نلتزم مع بعضنا (للبنات بس)✋

مش يلا بقا💜

لييه؟! لييه هنفضل بعاد كدا؟! انت ضامن عمرك😞 ضامن انك هتفضل عايش بعد الثانية دي!! أو الساعه أو اليوم! ضامن ازاي كدا وبتقولي بكل برود هبدأ بكرة؟!!! يجي بكرة لا هبدأ بعده وفجأة!
"وَجَاءَتْ سَكْرَةُ الْمَوْتِ بِالْحَقِّ ۖ ذَٰلِكَ مَا كُنتَ مِنْهُ تَحِيدُ"
ايوة للأسف النهاية كدا💔 النهاية الموت💔الموت الي أصلًا آخر حاجة بنفكر فيها!! بنقعد نفكر هنعمل ايه بعد سنة ونسينا اننا ممكن نموت دلوقتي ومفكرناش هنعمل ايه في آخرتنا!!! احنا في غفلة ي جماعة في غفلة للأسف
بلاش نفضل كدا ونفوق علي الموت!! بعد ما خلاص مفيش ندم بلاش ي جماعة نندم يلا يلا نقرب كفاية بعد 😞💔
-يلا ي بنات نلبس زي ما ربنا أمرنا واسع وفضفاض 💛 بلاش اللبس الضيق بالله 💔الرسول صلي الله عليه وسلم قال:"صفان من النار الكاسيات العاريات"💔
يعني ايه؟! يعني الي لابسين ضيق!! ترضي تدخلي النار عشان مجرد قماش ميسواش!!
تقولك 🙍🏻‍♀️
" اصل أنا لو لبست واسع وكدا وقربت من ربنا الناس هيتريقو عليا ومش هيسبوني في حالي"
ثانية ثانية!! هو كل همك هو رضي الناس!! رضا الناس الي هو لا يدرك أصلًا!! ويحك ي فتاة ايهمكِ رضا الناس ونسيتي ربك!
انتِ نسيتي ان الناس أصلًا في النهاية هيسبوكِ لوحدك في القبر !! لوحدك من غير أي حد
انتِ الي هتتحاسبي لوحدك انتِ الي هتسألي لوحدك والناس فين؟! الناس خلاص بقا راحو يشوفو حد غيرك💔
ليييه متخليش رضا ربنا فوق كل شيئ؟! ليه متخليش ربنا رقم واحد في حياتك؟! دي حاجة صعبة !! الي بيحب ربنا بجد مش بتبقي حاجة صعبة عليه💛
الناس هتتكلم هتتكلم فطنشي ومتهتميش
وكل صبر هتصبريه هتاخدي ثوابه💜😉
واصلًا في بداية قربك بس هو كلام الناس ودا بيبقي اختبار من ربنا بيشوف هتثبت ولا لأ
"أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ " يعني لازم تختبر ومفيش مفر من كدا
وأصلًا حبه حبه هيتعودو بس مش كلهم أغلبهم
فيلا بقا ي بنوتي نلبس واسع عشان ربي حبيبي والجنة حنة الفردوس بإذن الله فهي تستحق والله أكثر من ذلك💜
يقولك🙍🏼‍♂️
"أنا والله نفسي اقرب نفسي أصلي وأتوب بس مش قادر مش عارف"
وأغلبنا بيقول كدا للأسف
"الصلاة" عماد الدين☝🏻💛أول ما يحاسب عليه المرء فتلاقي الشيطان بادئ بيها فلازم نجاهد في الصلاة صلِ  بالغصب حتي لو بدون خشوع بس قوم صلي قادر مش قادر قوم صلي بالغصب يعني هتخلي شيطانك يضحك عليك بالسهولة دي 🤨 فين العناد 🤔 يلا نعانده في كل حاجة😉 خليه يعيط من الهزيمه قول
"مش انا الي أهزَم"😌☝🏻💜 واستعيذ وقوم واتخيل معايا وهو بيجري بالهفه وعينه هتدمع " لا خليك مش مهم تصلي دلوقتي صلي بعد شويه" عانده اشتغل معاه في العناد😉💛 بعد الصلاة هتحس بإنتصار كدا وكمان راحه نفسية وبعد ما اليوم يخلص شوف هو هزمك في الصلوات ولا لأ ضحك عليك ولا لأ
أهم حاجة نصلي ي جماعة والخشوع والله بيجي لوحده واحد من الصحابه كان بيقول انه كان بيصلي بدون خشوع لمدة ٢٠ سنه لحد ما ربنا مَن عليه الخشوع فخشع💜 اه وعلي فكرة كل ما تجاهد انك نخشع هتخشع ودا مش كلامي دا كلام ربي اما قال:
وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ"💜كل ما تجاهد ربنا يهديك وما يهديك هتخشع  فيارب اللهم خشوعًا💜🤲🏻
مش يلا بقا نبدأ بقا💛 نبدأ نقرب منه من ربنا حبيبنا
-الي محافظ علينا لحد دلوقتي من الأمراض ومحافظ علي كليتك علي عدم تلفها ومحافظ علي جسمك عمومًا💛
-الي سترك وانتِ بتعصيه سترك بعد كل دا وبرضه لسا بتكلمي الولد برضه من ورا أهلك مش يلا بقا نسيبه لله ونستني نصيبنا ونقرب من ربنا💛
يلا بينا نبدأ حياة جديدة 💛
#نونا_خالد