نلتزم مع بعضنا (للبنات بس)✋

الحقيقة💛👌🏻

-الحقيقة إن البنت وهي من غير نقاب أحلى بكتير من وهي بالنقاب ..والبنت بالطرحة القصيرة احلى بكتير من الخمار الطويل الي مغطي تفاصيل اللبس الشيك ..والبنت بالميكاب أحلى واجمل من لما تكون من غير ميكاب ..والبنت بشعرها أحلى من الحجاب .. وتسريحات الشعر أحلى من لفات الطرح ..واللبس القصير والضيق والكعب والبرفيوم
والميكاب بيخلوا أي بنت حلوة جدًا جدًا ومقتنعة وراضية
بشكلها ..💜👌

-والمجاهدة باللبس الواسع والحجاب الشرعي مجاهدة شاقة وساعات كتير بنفكر اننا فعلا احلى من غيرهم ..💜👌

-والصبر على كلام الناس من (ده مكبرك ، ده مديكي اكبر من سنك ، مانتي حلوة من غيره ،) وغيره من الكلام حتى لو بناخده بهزار إلا انه صبر مرهق ..💔

-والشيطان مش سايبك في حالك وكل شوية تقصري الخمار وترجعي تطوليه .. وتبيني حواجبك وترجعي تخفيها .. وتلبسي الجوانتي وتقلعيه .. تلبسي الوان غامقة وترجعي تفتحي الوانك ..💔

-كل ده عشان أحلى وعشان فطرتنا حب الزينة والتزين .. فطرنا اننا نحب نكون الأجمل والأشيك ..وهو ده الأساس الي عشانه شرع الحجاب .. لانك أحلى من غيره ..💜👌

-باختصار ..
"إِن كُنتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحاً جَمِيلاً وَإِن كُنتُنَّ تُرِدْنَ اللَّهَ وَرَسُولَهُ وَالدَّارَ الْآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنكُنَّ أَجْراً عَظِيماً" 💜👌

-وهو ده الاختبار في الدنيا .. واختبار الجهاد والصبر .. واختبار صدق الايمان .. ولنبلونكم حتى نعلم المجاهدين منكم والصابرين ..💜👌

-فاسألوا ربنا الثبات .. وادعوا بالهداية للمنتكسات .. ومع الوقت ربنا هيجملك في عينك وانت بالحجاب وهتبدأي تقتنعي بشكلك جدا وترضي عن جمالك فيه .. 💜

-ده الي ربنا قال عليه '' وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ''
هيرزقك الثبات والهداية والرضا .. مع كل محاولتك للجهاد والصبر والمعافرة والقيام بعد الوقوع ..💜👌

"لَسْتُنَّ كَأَحَدٍ مِنَ النِّسَاءِ ۚ إِنِ اتَّقَيْتُنَّ  💜👌

#لصاحبته