار  ، وهنا بدت عقدتي وتخطيطي المستقبلي ردت اهرب من هذا العالم لعالم بعيد عالم يسودة الهدوء والحب والتفاهم الزعل يكون بحدود واكيد ميوصل اولادي ،وظليت هيچ ،بس مچنت اكدر اشوف والدي ووالدتي بخلاف اذا ماادخل اما اخواني الكبار فچانو يسدون عليهم بابهم وميدخلون حتة ورا مزوجو عزلو حياتهم ولاكانو هم  ويانا يمكن احسن ويمكن اسوء مجنت اعرف،بس دائما چنت ماسكة ايد اخواني
وامي تعتبرني چبيرة بيت وتعتمد علية ،وابوية هم يحبني اكثر وحدة بخواتي ،بس اول منغص بحياتي چان اخوية وشخصيتة المزاجية المتحكمة چنا مثل توم وجيري،،،،
لؤي:ولج وين تروحين الزمچ ،،،الزمچ،،
نازك:الله ينتقم منك ،درب الصد مارد، ان شاءالله تموت واخلص منك،،،
لؤي:مااموت قبل لااخلص عليج اول واسلم امانتة بعدين،،،
لحد هاي اللحظة اذكر ذيچ اللحظات وساعات ابچي وساعات اضحك ،جان البيت صدك اشبه مايكون حلبة توم وجيري،،،
الي سمح بهذا الاستبداد ابوية وامي لؤي جان ماخذ دور چبير بالي رح يصيرلي مستقبلا، چانت كلمتة هي التمشي عالكل،
حتة على اختي نور الجبيرة الي  اكبر منة ب9سنين، چانو شايفي رجال واني شايفتة مستبد،،جنت اكول بسري باجر عگبة اذا كبرت وصار عندي اولاد رح اربيهم يحامون ع اخواتهم مو يآذوهم،
چنت  مراقبةع طول وصديقاتي كلهم مرقمهم اخوية او هم يحبو ويحبون شخصيتة،
چان حتة يحددلي ويامن امشي ويامن احچي،،
لؤي:گتلج ،هاي البنية متمشين وياهة، تسمعين حچي لوتبطلين وتگعدين،،،
نازك:لا والله مو بكيفك اني امشي ،اني امشي ويااليعجبني معليك اني ممسويةشي غلط،،،
لؤي:يووووم ،توخرين بنتچ لو ابتلي بيهة ،
ترة كفرتني شااحچي وياها تعاند هذيج البنية متمشين وياها وخلص،،
ام نازك:خلص ،يمة مثل مگلت هي ماتكسر كلمتك، روووح،،،
ام نازك:ولج شنو انتي كل كلمة وثانيةتعاندين اخوچ كالچ كلمةسمعيها،،
نازك:وآني رح اظل هيج هو يحددلي حياتي وانتو مالكم دور،
اكرهكم كلكم،وهيچ تمشي كلمة لؤي علي،واظل مااحچي ويا اهلي ايام ،صحيح تحجبت باارادتي بس مو حابتة،صحيح اخويةچان متحكم بيةوبكل شي، بس چان يعرف المجتمع شنوو شيحچون عالبنات الموزينات ،شعجب وياهم اني اكيد مثلهم،
دائما يگولون الصاحب ساحب، بس بحياتهم مسحبوني وياهم بالعكس چانو يتمنون يصيرون مثلي صعب تتلوثين ،ومتعرفين تزيلين،هاي الاثار،
چنت انصحهم واحاول اصحح اخطائهم، بس احنا بمجتمع اذا غلطت بنية ماكو مسامحة ،
صح جريتهم وياي دراسة والتزام ،وچنانتشارك اسرارنا وضحكاتنا، بس عرفت داخل كل وحدة الم چبير ،ومشاكل ،
هااا، صابرين شبيچ؟
امي زعلت مرة ثانية ،وعافت البيت واخذت بس اخوية الصغير،
نازك:هسة ،ترجع لاتخافين،،
صابرين متعرفين امي ،اذا زعلت تقفل،
والعركة بسبب منو،،،
بسببي،،
ليش؟
تذكرين ابن عمتي چان رايدني ،
شبي، مو مقبلت،شنو الجديد،،
زوج بنت عمتي ومتهناية،
وابوية كاللهة لاامي لو مزوجةصابرين ليش هذا الخير الغيرهة،
يووو،وهي هاي سالفةينزعل منها،
حجاية منا حجاية منها صارت مشكلةجبيرة وطلعت،،
اني اعرف امي شتريد،
شتريد يعني،،،
تريد تگطع علاقتنا بيت جدي،،،
نازك:لاتهتمين حبيبتي ،هسة تنحل،،
تعبت، نانا، تعبت ،انا مو حمل اداري اخوتي صغار،
صح بابا ممقصر بس  اخاف عليهم،
خلص، اليوم خابري ع امچ وكليلها رجعي،،
اگلچ متقبل،،
دسمعي،،،
اليوم خابريهة وگليلهة ،سمعت ابوية يحچي ويا بيت جدي يگللهم شوفولي مرة، هاي يومية زعلانة واحير بالجهال وكت الخفارة،
وعود انتي مقهورة ، ومتريدين تبقين لان المرة الجديدة قبلت تاخذ ابوج بيت جدج،وانت موقابلة،
صابرين:ولج شنو انتي داهية ،شون راحت من بالي بس ارجع للبيت انفذ،،
بس   رح تكبر المشكلة،،
لاتخافين متخابر ،،تخاف على مظهرها وانتي گلتي متحاچيهم،،،
بروين،،والله الي يشوفنة يگول صايعات ضايعات ميعرفون شگد شايلين هموم،،،
نور:لا وانتي الصادگة يحملونا مشاكلهم ،امي كل ماصير مشكلة تكولنا لما انتو كاسرين ظهري فلا اتحمل تكول بيت سيد محمد ما دفرهة عمود تزوج ويخلص،،،
نازك، على كيفچن باجر صيرن امهات هم جهالكم يحچون عليكم،،،
نور:اذا احنا هيچ نستاهل اليجينه، حبيبتي ،،احنا نصادق عمود نرتاح شوية نحس النا قيمة اكومن يزلغ روحة علينة ندري النحبهم مابيهم خير ، بس اهو لهو ،نلتهي بي، لما الله يفرجها،،،
علياء احچي عن نفسچ حيدر اجة خطبني،،،
نور:حبيبتي لان صديق اخوچ وبعدين وين لاگي وحدة مثلچ حلوةوزنكينة،،،
هيج اظل اسمع رواياتهم، واظل اصفن،اني لحد هاي اللحظة ماحبيت ،
جنت حذرة كلش،
مو لان اخاف وانما  مااريد گلبي  يروح للمايستحقة، چانو يطلعون بمواعيد ويريدوني وياهم ،بس مچنت اقبل،،
چان بالي اوصل شهادة عالية ، ووظيفة وبيت وسيارة،
وبنفس الوقت احس تجاربهم تخليني اقوى بس ظل اخوية يضايقني بالبيت،

واللي يضوجني اكثر ان امي چانت تفرق بين الولد والبنات،،
رغم الولد طايفين بالغلط بس تفضلهم وهذا موضوع غير قابل للنقاش،،،
ثاني يوم جتي بشائر صابرين صديقتي،،
نانا، ولچ نانا،،،
هاااا، وجع خيرچ،،،
اريد ابوسچ،،
كدامالناس لاعيب،،،
انزول عليج،،،
هههه، خيرچ،،
امي رجعت للبيت،،،
صدك،،،
نفس اليوم ،ولج شنوانتي داهية زمانج
ومن ذاك اليوم،صرت مستشارةصديقاتي،،
رمز الرومانسيةوالهدوء وهم سموني نازك الملائكة وحبيت الاسم،،
استمرينا هيچ ،بس اني گتلهم رح امشي بطريق،،وانتو رح تمشون بطريق بس رح تخسرون،،،
چانو كل مواضيعهم بالضحك،،
تالي لما وصلنا سادس،،
صابرين ارتبطت بولد اسمة كرار،،
حبتةحيل ،وهو هم حبها، ابو ضابط ،بالشرطة وعندة سيارة حماية،
ظلو يطلعونويطبون بس صابرين شاطرة واني استحيفت يضيع مستقبلها ، گتلها جربي صادگ وياچ ،گليلة تقدملي،،
نور:عمود يطفش،،
وطفشتهم،،
صابرين شاطرة وقوية،،
نور:مقتنعة بحچيهة، لچ هاي مجربت الحب،،،
صاابرين،،المستقبل گدامچ الشهادة الكليه،
نور جانت اكثر وحدة تناقضني بس صابرين جانت متعلقة بية ، بس جزء منهامو گادر ينشلع،،
وراها صابرين فاتحت كرار وكرار گاللهةمنتظر السنة افوت دورة واجي اتقدملج، ونور كذبتة،،،
بس طلع گد كلمتة ،،بس  ام صابرين رفضت،
وتكرر طلب كرار،وشافت مابيهة فايدة ،وسمعة بنتها ع كل لسان،،،
زوجتها لاابن عمها وانتهى مستقبل صابرين وهي مو راضية ماطولت وراها نورامها هم زوجتها ابن عمها بالعمارة ،،
علياء سافرولان ابوها تهدد،حيدر زوجهة وبطلهة،
وبروين هم شالو،،،
بقيت وحدي بدون صديقات مرات نگعدسواونظل ندردم،
اشتاق لهاي الگعدات وهاي الذكريات الحلوة،الي تخرب بس افوت البيت ومشاكل امي وابوية الي متخلص،
هنا فكرت ازوج وابتعد بعييييد عن اهلي،،
واكون عائلتي بهدوء،،
بس امي تدور مقايييس لعريس بنتها،
لهذا من زوجت اختي الجبيرةمقبلت الاشافتهامستوى مرتاحةوحيد اهلة ،وبالعرس مال اختي لزگ لي واحد من اهل العريس، ورا وزواج اختي تقدمو الي ،بس الاهل رفضو،لان اكو قانونعدنا بالبيت ناخذ واحد من كل عائلةماكو اثنين خوفا من المشاكل،،،
تخرجت من السادس وانقبلت معهد طبي،
الاهل كلهم رافضين بس ابويةوگف ويايا وخلاني اداوم وانشلع گلبة  لماا اندلينا المعهد ،وسجلنا بي، وچان ابوية عندة نصائح الي بدخلتي للمرحلة الجامعية،،،
للقصة بقية،،،
♥♥♥♥♥♥♥♥♥
سمعوني ارائكم وتعليقاتكم ولاتنسون التصويت عالبارت اذا اعجبكم