نلتزم مع بعضنا (للبنات بس)✋

كيف حالك مع الله؟!

السلام عليكم ورحمة الله وبركاته 😊ازيكوا يا قمرات عاملين ايه❤️ معلش والله عارفه ان انا بقالي كتير مكتبتش بس والله بدأت دروس من تقريبا 10 ايام والله الدروس ورا بعضها وبخلصهم المغرب وبعد المغرب بذاكر يعني الوقت مش فاضيه خالص بس انهارده بقا مكنتش الا درس واحد👆🏻😂ودا الي مفرحني ادعولي بالله عليكم يا بنات اعدي من السنه دي دي سنه مهمه جدا تحدد مصيري زي اما الطريق الي انتي ماشيه فيه بيحدد مصيرك سواء النار او الجنه بس اكيد الطريق مسنفعش اقارن بس ادعولي بالله عليكم ربنا يعدي السنه دي علي خير
يلا بقا ننتقل للموضوع بصي بقي يا ست الكل💖كيف حالك مع الله كيف حالك في الصلاة مع الصيام مع القيام هل تصومي اتنين وخميس هل تصلين الفروض والسنن في مواعدها لسا مفكرتيش تتوبي لسا بلبنطلون والبلوزه وقطعة القماش علي شعرك ولا قربتي ولبستي فساتين وطولتي طرحتك
فكرتي في التوبه ورجعتي عنها تاني ولا توبتي😃 ربنا يا قلبي مش عايزك علي فكره ولا عايز توبتك ولا حتنفعه الملائكة يعبدونه ولكن انتي الي التوبه حتنفعك عارفه لو انتي بتقرإي دلوقتي اعرفي انها رساله ليكي من ربنا يا حبيبت قلبي يا نور عنا ❤️ اياكي تفكري ان الفستان ومثلا لو حبيتي تتخمري حيكبرك هو اه حيكبرك بس في نظر ربنا😍خدي المثل من الناس علي هيئه حيكبرك في نظر ربنا النقاب كذلك اللهم ارقنا به جميعا💖 والناس بقا الي بيحبوا يدخلوا في حياة الناس🤓:''يا بنتي عيشي حياتك" والله العظيم😂😂عايشه حياتي😂😂محسسينك انك بصي اما تلبسي الخمار الي هو لبس عادي مش حتعيشي حياتك 😂😂 والله في البيت مش بلبسه وعادي اهو ما انا عايشه حياتي في بيتي 😂ومع ربي❤️بصوا كلمة عيشي حياتك واحده صحبتي قالتلهالي قولتلها الكلمتين دول وانا بضحك😂 مش بحب الكلمتين دول بيستفذوني 😂 بصي الناس دي كلها متهتميش بيها كل العيله حتقعد تقولك كدا المقربين ليكي حتي مامتك برده بس اثبتي 🤚🏻 ربنا معاكي يا فتاة عايزه تردي ربنا غيرتي لبست ولبست خمارك او نقابك او طرحتك الطويله وضحيتي بالبنطلون سنوات وانتي لابساه ضحيتي بيه لله❤️في بنات عايزه تبعد عن البنطلون بس مش عارفه يا قلبي يا نور عيني من ترك شيئا لله عوضه الله خيرا منه❤️
علي فكره لو لبستي الجيب والفساتين حتقولي ازاي رضيت امشي بالبنطلونوانا دلوقتي خايفه حته من جسمي تبان!؟
والله ودا انا بقوله لنفسي ازاي كنت بلبسه انا عارفه ان فيه بنات زيي مكانوش عارفين ان الهدوم الي لابسنها حرام؟!
ايوه انا كنت ام الجاهلين في الدين😞الاسم بس هو كان مسلمه من سنه ونص اتغير حالي جاتلي بوستات قرأتها وعرفت حاجات كتيره عن الدين واول اما عرفت ان البناطيل حرام بطلتها فورا فحبه حبه كنت بطول الطرحه ومكنتش علي فكره بصلي!! اه اوقات كنت بحس بالندم بس اما بدأ اعرف عن الصلاة بدأت احافظ علي الفروض بس وبعدها ازود سنه وازود سنن والطرحه تطول يوم عن يوم لحد اما خلاص لبست خمار والحمد لله والشكر لله ❤️وعلي فكره عارفه ان الاهل بيرفدوا وبيقولوا تعقد ومكبره نفسك🤚🏻بس علي فكره الزن هو الي ينفع😉😂😂زني زني زني يا ماما يا بابا ارجوكوا ارجوكوا ارجوكوا 😂اه او بقا انا يجبوحلك حتحسي بحقد في اعينهم😂😂بس بعد اسبوعين تلاته او اسبوع ادعدوا وكل حاجه رجعت زي اما هي ومامتك هي الي حتعدلك الخمار سواء بقا الخمار او النقاب😉😂
بس بقولكم نصيحه مني اصبروا حتقابلهم عقبات وصعوبات سؤاء بقا من اهلك او اصحابك او اي حد بس اصبري ان الله مع الصابرين❤️💖وطنشي وخدي المثل دا طنش تعش تنتعش😂بصوا حيقولولكم انك فاهمه الدين غلط والدين يسر اه الدين يسر ربنا يسرلنا في العباده زي القصر في الصلاة والمس عل الخف وكدا وكمان حاجه اول امايقولولك كدا اثبتي روحي افتحي المصحف علي فكره انا كنت لسا حشك في نفسي😞بسبب الاهل بس فتحت المصحف علي ايه 😍 حساها اجابه من ربنا لسؤالي 😍
قال الله تعالي

{رِجَالٌ لَّا تُلْهِيهِمْ تِجَارَةٌ وَلَا بَيْعٌ عَن ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ ۙ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ} {لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُم مِّن فَضْلِهِ ۗ وَاللَّهُ يَرْزُقُ مَن يَشَاءُ بِغَيْرِ حِسَابٍ} {وَالَّذِينَ كَفَرُوا أَعْمَالُهُمْ كَسَرَابٍ بِقِيعَةٍ يَحْسَبُهُ الظَّمْآنُ مَاءً حَتَّىٰ إِذَا جَاءَهُ لَمْ يَجِدْهُ شَيْئًا وَوَجَدَ اللَّهَ عِندَهُ فَوَفَّاهُ حِسَابَهُ ۗ وَاللَّهُ سَرِيعُ الْحِسَابِ}
دول في سورة النور اهم ايتنين والباقين برده بس دول الي دخلوا قلبي والصفحه الي بعدها بقا قال الله تعالي
{وَيَقُولُونَ آمَنَّا بِاللَّهِ وَبِالرَّسُولِ وَأَطَعْنَا ثُمَّ يَتَوَلَّىٰ فَرِيقٌ مِّنْهُم مِّن بَعْدِ ذَٰلِكَ ۚ وَمَا أُولَٰئِكَ بِالْمُؤْمِنِينَ}
{وَإِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ إِذَا فَرِيقٌ مِّنْهُم مُّعْرِضُونَ}
{وَإِن يَكُن لَّهُمُ الْحَقُّ يَأْتُوا إِلَيْهِ مُذْعِنِينَ}
{أَفِي قُلُوبِهِم مَّرَضٌ أَمِ ارْتَابُوا أَمْ يَخَافُونَ أَن يَحِيفَ اللَّهُ عَلَيْهِمْ وَرَسُولُهُ ۚ بَلْ أُولَٰئِكَ هُمُ الظَّالِمُونَ (50) إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَن يَقُولُوا سَمِعْنَا وَأَطَعْنَا ۚ وَأُولَٰئِكَ هُمُ الْمُفْلِحُونَ (51)}

{إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَن يَقُولُوا سَمِعْنَا وَأَطَعْنَا ۚ وَأُولَٰئِكَ هُمُ الْمُفْلِحُونَ (51) وَمَن يُطِعِ اللَّهَ وَرَسُولَهُ وَيَخْشَ اللَّهَ وَيَتَّقْهِ فَأُولَٰئِكَ هُمُ الْفَائِزُونَ (52) ۞ وَأَقْسَمُوا بِاللَّهِ جَهْدَ أَيْمَانِهِمْ لَئِنْ أَمَرْتَهُمْ لَيَخْرُجُنَّ ۖ قُل لَّا تُقْسِمُوا ۖ طَاعَةٌ مَّعْرُوفَةٌ ۚ إِنَّ اللَّهَ خَبِيرٌ بِمَا تَعْمَلُونَ (53)} [النور : 51-53

انتي صح يا بنتي انتي ماشيه صح❤️ربنا معاكوا يا بنوتات
والسلام عليكم ورحمة الله وبركاته💖
(بنوتاتي الي عايز ينشر دا او اي حزء يقولي وانا حبعتهالها بإذن الله)