نلتزم مع بعضنا (للبنات بس)✋

ولكنها قدرة الدعاء✨💛

- لا ي عبد الرحمن ، إنتِ مينفعش تمشي ، مينفعش تسيبني بدون مُبرر كدا ، أنا مستحقِش كُل دا مِنك..
" وأنا مش هشرحلِك حاجة ي حور ، أنا مش هينفع أكمل فِـ العلاقة دي وبس ، ربنا يوفقِك فـ مُستقبلِك!

وعملي بلوك وأنا لسة بكتِب ، ملحقتش حتي أرد علية ، حاولت أتصل بية ، بس موبايلة كان مقفول.. مبقتش مستوعِبة حاجة ، أنا إزاي هونت علية كدا ، إزاي نسي كُل الحلو اللي بينا ، إزاي يوجعني كدا ، أنا كُنت بهرب من العالم لية ، إنت لية مشيت وسبتني كدا ، أنا..أنا محبيتش حد غيرك المفروض تفضَل متمشيش ، إزاي توجعني كدا ، هو دا العهد اللي كان بينا..

أنا ضعيفة ، ضعيفة لدرجة إني حتي مش قادرة أعيط ، مش قادرة أقول لماما إني موجوعة ، ولا قادرة أقول لبابا ياخُدلي حقي منة ، ولا حياء هنا جمبي عشان أعيط فِـ حضنها وأحكيلها وجعي..

- حور!
" أيوة ي ماما.
- مالك ي حبيبتي عنيكِ منفَخة كدا لية!
" لا لا مفيش حاجة ي ماما ، أصل بس منمتِش كويس..
- أنا سامعة صوت عياطِك بقالك ساعتين وقولت اسيبك تهدي ،  ودلوقت قوليلي بتعيطي لية ؟
" عيطت بصوت ، كُنت بعيط بقلبي مش بعنيا خالِص ، وحضنت ماما.. أنا عارفة إن يوم م بقع واتكسِر محدش بيداوي الخدوش دي غيرها هي وحياء ، بس أنا فِـ دي بالذات مش هقدر أحكيلها ، أنا مش قادرة أتخيل هقولها أي! هقولها إني كُنت بحب واحد ، ولا هقولها إني كلمتة من وراهم ولا هقولها إنة سابني!

فضِلت حضناها معرفش أد أي ونمت ، نمت وأنا بعيط بس مش علية! كُنت بعيط علي نفسي ، بعيط علي خوف ماما عليا وأنا أنا مستاهلش كُل الخوف دا ، بس أنا أنا بحب عبد الرحمن ، أنا مقدرش أعيش من غيرة!

- صحيت من النوم ملقيتش حد فِـ البيت ، صحيت ملهوفة علية أوي ، أنا أي اللي بعملة دا.. بقي اللي انتِ ملهوفة علية دا هو نفسة اللي قالِك مش عاوز أعرفِك تاني أمبارح!

مقدرتش أقاوم ومسكت الموبايل وحاولت اتصل بية بس كان لسة مقفول ،..
فتحت الشات م بينا وفضلت أقرا فِـ كلامنا سوا وأعيط ، هو إزاي قدر يعمل كدا.. انهارت تاني بس المرة دي مقدرتش أنهار أكتر من ساعة ، أنا بالرغم إني ضعيفة جداً بس أنا بقدر أتماسك لما بلاقي إن زعلي مش فارق ، أنا..أنا حاسة إني مش هعرف أعمل دي بالتحديد مع عبد الرحمن ، مش هقدر أتجاوزة وهو قدامي كُل يوم فِـ الجامعة ، مش هقدر متعاملش معاه كـ دكتوري وفِـ نفس الوقت مش هقدر منهارش لما أشوفة ، يارب بقي ، وموبايلي رن ، جريت علية بلهفة وقولت أكيد هو وهيقولي إنة كان بيهزر ، بس طلعِت حياء..

- حور.
" حياء ، إنتِ فين ، تعالي البيت أنا محتجاكِ ضروري.
- مالك ي بنتي ، فية أي ومال صوتِك!
" تعالي ضروري ، أنا محتاجة وجودك معايا.
- حاضر ، أنا جاية حالاً ، بس إهدي.
فضلت أعيط لحد م حياء وصلت ، تقريباً العياط دا الحاجة الوحيدة اللي بقدر أعملها بجدارة.