#عشگ-سمره
الجزء 10
بقلم ازهار ذابله.
عصام : خلص وصلت حدها وياك الظاهر احترمتك اهوايه.
وصارت هوسه.
عصام مجنت متخيلته هيج اشوفه كيوت وهادء.
اشو هذا صار وحش.
بسرعه نكز من مكانه واستلم اوس بوكسات.
روى تصرخ وتسحب بيهم.
بس ماكو فايده اتشابكوا وبعدنه عنهم من الخوف.
اني بس ابجي اعرف كله بسببي اني الي خليت عصام بهيج موقف.
ما اتحملت المنظر.
ركضت وعفتهم يتعاركون ماادري احس
اكو شي يطاردني وين مااروح ويخلين بمواقف ماانحسد عليها.
اعرف هذا الحظ السيء.
بس كان ع شكل شخص اسمه اوس.
بعد مااسكت عن سوالفه حكول لـ بابا اخلي يخليله حد.
وصلت البيتنه نفسي مكطوع وعفت عصام وراي جنز اوس اتجنز.
عزه بعينج نور شبيج ولج امعزايه شصاير وياج?
ماما هذا ....صوتي جان يكطع مااكدر احجي.
شنو هذا منو احجي ولج?
ماما حيموته ....
منو يموت منو شنو السالفه?
اصبري ع البنيه نونو حبي تعالي اكعدي
جيبيلها مي بسرعه.
الحمد لله بابا جان موجود هو كعدني وخله امي اتجيبلي مي.
وحظني حسيت بالامان والخوف اشويه قل.
يله باباتي شنو صاير وياج. ?
م مما اعرف شنو اكلكم! ?
احجي بابا اني اسمعج ومصدكج باي شي اتكولينه.
حجيتلهم كل السالفه ومو بس هاي حتى من حاول يتحارش بيه من جنت وحدي.
بابا حيل اتعصب.
وعافنه وطلع من البيت بس ماما ما خلته
طلعت وراه ورجعته للبيت.
نونو حبي لا تخافين اني موجود مستحيل اخلي واحد يمس شعره منج.
اعرف والله واني ماحجيت لان اخاف عليك وع حمودي.
مااريد اتصير مشاكل بسببي.
بس هذا الحيوان جاي يتماده وياي اهوايه بعد مااتحمل تصرفاته.
بيت ابو عصام.
سمعت ام عصام صريخ روى واصياح اوس.
اجت تركض محد جان بالبيت بس هي وابو عصام طالع.
اوووكف عصام شدا سوي?
يوووم لا تدخلين خلي اموته هذا العار ..
لك عصام هذا اخوك.
يوووم روحي اخذي روى و روحي.
عصام جان جاثم ع صدر اوس ويلكم بوجهه
يعني بالمختصر سوه وجهه خريطه.
بس ام عصام ادخلت وسحبت ابنها.
وكومت اوس دخلته وعالجت وجها.
عصام ماقبل يدخل البيت الا يطلع اوس.
بس ام عصام رزلت عصام وطلبت منه يروح من كدامها.
عصام انتبهه ع شي .
ويييين راحت نور!
شصار وياها!
ركض ع بيت اهل نور وهو محروكه روحه
ما يعرف شيكول شلون يعتذر.
وهم صار عنده شك بـ نور.
الف استفهام وعلامة تعجب كلهم اجو ابراسه .
وكف عصام اباب اهل نور.
واتردد يدك الباب لو يروح.?
ظل حاير لحد ما اخذ قرار سريع.
ودك الباب ....
فتحت ام نور الباب.
سلام خاله ....
وعليكم السلام.
اكدر بس احجي ويه ابو نور اذا موجود .
قصدك ابو احمد. !"
ماكو فرق خاله كلهم واحد الله يحفظهم الج.
اتفضل هسه اصيحه الك.
ام نور هذا منين اجاني بعد شيردون من بنتي.
ابو احمد ابو احمد ...
نعم ..
هذا عصام ايريدك ..
لحظه واكون يمه.
عصام جنت خايف من معرفة حقيقه تصدمني.
او معرفة كذبه جديده.
ماجنت اعرف اصدك منو.
اصدك اوس لو نور?
سلام ابني اتفضل ليش واكف.
وعليكم السلام.
اتفضل ابني استريح.
ام احمد اشو ممضيفه ضيفنا?
اي عيني هسه
عصام : لا عمو ماكو داعي اني بس جاي اعتذر من نور و اروح.
ابو نور: ليش انت الي تعتذر?
عصام : مااعرف احس نفسي اتسرعت وسويت مشكله وهي صارت بالموضوع.
خليتها بموقف محرج.
ابو نور : شوف ابني اذا انت ما خليت حد لـ ابن عمك اني حخليله حد.
لان هاي مو اول مره يتبله ع بنتي.
حجالي ابو نور عن كل سوالف اوس.
ابصراحه من سمعت صدكتهم.
بس جنت احتاج اتأكد اكثر.
اذا شفت عيون نور حتأكد اكثر.
عموو اريد اشوف نور ممكن. "
لحظه وحتكون موجوده.
نور من شفت عصام اجه لبيتنه خفت اكثر بس اطمنت يعني مابي شي.
سمعت بابا يصيحني نزلت ركض.
بابا تعالي شوفي عصام.
وكفت ابابا الصاله وما كدرت اتحرك بعد
عصام جان معصب ومتغير شكله وتعبان.
ليش واكفه ?
ااسفه.
ع شنو اسفه!
مااعرف اني مجنت لازم ادخلك بمشاكلي.
هااا يعني اوس ... وسكت.
شنو كمل?
اوس شنو يعنيلج. ?
انت شتكول?
اني اسالج.
مااعرف شي بس من اول يوم صدفه شافني اوس قبل سنه.
ولحد الان وين ميشوفني ينزل مصيبه ع راسي.
حتى مليت تعبت بعد مااريد اسمع طاريه لحد يسالني عنه.
اني اسف.
لا تعتذر هو شخص مستفز.
و اني ماالومك ع السويته وياه.
تعرف كم مره اني ضاربته?
ههههههه لك اخ افه ابن عمي شابع ضرب منج وانوب اني ادافعلج
حجالي عمي ع كل شي.
نور : لا بابا ليش?
ابو نور : بنتي لازم اهله يعرفون .
عصام : ليش ضجتي لان اني عرفت بالموضوع.
نور: لا لا مضجت بس هيج مااحب ادخلك بمشاكلي.
واني بداخلي اكول مااريد اصغر بعينك
ما اريد يتخربط قميصك بسببي.
ما اريد اشوف شعرك مخربط ومترب.
ما اريد اشوفك وانت معصب احبك
اموووت ع روحك من تضحك .
ما احب احد يزعجك .
بابا نور وين رحتي ?
اني اهنا يمك.
عصام صدكت كل كلمه كالتها
واحس اعيونها اتسولف جانت اتظم سر
شنو سرها وشوكت تعترف.
اني استأذن ...
اخذ راحتك ابني.
وشكرااا ع وكفتك ويه بنتي مااعرف شلون اردلك هذا الجميل .
لا عمو شتحجي ماكو اي شي صار .
انسه السالفه كلها محلوله .
يتبع...
