نلتزم مع بعضنا (للبنات بس)✋

الاغاني

-الاغاني حرام ازاي يا نور؟! وايه الدليل واصلا انا دايماً إما أكون زهقانه بسمعها بلاش تعقيد
-بصي يا حبيبت قلبي صلِ علي النبي كدا الاول
-عليه افضل الصلاة والسلام
-بصي يا ستي أولاً أكيد انتِ بتحبي ربنا صح
-ايوه اكيد
-وبتحبي رسوله صح
-ايوه
-مش الي بيحب حد بيحاول يرضيه بأي طريقة
-ايوه بيحصل
-طب ما ربنا قال:- ^وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ^
قال ابن مسعود:- لهو الحديث هو الغناء وقال لا اله الا الله تلت مرات يعني حلف!
وكمان الرسول صلي الله عليه وسلم قال:- ليكونن من أمتي أقوام يستحلون الحر والحرير والخمر والمعازف 
المعازف!! ايه دخلها بالخمر وكدا شايفه الرسول عارف انه في يوم من الايام حيكون من امته حيقولوا إن  المعازف حلال ودا بيحصل!! للأسف
يبقي دلوقتي اقتنعتي ولا لأ يا ستي
-برضه طب ليه ربنا حرمها ؟!
-بصي يا ستي اكيد اما ربنا بيحرم حاجه بتبقي شر لينا والاغاني دي يتلهينا عن عبادة ربنا تلاقي مثلاً العصر بيأذن وهي بتسمع أغاني تقول آخر أغنية هووب يجي المغرب وهي لسا مصلتش العصر !!
شايفه بتلهي عن عبادة ربنا ازاي!
-ايوه فعلا بتحصل معايا:(
-كمان ربنا قال:-(مَا جَعَلَ اللَّهُ لِرَجُلٍ مِّن قَلْبَيْنِ فِى جَوْفِهِ )
يستحيل تلاقي حد عنده قلبين مستحيل مستحيل تلاقي حد بيقرأ القرآن وبيسمع أغاني في نفس الوقت ولو قرأ بيقرأ بسرعه ومن غير تدبر عشان الاغاني والقرآن ضد بعض شوفتي اغنيه عن صلاة الفجر ؟!
-لا اكتر الاغاني عن العشق والحب وكدا
-اصلا الكلام بتاع العشق وكدا حرام انتي سنجل بتسمعيها ليه نفسي اعرف ها؟! وكمان الكلام دا بيأثر علي الواحده لما تسمعه وبتبقي عايزه تتحب ناو وتحب وتفكر في الولد الي اداها الاستيكه امبارح  مش بيحصل!؟
-هههههههه فعلاً بيحصل
-ها ياستي اقتنعتي ؟!
-ايوه  ياست نور بس هو انا مينفعش اسمع حاجه خالص كدا
-لا عادي اسمعي أناشيد بشرط انها تكون من غير موسيقي ومش عن الحب وكدا يا سنجل
-خلاص يا ستي عرفت اني سنجل مش لازم نعيد ونزيد في الكلمة يعني
-هههه بطمن بس💛

#فتاة_بدأت_حياتها_بقرار💪💜