حكاياتي(حكايا بنات+18)

الحكاية الرابعة ج3

كل مانحتاجه هو الحب، شعور باانا موجودين، لنا مكانة لنا احترام نحن لسنا جمادات متحركة، نحن بشر بالاحرى نحن نساء، نساء جعلتنا الحياة ضعيفات دون حول منا ولاقوة،
ورا مااخذت موبايل توفيق، هواي افكار چنت ناوية اسويهم، بس مكدرت، مكدرت، لان بعمري مااذيت احد عمري مفكرت ااذي احد بحياتي،
ورا ماتركنا ابوية وامي انجبرت ترجع بيت جدي، وتجرجرني بالبيوت، يومية من بيت خال، لخال، لحد مصفينا بيت
خالي ابو توفيق، وخالي ابو توفيق المرةاذا تطلگ هذا گبرهة من غير حجي مرتةلخالي،لاامي وامي تگلي سكتي زين مبقينايمهم زين خالچ يصرف علينا ابوية تركنا سافر وانگطعت اخبارة ناس تگول مات ،ناس تكول مزوج المهم خالي
طلگ امي ورا ماانتظرت امي اربع سنوات وجدي وخوالي مقبلو تبقى وعدهة حموين ممزوجين توفى جدي وطشرو خوالي كلمن اخذ حصتة وخالي خلة حصة امي ويا ،بس امي دايما شايفتة متفضل علينا ،من صار عمري 10سنوات،اجة واحد تقدم لاامي وخالي قنعها تتزوج، بس العريس رايد امي وحدهة، امي زوجت وظلت تسال من بعيد لبعيد،
مالمتها ولاگلتلها ليش عفتيني،
تركتها تعيش حياتها،ربيت و يابيت خالي
والشاهد الله مافرقوني ع اولادهم صرت اخت الهم، اني وتوفيق اخوة بس من صار عمري18وتوفيق تخرج من الكلية ،
توفيق چان يريد غريبة،
بس امة وخالي گالولة اخذ بنت عمتك نعرفها وتربت على ايدينة،
مااعرف شصار،بس سمعت هو مجان رايدني، لان ربينا سوا مسالوني رآي،
اصلا مچنت اعرف شنو لازم ارد ،
وامي علمتني شيگلچ خالچ گولي حاضر ويجرالك،
ومتلگين احسن منة متنسين فضلهم عليناومااعرف شنو هذا الفضل گعدتنة بيتنا بحصة امي،لو راتب جدي الي امي تستلمة ومعيشتنيبي، المهم صرت مثلها،
خاضعة مااگدر ارد مااگدر ارفض،هذي اني شخصية ايمان الخاضعة المتواضعة والي سكتني ، وين اروح اذاطلگت من توفيق وجهالي هم يصيرون مثلي لا ماابهذلهم اهمشي حسة بالدنيا،
لحظات ماحسيت الاراجدي نزل على خدي، بنص المركز گدام الناس ومرتة ،
اشرلي بااصبعة حسابج بالبيت،
روحي دفعني واتمنيت لو طلگني بهاللحظة ولاضربني كدام مرتة والناس،
رجعت للبيت مكسورة جهالي يسالوني شبيج ماما ليش تاخرتي شصار،
فتت غرفتي ولمت روحي،ع غبائي ،
مااجة توفيق،
ولاصار الحساب، ظليت حبيسة البيت اخذت اجازة من الدوام،
وراها شفت منزلين صور بتركيا،
مسافرين ديصالحها،
وكاتبلها النبض
💓💓كرهت نفسي عگد مالمتها، وديت الجهال بيت جدهم،
ورحت لريم، وحچيتلها الصار،
ريم:انتي گاعدة وساكتة لچ مني ومنج اشعل الدنيا على روسهم،
ولج ايمان كافي حسي،هذا ديهينچ ديعذبچ نفسيا ، ديخلص شبابج بالهم،
والقلق ، اخذي موقف، منة،
ايمان:حسيت الحچي قوي ويوجع،
ومالگيت غير ريم افرغ كل شحناتي بيهة،
ايمان: كافي ريم كافي تلحين عليه ،افتهمنا بس مااريد اطلگ مااريد اصير مثلچ والناس تگلي مطلقة ،مااطلك
اني،
ريم: انتي ،حرة حبيبتي اني الاسفة ادخل بحياتچ مومن حقي،
وهاي ريم خسرتهة همين،طلعت افتر بالشارع وتعبانة، دخلت البيت ورجعت فتحت الفيس مال توفيق، صور جديدة ومتقاربين،وبعدين سالت روحي ليش اباوع شعلية ليش احرگ روحي باايدي،مسحت الفيس مالتة ولغيت حسابي ،وخلص كافي ، بعد مايهمني،
رجعت للدوام ودايما اشوف بوجه علياء هاي النظرةشسويتي وبابا كام ميجي،
ضجت من نفسي وحملتها المسوولية
المدرسة عذاب ثاني واحس استاذ داوود حاط مراقبة بس علية،
وترني اكثر مامتوترة،
خلص توفيق شهر العسل مالتة ورجع هو والمدام،
من رجعت لگيتة بالبيت فرحت وجهالي هم فرحو باابوهم يگللهم لما انتو كاسرين ظهري چان صار غيرشي ديلومني ،
خلص الغدة والجهال راحو لغرفهم ،
واشرلي للغرفة اجي ويا،
بداخلي فرح وخوف احتمال حس بغيرتي ويريد يعوضني،
توفيق: سدي الباب وگعدي،
ماشي،
تعرفين لما اني موجود چان شصار بيچ،
جان رحتي بتهلكة،
ولما اني كوةقنعت انوار چان اهلها سوو مشاكل كومة ، اريد افهم الى متى تظلين
هيج هذا غبائج متوگفي، شفكرتي من اخذتي موبايلي، چنت ناوية سوووين،تبتزيهة لنوار مو گالتلي مصدگت،
ايمان: لاوالله ،جنت ناوية ارجعة موبيدي، الي صار،
توفيق : ايمان، اعرفچ اني تكرهيها لنوار
وغبائج وصديقتچ المطلگة هي تعلمچ،
ترةاذا باقي وياچ بس عمود جهالي،وبعد الي سويتي تحرمين علية ،انتي مجرد ام اولادي ولاتتوقعين مني اسامحج بعد ،
شتحتاجين ،بلغي علياء،
طلع و اني خرسة ماحچيت ومارديت ورامطلع عيطت وكسرت،
ومااجة ، ولاسال ولا خابر ، اصلا شنو تغير، هو هو ، بس چنت مقشمرة روحي،
ريم زعلانة علية، ومترد،
ظليت وحيدة ،من غير نگة علياء المتخلص، صارالبيت برگبتي رسمي اكل شرب مصرف،
تعب الجهال ومسوولياتهم شوية علاوي يهون علية ،من آكلة ماعندي يطبگ ويا علياء،
المصيبة ميگولون لاابوهم شمحتاجين،
متعلمين عليه،
بيوم واني داخلة للمدرسة،
جتي المرشدة التربوية،
ها ست سعاد،
خير خو ماكو شي،
كعدي ست ايمان،
اريد احچي وياج حچي، امهات،
خير ست خوفتيني،
ايمان،انتي اختنا وغالية علينا ،
وبنتچ علياء بنتنا ،
لهذاجبتج ودا احجيلج،
علياء مرتبطة بواحد طايح حضة وبت ست الماس،وياها من يروحون للدرس
يضربو ويطلعون سوا،صح المدرسة مالها علاقة بالطالب بعد ميطلع من المدرسة،
بس انتي اختنا وست الماس بلغتني
،
عمود اگلج وگالت متريد بنتها تختلط بنتچ بعد،
معرفت شااسوي بس اغمى علية،
من الصدمة من الضغط، ورا مصحيت اخذت علياء للبيت وحاسبتها،
علياء: خير ماما شبيچ،
ايمان : محسيت الاضاربتها راجدي ،عمري مضربتها،
ليش ضربيني ماما شسويت،
ولچ اني ، سوين بية هيچ ليش ولج ليش
فنيت عمري وشبابي عمودكم عمود تكبرون و يصير براسكم خير هاي جزاتي ولچ جزاتي ،تطلعين ويا ولد الفلوس اطيجياها تصرفيهة على هذا االحيوان حتى بنت الشوارع مسوي هيج،بااهلها،
من وراج ،انتي حرمتينا من بابا، سويت حياتنا جحيم ،كل تفكيرچ ابوية وين راح
وين اجة
شلبست نوار لاتگولين عمودنا انتي سويتي عمود نفسج، اني عن نفسي
شايفة نوار احسن منج،
اتمنى اصير مثلها، اتمنى اصير مثلها،
ظلت ترن بااذني ،
ذكرت حچي ريم من گالتلي عالجهال وهسة يدورون متنفس برة يدورون قدوة برة،
ضربتها راجدي رحت لغرفتي داخلي انفجار،
كل تعبي ،كل صبري راح،راح التعب والمدارا راح الصرف والدلال كل هذا اني سويتة وشحصلت تالي هذاالتعب زوج هاملني وجهال ناكرين معروفي اخذت السيارة وطلعت مااعرف وين اروح،
لگيت روحي گدام بيت ريم خايفة ادگ الباب استحي شون،ادك الباب بيا وجه
احچيلها اشكي الها،
ظليت واگفة بچيت هواي ،
محسيت الاصوت ريم بظهري،
ايمان، هاي انتي، ولچ شموگفج هنا
ليش متفوتين،فتحت السيارة وحضنتها،
ريم سامحيني، سامحيني غبية اني وزعلتچ،اني ماعندي غيرچ سامحيني،
ريم: غبية وفاشلة بس عندج غيري،
رب العالمين الي شايفچ وعمرة ميرضة بالظلم تعالي ، تعالي خ نفوت واحجيلي الصار،
آيمان رح افوت اغسل ،لو تعرفين جگد مكانات افتريت متتخيلين،
ظليت اگلب بمكياجات وحمر ريم ،حطيت حمرا صارخة بحياتي ماحاطة هيچ لون،
فتحت شعري صح سرح بس ممهتمة بي
تعبان وجاف، الشيب ظاهر لان اكتم داخلي هواي،
مااذكر روحي شوكت اخر مرة حفيت وجهي،
ريم:هااااا، امون، عجبتج الحمرة تخبل عليچ اخذيهة،
لا ريم مااخذ منچ،شبية اني مااشتري،
هلو عيني هاي جديدة،
ماكو فرق بينا ميغلى عليج امونة،
فدوةگلبچ ريم ،
بدلنا وگعدنا، شنو صار،
الصار اريد اتغير ريم، اريد اغير ايمان الي داخلي12سنةاقنع روحي اني صح بس هسة،بعد مابيهامجال اني غلط،
وكل دا اسوي دا ادمر حياتي وحياة اولادي،
ريم :مو گتلج من زمان، ماقنعتي بحچيي،
ايمان اي والله،
ريم احنا بيها امشي يلا،
ايمان: مالي واهس خليهة غير يوم،
ريم:شفتي هذا الي يخليچ متتقدمين بسبب ذاك وهذا يخرب واهسچ لازم تتعلمين نفسج اول حتةلو ضايجة راحتچ تكون لمن تهتمين بروحچ،
رحنا للصالون، غيرت لون شعري ، وحفيت وتنظيف بشرة وسرحت شعري،
وسويت اضافري ايدي ورجلي،
المهم نص فلوس عندي خلصت،
ريم: تعاي خ نشتريلچ ملابس،
ايمان: مبقةعندي فلوس خلي عالراتب،
ريم سوي تغيركامل،وملابسج هدية مني الج،
مال شنو،
مال سلامتج،
ههههه
والله جنتي مصخنةوخفت صخونتج،
انزول عليچ ريم،
يوووو،تخبل عليج مضروبة،
وعيونچ،خضرطالعةتخبلين حبيبتي،
خليج لاتنزعيهم،ابد،بس هدومي،
راحت للمجديةالبرة خطية،
ولچ ليش،
هدومي ،لاتبچين صدقة جارية ،خلصي خروح نتعشى،
عزةريم نسيت الجهال،
احسن انسيهم،
بعدين بيت جدهم بصفهم اذا صار شي،
يروحون يمهم،
ورا مخلصنا عشا
وصلت ريم للبيت ورجعت لگيت توفيق والجهال گاعدين ينتظروني،،
للقصة بقية.،
كل امهاتنا الفاضلات يحبون يقدمولنا كل شي، بس مومعناهاننكر ذاتنا وننسى روحنا بين زحام الاهتمامات ايمان عرفت انو لازم تتغير بلشو تغير حبو انفسكم لان ماكو اغلى منالنفس ،اذا ماحبيتي روحج محد يحبج
تحياتي،
#نازك الملائكة
🌺🌺🌺🌺🌺
لاتنسون سمعوني تعليقاتكم وارائكم عالبارت فضلاوليس امرا وهمتكم بالتصويت