အချစ်စစ်၏ တည်နေရာSeason (1)

အချစ်စစ်၏ တည်နေရာSeason 1အပိုင်း - (2)

အချစ်စစ်၏ တည်နေရာ

Season 1

အပိုင်း - (2)

နှင်းထန်သည် ပြတင်းတံခါးတွင် ရပ်ကာ ခြံထဲတွင် လွတ်လပ်စွာပြုံးရယ်ပြီး စကားပြောနေသော သူမလေး၏ မျက်နှာပြင်တွင်ပေါ် နေသောအပျော်ရိပ်ကိုကြည့်ြုပီး ရင်ပူလာသည်။ သူမလေးတွင် ချစ်သူရှိနေပြီလား ဟုသောအတွေးက သက်ပြင်းလေးကြီးကို ချမိစေ သည်။ ဖုန်းပြောပြီး သူမက အပြင်သွားရန် အသိပေးပြီး ပြင်ဆင်လို့ထွက်သွားလေသောအခါ နှင်းထန်၏ အထင်ပိုခိုင်မာလာသည်။ နှင်းထန်သည် သူမတက်လိုက်သွားသော တက်စီ ကားနောက်ထပ်ချပ်မကွာ လိုက်လာခဲ့စဉ် မြို့ထဲရှိ ဟိုတယ်တစ်ခုရှေ့တွင်စောင့်နေသော မိုးပွင့်နှင့် ရွယ်တူ ခေတ်ဆန်ဆန်ဝတ်စားထားသော ကောင်လေးတစ်ယောက်ကို ပြေးဖက်လိုက်စဉ် နှင်းထန်၏ မျက်လုံးပြာဝေသွားပြီး ဒေါသတို့ကထောင်းခနဲထွက်လာခဲ့သည်။

နှင်းထန်သည် သတိဖြင့် ဒေါသကိုထ်ိန်းကာ ဆက်ပြီးစောင့်ကြည့်နေစဉ် ကောင်လေးနှင့် အတူ ဟိုတယ်ထဲဝင်သွားသည်ကို တွေ့တော့စိတ်မထိန်းန်ိုင်တော့ပဲ ကားကို တရကြမ်းမောင်းကာ ပြန်ခဲ့တော့သည်။ အထဲကို ၀င်သွားပြီး သူမကို တားပိုင်ခွင့်

မရှိသော အခြေအနေကို ကျိန်ဆဲလိုက်မိသည်။ တကယ်လို့ သူမသာ မိမိဇနီးလောင်းဆိုလျှင် သူမလက်ကိုဆွဲကာ ချက်ချင်း ခေါ်လာ နိုင်ပေလိမ့်မည်။ ထိုသို့တွေးရင်း မိမိကို မိုးပွင့်နှင့်ု စေ့စပ်ပေးဖို့ ဖခင်ကြီးကိုပြောရကောင်းမလားဟု စပြီးစဉ်းစားလာ၏။

သို့သော် နှင်းထန်သည် မိမိ ခံစားချက်ကို ပြန်ဆန်းစစ်ချင်သေးသဖြင့် မိုးပွင့်နှင့် ကိုရီးယားမင်းသားလေးလို ခေတ်ဆန်ဆန်ဝတ် တတ်သော ကောင်လေး၏ အခြေအနေကို စောင့်ကြည့်ရန်ဆုံးဖြတ်လိုက်သည်။မိုးပွင့်သည် အပြင်မှ ပြန်လာပြီးနောက် ခါတိုင်းထက် ရွှင်မြူးနေဟန်ဖြင့် သူမအိပ်ခန်းထဲတန်းဝင်သွားသဖြင့် နှင်းထန် ရင်ထဲမှ ပူလောင်စ ပြုလာလေပြီ။

နောက်တနေ့တွင် အလုပ်အတူတူသွားသောအခါကားပေါ်တွင် သူမအပြင်ဘက်ကိုငေးကာ နူတ်ပိတ်ပြီးလိုက်လာသဖြင့် နှင်းထန် တလမ်းလုံး သူမကို ခိုးကြည့်ကာ ရင်းနှီးမှူမရှိသော မိမိတို့ ဆက်ဆံရေးကို ပထမဆုံး စိတ်ပျက်လာမိသည်။ မိမိဘက်မှ သူမကို စပြီး တရင်းတနှီးလည်း မနေချင်ပေ။ မိမိ မာနကို ယခုမှ တွေ့သောမိန်းကလေး အတွက်လွှင့်မပစ်နိုင်သေးပေ။ သူမသည် မိမိ မာနကို ခ၀ါချပြီး ဒူးထောက်အောက်ကျို့သည်အထိ တန်ရဲ့လားဟု နှင်းထန် သံသယ ၀င်နေသေးသည်။ ဘယ်လိုပဲဖြစ်ဖြစ် သူမဘက်မှ မိမိကို အောက်ကျို့ကာ ရင်းနှီးစွာ ဆက်ဆံလာစေချင်သည်ကတော့ နှင်းထန် ၏ အတ္တကြီးမှူပင်ဖြစ်ပါလ်ိမ့်မည်။