كُنت الاول أقول الدين ده مُتشدد ! ليه يعني يفرض علي الواحد إنه ميقعدش مع خطيبته لوحدهم، وإيه المانع يدردشوا بعد نُص الليل في الموبايل براحتهم، مهو لازم يعرفوا بعض فملوش داعي الكلام يكون بحدود !
- لكن بحكم الحياه إكتشفت إن الكلام في الموبايل بالساعات ضروري مش هيبقي مقتصر علي السؤال عن الحال، ولكن هيقلب لحاجات مترضيش ربنا ويفتحوا ع الرابع، وإن قعدتهم لوحدهم والكلام المعسول اللي مفهوش حدود بيحصل بسببه تجاوزات ومعاصي بتكون سبب في فشل الجواز بعدين !
- كنت بقول إيه المانع اللي يخلي الدين يفرض علي الواحد ميقعدش مع مرات صاحبه ومراته تقعد مع صاحبه ويكون في صداقه جماعيه بيهم وده يسأل علي مرات دي ودي تسأل علي جوز دي ..
- لكن بعد كده اكتشفت كمية خيانات وبلاوي بتحصل بسبب تساهل الزوج والزوجه مع غيرهم وإن لو كانت الزوجه تقعد مع صاحبتها في ناحيه والزوج مع صاحبه في مكان تاني ده هيعصمهم من مشاكل وحسرات ..
- ليه الدين يفرض علي الست متحكيش مشكلتها غير لست زيها او لشخص ثقه وليه الراجل ميحكيش غير لراجل زيه مش لزميلته !
- ويمر الزمن وتلاقي الست اللي تحكي لزميلها أو حد معرفه يطلع بعد كده ندل و يطمع فيها وبعد ما يعرف مداخلها ونقط ضعفها يعلقها ويعشمها وبعدها يبيعها بالرخيص، وعشان كده بيقول : ولا تخضعن بالقول فيطمع الذي في قلبه مرض ! .. متتسهوكيش او تحكي مشاكلك وتفاصيلك لاي حد فيطمع فيكي ويستغلك !
- كنت استغرب ليه الدين يقول اذا بُليتم فإستتروا ! إشمعنا محكيش عن حب قديم عشته للي هتجوزها او احكي للي هتجوزه عن تجربه فاشله مريت بيها ومعصيه عملتها زمان مالازم العلاقه تكون واضحه !
- ويمر الوقت واعرف ان فعلا مينفعش تحكي عن تجاربك وذنوبك اللي حصلت بينك وبين اي حد .. مهما كانت ثقتك في الشخص اللي هتربط بيه لان بعد فتره هيبدأ الشك يزيد والمشاكل والمُعايره وقلة الراحه ما بينكم !
- غريبه يعني ليه ربنا يؤمرني مبصش علي اي ست ! ومنع اي ست تبص علي الرجاله ويبقي فرض أحفظ عنيا عنهم ولو بصيت مبصش بجرأه !
- واعرف بعد كده ان ده مصلحه ليا بحيث محسش بالنقص لو متجوز واقارن اللي بصتلها بشريكة حياتي، وميوصلنيش شعور العجز والشهوه لو مش متجوز، ولو واحده تبص علي اي راجل فتشوف عضلاته ولا عروق ايديه وطوله فتفضل تقارنه بشريك حياتها وتحس بقلة الرضا والزهق من قسمتها ونصيبها!
- ليه يعني مصاحبش واحده وإيه المانع من صداقتي ليها .. والدين يقول ولا متخذات اخدان .. مينفعش ست تصاحب راجل .. إشمعنا يارب !
- لان ربنا عالم إن بعد كده هيحصل اعجاب والاعجاب يقلب بمحبه والمحبه تقلب إدمان للقُرب وجرجره من الشيطان ليكم وبعد كده إهمال وزهق فطبيعي ربنا يقولك متصاحبش من الاول علشان متتعبش بعدين وتعاني !
- ** ربنا فرض المفروض علشان يعصمنا من بلاوي هنعاني من أضرارها بعدين .. لان ربك بصير ورؤيته للامور زاويتها أوسع ونطاقها غير محدود .. بيختصرلك سكك ومسافات هتمشيها وتوصل لنفس نتايج الحكمه في إتخاذ الله لقراراته وإنه مش حابب يخنقنا ولكن يحفظنا ويضلل علينا من لهيب المشاكل ووجع الندم علي تصرفاتنا .. ولذلك ربنا قال : ومن يؤتَ الحكمه فقد أوتي خيرًا كثيرًا .. لان الحكمه معناها انك تقرأ مابين السطور ومقصد ربنا في تحريم حاجات ممكن غيرك يشوفها عاديه لكن لو عندك بصيره و حكمه هتعرف إن ربنا بيفاديك ويحفظك ..
فيارب إرزقنا الحكمه اللي تراضينا بأوامرك وتهدينا للإقتناع بفروضك قبل فوات الاوان .💜
أنت تقرأ
نلتزم مع بعضنا (للبنات بس)✋
Acakلكل واحده عايزه تلتزم انا كمان عايزه التزم مش حقول ان انا ملتزمه والحاجات دي لا انا في الحقيقه عايزه وبحاول وبجيب الكلام دا من الي بقرأوه وبعدين بخليكوا تقرأوه مش انا الي مخرفاه
