نلتزم مع بعضنا (للبنات بس)✋

بكرة هتوب؟!

السلام عليكم ...

صاحيه علي الرساله دي من بنت  ...

" اسراء دي كانت زعلانه إن علاقتها بربنا مش كويسه أوي وعايزه تقرب من ربنا كانت خايفه متقدرش تخلص ذنوبها بس ماتت فجأه بدون مقدمات ، كانت بتضحك وتهزر معانا رايحه جايه حلوه فجأه وبدون مقدمات وقعت اغمى عليها وعلى ما خدناها و راحوا المستشفى ، اكتشفوا انها توفت ، عندها 20 سنه بس "

بكرة هتوب ؟

وَجَاءَتْ سَكْرَةُ الْمَوْتِ بِالْحَقِّ ۖ ذَٰلِكَ مَا كُنتَ مِنْهُ تَحِيدُ

- أنا ك إسراء خوفت جداً لان انا عندي فوبيا من سيره الموت مع ان بحب المقابر ...دا مش موضعنا انا بس جايه اخد معاك جوله كده بسيطه ... فلاش باك ...

1 - فاكر انت بدأت تصلي وتلتزم بالصلاه امتي ؟ياتري بتصلي سنن ؟ طب والنوافل ؟ طب العشر او العشرين سنه اللي مصليتش فيهم ايه ظروفهم معاك ؟؟

2 - سبت الذنب اللي كنت مواظب عليه ؟ ذنب السر دا ؟ طب توبت ؟ اصل فيه فرق بين بطلت وتوبت ، استغفرت عن ذنب دلوقت وذنوب زمان ؟

3 - اخبار لبسك ايه ؟ وانت اخبار لحيتك ايه ؟ لابسه الخمار عشان موضه ولا عشان هو فرض ، وانت مربي لحيتك عشان هي سنه ولا عشان الموضه ؟

4 -بترضي امك وابوك عشان دا فرض عليك ولا عشان بتخاف منهم ؟ بتصلي عشان ربنا فرض عليك الصلاه وبتروح تصليها بعدم حضور قلب ولا بتصلي عشان دا ميعادك مع الملك ؟

5 - اخبار صيامك ايه ؟ ايام القضاء خلصتيها ؟ وانت فطرت كام يوم في رمضان بسبب سيجارة ؟ صحيح اخبار السيجارة ايه ؟ عارف انها من الكبائر ولا لسه بتتجاهل دا ؟

6 -اخبار خلوتك مع الله ايه ؟ بتخاف الله فعلاً ولا بتنسي ايه الم يعلم بإن الله يري ؟

7 - لسه بتسمع اغاني ؟ اخبار الورد اليومي ايه ؟ جهزت ايه عشان تقوله لربنا في اول ليله معاه ؟

انا مش جايه اخوف حد ، انا زيي زيك والله خايفه ، انا كمان  زيك الآيه دي بتنطبق عليا :

(وآخرون اعترفوا بذنوبهم خلطوا عملاً صالحاً وآخر سيئاً عسى الله أن يتوب عليهم ان الله غفور رحيم )

في جمله للشيخ حازم شومان مرعبه اوي بتقول عسي الله عارف يعني ايه ؟ يعني تروح يوم القيامه وانت مش عارف هيغفرلك ولا لاه ... هيسامحك ولا لاه ... دي عسي يعني الله اعلم معشم نفسك ليييه ؟؟

طب عارف باب للجنه ممكن تدخل منه ؟ الجنه 8 ابواب باب للصيام وباب للصلاه و.... و..... و..... انت انهو باب اللي بتجتهد فيه عشان تدخل منه ؟ اوعي تمشي بالحظ لان اقسم بالله لو مشيت بالحظ مش هتدخل من اي باب خالص ...

اتعب من دلوقت عشان تلاقي باب دا ابو بكر رضي الله عنه لما سمع ان الجنه ليها 8 ابواب قال للرسول انا هعمل عشان ادخل من الثمانيه ابواب مش هجتهد عشان ادخل من باب واحد لا انا عاوز الثمانيه ... انت عملت لنفسك باب حتي ؟

بص ياصاحبي من الأخر كده لو انت مشيت في الدنيا بالحظ كده يعني مش عارف ربنا هيرزقك حسن الخاتمه ولا لا سايب نفسك كده ومش بتجهز نفسك لباب واحد من ابواب الجنه حتي ... اقسم بالله العظيم ما هتكسب بإي حاجه ... تخيل انك مت دلوقت ؟ سايب وراك اثر صالح ؟ خلصت فروضك ؟ اذيت حد ؟ ربنا راااضي عنك ؟ طب جاهز لفتنه القبر ؟ جاهز انك تجاوب لما الملكان يشككوك في اجابتك ؟ حيران ليه وتايه ليه بين شهواتك ؟ جاهز لما ربنا يقولك عصيتني ليه ؟

جربت تمشي يومك بالنمط دا :

1 - صلاه القيام

2-  صلاه الفجر واذكار الصباح

3- صلاه الضحي

4 - صلاه الظهر

5 - صلاه العصر واذكار المساء

6 - صلاه المغرب

7- صلاه العشاء واذكار النوم

8 - ساعه واحده بس خلوة مع ربنا بركعتين توبه

والله العظيم مهما كنت بعيد هيقبلك بس انت دق بابه بس ، انا بس عاوزاك تقفل زورار الباور بتاع الموبايل 10 دقايق بس وتقعد مع نفسك قاعده أُنس كده وإسألها وقولها يانفسي ياحبيبتي احنا يابنتي الناس جاهزين نقابل ربنا ؟ وشوف نفسك جاهز ولا لاه ...يابني افهم انت عندك ايه اغلي من عمرك ؟؟؟؟

هي لحظه وكل حاجه بتروح ...لحظه والله العظيم

عاوزة اقولك بس ان بعد ما تموت كل حاجه هتبقي عادي كله هينساك ، والله العظيم هينسوك، انت الوحيد اللي مش هتبقي عادي لان خلاص عمرك انتهي وهتفضل تتحاسب والله اعلم مين اللي هيونسك في قبرك ...

انت جاي الدنيا عشان بس تدفع تمن الجنه .. انت دفعت تمنها ولا لسه ؟💙"))

#إسراء_عاطف
#إترك_أثر