حطمتي كبريائي(الجزء الثاني )

الفصل الحادي عشر

الفصل الحادي عشر ....

في بيت شيري ....

وضعت شيري كأس من العصير أمام هذا الرجل بأيد مرتجفه ...وظلت تحدق فيه ..نظر هو لها ثم قال : خايفه يا شيري ...

انعدلت في وقفتها ثم رجغت خصلات شعرها الي الخلف وابتلعت ريقها قائله : غريبه انك جاي بنفسك هنا ...

ضحك بصوت عالي قائلا وهو مسلط عيناه عليها قائلا : جيت عشان أفكرك ان الوقت مش في صلحك ..والبضاعه لازم تدخل الاسبوع الجاي البلد ...

شيري في توتر : بس انا مقدرش المرة دي يا كبير ...

وضع الكأس علي الطاولة ثم قال ببرود : السبب ..

شيري وهي تفرك يديها بتوتر شديد : السبب اني مش هدخل حاجه من غير تمن ...

قام هو بأخرج المسدس من جيبه ثم وضعه علي الطاولة لكي يصدر صوت فأنتفضت شيري ...من مكانها ..

الكبير : والتمن ايه يا بنت الاكابر ..

شيري : التمن هو انك اتخلصني من فيروز ..

قهقهه قائلا : حنيتي للذكريات مع زوجك القديم...قصدي طليقك ..

شيري : هو ده شرطي ..

ضرب الطاولة بيده قائلا : انا اللي بشرط هنا بس مش انتي ...ولا انسيتي نفسك ...
أفكرك ازاي نقذت شركتك ...

شيري بصوت عالي : وانت امفكر نفسك مين ..انت واحد ضعيف بتحاول اتخبي نفسك بالقناع اللي علي وشك ..خايف من ابن الرايد ..خايف من الرفاعي ..خمس سنين وانت عايش بقناع كذب وخداع ..طماع وعايز تاني ...مش كدا برضو يا ...

هرول نحوه وغرس اظافره في خصلات شعرها قائلا : انت ازاي تتجرأي اتعالي صوتك عليا ..انا الكبير فوق الكل ...انا اللي خليتهم لعبه في ايدي ...خليتي ابن الرايد يدوق طعم الضعف .... أنا فتحي فتحي اللي جواه نار مستحيل تنطفي الا بعد ما اشوفه مقتول قدامي ....وبتي الخاينه هجيبها وهدوس عليها بجزمه هدوقها طعم العذاب ..انا محدش يقدر يقف قدامي ....

كانت تلتوي بين يديه صرخت بصوت عالي : وفيروز اللي هتشركك في الورث بعد ما ابوك يموت هتسيبها اتعيش ...انا وانت مصلحتنا واحده وهي موت فيروز ..فيروز لازم تموت ...

دفعها بعيدا عنه لكي تسقط علي الارض ..نظر لها قائلا : وانتي امفكره بعد ما فيروز اتموت كريم هيرجعلك تاني ...

نهضت من علي الارض ثم اقتربت منه قائله بجنون : ايوا هأخلي يرجعلي ...

التقط هو المسدس ثم شدها نحيته قائلا : معكي تلات ايام تتفقي مع الخواجه وتيجلي بالخبر الحلو يا حلوة ...والا هيكون في تصرف تاني ..ومش هيعجبك ....

شيري : هتعمل ايه يعني ..

نظر لها قائلا : هخليكي تحضري دفنت ابن الشرقاوي ...بدل من فيروز ايه رائيك ..معكي تلات ايام ..