Sa Likod Ng Maskara
Bakit nga ang hirap magpakatotoo?
Hindi natin alam kung sino ba talaga tayo
Lagi nalang kasing nagtatago
Sa maskarang nagkukubli ng tunay na pagkatao
Kapag ibang tao ang kasama
Laging masaya, laging tumatawa
Ikinukubli ang tunay na nadarama
Sa likod ng makulay na maskara
Pinipit maging malakas
Problema ng iba iyong nalulutas
Ngunit kapag walang taong nakaharap
Taglay mong lakas ay tila kumukupas
Kaibigan! Kailan mo pa kaya mapagtatanto?
Panlolokong ginagawa mo sa kapwa at sarili mo?
Na sa tuwing suot mo ang maskarang pinapahalagahan
Sarili mo na ang iyong sinasaktan
Mahiwagang maskara alisin na sa iyong mukha
Ipakita mo na kung sino ka talaga
Wag kang papaapekto sa sasabihin ng iba
Basta ang mahalaga, nagpapakatotoo ka!
BINABASA MO ANG
TULA-la 😂
PoesíaMga tulang nalikha habang nasa CR. Mga tulang naisulat kahit wala namang pinaghuhugutan. Mga tulang binubuo ng mga salitang pinagtagpi tagpi ng isang lalaking nagpupumilit maging makata. Mga tulang walang saysay pero ayos lang, hindi ito sanaysay.
