حكاياتي(حكايا بنات+18)

الحكاية الختامية ج6

في البداية اشكر كلمن علقلي وتفاعل ويا القصة ، هواي يسالوني زوجج يعرف تنشرين قصة حياتج او يعرف تفاصيل حياتك السابقة، جوابي الكم اني وزوجي بدينا بصراحة احنا اكثر من اصدقاء ولمن نحچي مع بعض ونتصارح اكيد هو صديقي مو زوجي احنا مرينا بتجارب سيئة ، والسبب هو طريقة التربية الغلط غياب الناصح الطباع السيئة الورثناها عن اهلنا ومو قصدي اقلل من اهلي واهلة بس كلمن الة وجهة نظرة بالتربية بس احنا علينا ننشر تجربة وننشر وعي ، لان الاهل بهالوقت ديخربون بيوت مد يعمرو ها بنصائحهم الجبارة ناس تگلي شعجب ممبين عليج شكلج اقوى من هيج،، احب اگللكم كلنا نولد ضعفاء والحياة تعلمنا نتقوى من تجاربنا، ماكو احد يولد من بطن امة حكيم ولا يعيش حياتة بدون اخطاء،
مالغرض من القصة امدح روحي اكيد لا،
احب اگللكم العشرة تغير والضربات الموجعة اذا متموتك تقويك، وهذا ينطبق علية،
ولاننسى قوله تعالى(كل بني ادم خطاءوخير الخطائين التوابين )والحمدلله حاولت احافظ ع نفسي ومااسئ لعائلتي واختاريتهم وحكمت عقلي مع العلم ذاك الوقت چنت مهزوزة وداخلي شرارة تريد تنفجر ، بس حكمت عقلي وتاذيت اني بشر ، وعندي مشاعر ، ورب العالمين انعم علينا نعمة النسيان اني نسيت وبلشت حياتي ويا زوجي رغم الصعاب اني ابد مااحب اخلي قرائي على اعصابهم ولااحب يحچون ع شخص وصير برگبتهم غيبة ع ذاك الشخص وان كان شخصية بقصة اسفة عالاطالة نرجع للاحدااااث،،،،
اسوء مرحلة بحياتي كانت بين 2010-2015فترة طويلة بلشت مشاكلي ويا زوجي من اول شهر ،
هو من عائلة المرة عدهم حالها حال الخادمة بالبيت ، تطبخ تنظف، تكنس، تسمع كلام زوجها حتة لو يخربط هو رجال ميتحاسب ويرجع تعبان يتامر،
ميحچي باسلوب حلو لان هذا يگوي عينها للمرة ويكبر راسهة،
بنفس الوقت واجباتة كرجل مقصر بيهة ، لان هو داخل بمجهودة،،
اما عائلتنا الي ابوية من اصول ريفية، على الرغم من خلافاتي ويا اخوية چنت اسوي الي يجي بالي اني امراة عاملة معتمدة ع نفسي طلعت من بيت اهلى وبرگبتي عائلة، منو هذا يجي يفرض عليه راية وفوگاهة مااعندة اسلوب لهذا مچنا ابد نتفق، وراهة يعتذر مني لان هو ميعرف يتعامل ويا الجنس الناعم، والوعود تنكث اول ماتطلع الشمس ظليت مسايرتة ، ومطيتة مجال ، ممنوع علية ازور اهلي الا بالشهر مرة اروح صبح ارجع العصر ،
من غير اسلوبه التعبان جدا وهذا ماهو الا انعكاس لتربية شاف الكبار گدامة،
جان جواية شعلة من الكراهية والغضب يومية تتضاعف تجاهة وحاسة بالندم، لان استعجلت بزواجتي، صعبة تعيشين ويا شخص وتنامين بصفة وداخلج احساس بالكره اتجاهة،
ورا مسافر لؤي تحسنت علاقتي بي وصرت اني اكثر وحدة قريبة علي،، ويخابرني يوميا، مع العلم مجان اكو نت بذاك الوقت،
بديت احس بقيمة اهلي واكو اشياء
چنت حاستها غلط، وحتةهاي جان يضوج منها،
وگمت اتقصد اضوجة بلكي تطفة ناري شوي،
چان يگب گبة من العصبية،وراها يفش ويجي يصالحني،بعد ماكون شابعة بجي،
تعبت من هذي الحياة وصرت اريد بس اطلع منها ،بس الي موگفني چان اخوتة ،كلش زينيين وياية،
ومااگدر اعوفهم، خصوصا من يصير حچي يوگفون سچينة خاصرة للكل،
لهذا سكتت وصار تواصلي كلة ويا اخوتة، وهو يدحس روحة بنصنة ومرات يصيح اكللهم انتو مالكم دخل،
لحد مااجة يوم جتي خالتة، للبيت منفصلة وعدها ولدين مچنت اعرف شنو المشكلة، بس جتي مكسورة متعاركة ويا اهلهة بسبب مشاكل الچناين،
واني كلش انقهر،كلشي ولا كسران الخاطر،
جان المفروض تگعد كم يوم وترجع بس السالفة طولت وبانت مشاعر الحزن واليآس عليهة،
چان عدنة شقة فوگ،متروكة،
جيت يمهة وواسيتهة وفرحت اكو صوت مرة وياية بالبيت ،
احتضنتهم، وتعاونة رتبنا الشقة وهي جانت حيل فرحانة وحبتني حيل، وحجتلي قصةالمشكلة وقصص هواي تقاربنا هواي ، وظليت بواجباتي ويا اخوتةوالبيت،والولد مسويلي حساب،