مفيوزية في قلب الحدث

الجزء 10

باركا سارة معليها ما بيها كتصوب فلوطو لي قدامها، حتا نزلات عليها واحد الضقة للعنكرة، و عرفتها ديال ادريس حيت تقطع فيها النفس عوتاني و تزنكرات و ولات كتلون
ادريس: كنقول ليك متبقايش تخدمي فالروينة، جمعي الزبل لي حداك، و الزيت متبقايش تخدمي بهادا، خودي لاخر
مشات ديزا من حدا فهد
سارة: مال هاذا كيحساب ليه مراتو ولا شنو
فهد(كيضحك): من الاحسن تهربي محدك قادرا، بين ليا الشاف غيقصح معاك الطرح
سارة: شكرا على التشجيع
فهد: العفو
مشات رجعات خدامة، و داك الحمار كيفما كتسميه كل دقيقة نازل عليها بدقة فشي قنت، ولات كاملة بياس ديتاشي، حتا طلع ليها الزعف
سارة(كتغوت): و جمع ايديك المرض، شفتك ولفتيها، اش كيحساب ليك راسك، غير دور و تصنكع فيا
ادريس(غفلها شدها من شعرها): باغا تخدمي مرحبا، مباغاش برا، معنديش هنا لي كيعليو عليا صواتهم
سارة(شادة ليه من ايدو لي ناتفاعا): و انا مغنسمحش ليك كل مرة تبقا تزندفني، انا هنا خدامة على رزقي مشي حمار ترس عليه
ديما فهد مسكين لي جاي يفك
فهد(شاد من ايد دريس لي على شعر سارة): شاف راه الثلاثة هادي مغتمشيش، غير خليها انا نعلمها، صافي ا شاف تهدن
طلقها ادريس و هي طيح للارض، عاد عاقت بلي راه كان هازها من شعرها، و هي لي كيحساب ليها طوالت... شدات من راسها كيعطيها الصداع من نتفتو و من هزتو، و جا فهد عونها
فهد: اناري المسخوطة راه الشاف معزيزش عليه لي يعود معاه الهضرة
سارة: و شنو خصني نبقا ناكل لعصا و نسكت
فهد: غير هاد السيمانات اللول راه كلنا دزنا منها
سارة: انا منسكتش ليه، غير بلاتي حسابنا هوا اللخر... اجي بعدا فين مشا
فهد: و شكون عرف، هوا كل لاربعا و خميس كيخرج مع ٣ و كيرجع مع ٦
سارة: آه صافي، خليني نرجع لداك الزبل قبل لا يجي يكمل عليا
مشات كملات خدمتها و بانو ليها بداو كيخرجو، حتا هي جمعات قضها و خرجات...
يوم جديد جايا مبيها ما عليها يالاه غدخل كتسمع غوات ادريس
ادريس(كيغوت عليهم): واش لخدمة كل مرة خصها تعطل ليا، اش كديرو الى مخدمتوش، اليوم حتا واحد مغيخرج الى مكملاتش الخدمة سمعتوني
سارة دارت غتمشي فحالاتها كون ما شدها من لكول ديال القاميجة و جرها عندو
ادريس: فين باغا تمشي، قلت تا واحد يعني تا واحد مغيخرج، واخا يتسد عليكم الكاراج ليوم
لاحها مفزعها و باقي كيغوت
ادريس: يالاه لخدمتك، كلشي لخدمتو
باغات تمشي تلاح عليه، كون ما خافت من خطورة الوضع، و مشات خدامة حدا فهد كيدويو بلا ما يبينو
سارة: مال هادا
فهد: معصب
سارة: اش معصبو
فهد: حتا واحد معارف
سارة: ميكونش مزوج و مضارب مع مراتو
فهد: هاديك المرا مسكينة غتكون فالقبر دابا لا منضنش
سارة: اوا اش ياري
ادريس(كيغوت من بعيد): فهد و سارة غنقص ليكم من الخلصة على قبل هاد كثرة الفهامات لي فيكم
سارة: خودها نتا كاع
عند راسها مسمعهاش، حتا لقاتو حداها، و هزها من الكول ديال القاميجة
ادريس: كنقول ليك متزايديش معايا فالهضرة
ضربها مع الحيط حتا حسات بضهرها تهرس
ادريس: ليوم مغتخرجيش نتي كلشي غيمشي و نتي غتكملي خدمتهم
سارة(مع باقي معلقها كتشوف فوجها و هي دفل عليه): الشماتة
قهد مسكين من وراه كيطلب فيها تسكت و حلفات هي لتسكت...
ادريس: نتي ملقيتيش لي يربيك
سارة: بزاف عليك رباوني رجال نتا لي رباوك شمايت حتا خرجتي بحالهم
و قاجها و مكتخرجش الحروف و باقا كتعير معاه، جرها لعندو، و لاحها وراه حتا ضربات لوطو لي من موراها، و مع هي خفيفة و قصيورة ضغيا كيلعب بيها... رجع هزها من الارض و ردخها مع الحيط
ادريس: انا لي غنعود ليك التربية
سارة(كتنهج): ميشرفنيش واحد بحالك يربيني
طلعات ليه الدم و الما و السكار و تبخات ليه اتاي فوق راسو، و قجها حتا خرجو عينيها، و جاو الخدامة كاملين كيفكو
فهد: العار ا شاف مسحها فيا، راها غير باقا طيشا
كاع الخداما شادين ادريس كيحاولو يبعد ه، و هوا جاعر، اما سارة لي مشا فهد عونها باش وقفات ستغلات انه مشدود و بركات تعير واخا كاملا شقافي
سارة: كون راجل و خرج برا، نوريك سارة اش كتسوا يا عيفت الرجال يا الشماتة
شد ليها فهد فمها و تم جارها باش يبعدها، و هي كتركل واخا معرسا كتركل باش توصل لادريس... خرجو ادريس برا المحل غير بستا و ستين كشيفة، و بركات سارة للارص و كاملا طاشات زرقين و خضرين و حمرين لمهم تلونات جاب الله وجهها مفيهش شي علامة و تقتلها فايحة، و برك فهد كيداري ليها جروحها
فهد: و مكتردعيش، الله يستر، و حنا معمرنا كلينا هاد العصا كاملة و مكنفنفنوش قدامو
سارة: لهلا يحيه حتا نسكت ليه، منكونش سارة الى ما ندمتوش
فهد: و باراكا غير هاد الفضيحة راك فتي الندم لهيه
سارة(و تقول واش بكات): **** جا يمد عليا ايدو، انا راه بحالو غير كنمسح بيهم سباطي ***** لاخر