အချစ်စစ်၏ တည်နေရာSeason (1)

အချစ်စစ်၏ တည်နေရာSeason - 1အပိုင်း (15)

အချစ်စစ်၏ တည်နေရာ

Season - 1

အပိုင်း (15)

သူ့ကို မိမိ တကယ်ကို နှစ်နှစ်ကာကာ ချစ်ခဲ့မိသည်။ မိမိချစ်ခဲ့မိသော တစ်ဦးတည်းသောအမျိုးသားက သူဖြစ်သည်။သူ့ကြောင့်မိမိ သည်းခံတတ်ခဲ့သည်။ မိုးစက်ပြောသည့် အတိုင်း အတတ်နိုင်ဆုံး လိုက်နာခဲ့သည်။မိမိ မနှစ်သက်သည့် ပြောအဆို၊ အနေအထိုင် အတိုင်း သူ့အချစ်ကိုရရန် လိုက်လုပ်ခဲ့သည်။ လက်ထပ်ခါနီး မိုးစက် အိမ်သို့ရောက်လာသောအခါ သူများ မိုးစက်ကို စိတ်ဝင်စား သွားမလားဟု စိုးရိမ်ခဲ့သော်လည်း မိမိအကိုရင်းက ဒီလောက် သစ္စာမမဲ့နိုင်ပါ ဟုတွေးကာ စိတ်ချထားခဲ့သည်။ သို့သော် လက်ထပ် ခါနီး ၁၀ ရက်အလို သူနှင့် မိုးစက် ဖိတ်စာဝေဖို့သွားရင်း ကားမှောက်ကာ သူ့မျက်လုံးကွယ်ခဲ့စဉ် မိုးပွင့် တုန်လှုပ်သွားသည်။

ချစ်သောသူ့အတွက် မိုးပွင့် အူလှိုက်သည်းလှိုက် ငိုကြွေးခဲ့သည်။ ဘာပဲဖြစ်ဖြစ် သူ့ အနားတွင် နေမည်ဟု တွေးကာ လက်ထပ်ပွဲကို မဖျက်ပဲ ဆက်လက်ကျင်းပရန် ပြောခဲ့ သည်။ သို့သော် သူက ဆေးရုံတွင် မိမိ နှင့် နှစ်ယောက်တည်း စကားပြောခဲ့သည့် တစ် ခဏ မိုးပွင့် ရင်ကွဲပက်လက်ဖြစ်ခဲ့သည်။

"မင်းကို ကိုယ် မချစ်ဘူး မိုးပွင့်။"

မိမိကို သူလုံးဝမချစ်ကြောင်းပြောသည့် အပြင် မိုးစက်ကို ခိုးပြေးရင်း ကားမှောက်သည့် အကြောင်းကို သူပြောစဉ်ခဏ မိုးပွင့် မေ့လဲမတတ်ခံစားလိုက်ရသည်။

"မိုးစက်ကို ကိုယ်ချစ်တယ်။ သူကလွဲရင် ဘယ်သူ့ကို မှ ကိုယ်လက်မထပ်ချင်ဘူး။ သူ ကိုယ့်ကို ခွဲသွားမယ်ဆိုမှ သူ့ကို ကိုယ် ဘယ်လောက်ချစ်တယ်ဆိုတာ သိတော့တယ်။ မင်းကို ကိုယ်လျော်ကြေးပေးပါ့မယ် မိုးပွင့်။ ကျေးဇူးပြုပြီး ကိုယ့်ဘ၀ထဲက ထွက်သွားပါ တော့။"

မိုးပွင့်၏ မျက်ဝန်းထဲမှ မျက်ရည်ပူများ စီးကျလာခဲ့သည်။ မိုးပွင့် တကယ့်ကို အူလှိုက်သည်းလှိုက်ကို ငိုရင်း ရင်ဘတ်က အောင့်လာလို့ ဖိထားလိုက်သည်။ ဒါကို မျက်လုံးကွယ် နေသည့် အကိုနှင်းထန်ကတော့ မြင်မည်မဟုတ်ပေ။