نلتزم مع بعضنا (للبنات بس)✋

خطوات الالتزام

السلام عليكم عايزه اعرفكم الاول ان الي حقوله دا مش من كتباتي دا من كتابات واحده صاحبتي ويااريت تدعولها انها تدخل كلية صيدله😊
يلا بقا ادخل علي طول علي مأخركمش 😂😂

...........................................

السلام عليكم ورحمة الله وبركاته اخباركم يا حوريات الجنة ربنا يقدرنى بقا ان شاء الله واقدر افيدكوا بفقرتى دى من (خطوات التزم) وهنبدأ باول خطوة ان شاء الله النهاردة واسمها(العفة من الحب الحرام)😃 بسم الله:
اولا كدا نبدا بالاية الكريمة اللى بتقول قال الله تعالى:(قل للمؤمنين يغضوا من ابصارهم وقل للمؤمنات يغضضن من أبصارهن)صدق الله العظيم. يبقى الاول كدا احنا لو بنغض بصرنا يبقى قلبنا مش هيتعلق بحد خالص غير ربنا ان شاء الله وكمان تنبيه لازم بردو منصاحبش ولاد حتى لو علاقة اصحاب بس لان مفيش علاقة بين ولد وبنت بتستمر لصداقة لازم تتحول لحب حتى لو كنا ماسكين على نفسنا  جامد ومش بنفكر الشيطان هيدخلنا من المدخل دا لان الرسول صلى الله عليه وسلم قال:(ولا متخذات اخدان) صدق صلى الله عليه وسلم.
يبقى عشان نقرب من ربنا يا حبيباتى لازم نطهر قلوبنا من اى حب حرام لان اى حب حرام فقلبنا بيطرد حب ربنا منه ومفيش معصية وطاعة بيبقوا فقلب واحد ممكن تقولى طيب انا بحب واحد وهوا بيحبنى وان شاء الله هيتقدملى اعمل ايه؟! انا متعلقة بيه ومش هقدر😔💔
هقولك طيب اقرى الكلام اللى جاى دا بتركيز وبإذن الله هيجاوبك على كل اللى فبالك😃
بتحبيه طيب بتحبيه قد ايه!🤔
اكيد كل واحدة جه فبالها شخص معين دلوقتى😉
بتفكرى فيه قبل ما تنامى ولما بتصحى وبتكلميه طول اليوم وكل ساعة وتطمنى عليه لو غاب بس لساعات تقلقى عليه وتبقى خايفة تدايقيه باهتمامك وبتدعيله وتتمنيله السعادة بس فقلبك بتتمنى تكونى انتى سبب سعادته وبتهتمى بيه ويهتم بيكى وتفرحى لفرحه وتزعلى لزعله و.....الخ .
يبقى اسمعينى يا حبيبتى هقولك جمله من كلمتين بس "اتركيه لله"💜
لأنك انتى بتحبيه وبتحبى نفسك وقبل دا كله بتحبى ربنا وتذكرى (من ترك شيئا لله عوضه الله خيرا منه💜) طيب انتى ترضى تكونى سبب فتعذيبه يوم القيامة😔
طيب قوليلى كدا لو استمريتوا تكلموا بعض اكتر واكتر طيب لو سبتيه هتعملى اى؟! مش خايفة ع قلبك وقلبه طيب💔
هتقوليلى بس انا مش هسيبه انا بحبه وهيتقدملى ونتجوز يبقى هسيبه ليه😕
طيب هوا انتى ضامنة ظروفك وظروفه؟ ضامنة اهلك واهله؟ضامنة قلبك وقلبه؟
طيب لو ضامنة كوووول دا انتى كدا طيب بترضى ربك حبيبك؟ بترضيه كدا لما بتعيشى قصة حب حرام وانتى عارفة ان الشئ الحرام مش بيدوم😔
كل اهتمام بينكم وكل كلمة حب وعشق وكل غرام بينكم كدا بتعصى ربنا هتقوليلى لا موصلناش لكدا طبعا!!😕
هقولك ان الشيطان شاطر والحب بيضعفنا والشيطان بيزينلنا الطريق الحرام حبة حبة 😭
هرجع أقولك "اتركيه لله" والله انا خايفة عليكى من عذاب ربنا وعوزاكى رفيقتى فالفردوس الاعلى يا حوريتى💜
اتركيه لله عشان ترضى ربك حبيبك ربنا قادر على كل شئ وقوبنا بإيده بيغيرها كيف يشاء وحتى لو ربنا جمعكم سوا ممكن متتوفقوش فحياتكم هتقوليلى لا فى ناس متجوزين عن قصة حب وعايشين مبسوطين اوى طيب ليه تستعجلى الحب الحرام وانتى لو صبرتى وعفيتى قلبك ربنا هيبعتلك زوج صالح وحب يدوووم طول العمر وتعيشى فسعادة عشان انتى رضيتى ربك حبيبك واللى يرضى ربنا ربنا بيرضيه💜
هتقوليلى لا مش عاوزة غيره😢😢💔
هقولك اتركيه لله ولو كان نصيبك هيرجعلك بحب اضعاف واضعاف اللى كان بينكم وهيعشقك وتعشقيه عشان رضيتى ربك حبيبك💜💛💚
اللى بقوله مش سهل ابدا هتتألمى وهتبكى وهتسهرى طول الليل عشان احنا بشر وبطبيعتنا الفقد بيالمنا ويكسرنا💔
هقولك لازم تصبرى وتمسحى دموع الحنين والالم دى وتدعى ربنا حبيبك انه يكون من نصيبك ويجمعكم فالحلال ويصبرك عالبعد وشوفى بقا رضا ربنا عليكى عشان انتى رضتيه💜
حتى لو مرجعش ليكى اعرفى ان ربنا اختارلك الخير وهيعوضك بحب حلال احلى واطهر وهتعيشى فسعادة كمان ولو مرجعش متقوليش هوا الخسران لا قولى ربنا اختارلى الخير💜
وتذكرى انك بتقاومى عشان رضا ربنا حبيبك واستودعى حبك عند ربنا ووكلى امرك ليه وعيشى حياتك وافرحى مع صحابك واتبسطى وفوقى وابنى مستقبلك بنفسك واعملى لدنيتك واخرتك وحبى ربك واتقربيله وحبى اهلك وبرى بيهم💜
وعليكى بالدعاء ولو نصيبك هيرجعلك زى ما قولتلك يا حبيبتى وادعيله وتمنيله السعادة لانه كان سبب سعادتك فيوم💛💜💚
اسفه عالاطالة😍
اسأل الله عز وجل ان يحفظ قلوبنا ويطهرها ويرزقنا الهدى والتقى والعفاف ولازم كل ما نضعف ندعى ونقول (يا حى يا قيوم برحمتك استغيث اصلح لى شأنى كله ولا تكلنى الى نفسى طرفة عين)😖
ساعتها ربنا هيقوينا ويربط على قلبنا 💜
دى كانت اول خطوة😍
اى استفسار او سؤال انا معاكم💜
دعوة بظهر الغيب بقى وادعولى أدخل صيدلة بالله عليكم💜
جزيتم افردوس الاعلى💜
امل عبداللطيف#💚
#منقول