ارتبكت واختلقت جذبة عالسريع وامي نست اول مشافتني وكعت..
ركضت علية.. وصاحت على اخوية عمر رشت ع وجهي مي..
صحيت شوي ومفتحت وياي موضوع ابد..
وعدت.. ضليت يومية.. من ارجع اخابر واسمع اخبار عن نوفل واهلة كلهة شهر مر نوفل طلق زوجتة نهائي..
واتفقنا تمر فترة يلة يتقدم الي..
قوت علاقتنا وكام يقنعني نطلع.. واضرب الدوام..
تراجع مستوايا.. ونزلت درجاتي جنت مشتتة.. بين الخوف والحب وانتظار اليوم الي يجمعني بي..
ضعفت حيل..
اجة اليوم الي جنت خايفة منا.. رجعت قبل نهاية الدوام نزلني قريب المدرسة مجنت اتصور اصير بهالموقف فتت للبيت جنت فرحانة..
فتحت الباب ولكيت امي كاعدة بالهول وعيونها تطشر شرار..
ام نور:وين جنتي؟
نور:حجيت بتردد.. بالدوام..
محسيت الا راجدي نزل على وجهي..
ام نور:لج.. اليوم اخلص عليج.. ولج عين جذبين علية.. ولج شهر مرة خالج.. تذبلي بسامير واني اردهة ممصدكة مو انتي.. ولج شون الج عين ولج وين اطي وجهي..
ولج تالي عمري اصير علج بحلك العالم اليسوى والميسوى يحجي بية.. ولج شون ياربي.. يومية ضاربة دوام ولج هاي تربيتي.. بعد شمسوية احجي..
وين يروح بيج هذا الجلب...
ولج شون الج عين.. مافكرتي بية بااخوتج..
باابوج.. لج والله اذا عرف يدفنج بمكانج..
موتتني كتل حتة شعري هلستة بايدهة عافتني.. وكعدت على الكرسي بعدني بالكاع..
باعي لج.. الي صار.. تنسي.. تنسين هذا الحيوان..
وتلتفتين لدراستج.. والا قسما بالله اسلمج لاابوج..
فهمتي نور..
ضلت تلطم على وجههة وتبجي..
صح حقها شايفة بنتهة ثوب ابيض صافي..
وبيوم وليلة تنكلب هاي الصورة..
ولج شوي.. من اليوم ورايح رجلي على رجلج.. النفس ويايا وهذا نوفل اني اعرف شغلي ويا اخلي تحسين يشوف شغلة ويا..
نور :جنت.. ابجي.. ماما.. والله كالي يجي يخطبني..
اني مالي علاقة بطلاكة من قبل مايعرفني..
والله مالي علاقة..
ام نور:ولج تريدين تخبليني عفتي كل الزلم تاخذين واحد مطلك ولا شهادة ولا شي..
ولج.. اني اكللهم بنتي.. متزوج الا تخلص شهادة.. متاخذ الايستاهلها..
باعي نور كلمة مااثنيهة فهمتي.. كومي..
والحجيته خلي ترجية بااذنج..
مااريد احد يعرف..
صعدت بغرفتي وظليت ابجي..
واشوف خراميش ايد امي..
واثار ضربها ع جسمي..
يمكن ذاك الوقت مجنت متعلقة ذاك التعلق بنوفل.. سمعت كلام امي.. يدك التلفون لو هي لو اخوتي..
شكلت جهاز كاشف..
اني كلش اكتئبت.. حسيت امي.. كلش ابتعدت عني اكثر ماهي مبتعدة نظرة الحساب وعدم الرضا واضحة بعيونها كاني شخص منبوذ متريد وجودة عالطاولة..
اي.. حسيت روحي منبوذة..
كرهت روحي.. فقدت الشهية بكل شي..
الحياة الدراسة الاكل..
كلها اختفت..
امي مهتمت بعزلتي..
بس ايام الي ابوية موجود تجبرني اكعد عمود ابوية لايحس..
مر اسبوع على هالشغلة امي توديني للمدرسة تفوتني للمدرسه ينسد الباب يلة تروح دوامها بس هاي الشغلة تعبتها..
جانت متعلمة تتانق وتلبس يدك الخط تنسة كل شي.. مطمنة حسوني اودي بطريقي..
خلص صار هواي..
وصتني خلص فك السجن.. حذرتني..
انو هي تراقبني..
عمود مااسوي غلط حيل نفسيتي انكسرت..
رحت وصلت حسوني للروضة..
ومشيت وخطواتي مثقلة..
اريد اوصل للمدرسة من لاجارة البيت مزنجل..
اروح بيت جدي..
وانتظر امي ترجعني للبيت..
واني ماشية سمعت صوت هورن خفيف بظهري..
وصوت صاحني نور.. نور..
عرفت نوفل مشيت خفت لاصدك.. امي تراقبني..
ولج.. نور شبيج.. صعدي..
نور:نوفل.. روح الله يخليك.. روح مااريد مشاكل..
نوفل :صعدي..
نور :نوفل.. مااكدر.. روح..
ظل يصيحني.. واني.. ارفض وكف السيارة.. جرني.. صعدي.. لاابتلي بيج..
صعدت.. شخطت السيارة..
وكفنا بركن..
نوفل:هيج.. نور.. اسبوع كامل مااسمع منج شي.. وامج صايرة شرطي..
اجة بالي.. اكمز على سطحكم.. تعبت والله.. تعبت..
نور:بس حجة اني طكيت بجي..
وحطيت ايدي على عيوني..
انتبه نوفل ايدي زركة..
لزمها اول مرة..
هاي.. شنو..
امج ضربتج...
نور.. كتيلهة..
نور:نوفل.. الله يخليك اني تأذيت..
امي وخالي ومرتة واهلك.. الكل رافض..
نوفل:خلص.. لاتبجين.. تعاي اوصلج للمدرسة واني احلها..
نور:مسحت.. دموعي..
نوفل نزلني.. هنا..
لااحد يشوفني..
ماشي.. يلة..
نوفل:نور.. تحبيني..
نور:نوفل..
جاوبيني..
هزيت راسي..
نعم..
نوفل:واني هم..
وهسة شوفين شرح اسوي عمود هذا الحب..
نور:ابتسمت.. ابتسامة حزينة.. ونزلت..
كملت الدوام.. ورجعت حسوني لبيت جدو..
كعدت.. بغرفة بيبيتي..
وشوي.. اجة خالي تحسين..
وشكلة معصب.. سد الباب..
وسألني..
نور.. شنو.. بينج وبين نوفل..
خالللللو...
حسيت رح اكلي كتلة ثانية..
خفت.. وجاوبتة.. ماكو شي.. خالو..
تحسين:لج.. نور لاجذبين.. احجي الصدك لاابتلي بيج..
نوفل اجة مثل المخبل..
وصيح وعيط بنص الشغل..
كال اني رايدهة ورايدتني..
ولج.. من يمتة انتي ويا.. قبل لايطلك..
صدك الحجي.. الي سمعتة..
نزلت دموعي واني حاسة روحي مثل الطوبة من ايد لاايد مطلع هذا حب..
اكشر علية..
تحسين:ولج.. لاتبجين..
احجي.. انتي رايدتة..
اني وياج..
نوفل خوش ولد..
اشرتلة وعيني بيهة دموع..
اي اريدة..
بس امي متقبل.. كالتلي.. لاتفتحين الموضوع..
تحسين:خل ينزل ابوج.. بااجازتة احجي ويا..
وانتي لاتكوليلها لاامج..
زين..
حاضر خالو مرح اكوللها..
بس شوفي.. حسج عينج.. تطلعين لو تحجين ويا فهمتي..
ماشي.. اصلا.. اني لاشايفتة ولاحاجية ويا مجرد حجي امي سمعتة من مرة خالي.. وسكتتني..
نور:حسيت.. براحة.. لان خالي ويايا بس مومرتاحة لان الموضوع كل الاطراف رافضتة..
مو مهم خالي كال اني اصرف..
ظليت انتظر ابوية يجي..
بس صار شي ممتوقعتة ام زوجة نوفل الي هي اخت مرة خالي..
هدت على بيتنا.. وكعدت تصيح وتعيط..
انتو هجمتو بيت بتي وهسة.. جاية تنصبين بيت بتج ع خراب بيتهة..
الشي الي خلاني مذهولة.. امي مقصرت وياهم..
ام نور:حبيبتي محترمتج وحاطتج فوك راسي وانتي مرة اخوية عندي حساب وياج ززحبيبتي..
اني بنتي بت بيوت..
والمنطقة كلها تشهد بتربيتي.. لبنتي بس شرهة على بنتج شوفي وين لكاهة اخوهة وبحضن منو وابن عمها ستر عليها لاعبالج بنات العالم بوصاخة بنتج..
الرجال يدور شي نظيف.. عادي تكش نفسة من بنتج سكتي وامشي منا لااسويها عشاير دستي بيتي وهنتي بنتي واهل العمارة كلهم اهلي..
سدت الباب بوجههم..
ووجهه صار احمر من العصبية..
خزرتني.. واني طفرت فوك خفت لا.. تطلع قهرهم بية...
سمعتها تحجي بالتلفون..
خابرت تحسين خالي واجووي صايحوو..
وهي تكلة دليني بيت نوفل.. وهو ميقبل..
ويكللهة رايدهة مالج علاقة..
ولاتكبريهة..
ام نور:دليني.. لو اروح ابلغ الشرطة واشمرة بالحبوس..
كافي ترة.. دليني خل اسد هذا الغضب الي اجاني مدري مين..
حاول يقنعها مقبلت لبست عباتهة وجرتني امشي..
نور:وين.. ماما.. وين..
ام نور:اروح اشتكي علي الميسمى..
نور:لا.. ماما.. مااروح..
كتلج.. امشي.. كدامي..
تحسين:ولج عوفيها.. عوفيها..
يمعودة بلا مشاكل..
ام نور:معليك انت طمطم لصديقك.. ملكيتو غير بنتي..
سحلتني سحل للباب..
امي من تعصب متشوف كدامها..
اخر شي مفاد الحجي..
نور:صرخت.. صرخة التمرد.. الي من زمان اصرخها..
ماااااروح.. ماااروح فهمتي..
اني احبه.. احبة نوفل.. وهو رايدني واني رايدتة.. تريدين اطلع للشارع واصيح.. كافي..
كافي.. لعابة باايدج اني.. عوفيني.. رحميني.. مليت منج ومن تحكماتج..
جرني خالي من شعري وفوتني.. وامي ضلت.. مذهولة.. عمرها مسمعتني هيج..
بس ضغط السنين.. كلة طلع بلحظة..
وبلحظة لفت الدنيا بيا وملكيت روحي الا بالمستشفى..
انهيار عصبي..
يمكن ردة فعلي.. مو علمود موضوع نوفل..
جان ممكن.. امي تكعد وياي.. وتكسبني..
بس هي حسبت حساب العالم خالي مرة خالي..
الكل.. وخلتني بااخر القائمة..
ابوية ميعرف بالموضوع.. كل بالة بسبب ضغط امي والدراسة..
ومن هاي اللحظة امي فقدت السيطرة علية تماما..
اخذت اجازة من دوامها وبقت مكابلتني وكاعده..
نوفل تقدملي كم مرة والرفض مستمر..
امي.. هم تعبت نفسيتها بسبب هذا الموضوع..
واخر شي لمن يااسنا من اقناعهم.. طبعا رسبت بالسادس منقبلت بكلوريا.. المدرسة كلهة عرفت بموضوعي..
عمر اخوية كبر وكام هذا الموضوع يضايقة.. وكام يتعارك ويايا..
جتي العطلة الصيفية واني بالي مااداوم مدرسة.. امي زعلت ويا خالي..
بسبب هالموضوع خالي سحب ايدة.. لان امي رافضته نهائيا..
كمت اسوي كل الأشياء الي تزعجها..
واكثر شي ضوج امي رسوبي.. وقراري بعدم الدراسة مرة ثانية..
نوفل اشترالي موبايل..
ع طول حاطتة بصدري..
صامت..
بالليل اسد الغرفة ونحجي للصبح وصلنا مراحل....
يمكن اضايقت لان دخلنا بالعميق..
مكان بالي.. انو الزواج متركز على هيج أشياء..
وبداية السنة.. قررنا نهرب.. خلص روح مكان نزوج.. ونخليهم كدام الامر الواقع..
بس مجنت مرتاحة..
كتلة حاول.. للمرة الأخيرة.. بلكي يقبلون..
واني حجيت ويا امي..
نور:ماما.. اني اريد.. اختار لحياتي مو انتي عوفيني على راحتي..
تغير اسلوب امي كامت تحاول تكسبني بس بعد فوات الاوان..
اذا مقبلتي.. لاتلوميني..
شسوي.. بعد..
ام نور :ولج شكاعد تحجين..
نور اتفقنا اني ونوفل ننهزم للشمال ومناك نطلع تركيا..
باع سيارتة وعندة فلوس..
كالي حضري بجنطتج مال مدرسة لبسين ثلاثة وهناك اشتريلج..
نوفل:ممصدك باجر تنامين بحضني..
نور:نوفل.. اني خايفة.. وضايجة..
مااريد انزل راس اهلي..
ظليت ابجي وهو يهديني..
مو شفتي نور شبيدي اني..
مو على ايدج..
كلها فترة.. ويرضون..
نخابرهم ونكللهم.. احنا سوينا الشي رايدي..
خلص نور مو تحبيني..
ثقي بية..
مرح اعوفج لو شما يصير لو ما احبج..
مااخاطر بنفسي وعائلتي..
بس اني تعبت وانتي تعبتي..
نور:خل نصبر شوية بعد نوفل..
نوفل:ماكو صببببر بعد..
انتي اختاري نور اني لو اهلج..
الحب.. هو جنون يدمر كل مااامامه.. نحن لسنا مخيرين به نحن مجبرين.. ان ننقاد له..
🌺🌺🌺🌺
التربية.. موضوع شائك.. ومتشابك..
يمكن ام نور فكرت تحمي بنتها من زواجه ممكتملة الشروط..
بس رفضها للموضوع خلى بنتها تنفضح.. تتمرد.. تنهار.. واخرها.. موضوع الهروب فضيحة.. اني مااشجع عالزواج المبكر بس دائما يجي على بالي قوله تعالي(ولاتكرهوا فتياتكم على البغاء ان اردنا تحصنا...) يمكن لو كنت مكانها رح اقبل بالخطوبة واشرط شروط اضمن لبنتي حياة كريمة وفترة الخطوبة رح تكشف المستور ونور مو صغيرة عمرها 18سنة الحلال افضل من الحرام ولكم الراي حسب الحالة..
دائما.. من نحاسب بناتنا او اولادنا.. شنكول لفلان.. شرح يحجي علان شنو هذا.. شنو عندة.. وننسى المراهق نفسة..
حبيبي.. او حبيبتي.. بعدج صغيرة.. العمر كدامج.. مااريد تتعبين تشيلين المسوولية ليكدام.. استمتعي.. بحياتج.. وبعدين.. الزواج يجي..
اشرحي الهة موضوعرالزواج بشكل مبسط.. ولاتخجلون تخلون روحكم تجربة لااولادكم.. واذا اصر وافقو وانطو فرصة.. يحس بالمسوولية عن نفسة تكدر تتحمل المسوولية او لا.. خلص خل ادربج ليكدام عمود تصيرين ام بيت الولد.. اطلع دور شغل دامك تريد تفتح بيت مادخلني.. بيك وبحياتك..
شعبالك.. شعبالج..
احنا حايرين نوفرلهم وهم يتمللون.. من اوامرنا.. شوفوهم المسوول شون يصير..
امتع الاوقات ارجوها لكم..
للحكاية بقية..
🌺🌺🌺🌺
لاتنسون سمعوني ارائكم وتعليقاتكم..
ولاتنسون تصوتون عالبارت اذا اعجبكم..
فضلا وليس امرا
أنت تقرأ
حكاياتي(حكايا بنات+18)
Historia Cortaمجموعة حكايا تناقش المشاكل والتغيرات في جسم المراهقات والتحديات التي يخوضها الاهل حتى يتجاوزون المرحلة هاي
