❝𝐊𝐘𝐎𝐄 𝐊𝐀 𝐋𝐀𝐘❞

ကြိုးက​လေး ၁၄

အပိုင်း ၁၄

မနက်​ခင်းထ​နေကျ အချိန်​ရောက်​ပြီဆိုတာနဲ့​ ဖျတ်​ခနဲပွင့်​လာတတ်​တဲ့ မျက်​လုံး​တွေက ကျင့်​သားရစွာ ပွင့်​ဟလာသည်​။ အိစက်​စက်​မွေ့ရာပြင်​က သူ့အတွက်​တော့ မတူညီတဲ့ ခံစားချက်​ကို ဖြစ်​ပေါ်​စေသည်​။

မျက်​လုံး​တွေကိုခဏမှိတ်​ထားလိုက်​ပြီး နားကိုစွင့်​ထားလိုက်​တော့​ နောက်​ကျောဘက်​ဆီက အသက်​ရှူသံတစ်​ခု​ကြောင့်​ နှုတ်​ခမ်း​တွေကပြုံးမိသွားသည်​။ တကယ်​ကို အိမ်​မက်​မဟုတ်​ဘူးပဲ။

ခုတင်​ပေါ်က အသာထလိုက်​ပြီး ပြတင်း​ပေါက်​က လိုက်​ကာစ​တွေကို​ ဖြေး​ဖြေးသာသာဖွင့်​လိုက်​သည်​။ အရုဏ်​ဦးရဲ့​နေမင်းကြီးက​တော့ အခုမှထွက်​ပေါ်ကာစရှိတုန်း။

ယခုချိန်​ထိအိပ်​ပျော်​နေဆဲ လူသားက​တော့ အိမ်​မက်​ကမ္ဘာထဲမှာ ရှိချင်​ရှိ​နေမှာ​ပေါ့။ မျက်​နှာသစ်​သွားတိုက်​စသဖြင့်​ တ​နေ့တာနိစ္စဝူဓ​တွေကို လုပ်​ပြီးသွားတဲ့အချိန်​မှာ​တော့ ထိုလူသားလည်း နိုးထလာခဲ့​လေပြီ။

"နိုးပြီလား Jungkook"

"အင်း"

ဝတ်​ကျေတန်း​ကျေ ပြန်​ဖြေလိုက်​တဲ့ စကားကိုပင်​နားဝင်​ချိုလို့မဆုံး။ က​လေး​လေးလိုပဲ အခုချိန်​တွေ့မြင်​နေရတဲ့ Jungkookပုံစံ​လေးက အရမ်းကို နှစ်​သက်​ဖွယ်​ကောင်းလှသည်​။

"မနက်​စာ ပြင်​ထား​ပေးမယ်​"

​ရေချိုးခန်းထဲဝင်​သွားတဲ့လူရဲ့​ကျောပြင်​ကို ကိုယ်​တစ်ပတ်​လည်​အောင်​ လိုက်​ငေး​နေမိကာ ပြုံးမိပြန်​သည်​။​ ဘေစင်​ပေါ်မှာ သွားတိုက်​ဆေးထည့်​ပေးပြီး အသင့်​တင်​ပေးထားခဲ့တဲ့ သွားတိုက်​တံ​လေးကို မြင်​ရင်​ Jungkookပြုံး​နေမှာလား။

အင်္ကျီ? Jungkookဝတ်​ဖို့ အင်္ကျီထုတ်​ပေးရမလား ကြိုက်​မှကြိုက်​ပါ့မလား ဝတ်​ကောဝတ်​ပါ့မလား မဝတ်​ရင်​ဘယ်​လိုလုပ်​မလဲ စသဖြင့်​အမျိုးစုံကြိုးခုန်​နေတဲ့ အ​တွေး​တွေ​ကြားထဲမှာ ထိုင်​ရမလို ထရမလို။

​နောက်​ဆုံး​တော့ ဖြစ်​ချင်​ရာဖြစ်​ဆိုပြီး ဗီဒိုကိုဖွင့်​ကာ ချစ်​ရသူနဲ့လိုက်​ဖက်​မဲ့ဝတ်​စုံကို​ ရွေးချယ်​လိုက်​ပြီး ကုတင်​ပေါ်မှာ အဆင်​သင့်​တင်​ထား​ပေးခဲ့လိုက်​သည်​။ ဘုရားသိကြားမ,လို့ ထုတ်​ပေးထားတာ​လေး​တွေ ဝတ်​သွားပါ​စေ။