عشگ-سمره
الجزء 9
بقلم ازهار ذابله.
ظليت حايره ادخل البيت لو اروح وراهم.
اتشجعت وظليت امشي وراهم.
بس بينا مسافه وجنت اختل وره الشجر بس من دخلوا بالبستان.
خفت ماكدرت ادخل وراهم.
لنصف الطريق ورجعت استوني درت وجهي.
واسمع الصرخه.
جانت صرخه مرعبه ..
ركضت بدون ما التفت خلفي واشوف شنو هذا الصوت.
بس اكيد همه يصدرون هذا الصوت مااعرف شجانوا يسون.
رجعت مهدود حيلي من الخوف.
وجه بوجه بـماما ...
وين جنتي?
اممم جنت يمم... يم روى.
لا مجنتي يمها.
لعد وين جنت?
هاااا اتساليني يعني.
ماما اني جنت يم روى وبعدين رجعت
وشفت الغروب .
اتعرفين احب اشوف منظر الغروب يم التله الوره البيت.
اي اعرف وهم اعرف اني مانعتج.
اسفه هاي اخر مره بلييييز مامي.
يله بله دلع هاي اخر مره.
اوك.
صعدت وكلبي يخفق من الصوت السمعته شي مرعب.
منو هذا هيج يصرخ وليش من دخلو البستان طلع الصوت.
الف سؤال و سؤال اجه براسي.
انتبهت الشباكي مقابيل البستان
كلت لازم اراقبهم واشوف اشوكت يرجعون.
نزلت اتعشيت وبالي يم الشباك.
وبسرعه اتحججت بالدراسه وصعدت.
وحظرت كوب كهوه حتى لا انعس.
وفتحت الشباك وخفتت الاضائه.
وره ساعه تقريبا او اكثر
شفت اشباح لـ ثلاث اشخاص وجانو يضون طريقهم بالافلاش مال الفون.
بس من اقتربوا شفت اكو واحد منهم بالوسط مثل المغمى عليه.
وهمه يتجوله ويمشي بخطوات متعبه وبطيئه.
فاتوا وماكدرت افرزن منو بيهم الي جاي ايتجوله.
ربطت ويه الصرخه كلت معقوله هو هذا نفسه الصرخ ..!
خلص الليل جان يوم غامض وغريب.
كعدت متاخره من النوم وبكسل بالكوه فتحت اعيوني.
رحت ع الشباك وفتحت البرادي وفتحته
اريد اجدد هوه الغرفه.
وانصدمت بالي كدامي.
جان عصام يركض وره بيتنه يم التله الي احبها .
لان مقابيلها مساحه طويله مثل الشارع.
وهو جان لابس ملابس رياضه.
اول مره اشوفه مو بالقاط.
جان جداا وسيم وشعره ممرتب امزيده جاذبيه .
ظليت صافنه عليه اني اشوفه بس هو ميشوفني.
الصوت الي دائما ينهي احلامي الورديه.
نووووووور عساني اموت واخلص منج.
هاااا ماما اليوم شكو من الصبح.
ولج ياصبح ثوله شوفي الساعه.
اوووه ماما الساعه بـ سبعه الصبح غير عطله شعندي كاعده من الصبح.
ولج هي العطله انطوه الكم للنوم لو لدراسه.
ماما مو ادرس كل يوم بعد شكو.
يعني ماعندج شي تعالي ساعديني بالتنظيف.
ههههههه ماما عندي اريد اقره.
شوف حيل البنات من توصل يم الشغل اتريد تقره.
ماما صدك بس خلي اتريك جوعانه.
اي الريوك حاظر تعالي انزلي مو من فوك وتحجين اعيوني انحولاً.
يمه فديت اعيونك اني شلون لون شايلات يا خرااابي.
يمه منج شكد نصابه يله كافي وانزلي.
حاظر يا باشه تحت امرك.
هاي شلون ابتلي بيها من الصبح.
بعد مااحجي. ...
نزلت واني اضحك ع تصرفات امي
شلون تستغلني بس حتى اقره.
اتهددني بالشغل.
كملت ريوكي واني بالي كله يم الوسيم الي يلعب رياضه جوه شباك غرفتي.
ولحظه اتوقفت عن الاكل واعيوني برزن اكثر نظره مصدومه. !
لك اني شكد غبيه هو من شوكت يلعب رياضه اهنا.
وليش هاي اول مره اشوفه جنت دائما افتح الشباك مااشوف احد.
وبعدين عايف حديقتهم الي يسرح بيه الخيل ولا حكني ع التله.
خلصت اكلي وغسلت المواعين.
وساعدت ماما بتنظيف.
وكملت الغده.
اليوم اجازه عصام يعني اليوم يشرحنا رياضيات .
كلت خلي اقره رياضيات خاف يسالني
ومااعرف اجاوب.
قريت واكو كم مسأل ماعرفتهم اشارت عليهم.
وبدلت حتى اروح لعصام.
قصدي لـ روى ..
ادور شي مناسب بخزانة ملابسي.
كلهم قديمات واليوم ما اريد البس جينز
اريد اغير.
بيت ابو عصام.
عصام جنت كاعد اني و روى منتظرين
نور تجي حتى اشرحلهم رياضيات.
بس نور اتأخرت واني كاعد ع اعصاب اريد
بس اشوفها مشتاقلها .
طخيت راسي اشويه.
واشوف اكو ابنيه فاتت شفت بس رجليها
جانت لابسه فستان ازرك.
رفعت راسي اشويه اشوفها هاي نور.
بس جانت مختلفه اتبين اكبر يعني شابه
مو مثل كل يوم اتبين طفله.
جانت لابسه فستان ازرك صدره مكصوص مثلث. والخصر بي شريط ابيض
ومن الخصر للاسفل يكون واسع مثل بدلات الاميرات.
وقصير مغطي تحت الركبه.
وبالحافه هم شرايط ابيض.
والحذاء ابيض عالي.
وشعرها مكورته كله بشكل فوضوي
وكم خصله متمرده ونازله ع وجها.
جانت تمشي بطء.
بس مو ع الارض جانت ادوس وسط كلبي .
نور : سلام.
روى : هلووو نونو اتاخرتي.
عصام : مماشاء الله .
نور: نعم .
عصام : وعليكم السلام.
يله اتاخرنه بسببج خلي انكمل الدرس .
نور: اسفه بس ساعدت ماما بشغل البيت .
وكملت واجيت.
كعدت مقابيل عصام وروى يم اخوها .
جان يشرح ويخطف نظرات اعرف يمكن استغرب التغيير .
عصام هي كعدت اكبالي واني كل تفكيري بيها .حتى نسيت الرياضيات كلها.
وجنت اشرح واغلب الاوقات اباوع عليها .
خاصتن من انطيهن مثال ويكتبن الحل .
جانت تكتب بايد وايدها الثانيه جانت اتحارب بيها خصل شعرها الي حقدت عليهن.
جانن يصيرن يم عيونها ويزعجنها .
ومن لحظتها قطعت وعد ع نفسي مااخلي شي بالكون يزعجها.
لو ما اخاف اتفشلني جان اني وخرت هذني الخصل .
وبين ما اني احل التمرين سمعت صفاره الي اكرها واكره صاحبها بس الي مقابيلي
فرحت وابتهجت.
بس حاولت اتكون طبيعيه لان اخوها موجود.
اوس: هلا ببن العم .
عصام : هلا اوس.
اوس : غير تحجي اتكول مكعدها يمك وبدن متأخذ رأي شنو هي تايهه .
عصان : شنو جاي تحجي عن منو بالضبط.
اوس : اكيد عن حبيبتي نور .
نور : لك منو تقصد اني كم مره كتلك لا تزعجني .
عصام : كافي اوس شنو السالفه تره نور بنت صديقنه يعني مو غريبه لا تزعجه .
وابوها وصاني عليها وهي امانه عندي
مستحيل اخليك تتجاوز حدودك بالكلام وياها.
روى : اوس انت اكيد تتخيل شنو اتحب نور. هي شنو بيها مميز .
اوس : حبيبتي رورو مااكدر اكلج شنو. يميزها بعدج اصغيره.
عصام : خلص وصلت حدها وياك الظاهر احترمتك اهوايه.
يتبع...............
