رغم التحديات (قلبي لك ج3) للكاتبه أميرة صلاح

20

انتفضت إبان من نومها وهي تري كابوسها مرة أخرى وقد عاد يضربها ...
تنهدت بقوة ونهضت من نومها لتغتسل وبعدها خرجت لتجلس معهم بعدما حددوا ميعاد الزفاف والذي يكون بعد 3 أيام ... بعد الحكم علي شريف ..
لازالت تذكر انهيار سمية "زوجة إسماعيل" بعدما عرفت القاتل الحقيقي وأنه أخذ عقابه علي كل ما فعله .. وإصرارها علي أخذ عزاء زوجها بعدما رُد إليه حقه .
جلست ياسمين وهي تلعب بأظافرها قائلة: بت يا إيبو مش ناوية تروحي تقيسي الفستان ؟؟!
هتفت إبان بحنق : لما يجيبوا إياس!!
هتفت ياسمين باستنكار : مش عارفة أنتي اللي هتلبسيه ولا هو !!!.. إيه الرخامة دي ؟؟!
هتفت بتول ضاحكة: كل حاجة أؤمر وأنا أنفذ !!
هتفت إبان بغيظ: وبعدين بقا ؟؟!
رن هاتفها باسمه ففتحت الاتصال قائلة: ألو !!
هتف إياس من الناحية الأخرى : يلا مستنيكي تحت !! انزلي !!.
فغرت فاها بصدمة وهي تقول بعدم فهم : تحت !! تحت فين ؟؟!
هتف إياس بضيق : تحت بيتكم يا إبان انجزي !!
نفضت عنها ملامح الصدمة قائلة: حاضر !!
التفت إليهما وهي تقول: إياس تحت !!؟
هتفت بتول بغيظ : أخيراً .. يلا انزلي هاتيه عشان منتأخرش علي الكوافير!!!
– طيب !!
أنهت تجهيز نفسها ونزلت لتري ماذا يريد ؟؟!
وقفت قبالتها وهي تقول: اتأخرت عليك ؟؟؟
هتف ببرود : اركبي !!
نظرت نحوه بتعجب فأرسل لها نظرة صارمة كانت تلك المرة الأولي التي تراه هكذا فيها !! هل تحقق حلمها ؟؟!
ابتلعت ريقها بقلق وخوف لتستقل السيارة بجانبه ..
وقف إياس أمام أتيليه خاص ببيع فساتين الزفاف .. نزل إياس أولا وهو يقول: يلا انزلي !!.
كتفت يديها أمامها وهي تقول بحنق : مش هنزل غير لما أعرف إحنا بنعمل إيه هنا ؟؟!.
زفر إياس بضيق وهو يقول: وبعدين مش وقت لعب عيال ؟؟!
أشاحت وجهها عنه بحنق وهي تقول: برضو لأ !!!
تأفف بضجر فالتف الناحية الأخرى لتذهب هي ناحية المقود !!!
تنفس بعمق وزفره دفعة واحدة وهو يقول: ماشي .. دلوقتي يا ام الذكاء إحنا قدام اتيليه للفساتين يبقي ايه ؟؟!
نظرت نحوه بضيق: ولما انت هتشتري الفستان من هنا ليه مقولتش كنت نزلت مع ياسمين وسمر وبيري !!؟
دمعت عيناها وهي تشعر بنفسها ذليلة .. كل شئ تنفذه يكون هو الآمر .. وهي تشعر أنها مجرد جارية في عهد السلطان !!!.
فتح الباب ليجلس بجوارها ويضعها علي قدميه كالمرة السابقة غير مباليا باعتراضها ...
هتف إياس برقة: وبعدين معاكي بقا ؟!.
نظرت نحوه بحنق قائلة: أنا برضو ؟؟!
ضحك بخفوت وهو يقول: لا ياستي أنا اللي غلطان .. بس صدقيني والله كنت مكلم مصمم يعملي اللي انا عايزه بس هو قالي أنه هياخد وقت ومش هيلحق يعمله لحد الفرح ..!.
هزت رأسها في تفهم وهي تقول: طب اشمعنا ده يعني ؟!
زفر بضيق وهو يقول: وبعدين ... يا ستي واحد قريب من بيتكم .. ولما متلقيش اللي انتي عايزاه نروح غيره !!.
– طيب!!
دخلت معه للمحل وتنقلت بين الفساتين ولكن لم يستمر الهدوء طيلة الوقت !!!
انتقت فستان رائع كان ضيق من الأعلي حتي الخصر ويفترش بعدها حتي الكعب ... دخلت لتجربه فيما وقف هو بعيدا كما طلبت !!
أتت واحدة من العاملات لتشرف عليهما ..
هتفت الفتاة بصدمة : مش معقول إياس منصور !!؟
ابتلع ريقه بتوتر ونظر تلقائيا ناحية غرفة القياس حيث توجد إبان ..
ابتسم ببلاهة قائلا: أهلا ويندي !!
ضحكت الفتاة بمياعة وهي تقول: لسه فاكر الاسم ده يا إيسو مش معقول !!!
دق قلبه بقوة وهي ينظر ناحية غرفة القياس ..
وضعت الفتاة يدها علي كتفه وهي تقول: بس انت بتعمل إيه هنا ؟؟!
– جاي مع مراتي !!.
شهقت الفتاة بصدمة وهي تقول: اتجوزت .. مش معقول .. أمال فين محاضراتك عن الزوجة والنكد !!
ثم هتفت باستنكار : ومين بقا اللي اتجوزتها دي ؟؟!
هتفت إبان من الخلف : انا ياروح أمك !!
التفتا الاثنان لإبان وإياس الذي ابتلع ريقه وهو يدرك للتو أن الفتاة تضع يدها علي كتفه ..
– ليلة زي الفل ...
هتف بها داخله وهو يدعو الله بأن تسير الأمور علي خير !!
اقتربت الفتاة منها وهي تنظر إليها من أعلي لأسفل باستحقار ...
صفعتها إبان دون سابق إنذار وهي تقول: إيدك لو اتحطت تاني علي جوزي .. ساعتها هنسي إني بنت ناس وهوريكي قيمتك !!
نظرت نحوها الفتاة وهي تقول بغضب: انتي واحدة حقيرة زيك زي أي واحدة من الشارع مستواكي أصلا مش من مقامي . ..
انقضت عليها إبان وهي تقول: أنا هوريكي مقامك !!!
أمسكت شعرها بقوة والفتاة تصرخ بألم حاول إياس ومن بالمحل إزاحة إبان من عليها .. نجح بعد عدة محاولات مقيتة حملها من خصرها ليتجهان للسيارة ويبتعد عن هنا !!
وضعها بالسيارة وهي مازالت تمسك بالفستان ..
هتف بتعجب: الفستان جبتيه ليه ؟؟!
نظرت نحوه شرزا وهي تقول بلامبالاة : عاجبني ومش هسيبه !!
دخل مرة أخرى فأوقفته قائلة: رايحلها تاني طبعا !!
كز علي أسنانه وهو يقول: هروح أدفع الحساب .. مش علي آخر الزمن هيتقال عليا حرامي !.!.؟
دخل مرة أخرى للمحل دفع الحساب كأن شيئا لم يكن وبعدها خرج ولم يجدها في السيارة ... زفر بحنق واستقل سيارته وهو يلعن حظه الذي أوقعه أسيرا في عشقها !!!
_________________
عادت للمنزل وهاتفها لم يتوقف عن الرنين باسمه وهي لا تعبره بتاتاً ..ولن تفعل !!!
دخلت لوالدتها ترتمي بحضنها باكية وهي تقص عليها كل م حدث معها في المحل ...
رفعت وجهها تبكي : شوفتي يا ماما . يوم حلو زي ده ينتهي كده .. هو أنا منحوسة ولا ملييش حق إني افرح ..؟
ربتت علي ظهرها بحنو قائلة: لا يا حبيبتي ..بس انتي متوترة عشان الفرح قرب !!
نظرت نحوها بضياع وهي تقول: تفتكري ؟؟!
هزت رأسها مؤكدة وهي تقول: أيوة متأكدة !!
ماذا تريد إخبارها بأنها تتوجس خيفة من هذه الزيجة . لولا أنها تري الحب ينجرف من عيني ابنتها لأخبرت زوجها بأن يفضها ... دعت ربها بأن يرزق ابنتها السعادة ...
_____________________
طرقات علي الباب تبعها دخول فريدة في مركز التجميل حيث تجتمع زوجتك أبنائه وابنتها التي أصرت أن تقيم عقد قرانها معهم .. تريد مشاركة إخوانها زفافهم ..
احتضنتها فريدة وهي تقول: مبروك يا حبيبتي ..!
هتفت بيريهان بسعادة يشوبها الخجل : الله يبارك فيكي يا ماما !!!.
اقتربت من إبان التي كانت شاردة تماما منفصلة عن البقية !!!.
هتفت بيريهان بصوت عالٍ : إيبو !!
انتفضت أبان ونظرت نحوها بغيظ وضحكات الجميع تتبعهم ...
هتفت إبان بغضب : بقا ده شكل واحدة كتب كتابها النهاردة .. ده حازم أخويا شكله اتخم !!
نظرت نحوها بغضب لتهتف بغرور : لا معلش بقا .. دانا حظه السعيد كله !!
كزت علي أسنانها بقوة وهي تقول: مغرورة .. زيه بالظبط !!
ضحكت ياسمين بقوة وهي تقول: شالتهم بطن واحدة وجم ورا بعض !!
ضحكت إبان بخفوت وهي تقول: هو وخارج سبلها شوية !!
هتفت بيريهان بحنق :هي الحفلة عليا ولا إيه ؟!
نظرت فريدة ناحية إبان وهي تقول: تعالي معايا .. عايزة أقولك كلمتين !!!.
ابتلعت ريقها بقلق ف"فريدة" تعرف ما يدور خلف وجهها وابتسامتها المصطنعة ..
وقفت قبالتها وهي تقول: معلش يا طنط ،....
قاطعتها فريدة وهي تقول بحنو : مش عايزة تفسير .. أنا بس كنت عايزة أقولك حاجة ...
نظرت نحوها بانتباه فأردفت فريدة: أنا أكتر واحدة عارفة ابني كويس ... متفهمة قلقك .. 3 سنين كتير أوي علي تحمل الواحد ...بس خليكي واثقة في جوزك دايما .. يوم م تتهز الثقة .. يبقي ملوش فايدة الجواز من أصله !!
أومأت لها دون كلمة . جيد أنها فسرت الأمر هكذا . توترها من ليلة زفافها لا يأتي شئ جانب قلقها من مستقبلها معه .. صحيح أنه يراضيها دائما وهي تشعر بعشقه الذي يغلف قلبها طمأنينة .. لكن أين عقلها من كل هذا. . هو يرضي غرورها كأنثي .. لكنه غفل تماما عن عقلها الذي يرفض حتي الآن ما يشعر به قلبها بأمان بجانبه !!!!.
______________________
انتهت الفتيات من وضع زينتهن ليصعد الآباء كل ليأخذ ابنته ....
صعد حازم أولا ليمسك بيد ياسمين يعطيها لزوجها .. بحث بعينيه عنها فلم يجدها .. ضم حاجبيه بتساؤل ..
هتفت ياسمين ضاحكة: أول م عرفت إنك طالع جريت،!!
هز رأسه بتفهم لخجلها وابتسامة عاشقة احتلت شفتيه !!
هبط بصحبة أخته والتي تتأبط ذراعه بفخر
.فحازم أبدا ما خيب ظنها ... دائماً كان لها نعم السند ...
احتضن حازم يوسف وبارك له قائلا: مش هوصيك عليها .. اعمل زي ما قال الرسول "رفقا بالقوارير" ..
– عليه أفضل الصلاة والسلام !!
ثم مد يده يأخذ يدها وهو يقول بمرح : طب هات بقا القارورة بتاعتي واستني انت القاروة بتاعتك ...
ضحك الجميع من حوله ثم سحب يد ياسمين ناحية المنصة التي ستعقد بيريهان عليها قرانها !!!
نزل مصطفى بصحبة أبان التي كانت تموت خجلا بعدما تغلب علي توترها وخوفها من كابوسها !!!
احتضن مصطفى إياس وهو يقول: مش هوصيك عليك لأني عارف هي بالنسبالك إيه .. بس لو جات في يوم واشتكت مش هرجعهالك !!!
هز رأسه بتفهم وهو يقول: وأنا مستحيل أسمح لحتي مني أنها تسيبني !!
صاح مراد : يعيني ع الرومانسية !!!... بس ابعد الله يخليك عشان هنا في ناس !!
ضحك إياس بقوة وأمسك يد إبان التي ارتجفت في يده !!
نزل مختار ليسلم له سمر بعدما أوصاه عليها وبارك له. ولهما في الزواج ...
نزل سيف يمسك بيد بيريهان التي كانت تموت خجلا رغم أنها لا تراه بعينيها لكنها تشعر بقلبها وهو يخبرها بأن يموت شوقا لها ...
تأبطت ذراعه بخجل وهي تسمعه يقول : عندي ليكي كلام بس استني نكتب الكتاب عشان يبقي فتحة خير في الحلال ...
ضحكت بخفوت وقد شعرت أنها تتهاوي بسببه ...
فتح الشيخ الدفتر وهو يقول : أين وكيل العروس ؟!..
جلس سيف بجانبه وهو يعطيه بطاقته : اتفضل يا عم الشيخ !!
والتفت لحازم قائلا: بطاقتك يا عريس .. وبطاقات الشهود !!
قدم يوسف بطاقته وكذلك إسلام علي أنهما شهود !!!
أنهي الشيخ إجراءات عقد القران قائلا: بارك الله لكما وبارك عليكما وجمع بينكما في خير !!!
تعالت الزغاريط في القاعة واحتضن حازم الجميع مهئنين له ... وكذلك من في القاعة من النساء تقدموا لتقديم التهنئة لبيريهان التي كانت تشعر بنفسها تحلق في سماء الهوى ..!!!
أمسك حازم بيد بيريهان وغمز لإسلام لتنقطع الكهرباء ...
هتف أياس بتعجب: ايه ده من أولها !!!
تسمرت ملامحه صدمة وهو يقول بخفوت : حازم ابن ال....
قاطعته إبان بغضب قائلة؛ إياس !!
كز إياس علي أسنانه قائلا: أخوكي عملها .. بس هو فين ؟؟!
ضحكت إبان وهي تضع رأسها علي صدره قائلة: جرب شوية من اللي كنت بتعمله فيه!!!
هتف إياس بضيق : مراتي !!!.
هتفت إبان بسخرية: أمال هي إيه ... ده حتي تلاقي المأذون لسه ممشيش. ..
طال انقطاع التيار فاحمرت ملامحه وهو يقول: لا كده كتير !!!
ابتعدت بيريهان عنه : حازم كفاية عشان خاطري !!.
تأفف حازم وهو يرسل رسالة لإسلام قائلا بمكر: بس كويس إنك حطيتي الروج ثابت مبيطلعش !!!
ضحكت بخفوت وقد توردت وجنتيها حمرة ..
عادت الكهرباء ثانية فاقترب إياس من حازم قائلا: ماشي يا زفت !!
رفع حاجبيه يراقصهما بمكر واحتدت عينا إياس غضباً .. هو يعرف أنها زوجته الآن لكنه أبدا لا يعقلها .. بيريهان صديقته منذ الطفولة هي من كان يلعب معها حين كان ينفرد يوسف بحب الجميع تبقي هي أنيس وحدته ...
أمسكت إبان يده وهي تقول: إياس الناس بتبص علينا خلي الكلام بعدين !!!
استجاب لدعوتها واتجه معها للمنصة فهتف يوسف بقلق بعدما رأي ملامح إياس وهو يحدث حازم : في ٱيه،؟؟!
أشاح إياس وجهه بضيق وهو يقول: مفيش !!!
ربتت إبان علي يده وهي تقول: انت زعلان عشان بقيلها سند غيرك ؟؟!
أطرق برأسه مؤكدا كلامها فرغم كل هذا تبقي بيريهان حبيبته بعد فريدة.. علاقته مع مي ليست بهذا الشكل ربما لانها تؤام يوسف وكان لها المعزة الخاصة وربما لان بريهان حرمت من حنان فريدة كما هو .. كان يوسف أولا ليأتي مراد من بعده وهي مازالت في الثالثة من عمرها لتصبح محرومة كلياً .. كانت تعتبر أنيسه كما هو كان لها .. ليأتي حازم ويختطفها منه ليصبح لها درع آخر غيره ..
نادي موزع الموسيقي علي العرسان لبدأ رقصة " السلو " المملة ..!
مد إياس يد إبان لحازم قائلا: خليني أرقص بيري !!
هز رأسه موافقا مقدر لحالته الآن علي الأقل فبيريهان كانت تخبره على علاقتها مع إياس وصداقتهما الغريبة. ..
وضعت بيريهان رأسها علي صدر إياس محتضنة خصره وهي تقول: ربنا م يحرمني منك أبدا !!!
ربت علي شعرها بحنو قائلا: ولا منك يا قلبي ..
رفعت وجهها إليه وهي تقول: خليك عارف أنك حبيبي الأول وقبل أي حاجة هتلاقيني في حضنك !!
ضحك بخفوت مقبلا رأسها وهو يقول: وهتلاقيني دايما فاتحلك بيتي وحضني !!! ..عشان تنامي فيه زي زمان !!
ضحكت بمرح وعادت لأحضانه مرة أخرى ...
هتف حازم بضيق : وبعدين هنفضل كده كتير !!..
قبل رأسها وأعطاها له ليأخذ زوجته مرة أخرى ،،،!
هتفت ياسمين بقلق وهي تشير ناحية إياس وحازم : هو في إيه ؟؟!
ضحك يوسف وهو يقول: مفيش يا ستي بس حازم خطف بيريهان من إياس !!!
هتفت ياسمين بدهشة : خطفها !! خطفها ازاي بقا ؟؟!.
تنهد يوسف بشرود قائلا: أصل بيريهان وإياس كانوا أصحاب أوي من وهما صغيرين .. عشان كده تلاقيه متأثر !!
هزت رأسها بتفهم وهي تقول: ربنا يسعدهم !!
وعند مراد ..
اقترب مراد يهمس لسمر : هو انتي حلوة كده ليه ؟؟!
ضحكت بخجل وهي تقول: مانا طول عمري حلوة!!
قبل وجنتها وهو يقول: مانا عارف .. بس انتي النهاردة حلوة بزيادة !!!.
تخضبت وجنتيها خجلا وقد تحطمت كل السدود التي وضعتها لتطلق قلبها حرا يدق بقوة لمن هي بين يديه !!
انتهت رقصة السلو ليهتف إسلام في الميكرفون : بصوا بقا بما إني السنجل الوحيد هنا فخلينا نرّقص الرجالة لوحدهم بلييز !!
ضحك إياس بقوة وهو يحتضن صديقه : هخليك تحصلني في جمعتي يابن عم الشيخ !!
بادله حضنه بقوة وهو يقول: ألف مبروك يا حبيبي !!..
أكمل وهو يغمز له : هستني منك إسلام ها ،!..؟!
ضحك إياس بمرح وهو يقول : حبيبي .. عند وعدي طبعا !!
التف جميع الرجال حول العرسان ومعهم إسلام الذي يعتبر من العائلة وأخا لهم جميعا ...
كما فعلت النساء لتتراقصن حول الفتيات ..
راقصت بيريهان ندي ابنة حازم والتي يا للعجب تقبلتها زوجة لأبيها وأصبحت تناديها ماما كما تفعل مع ياسمين ليصبح لها أمان بعدما تركتها أمها الحقيقة بعد بشاعتها ..
أما إبان فراقصت سايا التي لم تتوقف عن البكاء منذ علمت أن خالها إياس لن يعيش في القصر وأنها اختار بيتا بعيدا لكنه أخبرها بأنها ستعيش معه متي شاءت ذلك. .
بتول التي كانت ترقص مع ابنتها ووالدتها مع فريدة فرحين بسعادة الجميع بعد طول عذاب ...
وعلي الطاولة ..
ربت مصطفى علي كتف سيف قائلا: بكرة تتحل إن شاء الله !!
أطرق سيف برأسه قائلا: يارب !!
وبعدها عادا يتأملان التجمع الذي كان يفيض من السعادة داعين الله بأن تتم ... والحمدلله دائما وأبداً !!!
اقتربت صافي ببطنها الظاهر قليلا واحتضنت إبان قائلة : وأخيرا عشت اليوم وشوفتك عروسة يا بنت الشافعي !!
ضحكت إبان بقوة وهي تقول : حققتلك الأمنية اهي !!.
مد محمود يده لإبان قائلا: مبروك يا أبان .. وعقبال صافي الصغيرة ،،
صافحته إبان بحرج وهي توجه حديثها لصافي : أنتي لحقتي !!.
ضحكت صافي واقتربت من بتول قائلة: بتول . مش إبان هتجيب صافي وتتجوز زياد !!.
هتفت بتول : أيوة طبعا .. محدش هياخدها غيري !!.
ضحكت إبان وهي تقول: عاجبك كده !!
أخرجت لها لسانها وهي تقول : عشان متنسيش بس !! بتول هتفكرك !!
ضحكت إبان وهي تحتضن بتول : وأنا مش هلاقي زي زياد يكون جوز بنتي ...!
راقصت صافي حاجبيها بمكر وهي تقول: أنا بقول هاتيلنا تؤام ...
وكزتها إبان وهي تقول بخجل: اتلمي يابت .
اقتربت سمية منهم واحتضنت إبان وهي تقول: كان بيحلم باليوم ده .. إن بنت الشافعي وابن المنصور يتجوزوا ...
دمعت عينا إبان وهي تقول: وأنا لا يمكن أنساه وأو انسي جميله ،...!!
ربتت سمية علي شعرها بحنو : انتي عملتي اللي مقدرتش عليه انا .. جبتي حقه. وانا لا يمكن انسالك ده ابدا ...
احتضنتها إبان وهي تقول: خليكي معانا بلاش تسافري ..
احتضنت صافي كتفيها وهي تقول : عشان خاطري يا طنط اسمعي كلامها ..
هزت رأسها موافقة وهي تقول: طيب ..حاضر !!
هللت إبان بسعادة وهي تقول: أيوة بقا !!..
أتي إياس بعد مدة ليأخذ بيدها بعيدا عن الجميع !،..
ضمها لصدره وهو يراقصها قائلا : خدوكي مني ...
ابتسمت بخجل وهي تقول: مانا معاك أهو ..
هز رأسه نافيا وهو يقول: لا أنا عايزك كده دايما في حضني ..
ابتلعت ريقها بتوتر وهي تسمعه يقول : هو ده كرز ..
خبأت وجهها في حضنه وهي تقول: لا . .
ضحك أياس بقوة وهو يقول: لينا بيت نفحص فيه !!
ضربته علي كتفه بغيظ وهي تشعر بنفسها تموت قلقا ..
هتفت بيريهان بتعب : كفاية يا حازم تعبت ...
هز رأسه بتفهم وأمسك بيدها ليتجها ناحية المنصة ..حيث يوسف وياسمين ...
تثاءبت بيريهان وهي تقول : هي الساعة كام !!؟
نظر يوسف في ساعة هاتفه وهو يقول بصدمة : الساعة 3
هتفت ياسمين بتعجب : كام ؟؟!
أشار حازم لموزع الموسيقى بأن ينهي الأمر ...
هتفت إبان : مش عايزة أروح !!.
غمز لها إياس وهو يقول بمكر: احنا هنروح ومش هنطلع !!
ضربته علي كتفه وهي تصرخ بغيظ : إياس !!
ضم كتفيها واتجها ناحية المنصة ليجتمعوا كلهم مغادرين !!