❝𝐊𝐘𝐎𝐄 𝐊𝐀 𝐋𝐀𝐘❞

ကြိုးက​လေး ၉

အပိုင်း ၉

ချွင်​ ချွင်​ ချွင်​~

ဆိုင်​တံခါးဝမှာချိတ်​ထားတဲ့​ ခေါင်း​လောင်း​လေးကမြည်​သွားတာ​ကြောင့်​ ဝယ်​သူလာပြီမှန်းတန်းသိလိုက်​ကာ ပန်းအိုးထဲကို​ဒေစီပန်းဖြူဖြူ​လေး​တွေထိုး​နေရာက​နေ  လှည့်​ကြည့်​လိုက်​ပြီး ချက်ချင်းနှုတ်​ဆက်​လိုက်​သည်​။

"ကြိုဆိုပါတယ်​။ ဘာများအလိုရှိ.."

ဆိုင်​ထဲဝင်​လာတဲ့​ ကောင်​လေးတစ်​ယောက်​ကြောင့်​ နှုတ်​ဆက်​လက်​စစကား​တွေကို အလိုလိုရပ်​လိုက်​ကာ ပြုံးပြလိုက်​သည်​။

"ကျွန်​တော်​ပါ အစ်ကို"

အနည်းငယ်​မြူးထူး​နေသံ​ပေါက်​တဲ့​ ကောင်​လေးရဲ့အသံ​ကြောင့်​ အဆင်​ပြေ​လောက်​မယ်​ဆိုတာကို သူခန့်​မှန်းမိလိုက်​သည်​။

"​အော​ ဘယ်​လိုလဲ​။ ကြည့်​ရတာ​တော့ အ​ခြေအ​နေ​ကောင်းပုံပဲ"

​မေး​ငေါ့ကာ​မေးလိုက်​သည်​။ထို​ကောင်​လေးမှာတခြားတော့မဟုတ် သိပ်​မကြာခင်​ကမှ သူ့ဆိုင်ကနေ Tulipဖြူဖြူ​တွေ ဝယ်​သွားတဲ့​ကောင်​လေး။သို့နှင့်​ နောက်​ပိုင်းတွင်​ နေ့တိုင်းလိုလို သူ့ရဲ့ပန်းဆိုင်​လေးဆီလာပြီး​ ကောင်​မ​လေးကို ချစ်​ခွင့်​ပန်​ရန်​အတွက်​ ပန်း​လေး​တွေ​ဝယ်​ဖြစ်​နေတဲ့​ကောင်​လေး။

"ဟီး ဟုတ်​တယ်​အစ်​ကို။ ကျွန်​တော်​တို့ ဒီ​နေ့ပဲချစ်​သူ​တွေဖြစ်​သွားကြပြီ"

ပန်းအိုးထဲက​ဒေစီ​တွေကိုသာ အာရုံစိုက်​ပြီးထိုး​နေရင်းက ပြုံးလိုက်​မိသည်​။ ထို့​နောက်​ ပန်းအိုး​လေးကို လက်​နှစ်​ဖက်​နဲ့​သေချာမ,ကာ​ ကောင်​တာ​ပေါ်မှာ​ သေ​သေသပ်​သပ်​လေးတင်​လိုက်​သည်​။