نلتزم مع بعضنا (للبنات بس)✋

خطوات الالتزام 2

السلام عليكم دي كملة الي فات صحبتي هي الي كتبااه😃

👇🏻👇🏻

السلام عليكم ورحمة الله وبركاته اخوتى فالله مازلنا على تواصل وان شاء الله النهاردة هنزل الخطوة التانية من كتاباتى(خطوات التزم):
حلقة النهاردة ان شاء الله بعنوان(الصلاة💜) قبل ما ابدأ حلقتى أتمنى انكم تعملوا للحلقة save عندكم عشان ترجعولها لما تعوزوها وياريت تقدروا تشيروا الكلام دا فكل مكان واى جروب عشان ناخد الاجر كلنا ان شاء الله😍
اسفة طولت عليكوا ابدا بقا بسم الله💜:
نستعين بذكر الله اولا قال تعالى(إن الصلاة كانت على المؤمنين كتابا موقوتا)
يبقى لازم نظبط الصلاة ونقول أذكار الصباح والمساء ان شاء الله بانتظام طبعا يعنى كل صلاة لازم تكون فميعادها وبدون تاخير وخصوصا المواظبة على صلاة الفجر💜
طبعا هتقابلنا مشاكل فالصلاة ان شاء الله هحاول أعرض بعضا منها واعرض حلها بإذن الله😍
نقرى اللى جاى بتركيز بقا يا اعزائى💜
أول مشكلة👈عدم المحافظة على الصلاة فى ميعادها دى ليها عقوبة عند ربنا وربنا توعد اللى بيأخر الصلاة فقال عزوجل:(فويل للمصلين 💚الذين هم عن صلاتهم ساهون) فما بالك بقا باللى مش بيصلى خالص😭💔
طيب اعمل اى طيب😢
ركز معايا فحل المشكلة بقا😃
الحل👈لو عايز تحل المشكلة دى يبقى لازم تعود نفسك عالمواظبة واول ما تسمع الاذان تسيب كل حاجة فايدك وتجرى تتوضى وتصلى مرة مع مرة هتلاقى نفسك انت اللى بتستنى الاذان وبتتوضى قبل الصلاة وبتستناها 😃بجد 😃اها والله زى ما بقولك كدا😍
المشكلة التانية بقا😣👈
بتسرح فالصلاة وبتشرد كتير ومش بتركز عارف اى السبب🤔
انك بتقرى صور قصيرة كل مرة ومش بتغيرها فالبتالى لازم تكررها من غير تدبر😔 طيب اعمل اى ؟! اى الحل؟!
ركز معايا فالحل😃👈
لو عايز تحل المشكلة دى بقا يبقى لازم كدا تغير الصور اللى انت بتقراها فكل صلاة وتقسم السور الجديدة اللى هتصلى بيها على كل ركعة وتحاول تتدبر فالمعانى والله هتحس بجمال القرءان وهتلاقيه عبارة عن قصص مشوقة اها والله بجد😍 مش بس كدا يااه انت واقف بين ايدين ربك حبيبك وبتكلمه يبقى لازم تكون متيقظ وسيب امور الدنيا كلها وراك وخلى الصلاة بالنسبالك كانك رايح تقعد مع ربنا حبيبك شوية😍😍
وبالمناسبة عارفين اللى بيقول صورة التكاثر بيصلى معاه 70 الف ملك😃اها والله بجد"لا تفوتكم"
اما المشكلة التالته بقا😔👈الصلاة بتفوتك او بتجمعها كلها اخر اليوم وللاسف انت اللى عودت نفسك على كدا لانك بتتحجج باى حاجة وتقول ملحقتش😔 طيب اعمل اى😑؟!
ركز معايا فالحل😃👈
عشان تحل المشكلة دى يبقى لازم تعقد نيتك انك هتصلى ومش هتجمع الصلاة مهما حصل💜بالنسبة بقا للبنات اللى بتقول لا انا لابسة بنطلون ومش هينفع اصلى بيه او لابسة طرحة وخايفة عليها تتبهدل ومعرفش اعدلها او مش متوضية او.....الخ. طيب هتقولى اى يا بنت عائشة وخديجة لربنا لما يسألك عن صلاتك يوم الحساب😢💔
المشكلة الرابعة بقا👈لو انت بتصلى كل الصلوات ماعدا الفجر طيب هسألك سؤال كدا هيا الصلاة 4 ولا 5 ؟🤔 ما ترد عليا سكت ليه😐 طيب قوليلى اعمل اى😔💔
ركز معايا فالحل😃👇
لو عايز تحل المشكلة دى بقا يبقى لو بتسهر اسهر استنى الفجر صليه ونام اما لو انت بتنام بدرى يبقى لازم تظبط المنبه ⏰ هتقولى بس انا بقوم اطفيه واكمل نوم😔 هقولك حطه فمكان بعيد عنك عشان لما يرن تقوم تطفيه وتصلى😃
اما المشكلة الاخيرة بقا لو مش بتصلى خالص يبقى ربنا يهديك😭واكيد لو قريت الرسالة دى يبقى انت محظوظ 😃 انا؟!
ليه بقا😕😕 عشان ربنا عاوزك ترجعله وعاوزك تتوب ليه وبيحبك فبعتلك الرسالة دى كمجرد انذار😃💜
وانا مش هتكلم عن حساب ربنا للناس اللى مش بتصلى عشان اكيد كلنا عارفينه😢😭
ولو انت مش بتصلى عمرك ما هتحس بالراحة ابدا وهتحس دايما فى حاجه نقصاك حتى لو عندك كل حاجه والله😢😢وهتحس دايما بخنقة وديقة من غير سبب عشان مش بتصلى😔
(الصلاة عماد الدين) ولو دينك رقم واحد اكيد الصلاة بردو رقم واحد لازم نفوق بقى يا جماعة ونقدم حاجة لاخرتنا💜
اسأل الله الهداية لنا جميعا💜
اتمنى اكون استفادتوا 💜
دعوة بظهر الغيب بقا وادعولى ادخل صيدلة بالله عليكم💚
اى استفسار انا معاكم😍
أمل عبداللطيف رضوان#♡