❝𝐊𝐘𝐎𝐄 𝐊𝐀 𝐋𝐀𝐘❞

ကြိုးက​လေး ၆

အပိုင်း ၆

ဖြစ်​နိုင်​ရင်​ပြောင်းပစ်​ချင်​တယ်​။ Jeon Jungkookဆိုတဲ့ လူသားတစ်​ယောက်​အ​ပေါ်မှာ သံ​ယောဇဉ်​မထား​လေ​သော တခြားလူသားတစ်​ယောက်​အဖြစ်​ ပြောင်းလဲချင်မိတယ်​။

လှုပ်​ခတ်​သွားတဲ့ လိုက်​ကာစ​တွေရဲ့​နောက်​က အ​ရောင်​မဲ့​နေတဲ့မျက်​ဝန်းတစ်​စုံကို သူ,မမြင်​ခဲ့တာလား မမြင်​ချင်​ယောင်​ဆောင်​နေခဲ့တာလား။

ရင်​နင့်​အောင်​ချစ်​ခဲ့မိတဲ့အတွက်​ ရလိုက်​တဲ့ဆုလာဘ်​က 'ခင်​ဗျား ကျွန်​တော်​နဲ့ဘယ်​တော့မှလာမပတ်​သတ်​နဲ့' ဆိုတာမျိုး။

နောက်ပြီး ချည်နှောင်ချင်မိတဲ့ ကျွန်တော်ရဲ့စွန်ကလေးက ကြိုး​ကြောက်တတ်တယ်တဲ့လေ။

"Jungkookက တန်းခွဲAက ဂိုမီ​ဆောဆိုတဲ့​ကောင်​မ​လေးကိုလိုက်​နေတာတဲ့"

မကြားချင်​ဘူး။ မ​ပြောနဲ့။​ ပြော​နေကြတဲ့သူတိုင်းရဲ့ပါးစပ်​တွေကို စိတ်​ထဲမှာ တိပ်​နဲ့လိုက်​ကပ်​ပစ်​နေမိတာ အကြိမ်​ပေါင်းမနည်း။

ငါကမှ Jungkookရဲ့ကြိုးက​လေး။ သူ့ကိုရစ်​ပတ်​မဲ့သူက ငါတစ်​ယောက်​ပဲရှိတယ်​။ လက်​မခံလည်း တ​လောကလုံးကိုဟားတိုက်​ပြီး​ လှောင်​ရယ်​လိုက်​မယ်​။ အမှန်​တရားက သိပ်​ခါးတတ်​လို့။

ဘယ်​သူမှမမြင်​နိုင်​မသိနိုင်​တဲ့​ နေရာတစ်​ခုမှာ ငါကမင်းရဲ့​ဖော်​မပြနိုင်​တဲ့ ကြိုးက​လေးအဖြစ်​ထာဝရရှိသွားမှာ။ ဒါ​ပေမဲ့ မင်းက​တော့သိရမယ်​Jungkook။

နင်းစမ်း မင်းစိတ်​ကျေနပ်​လောက်​တဲ့အထိ ဒီက​ကောင်​ရဲ့ရင်​ဘတ်​ကို​ ကြမ်းပြင်​လိုတက်​နင်းသွားလိုက်​။ ခိုင်​ခံ့မှုအပြည့်​နဲ့ မင်းကို​အပြုံးမပျက်ငါကြည့်​နေမှာ။

အင်း နောက်ပြီး ငါမပြိုလဲခင်အထိတော့ မင်းကလုံခြုံနေမှာပါ။

"Jimin"

"အင်း ဘာလဲ"

"ဟိုမှာ Jungkookလိုက်​နေတဲ့​ကောင်​မ​လေးနဲ့Yoongiမလား"