Forgetting Mr Suplado

Chapter 40

Steph's POV

Kahapon pa kami nandito sa Palawan. So far, madami na kaming napuntahan sa resort na ito. Sobrang ganda talaga dito at nakakarelax siya. Good thing that such place exist kahit na moderno na ang panahon.

Pangalawang araw na namin dito at ngayon palang ay nalulungkot na ako dahilan sa huling araw na namin bukas. Pagtapos nun ay babalik na kami ulit sa Manila. I will surely miss this place.

"You look worried again." Tumigil ako sa pag iisip nang bigla akong tabihan ni Ivan.

Kasalukuyan akong naka upo ngayon sa terrace ng resort kung saan matatanaw ang kabuuan ng islang tinutuluyan namin. Naglapag siya ng isang basong pineapple juice sa mesa sa harapan ko.

"Lahat ng kasama mo ay nililibot na ang isla na ito. Why are you still here?" Napairap na lamang ako nang makarinig ako ng tawa mula sa kanya.

"Ano naman ngayon?" Sabi ko sabay inom ng juice na nasa harapan ko.

"All I'm saying is that try to explore the place. Ang ganda kaya dito." Pangungumbinsi niya.

"Mas maganda ako noh."  I said confidently.

"You know what? Let's go. I'll give you a tour around the island."

"Ang kulit mo din eh noh?"

"Come on. It'll be fun."

Hindi na ako nakasagot sa kanya dahil hinila niya na ako palabas. Kahit kailan talaga ang hilig manghila nitong lalaking ito.

"One more thing, you're right. You're a lot more beautiful than the island."

Huh?

"Anong sinabi mo?" Tanong ko. Bakit kasi ang hina ng boses niya?

"Nothing. Tara na."

Tanghali na at hindi ko alam kung saan ako dinala ni Ivan. Hindi ako pamilyar dito pero may nakita akong bangka sa harapan namin. Anong gagawin namin?

"Where are you taking me?" Hinila ko yung sleeves ng shirt niya.

"Relax. We're going to visit different islands. Kumbaga island hopping ang gagawin natin ngayon." Paliwanag niya.

"Okay. Kaso hindi ba nakakatakot sumakay ng bangka? Paano kung mahulog tayo? Natatakot ako."

Gusto ko yung idea ng island hopping pero syempre hindi naman mawawala sakin yung takot. Kung sakali kasi malalim yung tubig na babagsakan namin.

"Just relax,Steph. I won't let that happen."

Ngumiti lang ako sa kanya bilang sagot. Ilang saglit pa ay inalalayan ako ni Ivan pasakay sa bangka. Medyo napalunok ako kasi tumabi siya sakin. Sumenyas si Ivan sa bangkero kaya naman nag umpisa na kaming lumayo sa dalampasigan. Hindi ko maiwasang tumingin sa kanya habang nasa bangka kami.

Bakit ganito ang nararamdaman ko? Hindi ba dapat galit ako sa kanya ngayon?

I tried convincing myself that I have moved on from him pero bakit ganito? The feelings I have for him are still the same. Same warmth. Same comfort. Same Ivan.