عشگ-سمره
الجزء5
بقلم ازهار ذابله.
حاولت اظم التلفون ع امي .
رجعت كلشي طبيعي وكملت المواعين.
وصعدت بدون اي ضجه.
حتى لا تلاحظ ماما التغير! "
صار العصر واسمع امي اتصيح وادور عل تلفونها ...
نزلت ركض هاااا ماما شكووو?
ولج نور تلفوني ضايع ومنتظره مكالمه مهمه من ام عصام.
اهدي ماما هسه اندوره.
شنو اهدء هاي شلون سالفه عيب من المره.
اني هسه ادوره الج انتي دووم مضيعه فونج.
هاااا هيج صارت لو انتي الي تاخذينه تحجين ويه صديقاتج ومترجعينه بسرعه اريد تلفوني يله.
اوك مدام .
اي سوي نفسج خدامه مساحه مو مشكلتي والمسيح حتشوفين مني شي ميعجبج.
هاااا ماما شنو حنيتي لدينج القديم?
شنو ليش الاسلام ميحلفون هيج!
لا منحلف.
هههههه روحي جيبي التلفون وبطلي سوالفج.
اني اندل الفون بس لازم اخذلي فره حتى لا تشك.
صعدت ونزلت وبعدين فتت للمطبخ
وطلعت الفون جنت ضامته بالكاونتر.
همزين ما اتصلت عليه لان بابا جان طالع
وحمودي ماعنده رصيد.
اووووف خلصت من هاي المشكله رجعت الصوت.
ماما ماما هذا الفون جنتي مخليته بالمطبخ.
اوووه شلون نسيت صح جان بالمطبخ.
بس اني دورت بالمطبخ ومالكيته.
ماادري اني عندي دروس اروح اراجع.
اممممم يله يمكن ما انتبهت.
صار الصبح رحت للمدرسه واني مفصوله
اخذني بابا وحجه ويه المديره.
وقبلت اترجعني.
اوس جان لاف راسه بشاش ومنتظرني اباب المدرسه بس مكدر يحجي لان بابا وياي.
و اول مره يصير رجال وميشتكي عند امه.
خلص الدوام ع اعصابي هاي اخر سنه الي.
والامتحانات ع الابواب يعني بعد اسبوع-
ونعطل .
طلعت كـ العاده انتظر بابا وهم اتأخر.
واني واكفه واراقب المنظر بعيون فضوليه.
جانو الولد يدخلون المدرسه لان البنات كمل دوامهم.
والبيوتهم قريبه ع المدرسه يجون متأخرين وع راحتهم.
واكو اطفال يلعبون يم المدرسه.
ماظل احد من دوام الصباحي بس اني.
شفت اوس اجه من بعيد بدون سياره هل المره.
ويصفر بطريقه مستفزه مثله.
جان لابس جنس ازرك وقميص اسود.
ومخلي اديه بالجيب مال البنطرون.
وابتسامه غبيه تملي وجهه الغبي.
مرحبااا يا حلوتي.
لا هلا ولا مرحبا.
ههههههه مثل العسل من حلكج فدوووه
كل ماتصديني اظل مصر عليج.
اتضربيني ولا اهتم اجروحج دووه.
لك ما تطلع من راسي والله ما ناقصتك.
امممم يعني اتفكرين بيه?
اي طول الوقت افكر بيك وخاصتن البارحه جنت انتظره امك تجي تشتكي لان فشختك .
حجيت هذا الكلمات حتـ استفزه واعرفه هو شنو بنظري هو مجرد شخص غبي وحيوان وطفل مغرور.
اوس : لهنا حدج شنو اتقصدين تره هذيج المره مو اني كلت لـ امي ع موضوع الجرح الي بوجهي.
نور : لعد منو?
اوس: اخوي جنت احجيله عنج وسالني وكتله هي جرحت وجهي.
وشلون امك عرفت?
اكيد هو كالها.
نور: هسه شتريد?
اوس : اريدج.
نور: تحلم انك بس تلمسني مستحيل الي ابالك ايصير تفهم شنو جاي احجي.
اوس : بس اني احبج.
نور : واني مااحبك ومستحيل اتقبلك تعرف ليش لان انت بعيني حيوان اتهجمت عليه واستغليت ضعفي لان ابنيه وحدي بالبيت انت متعرف البينه اذا واحد حاول يأذيها مستحيل بعد تتقبله.
اوس : اسف والله مو قصدي بس حاولي تنسين كل الي صار اوعدج ما ينعاد.
نور: اعذرني مااكدر لان ماعندي ثقه بشخص مثلك - لازم بكل شي علاقه اكو ثقه. واني ماعندي ثقه بيك ولا اريد اتكون بينه اي علاقه.
وارجوك اتركني وشوف غيري ماافيدك.
اوس : انتي هاااا لج انتي اتحلمين اعوفج وحتشوفين شنو اوس يكدر يسوي.
جان اوس يحجي واعيونه حمر ويضرب بالحايط الي واكفه اني بصفه ومرتجه عليه يضرب ويصيح.
يتبع....
