نلتزم مع بعضنا (للبنات بس)✋

قصة واقعية

السلام عليكم ورحمة الله وبركاته في قصه عجبتني اوي ودي من القصص الي خليتني أسير في طريق ربنا في طريق الهدي☺️😊 وبحاول ألتزم بس يعني ساعات بقصر بصلاتي عشان دي اول مره ألتزم بس ان شاء الله نشجع بعض علي صلاة وعلي الصيام وعلي حاجات ياما ونمنع نفسنا عن حاجات ياما.
يلي ندخل بقي علي القصه عارفه.
....................:........
لكل واحده كانت بعيده عن ربنا اوي او يمكن حصلها انتكاسه .. البوست دا رساله من ربنا ليكي .. #وقصه_حقيقيه هاتغير قناعاتك وحياتك وقلبك 180 درجه ❤🌸 !
بس توعديني انك هاتعلقي بذكر الله #وتمنشني حد من صحباتك تحبيله الخير #وتشيريه لوجه الله وتنتفعي بيه وتنفعي بنت غيرك لان ناس كتير محتاجاها ❤🌸

هو بوست طويل شويه بس يستاهل جدااا تقريه 👌❤
بتحكي بتقول.....
احنا في البيت 7 بنات وانا كنت أصغر اخواتي سنآ
ماكنش في اهتمام بيا اوى يعنى كنت بخرج وادخل براحتي
في فتره ثانوى كنت مراهقه شوية واتعرفت ع شباب وكنا بنكلم فون !
كنت عايشة حياتي من الاخر بس كل ده مع الالترم بالحجاب الشرعي واللبس الشرعي
عشان اخد فرصتي وحريتي اكتر واعرف اخرج مع حبيبي ده كويس #لبست_النقاب !!
عشان بس محدش يشوفنى من اهلي .. وعدت الايام والسنين وانا كده مافيش اي جديد ف حياتي
لحد مافي مره كنت قاعده ع فيس عادي جدا بكلم شاب !
لاقيت حاجه اسمها #فريق_العفة الاسم علق معايا وقولت هو اصلا يعنى اي #عفة ؟
عرفت بعدها ان ليهم صفحة ع فيس اسمها (انا هكون يوسف وانتي هتكونى مريم ومش هنحب الا ازواجنا )
المهم عملت لايك #وطنشت وكملت حياتي عادي جدا !
جيت ف يوم ومعرفش اشمعنا اليوم ده حسيت بقرف من نفسي !!
حسيت باد ايه انا #بوشين وانى مظهر بس ! ولكن الباطن حاجه تانية حاجه كده زبالة اوى !
قومت فتحت الفيس عشان اكلم حبيبي ده واول مافتحت!!؟
لقيت ف وشي بوست للفريق ده وكأن ربنا خلاني افتح بالذات ف الوقت ده عشان اشوف البوست ده !
كان بيكلم عن ربنا وعن رحمته بينا وان ربنا بيحبنا اوى وبيكلم عن الجنة !
خلانى أبكي بجد ودخلت الصفحه وقعدت اقرأ ف البوستات وكانت حاجه اللهم بارك رائعة بجد
وشوفت بوست عن البنت اللي مصاحبه الشباب....اللي هو انا !
الفتره دي بعدت شوية عن حبيبي ده ومش بقيت اكلمه الا بسيط جدا وكلام محدود اوى
وبقيت افكر ف التوبه واني ازاي ارجع لربنا تانى وياتري هيسامحني ولا لا ؟
دانا عملت ذنوب اد السماء!
مش بقيت عارفه اعمل ايه ! نفسي اتغير اوي
نفسي ابقي #البنت_العفيفه اللي بيكلموا عنها ف البوستات دي
نمت وانا معيطه ف اليوم #ومكسوفه اوى من نفسي وفي نفس الوقت خايفه جدا من ربنا
ان كما تدين تدان وان ربنا حتي لو توبت هيعاقبنى بزوج عمل نفس اللي عملته
وعرف وخرج ولمس بنات اااااد كده !
مابقتش عارفه اعمل اي ! ودماغي فيها تفكير كتير جداجدا !

قلقت بالليل قبل الفجر وفتحت الفيس ووالله كانت دمعتي ع خدي بسبب التفكير
واول حاجه عملتها  دخلت صفحة فريق العفة لاقيت بوست لسه منشور من 10 دقايق
واكنة ليا وانى قلقت من النوم مخصوص عشان اشوفه !!!!
وكان مفجأه بالنسبالي بجد بالفعل دخلت ولاقيت بوست عمري ما #انساه !! هو ده اللي غير حياتي بفضل الله !!!
ولحد دلوقت عمري ما انسي اللي كان كاتبه والله بدعيله لحد دلوقت !!
البوست كان بيكلم عن البنت اللي عرفت الشباب وعملت معاصي وارتكبت الغلط !
ان البنت دي لو تابت بجد ربنا بيغفر لها وبيسرلها امرها وبيحول ذنوبها دي كلها لحسنات
بس مش ده اللي قلب حياتي !
لاقيته كاتب وان البنت دي ربنا هيزرقها شاب عفيف لو عفت نفسها وربطت ع قلبها
ولاقيته مفسر انه شاب ممكن يكون مكلمش بنت قبلها خالص خالص وغاض بصره وصفات حلوة كتير كده !!
مكنتش مصدقه نفسي قعدت اعيط كتير اوى بطريقه #هستيرية !!
انا اللي عرفت شباب كتير جدا وخرجت معاهم ومسكوا ايدي وحصلت تجاوزات بنا !! انا ربنا يرزقنى بواحد كدا !
مستحييييل ده اكيد بيكذب ! اكيد بيقول كده عشان بس نتوب
ازاي دانا لازم يجيلي واحد مش محترم زيي وعرف بنات كتير زي مانا عرفت شباب !!