رغم التحديات (قلبي لك ج3) للكاتبه أميرة صلاح

28

وقفت أمام المرآة تشاهد زينتها . لقد مرت شهور منذ عقد قرانهما .. لم تصدق يوم أخبرها عن حبه لها ...
لقد كان صامتا لأنه لم يكن جاهزا .. وكذلك الظروف لم تسمح له ..
لقد كوفئت وهو كذلك ... لقد وجد كل منهما ما يحتاجه في الآخر ... هما نصفان واندمجا ..
ضحكت بخفوت وهي تتذكر اعترافه بحبها .. لم تعتقده مجنونا هكذا .. لقد اعترف لها في القسم .. لم يرد إخراجها إلا عندما توافق علي عرضه وتتزوجه..
– اتجننتي ولا ايه يا مروة !
هتفت بها إبان مشاكسة وهي تنظر لمروة في المرآة...
ضحكت مروة وهي تقول : افتكرت موقف القسم ..
غمزت لها قائلة: فاكر انت ها !!
ضحكت مروة بحب وهي تقول شاردة : مكنتش أتوقع إني أحبه في الفترة الصغيرة دي،!
ضحكت إبان بقوة وهي تقول: طالما صاحب إياس فتوقعي أي حاجة ...
بادلتها الضحك وهي تقول: ربنا يسعدك يا إبان ،،
ضمتها إبان من الخلف وهي تقول: طب يلا قبل م ولاد ياسمين يقرروا ينزلوا !!.
********.
هتفت بتول بسعادة: بسم الله ما شاء الله .. وعرفتي تنقي يا واد يا حازم !!
هتفت ياسمين ضاحكة: إيه يا بتول هي أول مرة تشوفيها،؟؟
هتفت بتول بانبهار: ما شاء الله عليها . ربنا يحفظها ..
كانت بيريهان في أحلى طلاتها ... طلة كملكة جمال العالم .. اليوم عيد ميلادها .. اليوم فقط ستصبح زوجة رسمية لحبيبها .. بعد عام كامل ستزف إليه أخيرا ..
طرقات علي الباب جعلت قلبها ينتفض محله ..
دخل سيف ومعه فريدة التي احتضنت ابنتها بسعادة : مبروك يا حبيبتي .. ألف مبروك !!
بادلتها بيري قائلة: الله يبارك فيكي يا ماما !!.
دمعت عينا فريدة سعادة ، هتفت ياسمين ضاحكة: إيه يا فيرو ... هتبوظي المكياج !!..
ضحكت فريدة وهي تمسح دموعها قائلة: خلاص اهو .. شلته !!
احتضنت والدها بقوة وهي تحلق من السعادة .. لقد عاد كل شئ كما كان ..
يوسف سيرزق بأولاده تؤاميه قريبا ( فريدة وآسر كما أصرت جدتهما ... فيما رفض سيف الصغير بأن يسمي احد علي اسمه. )
مي عادت لزوجها بعدما أفرج عن حماتها لعدم وجود أدلة .. لكنها عادت مكسورة ومازالت تتمني أن يرضي عنها زوجها ..
إياس .. صديقها وحبيبها لقد عوضه الله عما عاناه من قبل .. عوضه بأحلي زوجة يمكن أن تراها الأعين .. وقصة عشق تجاري قصص الأساطير .. روميو وجوليت ..
ومراد .. رزقه الله من حيث لا يحتسب .. زوجة عرفت قيمته بعد وقوفه جانبها وجانب والدتها في أشد المحن .. وخاصىة بعدما رفض يوسف أن يمسك قضيتها .. وقريبا سيرزق بابنه (مروان كما يريد )،..
وهي .. هي رزقت بكل هؤلاء .. حب أخوانها سيكون هو أغلى هدية يمكن أن تستقبلها .. بدءا من يوسف ومي التي مازالت لا تخفي غيرتها عليه... ومراد قلبها ..
ومن قبلهم فريدة وسيف .. أسعد زوجين في العالم ..
محظوظ هو من يضع القدر في طريقه شخص ينسيه العالم من حوله ...
******
تلاقت أعينهما في نظرات هما فقط من يفهما ما تشير إليه ..
إشارات العشق قد تغلغلت بداخلهما حتى أصبحت إدمان القلب ..
قلبين حكما علي كل منهما أن يموت فداء الآخر .. وألا يحبا غيرهما مدي الحياة ...
وضعت كفها تحتضنه كفه قبل أن يرفعها ليقبلها ..
ابتسمت بخجل وهي تقترب منه يحضتنها ..
هتف أسلام بحنق: كفاية يا عم الرومانسي انجز .. في عرسان هنا !!.
نظر نحوهما ببرود ليبعد زوجته عن السلم !!وهي مازالت بأحضانه ...
أمسك إسلام بيد مروة وهو يقول: مكنتش أعرف أن القمر حلو كده !!
تخضبت وجنتيها خجلا وهي تقول: بلييز يا أسلام،!
هتف إسلام: يا خراشي ع الحلو لما يتكثف !!
هتف إياس بمشاكسة: علي فكرة يا مروة .. انتي مش اول واحدة يقولها كده !!
فغرت فاها بصدمة وهي تنظر ناحية إسلام ..
هتف أسلام بغضب: لم نفسك يالا .. شوف وراك ايه ؟؟
ضحك إياس بقوة وهو يري منظره المتوتر .. لينتقم منه لتطلعه لإبان سابقا ....!
هتفت إبان وهي تحدث مروة : إياس بيهزر . بس هو موقف وحصل .. وبيردهوله ،!!
ثم نظرت لأياس وهي تقول: مع إنه موقف فهمني كتير !!
أمسك يدها يقبلها وابتعدا عنهما .. ليتجه أسلام ناحية المنصة !!،
نزلت بيريهان متأبطة ذراع والدها وهي تحلق سعادة .. لا يمكن وصفها .. بكل الكلمات ..
بداية من تحقيق حلمها وقلبها الذي أبدا لم يخنها .. اصبح الآن ملكية خصوصية له .. لزوجها ..
احتضن سيف حازم وهو يقول: اوعي تزعلها .. لانك هتشوف اللي عمرك م شوفته !!.
ضحك حازم وهو يقول: هو انا متجوز بنت زعيم عصابة ولا ايه!!
هتف سيف ضاحكا: والله انا مش هدخل .. شوف انت بقا ..
ضحكت ياسمين وهي تقول: متخافش يا حازم وراك رجالة !
هتف أياس :بس خليكي في نفسك اللي مش قادرة تشيليها .. انا بدأت اشك انهم اتنين،!!
هتفت ياسمين بغضب : قصدك ايه يعني يابن فريدة !!؟
هتفت بيريهان بتوسل : إياس بلييز بلاش دلوقتي .. لاحسن تعملها وتولد،!!.
ضحك إياس وهو يحتضنها قائلا: مبروك يا حبيبتي !!
تشبثت بظهره قائلة: الله يبارك فيك يا حبيبي!!
وكذلك فعل الجميع ..يوسف ومراد ..
****
وأثناء رقصة السلو،...
همس بأذنها قائلا: حلو الروج ده .. بطعم ايه،!؟
ضحكت بخفوت وهي تهمس بدورها : معنديش غيره ،!!
تصنع التفكير قائلا: ده مش كرز صح،!؟
وضعت رأسها في حضنه قائلة: لا هو .. بس قالب علي مصري !!.
ضحك بقوة وهو يشدد من احتضانها مقبلا جبهتها .. يرسل لها آلاف رسائل الشكر والعرفان لبقائها جانبها .. لقد نفذت ما طلبه منها ،!!
أمسك يدها وهو يقول متوسلا: إبان رجعيلي ماربيلا،!
نظرت نحوه بتعجب وهي تقول: قصدك ايه !!. مانا نفسها !!
هز رأسه نافيا وهو يقول: لا .. انا مش عايز إبان البنت الطيبة الغلبانة اللي بتقول حاضر وبس ..
ولا عايز بنت الشافعي اللي معندهاش حاجة غير انها ترفض اللي يتقالها .. وكل حاجة عند،..
أنا عايز ماربيلا .. ماربيلا اللي اول م شوفتها حبتها .ماربيلا مكس بين طيبة إبان وعناد بنت الشافعي .. عايز ماربيلا اللي هترجع حبنا تاني ..بعد كل التحديات ..!!
لم تعلم لم صدقته .. هل لأنها كانت تحتاج لمثل هذا الكلام .. كلمات معدودة علي أصابع اليد أعادت لها ثقتها بنفسها ....!!
هتفت إبان : إياس عايزة أروح عند ماما وحشتني،!!
ابتعد عنها قائلا: بعد المفاجأة ...
نظرت نحوه بتعجب قائلة: مفاجأة.. بتاعت ايه دي،!!؟
قبل وجنتها قائلا: بتاعتك ..
هتفت بفضول : طب ايه هي،!!؟
ضحك بخفة قائلا: لا .. مش دلوقتي !!
زمت شفتيها باستياء وهي تقول: طب عشان خاطري!!
ضحك وهو يقول: خاطرك غالي عندي أوي .. بس لا مش دلوقتي ،!!
تلفتت حولها لتنفذ آخر وسيلة لديها ، لكنه قطع عليها الطريق قائلا: لا برضو !!
ضربته علي كتفه بغيظ فضمها إليه قائلا: شوية وقت بس،!!
*****
هتف حازم بغيظ : هو شعرك ده مش هيطول !!؟
ضحكت بخفوت وهي تري ملامحه المغتاظة من طول شعرها رغم أنه قد طال قليلا رغم أنه مازال خجلا من أن يلامس كتفيها !!
ابتسمت قائلة: خلاص يا حبيبي مسألة وقت .. واوعدك اني مش هقصه تاني !!
ضم حاجبيه باستنكار قائلا: المرة الجاية هلبسك طرحة ،..
وضعت يدها علي فمها تكتم ضحكتها وهي تقول: حبيبي !!
نظر نحوها بشك ولهجتها المتغيرة يبدو أنها قد تغيرت حقا بعد آخر لقاء .. يكفي أنها اعتذرت من والدتها وقد قبلت والدتها بصدر رحب .. كم خاف من أن يحدث بينها وبين والدتها شرخ كبير يصعب ردمه !!!
هتفت بيريهان وهي تضغط علي يده التي تحتضن يدها قائلة: حازم انا عمري م ندمت اني حبيتك .. عمري كله فداك،!!
قبل وجنتها بعمق وهو يقول: وانا عمري م هسمحلك تبعدي عني !!
هتفت بيريهان وهي تضع رأسها علي كتفه : حبيبي يا زوما .. ربنا م يحرمني منك أبدا !!
شدد من احتضانها قائلا : ولا منك يا حبيبتي !!
*******
هتفت بتول بحنق : وانا كمان عايزة ارقص !!
نظر نحوها بطرف عينه ولم يعقب ...
لفت نظره شيئا وقد كان ..التفت إليها قائلا: وبعدين بقا ... مش ده سيف ابن باسم،..
نظرت للجهة التي يشير لها وقد كانت تير معه يبدو أنه يحاول مراقصتها لكنه فشل خصوصا مع طول فستانها والذي أصر عليه أمجد،...
نظر ناحية زياد قائلا: وانت مش عايز حاجة!! ؟
أشار بيده ناحيتها وهو يقول: إيبو !!
ضحك أمجد وقبل وجنته قائلا: انت بقيت تقول إيبو أكتر من ماما !!
نزل زياد من علي قدمي والده ليركض ناحية إياس وإبان التي بمجرد رؤيتها له ابتعدت عنه لتستقبله بأحضانها ..
اتجها ناحية الطاولة التي تضم العائلة ..
هتف مصطفى موجهاً حديثه لإياس: معلش يا حبيبي.. قول لحازم كفاية ... خليه يقعد،..،
هز رأسه موافقا واتجه ناحية حازم وأخبره بما طلب منه ..
احتضنت مني ابنتها قائلة: وحشتيني يا إبان .. بقا كل ده متسأليش علي امك !؟
هتفت إبان باسف: سوري يا ماما والله .. بس إياس كان رافض انه يخرجني م البيت !!.. كان بيقول انكم خدتوني كتير !!
هتفت بتول باستنكار: ايش كان بيبات معاكي أحيانا ،..
هتفت إبان بحزن: مكنتيش شوفتيه لما بيرجع مهدود حيله !!... خصوصا بعد اللي حصل مع طنط صفية وخلاه يشيل شغل باسم معاه !!،.
هتف أمجد :الله يكون في عونه،..
هتفت إبان : وانتوا ناويين تسافروا امتي !
ضحكت بتول بقوة فنظرت نحوها بتعجب ..
هتف أمجد : ياسمين رافضة ان حد يتحرك من مكانه غير لما تولد ..،
هزت بتول رأسها وهي تقول مؤكدة : بتقولي لو جبت بنت هجوزها لزياد !!..
نظرت إبان لزياد قائلة: الله مش احنا اتفقنا انك هتتجوز بيلا ،،.
ضحكت بتول وهي تقول مشاكسة: معلش .بس لو بنت ياسمين طلعت عنيها زرقا هجوزهاله .. عشان نحسن النسل !
نظر أمجد نحوها بضيق : قومي هاتي بنتك خلينا نمشي ..قومي !!
ضحكت إبان قائلة: أحسن .. قومي دوري علي بنتك .. زياد ل"بيلا "بس ..
********
استأذن يوسف حازم من أن يراقص بيريهان قليلا ... بعدها أتي الجميع ليلتف حولها .. أولاد فريدة جميعا ..
يراقصونها ليجعلوا ليلتها ليلة لا تنسي .. ليلة تبدأ فيها رحلة جديدة ومغامرة من نوع جديد .. مع تحمل مسؤلية جديدة .. ستحاسب عليها من قبل نفسها قبل الجميع ..
والجميع من حولها يتعجبون من قوة عائلة اصطدمت بكل صدمات العالم يمكن تخيلها .. لكنها مازالت قوية ..
لم يتعرفوا علي أولاد المنصور إذاً .. حيث يكون حب الجميع فوق كل شئ ...والجميع قبل الواحد ،!!
*********
نزل حازم من السيارة التي كان يقودها إياس بعدما أصر علي توصيلهما وترك فرصة لإبان من البقاء مع والدتها قليلا ..
همس حازم لها : مش هعرف أشيلك!!
همست له بدورها: اللي عايز حاجة بيعملها .. مش غير أي حد أو أي حاجة ...
رفع حاجبه بتعجب وانحني ينفذ لها مطلبها. ورفعها عاليا
لفت يديها حول عنقها وهي تلوح لإياس الذي كان صاعدا خلفهما .. وتوقف عند شقة حماه ..
توقف حازم أمام الشقة وهو يقول: هتفتحي ولا تنزلي !!؟
ضحكت بخفوت ونزلت من علي يديه وهي تقول: لا كفاية كده عليك !!
أخرج حازم من جيبه المفتاح وفتحه لتدخل علي قدميها بعدما تعب من حملها !!
جلس علي الأريكة يأخذ نفسا وبعدها اتجه ناحيتها يحملها بغتة ..
شهقت بصدمة قائلة : حازم !!
هتف حازم بلامبالاة: مش فاضي .. بالذات دلوقتي !!
خبأت وجهها في كتفه قائلة: حازم !!
أغلق الباب وهو يقول: بعدين يا حبيبتي .. بعدين .!!
********
جلست أمام المرآة تمشط شعرها وهي تفكر ..
ستلد عما قريب وتري تؤاميها فريدة وآسر ..
وضعت يدها علي بطنها وهي تقول: كان نفسي اسميك حازم ... بس اللي حصل بقا ..!
دخل يوسف الغرفة وارتمى علي الفراش بتعب ..
التفت إليه وهي تقول: هي سمر رجعت!! ؟
هتف يوسف وهو مغمض العينين : لا .. مش عايزة تسيب أمها لوحدها!!.
تساءلت بدهشة: هي مش مي بتتعامل معاها عادي!! ؟
التفت إليها قائلا: بس مشكلتها مع باسم .. وكويس ان عمو مختار مطلقهاش !!
هزت رأسها في تفهم .. يبدو أن القدر يعيد لإبان حقها .. لم يصدق أحد بأنها تكون خلف حادثة إبان .. ولكن كله كان شك .. دون دليل .. لكن الشك وحده يكفي للابتعاد عنك،..
عادت تتساءل قائلة: يوسف .. حد عرف انك انت اللي بلغت عنها ،!!؟
فتح عينيه فجأة قائلا: لا .. انتي بس .. بحكم انك محامية القضية!!
ضيقت بين حاجبيها بضيق وهي تقول: يعني قصدك ان لولا كده . انا كمان مكنتش اعرف !!
لم يحد عينيه عنها وهو يقول: كنتي هتعرفي برضو !!.
ابتسمت .. لتتسع ابتسامتها لضحكة عالية ..
عاد رأسها للوسادة وهو يتمتم بتعجب: رجعنا للحالة !!
*********
فتحت عينيها لتجده يحدق بها .. كعادته منذ عادت من بيت والديها ..
كل صباح تجده ينظر إليها من علو.. وكأنه يراقب شروق الشمس كما أخبرها!! ..
ابتسمت له وهي تقول: صباح الخير!!!
اقترب أكثر منها وهو يقول بين قبلاته : صباح العسل !!
ضحكت بخجل وهي تقول: بتبصلي كده ليه !!؟
نظر نحوها بتعجب ثم نهض دون كلمة .. متجاهلا سؤالها الذي تكرره كل مرة !!
اعتدلت في جلستها وهي تقول: وبعدين بقا .. مش تجاوبني !!.
وضع أمامها صينية الطعام وهو يقول: عايزة تعرفي اجابة ايه بالظبط ..!؟؟.
نظرت نحوه بتعجب فأردف قائلا: المفاجأة ولا سؤال دلوقتي !!؟
زمت شفتيها في حيرة ثم حسمت أمرها قائلة: المفاجأة !!
كتم ضحكته قائلا: انهي واحدة:: ؟
كزت علي أسنانها بغيظ وهي تقول: وبعدين بقا ،!؟.. قول اللي انت عايزه !!.
بدأ في إطعامها متجاهلا كلماتها ونظرات الغضب التي ترسلها له ....
******
أعطته كوب القهوة ليبادلها بقبلة الصباح ..
(وفقع مرارتي (😅
وضع الكوب علي الطاولة ليمسك بيدها دون كلمة ..
وجدت نفسها في الغرفة الصغيرة المخصصة للأطفال ..
أجلسها علي الفراش ... ومن ثم فتح إحدي الخزائن وأخرج منها ملف ما وأعطاه لها قائلا: دي هديتي !!
فتحت إبان الملف لتقلب به وهي جاحظة العينين .. لا تصدق ما تراه ..حقا هذا هو !!؟
رفعت وجهها له وهي تقول: ده .. انت جبته ازاي !؟
قبل يدها وهو ينظر في عينيها قائلا بصدق: بما اني كنت السبب في انك تلغيه .. فالمفروض انا اللي ارجعه .. صح؟
دمعت عيناها وربتت علي وجهه قائلة : أنا بحبك أوي يا إيسو !!
احتضن يدها التي علي وجهها قائلا: وانا قلبي ليكي يا روح إيسو!!
هتفت بحيرة: بس ده ابدأ فيه امتي ..؟؟
ابتسم لها مشجعا: في الوقت اللي عايزاه .. مش ورانا حاجة !!
تساءلت بحذر وتوتر: بس الماجستير سنتين!!
– براحته .. طالما انتي معايا خلاص .!!
قبلت وجنته وهي تقول : ربنا م يحرمني منك أبداً ،!!
احتضنها بقوة وهو يقول: ولا منك يا حبيبتي!!
*******
وقفت في المطبخ تعد له القهوة كما طلب ..
شعرت به خلفها حتى احتضن خصرها مقبلا وجنتها قائلا: صباحية مباركة يا عروستي ،!!
التفتت إليه وهي تقول: الله يبارك فيك !،
اقترب أكثر قبل سماعه لصوت جرس الباب ..
انحنى يحملها وهو يقول: خليكي جوه . . عشان مش عايز أتخانق مع أخوكي!!
ضحكت بخفوت: ايوة خاف كده !!
نظر نحوها وهو يقول بثقة : مش خوف منه .. بس مش عايز اعكر مزاجي في يوم صباحيتي!!
أنزلها علي الفراش واتجه للخارج يفتح الباب ،..
دخلت مني وهي تطلق الزغاريط وهي تحمل إفطار العرسان ...
احتضنته مني وهي تقول بسعادة: مبروك يا حبيبي.. ألف مبروك ،!!
قبل رأسها وهو يقول: الله يبارك فيكي يا ماما ..
ركضت ندي إليه وهي تقول: بابا،!!
حملها وقبل وجنتها قائلا: حبيبة بابا .. كده يا نودى تنامي مع تير وتسيبي بابا !؟؟
قبلت وجنته قائلة: سوري يا بابا !!
هتفت بتول باستنكار: شوف ازاي طلع البت الغلطانة !!
ضحك حازم قائلا: ملكيش دعوة انتي !!
نظرت نحوه بغيظ قبل تهتف بعلو صوتها: عروستنا !
أطرقت رأسها خجلا وهي تقترب منهم ..
احتضنتها مني قائلة: مبروك يا بنتي .. ألف مبروك !!
– الله يبارك فيكي يا طنط ،!!
احتضنتها بتول قائلة بخبث: هما اللي بيتجوزوا بيحلو كده ،!!؟
احمر وجهها خجلا ، فهتف حازم: شوفي نفسك !.
لعبت في شعرها وهي تقول بغرور: لا يا بيبي .. انا حلوة من يومي ،!!
هتف أمجد من الخلف : خدي زياد يا بتول ..!
زفرت بضيق ، فهتف حازم ضاحكا: كلمي يا بيبي !!
ضربته في كتفه بغيظ وهي تمر من جانبه تلتقط ابنها من زوجها ،!!
قبلت وجنته وهي تقول: تعالي يا حبيبي .. حبيب امك انت !!
احتضن امجد حازم قائلا: مبروك يا زوما ،!
– الله يبارك فيك يا أمجد،..
همس أمجد له : بقولك ايه .. طرق اختك بدري .. ورايا شغل !!
هز رأسه متفهما وهو يلتفت لبتول قائلا: بقولك ايه يا يتول ،!؟
– نعم ..
جلس مقابلها وهو يقول: مش انتي خلاص جبتي الفطار ،!!
نظرت نحوه بتعجب وهي تقول: ايوة !!
هتف حازم بضيق: طب ناوية تفطري معانا يعني ولا ايه!؟؟
نظرت نحوه بدهشة وكادت لترد لولا أن سبقها أمجد قائلا: لا بالهنا والشفا .. سبقناكم .. يلا يا بتول ..
أمسك بيدها يخرجا من الشقة قبل أن يعمل عقلها .
أغلق الباب خلفهما وعاد لزوجته التي بدأت في رص الأطباق !!
جلست بعدها بيري وهي تقول بعتاب: انت طردت بتول ؟!
هتف حازم : جوزها عنده شغل .. وهي م تصدق تقعد تحكي ..
هتفت بيري باستنكار: حرام عليك .. بتول دي سكرة..
– عارف والله كده .. بس جوزها كان عايز يمشي ..
هزت رأسها في تفهم وهي تطعمه ..
*******
أوقف سيارته أمام الجامعة التي ستكمل دراستها بها ..
لم تصدق بأنها أخيرا ستنفذ وعدها لأبيها لكن الوقت اختاره إياس وليست هي .. ربما لأنه لم يكن لديها الوقت الكافي لتفعل هذا !!!
أمسك بيدها يوقفها عن الحركة وهي تجد نفسها تعود إليه ...
طبع قبلة علي شفتيها وهو يقول: اوعي تنسي !!
ضحكت بخجل وهي تتلفت حولها لتتأكد من عدم وجود أحد يراهم الآن ...
هتفت بتذكر: مش ناسية .. وهعدي علي ماما اقولها !!
قربها أكثر فوضعت يديها تمنع نفسها من الاقتراب ،..
هتفت بخجل : خلاص كفاية ..
نزل معها وكان يريد أن يدخل معها للجامعة لولا ان تذكر اجتماعه ...
هتف متذكرا: سوري يا بيبي .. بس مش هقدر أدخل معاكي .. لما تخلصي ترني عليا عشان تجي اخدك،!!
– حاضر !!.
هتف بحب: يحضرلك الخير يا عسل !!
ضحكت بخفوت وهي تقول: إياس بلييز !!
هتف مغادرا: اوك .. سلام بقا !!
لوحت له واتجهت للداخل بعدما غادرها ...
************
هتف إسلام وهو يدخل الغرفة: وحياة امك .. يعني جايبني علي ملى وشي عشان أحضر اجتماع ...
رفع وجهه إليه وهو يقول ببرود: مش انت اللي خدت السكرتيرة .. اعملك ايه !!؟.
كز علي أسنانه بغيظ قائلا: ماشي .. هو اخر يوم هتشوف فيه وشي !!
هتف إياس بجدية: لا .. احنا ورانا صفقة مهمة وضروري ناخدها .. لازم تكون معايا !!
تنهد إسلام بقلة حيلة وهو يقول: ماشي .. هأجل شهر العسل !!.
ضحك إياس قائلا: مبروك يا أسلام ..
ضحك أسلام بتعجب وهو يقول: لسه فاكر ..!
– الله مش انت اللي داخل سخن وواخد في وشك،!!
– خلاص يا حاج .. الله يبارك فيك ..
دخلت السكرتيرة بعدما استأذنت وهي تقول: في واحدة اسمها مروة عايزة تقابل حضرتك !!.
زفر إياس بضيق وسمح لها بالدخول !!
نهض إسلام من مكانه : هسيبك انا .. في مكتبي !!
وافقه علي رأيه وراقب مروة وهي تدخل ..
سمح لها بالجلوس ولم يكلف نفسه بأن ينهض من مكانه ..
هتفت مروة بأسف : سوري يا إياس .. أنا عارفة إنها جات متأخرة .. بس كنت بحاول أشوف نفسي !!
نظر نحوها بهدوء ملامح عكس ما يختلج داخله من غضب .. فبسببها كانت إبان لتبتعد عنه ..
أكملت مروة وصمته يشجعها: إياس أنا بحبك ..
هتف بغضب : مروة ..
ابتلعت ريقها بتوتر وهي تقول: قبل ما اتخطب ..
نظر نحوها بصمت وهي تقول مكملة: وكنت جاية أعزمك علي فرحي. . منها ان مراتك تطمن ان مفيش حاجة بينا وكمان تشرفني قدام أهل العريس عشان خاطر سوما ..
هتف إياس ببرود: أولا مراتي مش واخدة فكرة عنك أصلا .. ده لو فاكراكي طبعا .. ثانيا .. الست سوما ليها جميل في رقبتي .. عشانها بس هاجي أحضر ..مستني دعوتك ،.
عضت شفتيها بقوة تبتلع اهانته ولو انها تستحق .. هي من دخلت لعالمه بينما هو غير مرحب بها ...
نهضت من مكانها متجهة للخارج تغادر حياته وللأبد ..
*********
في منزل إياس ..
فتحت باب المكتب لتلج للداخل وهي تحمل في يدها كوب قهوة يساعده علي التركيز ..
رفع وجهه إليها مبتسما برضا يشوب وجهه ..وابتسامته تنير وجهه بعد طول غياب ..
مدت يدها بكوب القهوة فأخذه منها قبل أن يمسك بيدها يشدها إليه لتجلس علي قدميه ...
احتضن خصرها ووضع رأسه علي كتفه وهو يقول: عملتي إيه النهاردة ،.؟!
– اشتريت الكتب ودفعت الفلوس وهبدأ محاضرات من الاسبوع الجاي ان شاء الله ..
قبل وجنتها وهو يقول: ربنا معاكي يا حبيبي ..
التفت أليه وهي تقول بقلق: شكلك مضايق !!
تنهد بقوة وهو يقول: لا متخافيش .. أنا كويس !!...بس بالي مشغول بالصفقة الجديدة !!!
ابتسمت له بحنان وهي تحتضن وجهه بين راحتيها قائلة: متخافش . ان شاء الله هتكسبها ..
قبل راحة يدها وهو يقول: طول م انتي جمبي .. مش بعمل حساب حاجة ..
وضعت رأسها علي صدره مكان قلبه تستمتع بدقات قلبه التي تدق لها فقط ...
ربت علي شعرها وهو يقول بشرود: مروة كانت عندي النهاردة !!
رفعت وجهها إليه وهي تقول: مين دي !،. اوعي تكون بتاعت النادي ..!؟
هز رأسه بالإيجاب فهتفت بغضب: ودي إيه اللي رجعها مش كفاية اللي عملته،..
احتضن وجهها وهو يقول: اهدي يا حبيبي .. هي كانت جاية تعزمنا علي فرحها ..
رددت بصدمة: تعزمنا !!؟
هز رأسه مؤكدا: ايوة تعزمنا انا وانتي .. بتقولي عشان خاطر الست سوما ...
– وانت رأيك ايه ؟؟!
رفع حاجبه بمكر وهو يقول: طالما هرجع لسي أياس فانا معنديش مانع !!.
ضربته علي كتفه بغيظ : إياس !!!
ضحك بقوة وهو يقول: حبيبي أنت !!.
احتضنته بقوة وهي تقول: مش عايزة اروح ... مش عايزة افتكر اللي حصلنا هناك!!
أبعدها عنه وهو يقول: طالما أنا معاكي مش عايزك تقلقي .. قولتلك قبل كده انهم خدونا علي خوانا لكن دلوقتي محدش يقدر يقرب من شعرة منك حتى !!
– مش قصدي حاجة.. كان قصدي بس ان المكان ده فيه ذكريات وحشة ..بس ع العموم انا معاك في اي حتة ...
نظر نحوها بحب قبل أن ينهض من مكانه وهو مازال يحملها ...
عشق تخلل كل الحواجز .. ليكمل طريقه ناحية النهاية .. للأبد ستظل قصة عشقهما .. أسطورة من الأساطير ..