My Guardian

XXIX

Mika's POV

Paglabas ko ng kwarto ay naabutan ko sila Ela at Ethan na nasa sala. Tumayo si Ela nung makita ako.

"Nagtext si Vince kay Ethan. Sa min ka na daw muna sumabay kasi di siya makakauwi." Tinignan ko sandali si Ethan bago tumango kay Ela.

Nasan kaya yung lalaki na yun? Pag-uwi kasi namin kahapon wala na siya. Nung tinanong namin yung mga lalaki, lahat sila nagkibit balikat lang.

"Oh Mika, kala Ela ka sasabay?" Tanong ni Yumi, magkasama sila ni Dane.

"Oo." Tumatangong sagot ko.

"Binilin ni Vince kay Ethan." Nakangiting sabi ni Ela.

"Uyyy, wala na nga dito pero inaalala ka pa din." Biglang sulpot ni Aya na nasa likod ni Andrei.

Sinamaan ko siya ng tingin. Problema ba nila? Binilin lang kailangan asarin na?

"Tara na. Sabi naman Vince papasok siya ngayon eh." Sabi ni Dane.

Lumabas na kaming lahat at sumakay sa mga sasakyan. Nasa backseat ako. Kaso nagulat ako nang may dalawang katawan pa ang sumulpot sa magkabilang gilid ko.

"Pasabay!" Sabay na sabi nila Yumi at Aya kay Ethan. In-start lang ni Ethan yung kotse pero di nagsalita.

"Nakapasok na daw kayo eh. Wala na siyang magagawa." Nakangiting sabi ni Ela na ikinanlaki ng mata naming tatlo.

"Paanong--" di ko natuloy yung dapat na sasabihin ko kasi tumawa na siya.

"Kapag kasi umiikot yung mata niyan, ibig sabihin lang non wala na siyang magagawa. Defeated na kumbaga. Lagi yang ganyan kapag naaasar sa kin."

"What bro? Di kami makaalis eh." Napatingin kami kay Ethan. Ayun, harang pala ni Andrei yung sasakyan niya.

"Pababain mo si Aya diyan." Utos ni Andrei.

"Si Yumi na din. Makakagulo lang yan sa inyo." Sulpot ni Dane sa gilid ng sasakyan ni Ethan.

"Ayaw pang aminin na gusto lang akong kasama. Dane! Dito muna ko! Para kumpleto kaming apat!" Paalam ni Yumi habang kumakaway kay Dane.

"Drei wag kang epal. Lagi na nga tayong magkasama eh. Balato mo na sa kin 'to." Sabi ni Aya.

"Edi sa min na lang kayo sumabay." Napasandal na lang ako sa upuan dahil sa sinabi nung dalawa.

"Male-late tayo. Yaan niyo na muna yung dalawa dito." Sabat ni Ela.

"Oo nga. Para namang di niyo makikita sa school yang dalawa." Irap ko.

"Uy, bitter ka Mika? Wala lang si Vi--"

"Wala akong pake. Baka gusto nigo umalis na diyan?"

"Aya tara." Napatingin kami kay Yumi.

"Saan?"

"Magmotor na lang tayo. Ayaw nilang magpadaan eh." Akmang lalabas na si Yumi ng sasakyn ng umalis sa gilid si Dane at binuksan yung sasakyan niya.

"Guys, I gotta go." Paalam niya at sumakay na.

"Takte si Dane. Namimilit pa kasi. Alis na ko guys!" Nagtawanan kaming apat na babae dahil sa dalawa. Lalakas ng topak.

"Okay na!" Masayang sabi ni Aya.

"Tss." Sambit lang ni Ethan at pinaandar na yung sasakyan. Haha! Buti na lang di siya nagsasalita. Iwas reklamo din.

Nanahimik na kaming lahat. Ilang minuto lang at naririnig ko yung mahinang tawa ni Ela. Tinignan ko yung dalawa na nakasilip sa magkabilang bintana.